THE ALCHEMIST CAFE (tmtplaza Phase 1)

💛有時岀得多尖沙咀😂都唔係好諗到食咩好通常諗唔到就會去我既專屬飯堂😂大大話話都同過唔少朋友去食過每次去食都係咁好食👍🏼質素超穩定😌而且佢地間唔中都會轉menu 回頭客會有驚喜最近佢仲裝修完~遲啲又去拜會下🙈——————————————————🍴流心蛋腐乳卡邦尼意大利粉($108)腐乳竟然可以係西餐岀現😨而且味道仲好唔錯🤫完全無伏完全食唔岀有腐乳味❌怕食腐乳既朋友 都可以一試加埋温泉蛋🥚一齊食 整體都幾濃郁 幾多汁👍🏼——————————————————🍴日式大板燒風味煙三文魚薄餅($128)呢個日式style 🍕配搭三文魚味道都幾特別 我都幾鍾意因為本身都鍾意食三文魚🤤加埋大板燒既燒汁 紫菜同木魚碎上碟個陣真係會以為自己預備食大板燒😂另外佢都落咗小小芥末醬 因為都食到少少攻鼻芥末醬通常都用嚟解膩 咁就可以解返pizza既油膩啦批底唔係好薄 勁脆個種 有啲咬口——————————————————🍴小食拼盤($138)多人去食既話 呢個小食拼盤真係必叫‼️因為份量都好多下🤰🏼而且又可以一次過試晒唔同小食😆今次就有黑松露豬肉腸 煙辣腸 雞翼 春卷 八爪魚丸同蕃薯條全部炸物都炸得好脆☺️仲熱辣辣咁多樣 比較normal少少係八爪魚丸始終唔同平時食小丸子 所以驚喜不大但整體都十分推薦大家叫呢個📣——————————————————-🍴芝麻開門($68)其實既黑芝麻Latte 不過呢款就只可叫凍🧊飲落好重芝麻味👍🏼啱晒我呢個芝麻控而且都幾大杯下 值得一試😉…Read More

牧羊少年是香港第一間以旅遊為主題的咖啡店，坐底嘆杯咖啡覺得有d悶？呢度有借書閱讀嘎，更有意思的可以寄明信片‼️不妨寄一張俾5年後的自己。老闆是相當鍾意去旅行，又何見解？ 因為店名就可以話俾你知。想要探索更多？倒不如親身黎體驗一番。 朋友仔話，好想食牧羊少年，不過每次黎都要排隊，排好耐添！❗️‼️ ⚠️今日就話俾你知，點樣可以唔洗排隊都可以食到牧羊少年！我今次同朋友黎食，我係上網book位嘎，可以上翻牧羊少年的網站，進行預約。🔆牧羊只提供晚市17:30後的訂位嘎，1730前就只可以walk-in🔆如即日定座位就要當日16:00前進行啦。 🐟的體驗⭐️小食拼盤 —— 本身就奔著蕃薯條去，點知距竟然無，變左普通薯條。⚡️成為我呢餐飯的遺憾，好多款小食，本人覺得辣腸係比較特出嘎。⭐️香草青醬雞肉蘆筍義大利粉 —— 食落好Flash 的感覺，加上呢個香草青醬真係好夾啊，食到入面起碼有兩種菇或以上吧，就係意粉對我黎講有小小硬左，咬到我有d攰🤣⭐️千島海鮮薄餅 ——濃濃的千島醬瞬間覆蓋我整個口腔，總有原隻蝦，蟹柳，墨魚仔的海鮮，最鍾意都係呢個pizza 係脆底，因為本人真鍾意呢種pizza底☺️☺️⭐️抹茶可可朱古力 —— 我朋友覺得第一啖確實好飲，不過食到中間就會覺得呢杯野有d膩啦。⭐️日本煎米茶 —— 我覺得呢陪茶係缺一不可整體黎講都係非常滿意，不過帶有小小遺憾，人生就係因為就有遺憾，所以先會再想去彌補今次的遺憾。希望下次可以彌補到啦~~…Read More

