Yume no don (Closed)

朋友最近喺土瓜灣置業，我哋就喺附近嘅夢の丼食個晚飯。餐廳唔算好大，燈光柔和，所以都幾有日本居酒屋嘅感覺。我哋叫咗兩個丼飯，前菜係雜菜沙律，加有粟米，配上柚子醋，酸酸味味幾開胃。另外再有麵豉湯。首先我哋揀咗花錦魚生丼，配料包括有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，呢個價錢都做到咁足料，性價比真係高。另外就揀咗佢哋嘅招牌菜式夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。用料新鮮又高質。另外我哋仲揀選左一啲刺身同小食。店員推介我哋試石垣魚薄切，果然肉質彈牙，色澤晶瑩剔透，啖啖新鮮。黑鯥嘅油脂就更加豐富，味道鮮甜。慢煮鮑魚配肝醬用上慢煮嘅方法炮製，所以仍然保持鮑魚嘅口感，而醬汁就夠入味。蟹皇醬燒蟹膏豆腐味道就最驚喜，佢用嘅豆腐好滑好香，再放上蟹皇醬同蟹膏，然後再用火槍燒製而成。最後每人食一件左口魚邊壽司，最鍾意左口魚邊嘅口感，再掃上醬汁，味道就更佳。…Read More

人一定要有夢，為咗體現呢個理念（同滿足下港女心），生日我決定要食呢間特別嘅餐廳！位於土瓜灣嘅夢の丼，由地鐵站行到餐廳大概6至8分鐘。餐廳裝修以深色日式木系為主，有靠近師傅嘅長形壽司吧枱，如果三五知己一齊黎亦有大少少嘅方枱。等候菜餚期間，店員會先送上沙律、味噌湯作為開胃菜。夢の丼（$298）當然要叫返個招牌丼飯，有三文魚蓉、三文魚子、帆立貝、牡丹蝦、海膽、松葉蟹、右口魚邊，個人尤其鍾意三文魚蓉，三文魚蓉有加埋紫洋蔥稍作調味，好惹味！花錦魚生丼（$188）繁花似錦，呢款丼嘅配料款式超多，有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉，口感同味道都超豐富，其中玉子漬撈埋落飯一齊食，真係好食到停唔到！蟹膏豆腐（$48）個人超推薦呢款前菜，幼滑蟹味玉子豆腐加上蟹膏同蔥，鮮味超濃郁！磯燒帆立貝（$68）帆立貝配上脆紫菜同少少七味粉，帆立貝大大粒超鮮美，表面微炙，肉質厚實彈牙！左口魚邊壽司（$48/件）油份幾多，魚肉上面鋪有木魚絲，口味比較濃。赤貝刺身（$68/份）果然係廚師推介，橙紅色嘅新鮮赤貝鮮甜爽脆，好想再encore多幾次！池魚刺身（$78/份）通常池魚會比較有咬口同腥，但呢度配以柚子醬油加蔥，易入口亦更鮮甜！整體用餐體驗幾好，店員超有禮貌同nice，點餐時會介紹當日推新鮮刺身，佢係將成塊黑板拎到你面前，好有誠意，用餐期間仲會不斷留意客人茶杯有無需要加熱茶或者其他需要，非常加分！…Read More

