Chuan Shao (Closed)

渡船街不嬲都係美食集中地，今日就同大家一齊嚟到川燒食串燒啦！餐廳係日式X川式設計，唔單止外觀好似日式居酒屋，枱上都有辣椒粉同川味串燒必備嘅孜然粉！同時都因為集合川式&日式，串燒都勁多選擇啊😍🌟 燒日本廣島蠔 $78/2隻蠔大大隻🦪一啖絕對食唔晒！餐廳用咗蔥蒜作調味，仲有脆卜卜嘅三文魚子增加口感，不過都無阻蠔嘅鮮味！🌟 燒特濃芝士五花腩 $48當炙燒芝士遇上邪惡嘅五花腩😈係爆香油脂感同濃郁芝士味🤤食完再減啦！🌟 燒法式鵝肝多士 $88鵝肝大大塊，多士焗到好脆，加上自家製醬汁，甜甜哋中和鵝肝嘅油膩感～🌟 燒羊架 $98/2支餐廳好貼心咁比咗兩款醬，有mustard &薄荷醬，羊架好多肉，羶味出～🌟 燒手打免治雞肉棒 $46日式居酒屋一定會嗌，蛋加免治雞肉棒令到口感滑順，仲有甜甜哋嘅醬汁加晒分😋😋🌟 燒厚切牛脷心 $58爽口牛脷又多汁，同牛打咗個開心嘅茄輪🫢🌟 燒豬頸肉 $38燒得好香好脆身，好啱送酒～🌟 燒豚肉荔枝卷 $28大推大推，原本使用豚肉片就無五花腩咁淋～但係！加完荔枝之後超juicy!!!好好食😍🌟 炸芝士年糕 $36年糕煙靭，芝味濃🧀️每次必嗌！🌟 黑松露腐皮溫泉玉子多士 $36呢個好特別！腐皮炸到脆卜卜仲有溫泉蛋喺中間～多重口感你絕對估唔到！仲係限量發售，賣完就無啦～🌟 燒韭菜 $28 / 🌟 燒油麥菜 $28串燒仲係要嗌菜呃自己會健康啲😛用孜然粉作調味真係超惹味！食菜真係又健康咗（好似係）🌟 燒雙重芝士牛油果 $28無諗過牛油果同芝士都好夾！牛油果軟綿，芝士有邪惡拉絲😋🌟 川香肉碎燒茄子 $52同出邊落孜然粉嘅茄子完全唔同，呢個用豆瓣醬炒香肉碎，再加落去皮茄子嗰度，特別惹味！🌟 梅酒 $48/杯梅酒要加冰！可以飲到梅酒最純粹嘅原味🫶🏻同時冰溶咗之後濃度更低飲落口感更滑順。🌟 Highball Whiskey Coke $68去日本居酒屋第一杯必飲！第一杯充滿可樂氣嘅可樂溝淡咗Whiskey苦味，其實好易入口！…Read More