⁡晚市恢復番，🐻當然要同好友晚聚啦 😌 屯門區要坐得舒服、容易傾計、野食好味既好地方唔多，但即刻諗起尼間好多人都識既黃店 💛 今次三人行叫左唔少之前未試過既野食，大家都讚不絕口 😆😆😆 果然無揀錯❗️⁡🐻の體驗‼️⁡✨ 千島香芒牛油果雞肉薄餅 $138✨ 小食拼盤 $138✨ 拿破崙蕃茄煙豬腿肉長通粉 $98✨ 黃金鹹蛋苦瓜忌廉雞肉意大利粉 $98✨ 蘋果蜜桃鮮打紅茶 $54⁡整體來說，食物味道真係無得輸 💯 可以形容佢色香味俱全，最估唔到係苦瓜同鹹蛋黃醬可以咁match 🤤 佢既pizza雖然係餅乾底，但因為餡料夠豐富夠熱夠juicy，令佢唔會dry仲剛剛好 😌 多人一齊食就當然要叫小食拼盤，最驚喜是香脆蕃薯條 🍟 而且解渴又想清新就要叫蘋果蜜桃鮮打紅茶啦 🍎🍑🍹…Read More

見佢終於開喺屯門，見今晚比較少人排隊，梗係要試試佢黃金鹹蛋忌廉鳳尾蝦意大利粉 $98有鹹蛋黃同埋忌廉汁既混合，成個味道幾特別，不過真心邪惡！啲蝦都幾大隻幾有咬口。小食拼盤 $138幾抵食，咩都可以試少少，份量都okay，個人覺得個煙辣腸幾好食！幾個朋友黎食絕對可以一試！法式芥末雞肉薄餅 $118依個比較普普通通啦，啲菇好多反而啲雞肉無乜亦都無乜芥末味，芝士味比較種。環境成個環境偏暗，幾有feel，啲裝飾都好靚幾別緻，坐得都好舒服😌…Read More

由太子老店幫襯到屯門新店由去計劃旅行到聊聊日常家話不經不覺已經陪伴左大家8年🥳每次去食都有驚喜今次嗌左下面食物三文魚籽車打芝士汁鳳尾蝦長通粉🧀個芝士汁做得好出色三文魚子同蝦嘅份量啱啱好每啖都覺得好豐富好濃郁同埋出邊好少有呢一個配搭嘅通粉我覺得下次都要嗌一個呢個小食拼盤🍤🍖分量來講兩個人食都食唔晒就算四個人食都應該可以真係一個好抵食嘅食物玫瑰可可朱古力🌹🍫朱古力飲落去10分順滑一啲都唔會甜伯爵茶咖啡☕️呢杯係朋友嗌嘅不過我問佢佢都話好好飲環境黎講係屯門市廣場少有咁舒服,可以慢慢傾談👥就算係平日晚上都要排隊等位希望有機會再食過啦…Read More

Lunch set同Dinner set款式有d唔同，Lunch set貴$10但多杯飲品。黑椒香蒜煙鴨胸意大利粉($88)上菜時熱辣辣，出哂煙。意粉炒得夠乾身，黑椒好惹味，好香口，配埋煙鴨胸一齊食好味。配料仲有菇片同青椒。”友人”表示幾好食。(個人口味S: 2.9/5)(個人口味E: 3.5/5)小食拼盤($138)叫拼盤可以一次試哂咁多款小食，好滿足。小食拼盤有：辣坎伯蘭腸、煙辣腸、雞翼、八爪魚丸、春卷同薯角全部都係即叫即炸。辣坎伯蘭同煙辣腸：好juice雞翼：炸得好脆，好香口，肉質唔柴八爪魚丸：口感唔錯，好味春卷：配千島醬唔錯薯角：咬落係滿滿既薯蓉，好有份量不過全部都係炸物，比較油膩、熱氣，2個人食太heavy，建議3-4人share。我地都覺得煙辣腸同八爪魚丸係最好食。好奇點解款款都有4件，係雞翼得3隻。(個人口味S: 3.3/5)(個人口味E: 3.6/5)照燒汁煎乾蒜牛柳粒($78)大大件牛柳粒，肉質結實，好有咬口，啖啖肉，充滿肉汁，食落帶有蒜味，好香口。不過凍左就偏硬，最好趁熱食。(個人口味S: 3/5)(個人口味E: 3.6/5)有機會再食，會想叫2款意粉+1款小食，想試帆立貝。…Read More