今日係我同仔仔第一次一齊搭巴士紀念日兩週年，就喺我地返工附近搵咗間靚靚仔仔既餐廳食飯一收工就過黎所以一入黎好有包場感食完之後覺得呢間好高質素，原來有午市！等我隻股票升返一定會飛的黎食lunch。有二人套餐，其實好抵食，雖然我窮但又想洗錢，當然就散叫 日式前菜一定有的麵豉湯，夠曬濃同熱，仲有d蜆肉仔頭盤叫左池魚同矢柄刺身矢柄喺香港幾少食，今次第一次試，只沾了少許芥末為求試真d口感爽甜，肉質緊緻，魚油脂味豐富而不帶腥，超好食，見佢應該係時令野，如果黑板上面有到貨一定一定要試！！左口魚邊壽司魚片甘甜，經火灸燒一下之後魚油香滲出，加埋軟糯壽司飯同柴魚片，唔通呢d就係叫一分錢一分貨蟹王醬燒蟹膏豆腐呢舊野係我睇完圖堅持要叫，拎埋獎喎唔係唔食嘛。本身仔仔仲講緊話豆腐邊洗食但食完都收聲左。上面d蟹膏食落非常綿密，少少都唔腥，只有滿滿既蟹鮮味配埋汁燒軟滑豆腐超襯。呢個價真係好良心花錦魚生丼主食到～～呢個飯本身一上仲有少少失望，好似好少又碎咁點知用匙rr下，d料愈r愈多，愈開心係吉穿隻蛋撈勻個下，然後唔知點解個飯係有陣甜味！個隻甜係有質感個隻甜配埋d魚生配料係超好食，詞窮，總之好好食。呢個就係招牌飯夢の丼，兩隻帶子好巨魚生仲有三文魚，三文魚子，蝦，海膽，左口魚乜乜乜下面係橙醋，抱歉地我心急就黎飲曬先影相店員貼心地提醒話最好飲兩啖呢個橙醋先食個丼所以我個口充滿醋味之下開始食個飯，我覺得撞埋一齊係有d化學效果既，但話十分明顯又未至於，可能係因為個飯本身已經好好食每一款魚生都好新鮮，話係招牌菜都不為過總括係我前面食得太飽所以呢個飯好多都俾曬仔仔食順帶一提，個酒menu好吸引，但近排我一飲酒就就黎死咁款所以無掂下次又求其搵個紀念日黎食呢到再食餐好…Read More

夏天炎炎，最啱食魚生，之前一直都想來土瓜灣試吓呢間魚生丼飯，今日終於可以嚟試吓 約咗朋友收工6:30嚟食，裏面已經有幾台客。坐低打開Menu，花多眼亂，都研究咗一陣，因為樣樣都好吸引 結果朋友決定一人叫一個魚生飯share：夢之丼同花錦魚生丼😛 當然都要試吓佢嘅是日推介：深海池魚同埋矢柄薄切😍由於肚餓嘅關係，再追加左左口魚邊壽司、磯燒帆立貝、柔煮鮑魚兩個魚生飯都相當吸引，首先食咗花錦魚生丼先，當中有三文魚、白身魚、赤蝦、左口魚邊、金蟹子、三文魚子、櫻花蝦、蟹膏豆腐、玉子、青瓜、松葉蟹、蜆肉，淨係睇內容都知相當豐富一啖咬落，夾雜着各種口感同鮮味，每一啖食落口絕對有滿足嘅感覺😝🫰🏻相當好食食到第二個丼飯，呢個夢之丼入面有三文魚蓉、三文魚子、帆立貝、牡丹蝦、松葉蟹、左口魚邊，入口十分creamy,帆立貝同牡丹蝦一食入口就知好新鮮，海膽亦都相當鮮甜😋帆立貝有火炙過，入口外面好香，入面依舊新鮮柔軟，配合紫菜食，味道唔錯池魚刺身好鮮甜，但矢柄刺身相對仲更加好食，配合少量魚子同埋香蔥，加上特製嘅汁，帶出咗佢嘅鮮味柔煮鮑魚都煮得好入味😌最後就係左口魚邊壽司，佢有火炙過，所以食起嚟會有啲啲油分，好香口，有啲似食緊拖羅魚腩嘅感覺，好味有驚喜，咁樣豪食法買單都唔洗$1000，抵呀再encore‼️…Read More

