SHANGHAI LAO LAO (Telford Plaza 2)

上海菜大家一定唔陌生啦，不過又平又好座又好味既地方就少之有少，上海姥姥係云云上海小館之中，真係非常唔錯，以前就好鍾意去南小館，不過近年水準好似有D⋯⋯所以轉左黎上海姥姥，食物質素好，係性價比高既CAUSUAL DINNER好選擇！

好高分啊呢個！同枱既朋友爭住食，就算女仔都不顧儀態大啖大啖咁爬入口。蟹粉味道唔錯，份量又夠，滿滿咁覆過D麵，加埋海膽又多左一份鮮甜，兩樣材料味道好夾，感覺好新鮮。

$138

凍食既桂花酒釀丸子，個人覺得凍既酒糟酸味淡D，好味過熱食，呢個 甜品仲加左蘆薈，比平時個D酒釀丸子更加鮮甜。

$28

小籠包水準好高，皮夠哂薄，好多湯汁，35蚊有四件，平過翡翠拉麵小籠包，抵食。

$35

前菜水準都唔差，85蚊有三樣前菜，性價比都幾高。

鹹肉津白

$62

50蚊勁大碗好抵食，可以兩個人SHARE。拉麵即叫即拉，麵身偏硬，好有麵香，湯底好清，排骨就好鬆化又勁大塊，切件上有5件，好滿足。

$50