今日嚟佐敦食串燒，柯士甸站A出口行幾分鐘就到，餐廳環境乾淨企理，餐牌選擇有好多，海鮮類別特別多選擇，唔只串燒，仲有多款特色烏冬炒飯，唔使驚食唔飽😜我嚟到嘅時候仲係6pm, 之後去到7:30黃金時間已經坐滿晒人～燒鮮白鱔 $58🤩白鱔炭燒之後，皮非常香脆，肉質細嫩彈牙，好鮮味，配上照燒汁燒完之後仲有一陣焦香味～🦑汁燒原隻魷魚筒 $72😍好大隻，燒到好香，配上特製燒汁好惹味，入口鮮味，爽口彈牙，咬落完全唔韌👍🏻燒多春魚 $30多春魚燒得好香脆，魚春好香唔會有苦味～汁燒日本扇貝 $58扇貝好大粒好厚身，肉質鮮甜，帶子裙邊爽脆，配上日式醬汁好惹味～🦐蒜蓉燒大虎蝦 $78虎蝦好大隻，虎蝦爽口彈牙，啖啖肉～ 可以揀蒜蓉或者芝士燒，加蒜蓉燒得好香，香濃蒜蓉味帶出虎蝦嘅鮮味～燒腐皮黑松露海鮮卷 $46呢款創意料理係用腐皮包住海鮮卷再加黑松露醬，外面腐皮燒到好酥脆😋，裏面海鮮卷爽口彈牙，再加上香濃嘅黑松露醬超夾，必食之選👍🏻🍳黑露燒腐皮溫泉玉子 $36又一款創意料理，腐皮包住半熟嘅玉子，咬落去香濃蛋香味配上黑松露醬都幾特別～🐓燒日本雞胸軟骨 $28/串同一般雞軟骨唔同，採用雞胸位置更爽脆，而且燒得好香，火候控制啱啱好～燒花枝丸 $28/串花枝丸超大粒，外面燒到好香脆，裏面keep住爽口彈牙，加咗少少蜜糖醬汁好香甜～燒法國鮮露筍 $28/串蘆筍切開左方便食用，新鮮爽脆～🍆川香肉碎燒茄子 $48食落好似魚香茄子，肉碎爆香左再加蒜蓉好香，燒茄子切開咗方便食用，茄子口感好林好入味～🥒燒芝士翠玉瓜 $20翠玉瓜爽脆，配埋半溶燒芝士鹹鹹地都幾夾～川燒豆腐 $22豆腐好大件，外皮炸得好香脆🤩，咬落去好軟熟又熱辣辣，配埋泰式甜醬同木魚絲非常夾，推薦👍🏻🧀日本一口芝士 $36外面炸到好酥脆，咬落去嘅時候小心被芝士燙傷，裏面芝士好香濃creamy, 一口一件開心share～🦀日本蟹肉炒飯 $128唔止串燒，估唔到炒飯都幾出色，上碟熱辣辣出晒煙，米飯吵到粒粒分明又軟熟，醬汁均勻，中間食到切碎嘅椒絲同蟹肉～🥤凍竹蔗茅根/蜂蜜柚子茶通常食串燒都係飲凍嘢或者啤酒，呢度嘅酒類同飲品都好多選擇～我叫咗凍竹蔗茅根可以下火解膩，呢度都有熱飲，天氣凍飲番杯柚子茶潤吓喉夠暖胃～整體食物質素都好高質，上碟速度超快，食物保持熱辣辣，食物種類豐富；服務態度殷勤有禮，店員會主動推介菜式，又會主動收拾碗碟；價錢合理，地點方便。…Read More

近著柯士甸站一帶愈來愈多小店，其中這間串燒店的價錢非常親民，主打秘製特色四川及日式串燒，超過百款串燒選擇，均即叫即燒特別新鮮，難怪晚市時段全店滿座。燒鮮白鱔 - $58整條厚厚的白鱔肉好嫩滑細膩，逼出豐溢的魚脂香，不帶魚刺及腥味，好鮮甜。燒八爪魚鬚 - $24鮮八爪魚特別爽滑彈牙，魚鬚邊位特別酥脆。燒日本廣島生蠔(兩隻) - $68肉質飽滿的廣島蠔蛺味濃郁且口感滑溜，拌蒜蓉及爽脆的蟹籽提鮮。燒日本雞皮 - $28肥美的雞皮燒得透薄，香脆得如薯片般，卻不油膩。燒雞軟骨串 – $22軟骨爽脆帶嚼勁。 燒特級厚切牛脷心 - $58三塊厚厚的牛舌充滿口感，柔軟中帶點煙韌，有陣陣黑椒香。燒秘製雞中翼(兩隻) - $24皮脆肉嫩的雞中翼頗大隻，咬開雪白的雞肉好嫩滑。燒豬頸肉 - $38一片片的豬頸肉充滿肉脂香，鮮美有彈性，塗上惹味的燒汁。燒羊肉串 - $38肥瘦兼備好軟腍，滿佈孜然粉，完全沒有羊羶味。燒日本豚肉腸拼盤 - $38四根不同類型的肉腸，外皮好酥脆，咬開有著不同的香料味及豐富肉汁，配少少少椰菜沙律。燒韭菜 - $20翠綠的韭菜燒得恰到好處，質感鮮嫩爽口，還有少少孜然粉。川香肉碎燒茄子 - $48原條茄子去皮切件，剩下只有啖啖軟糯多汁的茄子肉，撒滿的京蔥肉醬帶點辛辣刺激。川燒豆腐 - $22金黃酥脆的炸豆腐咬開好軟嫩，撒滿木魚絲，旁邊的香蔥辣椒醬好惹味。青檸柚子梳打 - $30酸酸甜甜的柚子果香，帶陣陣清新的青檸味，充滿碳酸氣泡的爽口。 竹蔗茅根 - $18味道清甜可口，有清熱之用。…Read More