深海池魚刺身($78)，採用魚腩最肥美既部位，肉質顏色呈鮮嫩粉紅，肉身軟腍，近皮位置肉質結實，兩者結合一齊咀嚼口感豐富，配麵豉醬用鹹食方法幾創新，但確實都幾夾。赤貝刺身($58)，超爽口，每咬一口都有“索索”聲感覺，唔捨得一口食晒，慢慢逐少逐少細味。磯燒帆立貝($68)，先食淨食帆立貝一少口，肉質鮮甜而且炙燒過帶點焦香，跟住再用紫菜包住食，真正外脆內軟既感覺，加上調製過既辣粉，辣度適中唔會太淡冇辣味，亦唔會太強搶過帆立貝既鮮味。左口魚邊壽司($96)，魚既油脂含量非常高，入口有溶化既感覺，非常肥美，木魚碎有中和作用。蟹膏豆腐($48)，細細粒一口一粒，濃郁既蟹膏味在口腔徘徊，豆腐同樣係炙燒過帶焦香。花錦魚生丼($188)，一碗丼飯已經用上左13款材料，全部切成絲或粒狀，所以係攪拌後進食，咁就每一啖都幾乎可以食晒咁多款材料。夢之丼($298)，食哩個丼飯前，店員推介可以先飲一少口橙醋，我覺得有助清除口腔餘韻味道同埋有d醒胃作用，夢之丼用左7款材料，每款材料都光澤證明新鮮上盛，而且魚生都係厚切啖啖肉好肥美，當日牡丹蝦轉左大拖羅，色澤呈鮮粉紅，油脂一入口已經即刻溶化，海膽顏色亦都呈鮮豔，味道清甜無苦澀味。…Read More

男友知道我呢排做野辛苦 於是帶我去呢間日式餐廳食好野減一減壓 😌的確係冇介紹錯😍😚前菜有沙律 🥗跟麵豉湯 值得一提係佢個麵豉湯加入左不少嘅蜆肉🥳增加其鮮味同咬口👍1. 左口魚邊壽司🤩真心大推呢款壽司！一定一定要趁熱食😙首先佢既油脂非常豐富 灼燒過之後更帶出好濃烈嘅魚油香味 😍加埋木魚碎 一入口即刻化開 其香味喺口腔停留咗好耐 齒頰留香😋 嚟到依度必點 幸福感max 2. 深海池魚刺身肉質非常新鮮 ☺️因為夠新鮮所以先爽口彈牙 仲要非常之厚🥳食到啖啖魚香之後再散發出鮮味 適合係主菜之前食🤪3. 🦪室津生蠔是兩隻超大size嘅日本室津直送🇯🇵生蠔 😍厚肉到爆😜 即叫即開 喺視覺上已經係衝擊 食落口爽滑同埋之後再帶出甘甜😉4. 蟹膏豆腐🦀要一呈上就趁熱即食！豆腐切成一口size非常方便入口 😜滑溜既豆腐+淋上濃味既蟹膏醬 真係一試難忘😌又唔會好膩5. 花錦魚生丼極級豐富嘅食材 當中有 三文魚粒+白身魚+右口魚邊+赤蝦+勁大粒既三文魚子+金蟹子+櫻花蝦+蟹膏豆腐+松葉蟹+甜蛋+蜆肉+青瓜粒！ 一口落口食可以食到咁豐盛既新鮮食材 果然好滿足😜且丼上有隻日本玉子漬，撈埋一齊食仲正6. 夢之丼嚟到夢之丼當然唔少得叫佢果鎮店之一既夢之丼😙 同樣地食材好豐富包括左三文魚蓉+三文魚子+帆立貝+海膽+牡丹蝦+松葉蟹+右口魚邊不過當日冇海膽 變左吞拿魚蓉 都係一流既享受😎且叫呢個丼仲會配有橙醋😉待應表示可以飲一口橙醋 同埋把橙汁點在帆立貝/ 牡丹蝦上 令其鮮味再出啲！ 的確 咁樣食令其味道更較出☺️很清新既食法值得一提係待應服務態度非常一流 店員姐姐會主動問客人需要同 refill茶 亦會簡單介紹菜式同食法 整體環境清靜同乾淨 刺身海鮮 非常新鮮 係日本空運過嚟！ 雖然價錢比較中上 但一分錢一份貨 質素絕對值回票價 一定會再黎encore ！…Read More

