SHANGHAI LAO LAO (Telford Plaza 2) (Closed)

放假經過買完鞋見累 就走入去試試 唔需要等位直接入去俾帶到偏僻座位 鄰近出菜位走廊完全好似入左大排檔偏僻位 突然懷疑自己係咪行錯地方 至於食物方面酸菜魚不過不失 有些許辣 酸菜不多 魚肉一人基本可以食曬 魚片份量好少如果係2個人食可以話唔夠好彩叫左個涼拌粉絲雞 d麻醬就可以飽d 但係感覺d涼拌雞絲真係縮水份量 雖然之前都唔係好多 至於上海小籠包就不過不失 可以接受 …Read More

閒日五點半 想食個簡單晚餐 呢個時間冇下午茶,冇套餐所以就係餐牌單獨咁叫嘢食叫咗一碗菜肉雲吞麵同埋 小籠包 😍😍因為已經有茶，又可以飲少少雲吞麵嘅湯所以冇再額外嗌嘢飲費事飲唔曬,飽得滯,就浪費了拉麵份量唔算好多,適中啦都唔錯,幾彈牙同埋佢已經幫你切開咗一半,唔會太長,方便食用雲吞x4 普通,中規中矩至於小籠包,抵讚既係佢嘅皮唔會穿窿👍🏻👍🏻咁就可以飲曬佢裏面嘅湯啦一個字 : 😋😋正配埋黑醋 微微酸 好味呀 仲食唔到肥肉😁…Read More

中午向德福飲完茶，行一陣就順便向附近食埋飯先返屋企， 第一次試上海姥姥， 價錢經濟實惠。 先嚟一杯熱豆漿😋，食上海菜點少得小籠包，鍋貼和醉雞，一定是必點的，還有點了輕食小吃手拍青瓜和皮蛋， 本身想食炸饅頭，但到最後都係試下香蔥芝麻餅。😁熱豆漿～豆味濃厚。小籠包～ 小籠包入面有濃郁的湯，入口配埋餡肉，非常好吃。鍋貼～ 鍋貼煎得剛剛好， 外皮脆脆的， 一啖咬落去肉汁爆曬出嚟。醉雞～ 醉雞肉質嫩滑， 花雕味好重。手拍青瓜～ 香噴噴的蒜香味配上青瓜， 清新帶點惹味。皮蛋～ 皮蛋不太靚，面層佈滿辣椒， 感覺偏油。香蔥芝麻餅～ 炸得金黃的外層， 入口不油膩，裏面軟淋淋的，推介！上海菜都幾啱我口味， 今次仲俾我發現到上海姥姥的下午茶都很抵吃， 下次一定要嚟試下。…Read More

淘大有間上海婆婆德福有翡翠拉麵小籠包，想呢區食上海菜最大路係呢兩間，當然樓上果間金X庭係幾好食既但勁貴同細碟到暈。今日就去試下間上海姥姥。上海婆婆其實係翡翠拉麵集團嘅～上海姥姥係大家樂集團嘅⋯⋯其實抄名你好抄到咁足好唔好🙄間野因爲勁細間，次次行過都勁多人等位一直無試，今晚竟然唔使排即入啦小籠包 $40/4 湯汁唔多，上面好彩唔硬，肉唔夠鮮$70正常size醉雞，份量唔多，雞背瘀左，不影響味道，酒味好味唔會好搶同苦，雞皮夠爽滑，但雞肉唔夠醉同肉有啲實，雞脾位有啲油脂好好多上海粗炒$80 碟頭算大，味唔會過咸，色水夠，汁好味。配菜可以多啲，因為真係除左幾片菜，火腿肉絲好少豆沙餅 $40 外少少脆，紅豆醬多，紅豆夠大粒又軟豆醬甜味剛剛好。整個餐最好呢個座bar枱就見到廚房有兩個哥哥姐姐喺度拉緊拉麵🍜見到都好攰👍🏻杯茶真係幾香幾好飲解晒上海菜既油膩感🍵待應斟茶夠主動，落單快上菜仲快，由坐低到食完都唔使半個鐘🤪果然係大家樂式快餐店快食上海菜黎講性價比係高既～但如果要慢慢嘆就會搵間啲枱無咁迫…Read More

九龍灣德福唔知幾時開始多左好多新食店餓JJ今次同屋企人黎試呢間上海菜由於時間尚早，唔洗等好耐就有得入座，本身有張high table，但同老人家黎佢地都坐得唔舒服吧！之後終於有正常嘅檯坐，見到佢連bar檯都有果然用盡寸金尺土水準還好，灌湯足夠，但略為厚皮左少少，味道尚可夠香辣，凍食都冇雪味，但雞肉偏硬身偏咸，份量少，味道一般味道合格，微辣中有麻香，花生碎，肉碎都夠多，麵嘅份量合格，唯店員落單冇問剪唔剪，我地分時有d論盡，扣一粒星星幾十蚊嘅炒飯份量少到咁，失敗，唔合格！雖然係咸肉炒飯，但整體味道偏咸，唔合格！每次食上海菜都必食嘅甜品，紅豆餡夠哂多，亦夠熱夠新鮮，呢個拎返d分數。食完好快清你張檯趕住做下一round生意，當快餐食算ok，但想同朋友家人歡聚就絕對唔適合。…Read More

上海菜大家一定唔陌生啦，不過又平又好座又好味既地方就少之有少，上海姥姥係云云上海小館之中，真係非常唔錯，以前就好鍾意去南小館，不過近年水準好似有D⋯⋯所以轉左黎上海姥姥，食物質素好，係性價比高既CAUSUAL DINNER好選擇！…Read More