串燒有很多種，每個地方都會有自己獨有的串燒口味，所以這間有個川字的，就很明顯是四川口味的代表了。雖然是四川口味的，但也不要怕辣，因為已經接香港人能接受的程度來安排了，所以吃起來十分對味，而且食物的味道和質素都是非常好的！日本蟹肉炒飯（１２８元）這個炒飯的質素真的很高，難怪店員會說這個很熱門！炒飯新鮮炒起的，來到就聞到濃濃的蟹香，吃起來會有濃濃的蛋香和蟹的鮮味，而且吃起來是粒粒分明的，鑊氣十足，真令人一口接一口的！川味麻辣花甲（８８元）這個的辣度會有點高，但用上的花甲是非常新鮮的！花甲煮得剛剛好熟，入口鮮甜爆汁，現上重口味的麻辣風味，也不會蓋過花甲的鮮味！日本廣島生蠔（６８元／２隻）這個也是熱門之一，來到也很意外！生蠔的肉非常飽滿，而且燒得剛剛好，配上蒜蓉辣椒，吃起來十分惹味，而且生蠔入口鮮嫩多汁，一口下去是會令人回味的！燒鮮白鱔（５８元）白鱔非常大的一串，而且肉還很厚，燒得表面焦焦的，吃起來外脆內嫩的，而且鱔獨有的爽滑彈牙的口感也保留到！醬汁是有點像日式蒲燒的味道。川辣酒煮東風螺（５８元）這個也是麻辣口味的，但吃起來會帶點酒香！東風螺的份量還不錯，每個都吸滿湯汁，吃起來爽嫩多汁的！川香肉碎燒茄子（４８元）這有別於平常的蒜蓉茄子，這個是先把茄子燒熟，再去皮，然後撒上麻麻辣辣的肉碎汁，所以吃起來既有又滑又嫩的茄子質感，但又有肉碎所帶來的肉香，兩者相輔相成的感覺！燒一口牛（４８元）牛肉選用了帶點肥的地方燒得約五成熟，吃起來很嫩，而且肉汁挺多的，牛味挺濃，帶點油香。燒特級牛仔骨（４６元）牛仔骨相比起一口牛就會更嫩，而且油香更豐宙，接近骨的筋也是我喜愛的地方式川香麻辣豬大腸（４２元）這麻辣口味的豬大腸吃起來不會太辣。但份量是真的挺多的，而且大腸已煮得非常嫩滑了！燒麻辣田雞串（３８元）挺特別的一款串燒，基本上是田雞跟辣椒相間而行的。田雞被燒得焦香，但吃起來還是保留到田雞獨有的嫩滑口感，而且吃起來是麻麻辣辣的，中間還會吃到多汁的辣椒！燒羊肉串（３８元／串）這個是孜然口味的，羊肉很大的一串，肉很厚，而且也是帶點肥的，吃起來挺香，羊味挺濃，不會太騷，而且肉質挺嫩！燒日本豚肉腸拼盤（３８元）燒完以後的豚肉腸，每一條都是爆汁的狀態，帶有很香的豬肉味，調味是帶點黑胡椒的，所以單吃都夠味了！串燒日本胸軟骨（２８元）這雞胸軟骨帶一點點的雞胸，所以吃起來既有雞肉香，又有軟骨的爽脆，調味比較清淡，可以自己再加調味料！燒日本雞頸肉（２８元）這個燒得外脆內嫩的，而且肉質彈牙，雞肉味挺香濃！燒秘製雞中翼（２４元／２隻）雞翼比想像中的要大隻，燒得表面焦香，吃起來還是嫩滑多汁，調味是帶點孜然味，但還有其他特別的香味！串燒八爪魚鬚（２４元）想不到份量還挺不錯的，燒得帶點乾，但吃起來八爪魚味會更濃，而且很爽滑！燒芝麻湯圓（２８元）作為飯後甜點，這個真的挺不錯，燒得湯圓表面焦香，而且因為水份少了，流心的感覺少了，但吃起來的味道會更香濃，外皮更糯。無糖可樂（１４元）蜂蜜柚子茶（１８元）…Read More

今日特別想食串燒，結果就打算來這家位於佐敦彼出名既串燒店，川燒來開心下。我和朋友點了不同既串燒和飯，買有甜品🍮燒蘇格蘭蟶子皇（時價）蟶子超大隻，生熟程度剛口，鮮甜，彈牙燒特級牛脷芯（$38）牛脷芯是厚切的，燒得非常好，爽口。燒鮮白鱔（$48）燒到外脆內能保留白鱔既肉汁。吾係紐西蘭大蘑菇（$28）大蘑菇燒完還能保留相當多口份，果然厲害。鵝肝煎雙蛋飯（$88）這鵝肝飯相對就比較吝嗇了，沒有什麼特別。燒羊仔架（$68）肥瘦恰當，没有羊羶味。川香肉碎燒茄子（$46）茄子是去皮的，再切成一件件，食起來非常方便，配以辣辣地既肉碎一齊食，真是不絕。必點之選蜂蜜燒鳳梨（$24）菠蘿好多汁，蜂蜜味道不會太甜，燒得剛剛好，非常清新。…Read More