老公仲有幾日假期，知道牧羊少年咖啡館進駐屯門，當然要去因為帶住bb，我地６點就去到，不需要等位食完走７點左右，已經好多人等緊位好喜歡它們的漂書概念，店中也有不少不同類型的書遇上喜歡的，就可以放$10把它帶回家，做書的新主人，書款是用來作文化或慈善，很有心的食店疫情下衛生措施做得相當好，桌上已經準備好紙袋給客人放口罩，桌與桌之間也有讓人感覺安全的距離和膠板，食得放心小食拼盤有6款小食的拼盤份量非常多，朋友聚會必點！熱辣辣的炸物香脆可口，大人小朋友都鍾意日式大阪燒風味煙三文魚薄餅原來日式風味跟薄餅也非常夾，薄餅有wasabi 味，配合煙三文魚，「日西」合璧！熟悉的口味，新鮮的組合，有趣又好味抹茶可可朱古力 ，個人推介️️><超級濃郁creamy ，是非常飽滿朱古力抹茶，有甜品一樣讓人超級滿足既魔力本來還想要一份窩夫，二人晚餐這樣的份量是超級足夠，下次再來…Read More

終於屯市又開多間💛店，以後又有多個選擇。今次牧羊係fb搞咗個新開幕優惠，係fb share post晚市就有8折！(優惠已完結)可能又有優惠，新店位置又近牛角，六點九去到已經要等三十幾張枱。最後都等咗成個鐘先入到去。大家都好肚餓所以就叫咗比平時多嘅份量。黃店就梗係要多支持啦！藍莓乳酪好足料，淡淡都食到果肉，唔會太甜，但係如果成杯飲品涷多少少就好啦！我地三個人食見到有三個帆立貝真係好開心。意粉煮得al dente，口感超級好。成碟意粉份量都多，又好掛到啲充滿洋蔥香味嘅忌廉汁。蘑菇雖然唔係主角但係份量都唔少㗎小食拼盤份量比想像中多，每款都有4舊。上到枱全部種類都係熱辣辣。整體上隻隻都好食，自己排就(最好食)雞翼👉🏽豬肉腸👉🏽薯格👉🏽花枝丸👉🏽春卷👉🏽雞肉腸。中間仲有千島醬同他他醬俾你配嚟食，當然都會俾埋茄汁啦！Pizza就相對上差少少。主要係因為個餅底超級硬同乾。三文魚都有六大片嘅，但係呢個口味可能醬嘅份量都比較少，所以入口除咗會覺得乾仲會冇乜味(只有咸味)，可以唔洗試。食埋個甜品先 窩夫份量超級大，係外脆內軟，算係厚實類型。中間嘅朱古力醬同兩球雪糕真係俾得好足，香蕉分量亦唔少。食完就勁飽同滿足啦！整體上，食物分量大，材料都俾得好足，重點係有幾樣都好好食！我好耐都冇食過咁好食嘅連鎖店啦:)今次有優惠所以平咗百幾蚊，係抵食嘅，但係以質素同味道嚟講就算冇折CP值都成正比。有下次…Read More

呢間cafe 應該好多人都認識，最近係屯門開左分店，近近地，同埋咁啱最近晚市做緊八折優惠(要like & share 社交平台page 指定帖文)，就約埋朋友一齊去試下，今次係4個人食，介紹下菜式先：灸燒荷蘭汁豬肉排 $78舊肉好軟，而且冇筋，好好咬，個醬汁好creamy，重有少少檸檬酸，味道清香，同豬排好夾，而且重有灸燒嘅香味，$78有呢個質素真係覺得好抵食😋 千島香芒牛油果雞肉薄餅 $138餅底好脆，每塊薄餅都有至少一舊芒果同牛油果，食完第一啖芒果，酸酸地幾開胃，再食到下面牛油果配千島醬，味道都係好夾，而且可以中和返芒果嘅酸味，平時食pizza食完一塊已經好滯，但食呢個pizza 就冇滯嘅感覺。🎀個灸燒豬排同牛油果薄餅係令人最深刻嘅菜式鮮忌廉菌日本帆立貝意大利粉 $98不過不失，意粉軟硬適中，醬汁亦好足夠，忌廉汁好creamy，而且帶有香草嘅香味，share 食係啱啱好，但如果一個人食應該會有少少膩。小食拼盤 $138有坎伯蘭腸、煙辣腸、春卷、薯角、雞翼、八爪魚丸，好豐富！每樣都好食😋 配有千島醬同沙律醬日落巴黎(香蕉朱古力窩夫配朱古力雪糕)$138窩夫外脆內軟，有少少蛋香味，雪糕球有兩個，朱古力醬甜度適中，份量啱啱好，雖然餐牌寫住二人用，但係四個人食都好夠。…Read More

