鱻潮手工私房鍋 (Closed)

今天走的有些遠來試這一家火鍋店，因為友人住附近，他說看見這家新開不久的店想試一下，他是不吃肉類，除了海鮮，而這一家店主打海鮮，而且是蟹！難得合他胃口，所以就來試試。位於熟食市場，但是位置在沙田圍站對面，而且第一家就是了，非常客易找分了室內跟室外有蒸海鮮、任食火鍋，我們當然是吃蟹宴！很貼心的提供了手套跟濕紙巾蟹宴手工私房鍋(半任食)  $288/位   ，  先是調味盤，醬油$10/位凍蟹一隻(約6両)蟹殼比較薄，好容易拆開，就算是拆蟹新手也絕對沒問題，蟹肉也挺扎實，蟹味比較清淡，做頭盤很合適星洲黑胡椒炒蟹半隻  或  咖喱蟹半隻(1隻約1斤)選了星洲黑胡椒炒蟹，上枱的時候還冒煙，同樣自己拆，這隻對比凍蟹就硬身很多，也比較難拆，幸好友人拆蟹有一手，很快就弄好。黑胡椒味道挺突出，醬汁也濃稠，但稍微不夠香，黑胡椒味可以再更濃味，而蟹肉就比較散，比起凍蟹沒那麼扎實，但沾了黑胡椒醬絕對可以用來佐飯。鱻潮花甲蟹窩  或  鱻潮招牌鍋(麻辣/鮮魚湯)身為海鮮迷，當然又選了花甲蟹鍋～比想像中清淡，湯料主要有什菜、什菌、粟米、花甲及蟹。湯能喝出沒有加味精，帶股很淡很淡的菜味和蟹鮮，這個湯需要愈滾才愈鮮，再焯其他湯料才會濃味一點，蟹用以滾湯，幾乎沒吃，而花甲略嫌不夠鮮甜。如果你只喜歡重口味，建議不要點這個，麻辣會更適合你，雖然我也是重口味的愛好者，不過，偶爾吃清淡一點的火鍋也是挺好的，覺得清新很多，也不怕肥(左)滿載而歸/雙魚出海/鱻潮手工雙蝦棒/鱻潮手工餃 (5選1) 、 (中)八寸皇帝蟹棒、(右)招牌手工蟹子蟹肉珍寶珠5選1中選了鱻潮手工雙蝦棒，外面是蝦肉造成，裡面是餃子，蝦肉比蟹子蟹肉珍寶珠彈牙一點，而餃子應該是豬肉餃，中規中矩。蟹棒真的很長一條！看到它的外觀很期待，蟹棒一定不能焯太久，不然就會散開，口感也會變得不好吃。吃起來沒有說很彈牙，但是挺甜的，也吸了湯底的甜味。手工蟹子蟹肉珍寶珠小小的兩顆，但這個比較一般，不夠彈牙，蟹子也不夠多手工魚皮  或  手工響鈴選了手工響鈴，超大一個！把它在湯拖三兩下就可以吃了，但這個炸得不夠脆，吃起來沒那麼香西班牙黑毛豬  或  安格斯牛頸脊選了後者安格斯牛頸脊，有8片，但是色澤有點令人失望，是偏黑的，就是放了冰箱有一點時間了。不過吃起來還不賴，因為它是厚身的，並不是像肥牛般薄薄的，吃起來是有質感，牛味也有。30款火鍋料任食以蔬菜類為主，也有丸類和少量肉類。當中比較得我歡心的是陳皮魚蛋，陳皮味很突出；冰豆腐也不錯，蜂巢的結構會吸了湯汁和醬汁；一定一定要點田園蔬菜盆，本身湯底已經有不少蔬菜，但是這個湯底真的很適合焯蔬菜，因為湯底令蔬菜更加鮮甜，就算是吃火鍋，但吃了完全不覺得有罪惡感～另外，也少不得吃火鍋必備的芝士丸、牛丸、麵類等等整體來說，$288一位不能說它貴但也不能說它便宜，因為每個人也吃了兩隻蟹，而且又有火鍋配料任吃，也免加一免茶芥(星期五、六、日及公眾假期+$10)，以熟食市場的地理位置來說，性價比是成正成了。…查看更多