呢日同朋友跑完步，即係覺得自己啲 quota 返晒嚟，於是同朋友決定一齊去食串燒，近期食過日式嘅，想食吓其他地方嘅，咁啱行行吓見到呢度，於是入去試吓先。先嚟嘅係川香魚湯清湯酒煮花甲，花甲好鮮嫩肥美，完全無沙，食到淡淡酒香，唔錯! 蟶子王好大隻，差唔多成隻手臂咁長，肉質爽脆鮮甜，火候剛剛好，調味料唔會搶咗蟶子嘅鮮味，好好食呀! 川香肉碎燒茄子已去皮，啖啖肉，茄子多汁又夠腍，以肉碎調味，已經好惹味。燒手打免治雞肉捧又係好正，佢比起平時食到嘅彈牙，有咬口得嚟，又好香雞肉味，點埋蛋汁就 perfect! 燒鮮白鱔真係好好食，皮脆肉嫩，燒過嘅魚皮滲出魚油香，完全無腥味，如果唔係叫咗咁多嘢食，一定會再 encore! 秘製醬燒BB豬肋骨比想像中多，都幾大份，本身已經用孜然粉醃過，燒完好香，配咗個甜甜哋，似有水果調成嘅甜味醬，好夾。蜂蜜燒鳳梨好香甜，燒過後，味道比就咁食更香濃多汁，當飯後果食就啱晒。蜀都炒飯炒得乾身香口，好有穫氣，辣辣哋，唔覺唔覺就食晒。朋友話食串燒飲啤酒就最夾，飲鬼佬涼茶清清熱，所以叫咗 Asahi 啤酒。我就飲青檸柚子梳打，有汽飲品同燒物一樣夾，青檸清新，柚子蜜香甜，中和咗就剛剛好，好解渴呀!整餐食物質素好高，尤其海鮮好新鮮，真係無得輸，店員又好有禮貌，食得好盡興，下次會再返嚟幫襯~~~ …Read More

行入呢條街, 遠處已經聞到陣陣串燒既香氣, 行入黎發現都有好幾間串燒舖頭行到呢間川燒門口, 就比佢部生啤機吸引左, 因為辣串燒最緊要既就係配生榨冰凍啤酒! 😍字畫都係以店名為題, 名為"川燒百味"除左生啤之外, 仲有好多款酒類飲品比你揀架實在有太多款串燒喇, 啱晒朋友黎一路飲酒一路食串燒一路傾心事, 情侶黎食你一串我一串都好溫馨架🤣🤣小弟飲酒好易紅, 所以就叫左杯青檸柚子梳打, 唔算太甜, 青檸味好清新😋打頭陣既係川香肉碎燒茄子, 大大份都只係$46, 肉碎既肉汁滲晒入去切開左既茄子入面😚再黎既係川燒豆腐, 一份$18抵到爛, 一黎到上台果陣, 豆腐上面既木魚絲會因為豆腐散發出黎既熱力而輕輕擺動, 好得意架, 望到好想食左佢😂😂燒手打免治雞肉棒, 呢個只係其中一串, 一碟有2串, $36, 仲配埋優質日本生雞蛋同秘製醬油比你點黎食, 拌勻蛋漿後, 入口感覺好特別, 值得一試😆川香魚湯清酒煮花甲一份$68, 呢個咁抵既價錢比足料你架, 絕對冇花冇假, 睇下D花甲隻隻都肥美有肉, 唔會淨係得個殼咁呃人, 個底浸住果D吸晒D湯同清酒既味道, 更具鮮味😎燒腐皮海鮮卷, 一碟2串$38, 外脆內彈, 口感一流😁最後食埋個燒菠蘿做甜品, 燒到暖暖地既菠蘿食落去更加鮮甜架😍😙…Read More