深海池魚刺身($78)，刺身厚切，入口軟腍得黎黎帶少少爽口，配埋店鋪自製既調味醬，有輕微辣味，兩者都好夾。法國蠔($38)，size細，但海水味重，蠔既鮮味較突出，食材係店家直接從當地入貨，沿途運輸品質仍然保存得好好。蟹皇醬燒蟹膏豆腐($48)，蟹膏味道濃郁，一直停留在口腔，好香口。磯燒北海道珍寶帆立貝($68)，哩隻帆立貝非常大，表面經過火炙處理外層帶少少燶既焦香，用脆口嘅紫菜包住黎食，口感更豐富。左口魚邊壽司($48)，入口熔化，魚既油脂甘香味強，壽司頂上既木魚碎，有助緩和口腔裏既油膩感。夢之丼($298)，用既係貴價食材，帶子飽滿大粒，海膽又滑又鮮甜，松葉蟹用黎撈飯食好正，另外仲有附上一杯橙醋，店員表示可以先飲一少啖，再倒入飯中攪拌黎食。花錦魚生丼($188)，材料眾多，主要切成角粒或條絲狀，連同蛋黃汁，將全部一同攪拌撈勻，每一口都食到全部材料，口感百感交集。…Read More

炎之丼即使食唔到生冷野，其實可enjoy到好東西嘅。蟹膏豆腐都係第一次食，感覺都幾柔軟，雖蟹味唔係太重。花錦魚生丼幾值得讚嘅丼。第一次見有櫻花蝦作拌飯中的「飯素」，可以講係幾創新，第一次見。但係係軟綿嘅飯之中有碎碎嘅口感真係幾得意，令人食完想食；就係雪糕中加入Oreo一樣咁正。除咗正常嘅角切魚生粒，仲有小蜆仔、玉子丁粒。Overall魚生丼用赤醋飯做飯底，感覺幾新鮮，丼果然係招牌菜。磯燒帆立貝炭燒味道都幾香濃，吾知係咪真係咪炭火燒。再包住紫菜係enrich咗個口感嘅。但紫菜就唔係最脆嘅。柔煮鮑魚柔煮就真係煮到幾soft，味道唔係太濃烈，上面就算加咗鮑魚嘅肝臟做嘅醬料，都仲係柔軟清甜果種Style.左口魚邊壽司火灸燒完就完全迫出魚本身嘅油脂，就算吾加豉油都夠哂rich.深海池魚刺身厚切都一個點，比起硬幣🪙嘅闊度更加厚。雖然佢唔係油脂取勝，而係新鮮清甜嘅路線。魴鮄魚純粹聽到個名就想試下。顏色色澤都幾似池魚，不過，配搭就係加埋酸辣嘅汁醬，感覺就有啲吾同。應該蛋白質就多啲，咬落硬少少。…Read More

