湊湊火鍋‧茶憩 (家樂坊) (旺角)📍旺角登打士街56號家樂坊地庫B3號舖🍲湊湊火鍋愈開愈多分店！而佢哋經常都好Full，就算當日我哋星期四晚放工去都一樣好快就爆滿！🫣🏬家樂坊嘅裝修好有特色，🍽️枱與枱之間嘅間距同分布都可以令到食客感到好高嘅私隱度之餘，又不失空間感。湊湊出名著重服務質素🧑🍳，而且職員人數又足夠，佢地非常留意食客嘅進度再主動提供服務。服務呢一點真係加晒分，絕對有誠意！🙌🏻㊙️湊湊不同時段都有優惠🤔如果就到時間可以早鳥同宵夜時段入座都幾著數！🌞早鳥優惠:下午 6 時前埋單及離座可享 85 折🌓宵夜優惠:晚上 9 時入座可享 8 折湊湊除咗火鍋出色之外，其實台式茶飲都係佢嘅其中一個有意外驚喜嘅產物！鐘意飲店式茶飲就必叫大紅袍珍珠奶茶🧋！💁🏻♀️因為佢個茶底真係好濃郁，$29 （走珍珠）超大杯好抵飲。呢個都係我私心推介！💖🪯另外仲設自助區域，有好多不同嘅調味料，又有水果添，當晚嘅西瓜🍉仲要起晒沙，超甜又多汁！打完邊鍋食真係好解辣！🍲火鍋湯底方面，難得嚟到緊係要個鴛鴦鍋 $138x2，貪佢可以試晒兩種口味！其中一邊揀咗韓式泡菜鍋，另一邊就係有鴨血豆腐無限添加嘅勵志鍋。今餐飯食得好開心，因為有得玩遊戲又有禮品送！🇰🇷🥢因為叫咗個韓式泡菜鍋，所以可以參與挑戰一下韓流探熱針，入邊有幾個有關韓風嘅問題，答中晒就可以得到小章魚福袋！當然我答中晒先咁高興分享啦！🤭🇰🇷因為做做緊韓風主題，🍻所以都有燒啤 Combo！可以學啲韓劇主角用7-3 黃金比例去調製番杯啤酒溝Soju! 第一次試真係幾好味，唔知點解成杯酒變咗係帶甜好易入口！👍🏻🎁原來叫咗combo又會有神秘禮物！不妨試吓神秘口號 :「我要燒啤隱藏驚喜!」睇下會有咩收穫！🇰🇷韓式小食：🍗韓式炸雞翼 $58為咗配合燒啤combo 而叫嘅炸雞意外地多汁嫩滑！🥘火鍋配料：👛小章魚福袋 $49答問題而得到嘅福袋幾有質素！用咗優質豆皮，小章魚仔同新鮮魚漿混合而成，口感真係有Q 彈感！係我食過最好食啲福袋之一！🐧企鵝丸$59好可愛嘅企鵝墨魚丸用咗魚漿、墨魚肉、豬肉混合而成！味道唔錯，顏但都幾高，有得打卡又有得食！🦐精制蝦丸 $59食得出係用咗新鮮蝦肉打成，口感好爽彈，蝦肉含量好豐富！真材實料！🥖 油條 $28油條都係正常發揮啦🐖比利時五花肉 $88.00五花肉片切得好薄！所以唔洗20秒都已經食得！味道唔錯，肥瘦平均，甜度亦高！食到中後段，店員又會為每枱食客送上沙冰甜品🍧！果晚就有菠蘿沙冰，同埋蜜甘啫喱！解辣一流呀！好滿足嘅一餐！…Read More