有好友知我喜食川菜,這晚約局於佐敦食街渡船角的一家餐廳--川燒;店名改得頗佳,讓我此等川菜粉絲一聽其名就有所期待,尤其近日天氣開始轉涼,最適合吃一些辣物(其實只要喜愛,一年四季都適合)來暖暖身!朋友訂了八時的位,我七時多已到達就先行入座;門面的裝潢有中國風的古撲,實木牌匾上以大漆寫上店名,底下周圍以鏤空花紋木飾襯托著,施以燈光照射,尤其亮眼!店內的氛圍與門面頗為一致,由餐桌椅到仿古大紅燈籠,營造了很溫暖的感覺!唯一有些不足處就是餐桌之間的擺設較緊密,但這或許是香港餐飲業者所面臨高租金的問題所致!趁好友未到之時,可細閱一番餐牌;觀其內容,似有川式加日式的融和菜式可供選擇,而且酒單偏重清酒;其中有不少菜式都是我杯茶,邊看邊有定數;之後好友到來,再商議了一下,就馬上落單;因就著所點菜式,這次與好友都沒有點酒而點了梳打凍飲,飲品上來後不久,第一道菜式--川辣酒煮東風螺也跟著遞上;一股濃郁的香料味乘著酒味即時在空中飄散,撲鼻而來;湯底料頭十足,海螺個頭也大粒;挑一粒來嚐味,一入口辣勁即時擴散,以花椒為主的及各種香料味隨後而至,麻勁也慢慢透出,加上咀嚼起來肉質的鮮爽彈牙又乾淨無沙,大大地演繹了川式麻辣與海鮮的極佳融合,將海洋氣息濃艷地塗抹了一番,卻又是那麼地令人驚艷!第二味的川香肉碎燒茄子,將炒香的蒜蓉混合著辣椒及其他香料,肉碎的份量與調味得宜,令相對清淡沒甚調味的燒白茄子增加了肉慾的質感,啖味在口中感到有多種層次,在那濃郁的辣味香料的加持下,茄子的酥軟腍滑彷彿昇華到肥肉般的口感!在兩款川式食物後,接下來是日式口味的燒物;燒鮮白鱔的素材選料極佳,肉質彈滑,一入囗那油脂包圍著鱔肉的協調性即時爆發!鱔皮燒得極脆口,如薯片般的鬆化;有黑椒碎粒與燒汁的提味下,鮮上加鮮,將燒鱔該有的美好元素都表現出來了!至於燒特級牛脷心,據侍應生介紹是取牛舌最精華的部份去炮製,難怪吃起來是那麼爽脆彈牙!燒製時間與火候控制的得宜,令滲出的油份,剛好包圍著牛脷心;只用黑椒與海鹽作調味,就已帶出上好的滋味!鹽燒熊本一口和牛粒,基本上與牛脷心同出一轍;只是和牛的本味更濃,肉汁與油脂在味蕾上更具擴張性,因此造就了和牛粒的口感滑溜,回韻悠長!接連的燒物肉食過後,要些蔬菜類來解解膩;值得一讚的--冰鎮芥蘭,咀嚼起來冰爽脆彈,芥蘭的本味在蘸上芥末醬油後更表現得淋漓盡致--芥末的刺鼻感過後,香氣與芥蘭融合得很完美,此味確有提神解膩之效!而燒法國蘆筍也是以爽脆為主,有些煙燻氣息增加了層次,整體也相當不錯!壓軸的澱粉質食物--蜀都炒飯,巧妙的辣勁貫切始終,而且飯粒炒得頗乾身,恰當的油份令咀嚼起來的口感確是美妙,兩人很快便把這炒飯清掉了!席末的甜品我點了柚子雪葩;豐腴的柚子香氣,靈巧的酸度,啖味在口中,質感幼滑,由舌尖滑落喉嚨,一氣呵成,十分美滿的收結!總結此餐,在佐敦區內又嚐到了一頓美好的晚餐!而此餐價宜物美,兼得川香味之體,日燒物之魂,兩者俱佳,讓人激賞!…Read More

佐敦一向多餐廳，但我一直沒有機會去，今次住在附近的好友提議我們去吃串燒，我本身好喜歡串燒店的氣氛，所以舉腳讚成呀! 一行六人，浩浩蕩蕩去食串燒!門外是帶有中國風的佈置啊!好有氣派!一如所有串燒店，座位比較迫，檯與檯之間都比較貼近，所以想傾心事的話，串燒店並不適合呢! 相反，一大班朋友聚餐，氣氛好熱鬧!好友最愛的燒牛舌，但這不是簡單的牛舌，而是牛舌芯，是質感最好的一部份，超級彈牙，配上黑椒、鹽，惹味!蟶子Fans必點蒜蓉燒蟶子，好鮮味，好正!蟶子好大隻，有朋友說有沙，但我那隻剛好沒有，所以覺得好好味!燒生蠔也是另一推介，愛吃蠔的朋友，一定會喜歡這種半生熟的燒蠔，有燒香味，也有生蠔的新鮮海水味!第一次接觸這款魚，名字好特別，叫燒海殼王，魚好大條，魚身厚也多肉，需要燒45分鐘，所來想吃海殼王的朋友，最好一坐下便立即落單啊! 這款魚的魚肉好滑，骨也不算多，一吃便愛上。好入味的秘製醬燒BB豬肋骨，好夠味冰鎮芥蘭好脆口，點醬油吃好正!川香肉碎燒茄子，吃的時候必須配上肉碎，這樣會更香更惹味啊!因為吃串燒實在很難吃得飽，尤其人多的時候，所以我們點了蜀都炒飯醫肚，人多一人只有一口，吃了還是未飽，哈哈! (我們太大食了嗎?)甜品點了雪葩，檸檬雪葩好清新，正好為吃了香口熱氣食物的我們Fresh一下 =)總綜來說，食材新鮮，價錢也算OK，唯一是每碟份量不會太多，人多的話要點多些才夠啊!…Read More