牧羊少年咖啡館係好出名嘅初代cafe，一直都未有機會試，最近終於等到佢喺屯門開分店😍 最近兩星期(直至10月14日)仲有新張優惠，只要like & share 社交平台post就可享晚市全單8折！🤩 我哋驚新開張會好多人要等好耐位，所以專登提早Book咗19:00食，晚市限時90分鐘就要交枱~ 去到嘅時候發現其實都唔算好多人等位，咁我哋Book咗位就可以準時入座。晚市第一輪應該係17:30，我哋食19:00應該只係第2輪，不過落單嘅時候竟然無晒pizza同薯角😟 整體黎講，食物應該係即叫即整，每一碟都熱辣辣，但上菜速度算幾快💨缺點應該係食物份量比較細🤭•🥢 鮮忌廉黑松露醬雜菌長通粉 $78呢款喺餐牌上面有標示"VEGAN"，食到有蘑菇、海鮮菇同埋蟹味菇～長通粉偏幼身同細粒，煮得偏硬身，但個人幾鍾意呢個軟硬度。黑松露味聞落同食落都比較淡，不過值得一讚嘅係醬汁嘅忌廉蘑菇味好濃厚好Creamy，而且醬汁份量好足夠包住每一粒長通粉😆食完都唔會覺得好膩～•🥢 明太子鳳尾蝦意大利粉 $98呢款意粉嘅配料比較豐富，有三文魚籽、明太子、4隻鳳尾蝦同埋櫻花蝦。鳳尾蝦爽口彈牙，但有少許過熟~ 櫻花蝦味唔出，主要都係三文魚籽嘅鹹香同明太子嘅辣味，整體有少少偏鹹，但都可以接受~•🥢 灸燒荷蘭汁豬肉排 $78豬排肥瘦均稱，較瘦嘅部分咬落爽口，但一D都唔嚡；而較肥嘅部分就口感鬆軟😋醬汁面頭經過炙燒，食得出有焦香味，質地好creamy，帶淡淡檸檬香，幾清新，同豬排好夾！•🥢 小食拼盤 $138小食拼盤嘅款式都幾多，總共有6款小食，仲有本身落單話無晒嘅薯角🤔~ 碟上面跟咗蛋黃醬同千島醬各一份，侍應仲會另外畀茄汁～雞翼炸得好脆，似kfc嘅炸雞翼，外層有少少油，但入面幾juicy，肉質嫩滑。兩款腸分別係坎伯蘭腸同煙辣腸，兩款腸嘅香草味都好濃～煙辣腸好惹味，但都算比較辣；而坎伯蘭腸味道似平時食一塊塊的急凍漢堡扒😂八爪魚丸幾彈牙，春卷都炸得好脆，但同薯角一樣唔算好特別。•🥢 京都春日 (草莓窩夫 配雲呢拿雪糕) $108本身想叫香蕉朱古力窩夫， 點知都係無晒😢 窩夫上枱嘅時候熱辣辣，外層唔算好脆，不過內餡幾扎實，口感鬆軟，唔會好似食空氣咁，而且牛油味好濃，又唔會好甜，連我哋好少食甜品嘅父母都讚幾好食🤤 加埋軟滑雲呢拿雪糕同Cream真係好正😋 不過伴碟嘅士多啤梨同士多啤梨醬都略嫌有少少酸😬•🥢 玫瑰可可朱古力 $52聞落就無咩玫瑰味，但飲落都有淡淡嘅玫瑰清香，唔會好搶同好假👍🏼 朱古力味就奶味比較重，朱古力味唔係好濃，所以有少少失望🙁…Read More