過去一年，火鍋界大吹北風，任何類型的火鍋開得成行成市，好像重慶麻辣、日式、韓式、泰式等等，可能「隔籬飯香」開始有點厭了，始終吃得多都熱氣，但今日去朋家就在沙田博康邨發現呢間手工私房鍋，就相對特別打住家味道，玩私房蒸鍋，先用蒸氣鍋蒸熟食物，再用粥底打邊爐朋友成日話最好一個價錢包晒野食，星期一至四，每位$198，可選擇六款海鮮，兩款肉，三款蔬菜，還有一鍋粥。醬油費$10，但酒水呢就呢度加20蚊可以任飲汽水啤酒！入到去環境比想像中要好！因為在入面始終是熟食市場！但【鱻潮手工私房鍋】算是非常闊落、光猛、乾淨！係好像人手有點不足而已...得兩個人走全場一坐低就有人拎調味盤過嚟，蔥、生蒜，炸蒜、辣椒油、指天椒、芫茜..任君選擇另外枱面上擺放左即棄套同埋濕紙巾，貼心到爆，唔洗怕食到咁邋遢。👉🏻款粥底分別係乾瑤柱粥底及南瓜排骨粥底我揀選既係乾瑤柱粥，就有一種感覺同海鮮會好配合...而且因乾瑤柱本身鮮味濃郁，煲煮過程中鮮味滲入米內，香氣誘人啊！粥底係蒸氣鍋是非常之咁重要，將先預備好既濕米同瑤柱絲先放入底層，之後要做既係蓋上上層等待最後既成果黎臨鏡頭一轉黎到我地既蒸鍋配料首先最上層當然係最重要既海鮮，順帶一提每一種食材完熟既時間都有所不同，食之前睇一睇紙仔上面既完熟時間，但上菜個陣員工都會一步一步咁都會教你用timer計時。就唔洗怕過熟喔！由廚師挑選6款新鮮海鮮...分別係龍蝦仔、花甲、鮑魚、貴妃蚌、鮮魷、白鱔圈但除左龍蝦仔之外基本上都可2到3分鐘就可以食得。非常快手！👅鮮魷鮮魷卷成花花既形狀，應該係最易熟既海鮮，基本上見到變成實白色已經食得，剛好熟成既鮮魷爽滑有彈性，非常有咬口。👅白鱔圈好多人都會好怕食白鱔，主要都係白鱔既魚骨幼長難捉摸，但呢到既鱔肉都經過去骨既處理，絕對安心去大口大口吃下去，白鱔既魚肉會結實，食起黎會好有口感唔會散散爛爛，清蒸既味道尤其鮮美。我都幾推介呢樣食物！👅花甲份量超級多，接近有20隻，雖然唔算係高價食材，但同樣鮮甜，而且全部都打開口口，證明用料新鮮，花甲肉沾小小豉油味道更加好。因為可以提升鮮味既濃度！👅龍蝦仔全晚最期待既海鮮王，價格貴就不在講啦，點解要蒸耐小小，因為肉都幾多，而且肉質既甜美唔係普通大蝦類可以媲美，啖啖肉，咬落就夠滿足了，特別係蝦頭既半溶解既蝦膏真係一食難忘。呢個不得不試！基本上拆肉問題不而擔心，因為已經可以就這樣容易食用了。👅貴妃蚌係眾多海產類入面都比較喜歡既一種，不僅比扁貝更肉多豐滿，而且爽口甜美，基本上唔加任何調味，只要混上小小蒜蓉，都已經好好味，記得要飲埋殼上面既精華湯汁，再講...