一班朋友好耐無見, 好多傾計,食串燒就啱曬,一路等燒一路食一路傾到飽.暢所欲言,又點少得暢飲,試左呢支夏威夷啤酒,清新不苦,配串燒,解辣之選.川燒的串燒，我們order左少辣，其位朋友不能太吃辣的接受到。燒茄子切件上,再配川味肉碎,惹味,不會太辣。用黎送飯一流。燒豬肋骨,精髓在秘製醬汁, 火侯又剛好,bb豬肉質好嫩，唔加醬汁都已經夠入味。燒海鮮,我地選了蟶子皇同日本廣島蠔.蟶子皇新鮮，但味道差d, 其中一兩隻有沙。驚喜之一，推介燒蠔，好滑。蠔味好出色，encore必選。鹽燒海殼王，好少見呢隻魚。好大條，但肉質鮮美，好考功夫，要燒得剛好唔乾。如果想食，一坐低就要落單，要燒45分鐘。最後，以我喜歡的燒菠蘿作為甜品。…Read More

又到大顆兒聚餐時間，這次找到這間串燒店，串燒店在很多年前試過一間在灣仔經營的，那次經驗最深刻的是好吃，但吃不飽就要離開，不過心想不會每一次吃串燒都吃不飽吧﹗所以也沒有刻意打底就出門了朋友點了2款手工啤，麥子薄荷啤酒(左)較多氣泡，薄荷味極重，另一款店員推介的Kona big wave燒櫻花蝦芥末香腸，好有咬口和肉汁，通常這類香腸我最怕是夾著肥豬肉，但這條香腸全瘦肉，惹味可口，不過每人只嚐到一口，真的不夠喉～川香肉碎燒茄子，茄子完全去皮，白白滑滑，柔軟多汁，配合醃製入味的肉碎十分美味﹗蜀都抄飯份量不算多，辣辣的好惹味﹗冰鎮芥蘭是季節限定的，芥蘭桱粗身，而且爽脆，沒有臭青和苦味，沾上秘製醬油更好吃﹗燒海殻王是我第一次吃的魚種，原來魚身也非常厚肉，燒烤時間需要45分鐘，所以要耐心等候，我只能說這條燒海殻燒製時間掌握得非常好，魚肉超級滑，而且不會燒乾，保留了魚的肉汁，配上酸辣醬汁及檸檬汁更可提鮮～秘製醬燒BB豬肋骨，醃料惹味而且味道入骨，比很多美食餐廳做得更出色﹗朋友特別要求必點的牛舌芯，是牛舌最幼嫩的一部份﹗對於我這個吃貨來說，串燒店是不能飽著肚子走的，這次也不例外，所以日後再約朋友食串燒一定要打定底，一來燒烤需要時間，二來朋友多時每串串燒只能分到一口，甚至有些食物是不夠分的，吃串燒的而且確是朋友相聚的好選擇，因為需要一定等候時間，大家可以慢慢傾談近況暢談盡歡，但絕對不適合餓鬼聚集…Read More