以前住土瓜灣既時候已經好想試呢間日式刺身丼店,可惜仲未有機會試就已經搬走左.難得今日約返住土瓜灣既朋友去附近食飯,終於可以一嚐心願.店內走日本木系風格,以暖光照射住帶點溫馨柔和感.夢之丼店內招牌特色丼,丼飯既刺身豐富豪華,同名一樣丼飯充滿仙氣又夢幻.店內所用既壽司醋飯都用上赤醋飯.相比起白醋,赤醋味道更濃郁香醇,酸味雖然更濃但出乎意料地與刺身油甘香味更搭酸,充分突顯及提升刺身自身鮮味.醋飯粒粒晶瑩圓潤,Q韌又帶點微黏感.附夢之丼會送上一杯檸檬醋,目的係希望品嚐丼飯前可以refresh一下口腔先品嚐到刺身原鮮味.夢之丼內刺身:▫️三文魚蓉微微炙燒過帶點焦香,帶一陣三文魚甘油香.▫️三文魚子粒粒飽滿通透,咬開卵內裏充滿住魚子鮮甜既精華,甘甜中帶點醬油鹹香感.▫️帆立貝同樣厚身甜美,入口彈牙鮮香.▫️海膽鮮橘色既海膽口感香濃creamy,甜味中帶點甘香.▫️牡丹蝦蝦肉厚身極為鮮甜細滑,蝦頭帶住既蝦膏豐腴甘香.▫️松葉蟹松葉蟹鮮味突出,肉質香滑細緻.▫️左口魚邊左口魚相當甘香,經炙燒過後魚油味更香濃甘香.入口唔需要多吐嚼已經係口腔內慢慢融化.花錦魚生丼當日咁啱撞正餐廳做緊promotion既刺身丼優惠！全以角切刺身形式放上壽司赤醋飯面上,顏色豐富而且鮮豔.內裏配料比夢之丼款式更豐富:有三文魚,白身魚,赤蝦,左口魚邊,蟹子,三文魚子,櫻花蝦,蟹膏豆腐,青瓜,甜蛋,玉子漬,松葉蟹及蜆肉.內裏配料全部都經過調味,基本上唔需要再額外加添醬油.各款配料夾合一齊帶出唔同層次既口感及鮮味.中間既玉子漬完美地為整碗魚生丼既口感及濃郁度提升.左口魚邊壽司左口魚油花豐富香醇,入口即融既口感相當幸福.鯒魚刺身第一次食呢一款魚刺身！魚身好厚而且膽身又清爽.輕輕炙燒過令魚香更突出又甘甜.其實餐廳每日都有特選刺身及食材,所以下次去或都又有機會發現新刺身款式.深海池魚刺身色澤光鮮明亮,相堂新鮮而且充滿魚甘香.魚肉身帶彈性質感唔會霉.磯燒帆立貝帆立貝相當厚身.經磯燒過既帆立貝雖然外在帶點焦身,但入口毫無焦苦味,反之充滿帆立具鮮甜鮮味,配上紫菜令鮮味更突出之餘亦加增一陣鹹香感.蟹膏豆腐將豆腐切成細骰仔般一口size既形狀,再係豆腐上鋪上一層蟹膏及蔥粒賣相已經相當誘人🤤.豆腐用上玉子豆腐,豆香中帶點蛋香.經微微炙燒後令味道更濃厚帶點醺香.蟹膏味道醇香濃郁,味道唔會腥,口感稠密.…Read More

地鐵站開通咗，連餐廳都多咗呀！今次黎到土瓜灣呢間高質嘅日本餐廳，魚生丼嘅選擇好多，仲做緊promotion 呀 😍 最難得嘅係呢區竟然有廚師發板呀 👏🏻夢之丼 📍$298真係有太多魚生飯選擇，我哋最終都係揀咗夢之丼🤣 有三文魚，拖羅蓉，海膽，三文魚子，牡丹蝦同帆立貝，用料新鮮豐富，而且日本米本身都有豉油醃過，所以唔需要點太多豉油都好夠味，個帆立貝仲可以點啲橙醋，好開胃柔煮鮑魚 📍$68鮑魚切咗一片片，口方便進食，而且上面加咗鮑魚膏，令到味道更加鮮甜磯燒帆立貝 📍$78煮得啱啱好，而且好大件，連埋塊紫菜一啖咬落去真係好滿足左口魚邊壽司 📍$96燒過嘅左口魚邊啲魚油滲哂出黎，好肥美呀 深海池魚刺身 📍$68魚味濃郁，而且餐廳好慷慨，每件刺身都好厚架 鳥貝 📍$58個樣有少少似八爪魚，不過更爽口，更彈牙，仲要係當日嘅飛機貨，所以特別新鮮架花錦魚生丼📍$94而家呢個魚生丼做緊半價呀！好抵呀！有好多款式架：三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉 😱😱 超豐富呀 😍 咁嘅價錢，咁嘅質數，去邊到搵呀 …Read More