貴妃蚌清蒸才是王道。👅鮑魚本身黎講對鮮鮑魚麻麻地既，因為的懶食起黎始終會吃力一些，醃上蒜蓉和調味料，都唔錯！蒸鮑魚仔時間不可以太長呢，否則肉質會變韌！👉🏻接住落既係蔬菜同手工製品，由六款中自選岀三款。👅手工蝦膠配勝瓜蒸起既勝瓜比水灼既多一份爽脆感，本身粘粘既手工蝦膠，竟然如此咁彈牙，純蝦肉既口感果然非同一般。蝦膠配勝瓜一流！👅手工墨魚膠配冬瓜個人比較喜歡較淋身既冬瓜，味道清清淡淡還不錯飲落小小會有鮮味可以是說清甜的冬瓜...手工墨魚膠如同一切，依然爽口彈牙，以墨魚膠填滿，喜有豐富口感！但相比之下墨魚既味道比冬瓜更為濃一些。👅蟹子南瓜福袋呢個好推介啊！以腐皮包住蟹子南瓜蓉，微微既豆品夾雜係南瓜蓉入面，甜而不膩，食落都有一點飽肚感。但新鮮感十足！好好食👉🏻再黎既係兩款自選肉類，分別揀左安格斯牛頸脊同埋大澳蝦醬豬頸肉。👅安格斯牛頸脊鋪係娃娃菜上面係為左無咁易黐底，牛肉本身就唔需要太熟，1.5分鐘已經好足夠，肉質肥瘦均衡，蒸氣煮熟感覺上肉味更岀。👅大澳蝦醬豬頸肉連同牛油紙一同蒸熟，豬頸肉既肉汁加上濃厚既蝦醬以及蒸氣中既水份產生成自然既sauce，帶着小小既油脂感，但幾過蒸氣沖淡後，不會過濃烈，我都幾特別喜歡呢種味道。最後這個晚餐食埋底層既粥底就完美Ending了底層粥底包攬以上所有既海鮮，肉汁既精華，表現岀鮮甜以及...軟滑綿綿既味道，乾瑤柱份量不才但粥底份量更多！絕對是棒著肚離開的！雖然人手不太夠，但都見店員快快手手，其實呢個價位食到先用蒸氣鍋蒸熟食物，再用粥底打邊爐都已經係性價比高了！幸好有店員告知我們每款食物蒸多少分鐘，所以蒸出來的食物，時間蒸得準確，又夠火喉，就能吃出每樣海鮮同食物的鮮味。最讚既係餐廳名大方！會預備膠手套同濕紙巾比每個客人使用，可以安心吃、用手吃、無儀態咁吃！爽啊！…查看更多

今日入左沙田圍探個朋友，諗住話一齊食個飯敘下舊。朋友知我一向鐘意食蟹，連個名都改到成隻蟹咁，於是佢帶我去左附近博康邨個熟食市場，話呢度有個好地方，包我食蟹食到夠皮咁話。去到望到個名”鱻潮”，三條魚，唔係好識讀。好彩朋友係中文系出身，即刻上身咁講書話 鱻字 讀鮮，係鮮嘅異體字，就係字面咁解，新鮮呀。 我都即時應左句 : 梳突S呢！入到去坐低，原來都幾多選擇，有散叫又有套餐，套餐有兩款，一款係私房蒸鍋($198)，主要係粥底+蒸海鮮。另一款係蟹宴手工私房鍋($288)，有凍蟹、有炒蟹、仲有蟹鍋半自助打邊爐。今日黎得就係為左食蟹食到夠，所以都唔洗點諗，即刻叫左兩位蟹宴手工私房鍋！首先出場，一人一隻凍蟹。一隻凍蟹唔難整，好簡單嘅整法，清蒸再雪凍就係。但一隻好食嘅凍蟹就唔易有，原汁原味，唔加調味先最能夠食到蟹嘅鮮味，但新唔新鮮一食就知。 凍蟹黎到賣相唔錯，顏色都好鮮色，最難得嘅係，一聞落去仲有陣淡淡嘅海水咸鮮味，證明蟹係新鮮貨，唔係用雪蟹。