一直都有朋友三翻四次介紹我到這一間餐廳，聽聞佢哋嘅串燒同海鮮非常出名！雖然我自己對海鮮興趣唔算太大，不過既然朋友咁強烈介紹，當然要試吓啦！當日我大約七點半到達，入邊已經坐咗三四枱客，好彩唔使等位🙈聽聞佢哋夜晚深宵時段經常爆滿！所以如果想去食的話記得要訂位啊！有個制俾你叫服務生！黃金芝士燒原隻龍蝦-HKD188$(時價）龍蝦一睇就知係新鮮😎肉質夠彈性，頭部沒變黑既跡象， 雖然用燒烤嘅方法去烹調，但龍蝦仍然保持到入邊既肉汁，配上特製嘅芝士醬同蟹子，旁邊仲有個檸檬比佢去腥味，將龍蝦既鮮提升去另一個地步😛，就連唔太鍾意龍蝦既我都覺得幾好食😛燒芝麻湯圓-HKD22$外層燒到卜卜脆，入面就軟綿綿，好有食日本年糕既感覺😎芝麻餡就冇乜特別🤔不過勝在夠創新😆都幾值得試下🙂其次我仲試左佢地既燒茄子同燒蟶子，不得不讚佢哋嘅燒茄子真係超級好食👍🏼肉碎辣得適中，茄子已經預先幫你去皮，食起嚟啖啖肉真係好正😛😛😛如果咁唔夠飽！就真係要試吓佢哋嘅蜀都炒飯，炒飯睇落比較濕身，但食落估唔到又粒粒分明，佢用咗香辣肉碎來炒，配上蛋同蔥花，辣得來真係好過癮，不過唔食得辣嘅朋友就要留意啦🙈…Read More

文英街個邊勁多串燒店 今晚同男人去左個邊搵食 時間尚早 無咩人原來宜架嘅川燒店會海鮮食 我勁鄉下妹叫左芝士燒龍蝦 勁大隻 一上枱勁香芝士味新鮮係唔同嘅 肉質好彈重有大元貝 又鮮又甜 帶子裙邊好好食燒茄子 個人覺得好油 俾晒男人食黑松露溫泉玉子好好味 嫩滑嘅蛋汁充滿黑松露味 要一啖過！…Read More

呢日去咗佐敦間川燒，個招牌好中式嘅感覺，好似黃飛鴻電影嗰種武館咁，幾得意。串燒嘅選擇幾多，有啲仲係出面唔常見，因為第一次嚟，好多都想試。佢哋每檯放咗竹籤座、孜然粉同辣粉，不過當晚啲嘢食本身夠味，我都無用到佢哋喇。青檸話梅梳打，鹹鹹酸酸，話梅仲可以促進口水分泌同消滯。燒墨魚香腸，外表唔吸引，食落就甜甜哋，中間包住爽口嘅墨魚肉，我自己覺得唔洗蘸沙律醬就咁食都OK。川香肉碎燒茄子，正常情況下燒茄子都唔會差得去邊，佢哋加咗肉碎、青蔥、番紅花（一直以為係薑絲）同白芝麻，仲有微微辣嘅醬汁，上碟之前預先切咗數小件，食得幾過癮。燒芝士脆脆餅，呢個係新嘢嚟，外層非常脆口，餡料就有煙肉同芝士等等。我哋對佢個外皮充滿疑問，總之唔似一般麵包等等嘅質感，不過又唔記得問到底係咩嚟。黃金芝士燒原隻龍蝦，個賣相好靚。原隻龍蝦面層用香草、洋蔥、芝士同酸酸甜甜嘅醬汁覆蓋，另外有蟹籽等作點綴。因為原隻燒嘅關係，龍蝦鉗有少少乾，不過龍蝦身就肉質彈牙，當日個龍蝦頭入面仲擠滿蝦膏。蘋果雪葩，以為係一球球嗰種，原來係原個蘋果上嘅，入口冰涼清甜，都唔錯。…Read More

川菜是中國八大名菜之一，但論到調味料和味道煮法運用，川菜乃是眾此之冠，所以有「七滋八味」或「百味」之稱。雖然川菜味道變化多端，但多以麻、辣為主，小妹自問不吃得辣，但卻鐘意於串燒即叫即燒的新鮮滋味，得知在佐敦有一間以川菜x串燒的Fusion菜，人氣很高，感覺新穎又好奇，決定和朋友到場一試。餐廳門面和室內都充滿懷舊古式客棧味道，正門高掛餐廳店名的牌匾，室內掛有紅檔檔半圓木雕吊橙，古色古香。環境空間其實不大，另外有兩間細房，枱與枱之間位置較迫窄，連門外都放有兩個四人枱，物盡其用。雖然在室外吃著串燒，在炎熱的天氣下一定大汗搭細汗，幸好餐廳都放有大型風扇減少客人不適，又是貼心之舉。餐單就只有兩頁A4Size的點菜紙，分為新鮮海鮮、風味肉味、健康素菜、特式小食、飯類、甜品、啤酒和飲品等超過一百款菜式。這麼多選擇，真的要花時間消化餐單上的內容。未吃食物，先來一點飲品。餐廳有大量清酒米酒、吟釀、啤酒款式供應，不過我們不好酒的，還是乖乖地消䐭清熱的烏龍茶和竹蔗茅根。黑松露燒腐皮溫泉玉子溫泉玉子吃得多，但都是第一次見腐皮搭配溫泉玉子來吃。煎得甘香薄脆的腐皮，包裹半粒溫泉玉子，澄橙黃色的蛋黃，半黏半凝固的流心效果，墊起了點點黑松露粒，入口既有脆口的外層，內裡有軟熟柔滑的蛋香和松露香，口感層次由脆到軟，軟至滑溜，再加上蔥花點綴，絕對是創意兼誠意之作。燒特級牛脷蕊嚴選牛脷最中心位置，筋位什少且份量不多，但卻是最有彈性咬口的部分。油香豐富，灑上孜然粉和黑椒粉，惹味爽彈。燒白鱔($38/串)以為只是平平無奇的蒲汁鰻魚，但口感卻和平常的很不一樣。因為直接火燒關係，魚皮燒得薄而清脆，滲出的油香與肥厚啖啖肉的白鱔交融，口感雖然不及平常嫩滑但也不是嚡口那種，質感厚實加上濃郁的鰻魚汁，甘香彈牙，齒脥留香。燒珍寶大元貝($68/隻)比一隻大掌還要大的元貝殻，肉身純白又肥厚，份量很重，表面還加有蟹籽、蕃紅花、香蔥點綴，賣相吸引。元貝燒得不老而柔軟，鮮味可口，浸著自家製調和的湯汁，帶有豉油的咸鮮又有麵豉醬的甜味，更大大突出元貝的鮮美。燒芝士脆脆餅用腐皮夾著芝士，賣相很像用梳打餅夾著蜜芽糖的兒時風味。腐皮燒得很脆，但少不免咬到腐皮燒焦的部分，但魚香突出，夾著半溶芝士，芝士能拉絲得很長又細膩，味道特別又有趣。川香肉碎燒茄子非常欣賞餐廳的細微舉動，茄子一早剝皮直接火燒，避開茄皮燒窿變味的可能。茄肉軟腍香口，表面舖滿蒜蓉和花椒，加入麻油和辣椒油，麻香四溢，辣得過癮。川香海蜇頭伴青瓜配料做法和前者燒茄子一樣，麻油和辣椒油都十分足料，海蜇十分脆口、青瓜亦很清脆，兩者同樣惹味，只是略嫌海蜇頭比例少了一點。川味芝士撈麵用煎pan盛上，撈麵就是一般的韓國辛辣麵，可惜煮得太耐變得淋身，令應有的彈牙質感流失，反而令花椒味煮得入味鮮明，所以比剛才的青瓜和茄子，撈麵顯然更麻香更辣。表面舖上一片半溶芝士，與撈麵混合之後，質感黏黏軟軟，又有另一番風味。黃金芝士燒原龍蝦(時價$188)很多人其實和小妹一樣，都很怕海鮮餐牌上寫上「時價」，不過小妹真心誠意推介這客芝士燒原龍蝦，雖然當天時價$188，但吃過後才覺得物有所值。龍蝦起肉切粒再混合車打芝士、蟹籽重舖在龍蝦殼上，保留龍蝦頭和兩隻蟹鉗，用叉一撈起蝦肉，芝士徐徐拉起成絲，細嚼之下齒脥慢慢滲出鮮香咸甜，肉質爽彈完全不膩，加上蟹籽脆卜卜的趣口，更加好吃。員工同時放低刀叉、剪刀、膠筷子，方便客人拆肉進食，十分貼心。亮點是龍蝦頭絕不是擺設，用湯羹便輕易撈到滿滿的蝦膏，鮮味一下子在口腔爆炸，回味無窮，頓時也忘記了究竟膽固醇是什麼呢？蘋果雪葩($58)飽肚過後，要再來甜品為這晚晚餐劃上完美句號。除了一般的燒菠蘿和燒棉花糖餅外，雪葩就是餐廳的甜品主打，小妹最後點了蘋果雪葩。雪葩送上來時還飄散一陣仙氣的霧氣，附上兩小匙，雪葩冷凍清甜、微酸開胃，質感像吃著台式棉花冰，嘴裏一含就消散。整體來說，所有食物都是即叫即燒，絕對能保持食品質素。但換來的是要有心理準備等得較長的時間。是晚全場爆滿，再加上據說有員工休息令廚房少了人手，令等候時間更長。雖然很多客人不斷催單，但員工仍未有黑面，只是她們一向說話沒有尾音，但當客人問到關於食物的諮詢，每位員工都是清晰快捷地回應，非常專業。難怪即使要等候長時間，仍有很多客人願意等候。顯然地，餐廳以質素成功挽留客人的胃口及光顧，還愈來愈成功呢。…Read More