單以用料計，已經足以比滿分。蟹食落肉質結實，一梳梳，而且薄殻厚肉，仲有少少蟹膏，非常鮮甜，一d腥味都無，非常有驚喜。之後就係第二道蟹，星洲黑胡椒炒蟹，呢隻係肉蟹，老闆娘話有成斤重，個鉗都成個殼咁大。食落有別於一般坊間黑胡椒炒蟹，略帶甜味，係個汁仲見到微粒黑胡椒碎，唔係普通開粉嘅汁，唔會話食落只得黑胡椒，無晒蟹味。蟹肉亦非常鮮甜，而且肉都好多下，朋友果然無介紹錯。跟住就第三道菜，花甲蟹鍋打邊爐！龍頭鍋好有氣勢，湯面鋪滿娃娃菜，而蟹同花甲都係生嘅，唔係整好先上枱，起碼唔會煲到老晒先，通常材料新鮮先會敢咁做，亦睇得出老闆對自己材料嘅信心。蟹鍋非常足料，用左2隻蟹做湯底，又有蟹食之餘，個湯亦好鮮味。套餐會跟一碟肉，我地揀左安格斯牛頸脊，雖然係有少少肥，但肉質唔錯，亦好重油香，可以一戰。之後有幾款特色配料都幾有趣，食完問老闆娘先知原來係自家出品，出面食唔到架。第一碟分別有八寸皇帝蟹棒、招牌手工蟹子蟹肉珍寶珠同黑白墨魚磚。八寸皇帝蟹棒咁長固然有特色，但比較值得一講嘅係招牌手工蟹子蟹肉珍寶珠同黑白墨魚𥖁。蟹子蟹肉珍寶珠係用蟹子、蟹肉碎同蝦膠打成，每日新鮮做，食落非常彈牙爽口，好似食緊新鮮蝦咁有口感，非常重蝦味，唔會好似出面個d溝左粉。 至於黑白墨魚𥖁就更有趣，底個塊食落似紅腸，問老闆娘先知原來係台式墨魚腸，面頭配搭自己打嘅墨魚膠，非常好味，一人一舊有d唔夠喉添。之後呢個手工魚皮又係出色，塊魚皮成隻手掌咁長，原條魚皮無切開。呢個魚皮食到中段先黎，原來魚皮係新鮮人手即叫即炸，比起出面一般加工個d碎魚皮，香口好多，而且粉無咁厚，好好食！另外亦有幾十款火鍋配料任食，比張紙大家睇下。總括來講，非常滿足嘅一晚，蟹非常新鮮，用料有質素，單單食蟹已經開心死。而且呢度有幾樣自家製火鍋配料，亦睇得出老闆娘用心經營，肯花時間去做d平常少見嘅好野食出黎。有機會會同朋友再黎試下個蒸鍋，睇下會唔會又有驚喜！…查看更多

某日收到朋友邀請話想試吓呢間手工火鍋，第一眼望住三個魚字.....係唔識讀嘅睇完餐牌後決定試下個$198套餐，首先前菜揀左螺肉，都幾大粒幾好味！不過就多左啲醬，食得多會膩。跟住就黎個湯底，第一次就試下佢個招牌鴛鴦鍋，一邊係麻辣一邊係鮮魚湯，似乎係普通湯底，魚湯鮮味未見突出，麻辣湯底都幾濃味而且夠麻，不過嘴刁的我認為可以再辣啲！跟住黎左盤勁野就係我最喜愛嘅海鮮拼盤。拼盤有蝦、龍蝦仔、魚片、蜆同魷魚，各款海鮮都幾新鮮冇雪味，如果可以ENCORE就好啦！接住黎既係一份肉，我地揀左安格斯牛頸脊，份量都算多而且油脂分佈都幾適中，淥熟之後啲牛味更加出，一啲都唔肥，肉質幾軟，值得一試！！之後我地都點左啲配料，有蔬菜盤、蘿蔔蕃茄粟米、韭菜餃、丸類芝士腸同鮮腐竹等等，不過佢每樣野都只會俾兩件，所以至少要叫兩次先覺得夠食。特別推介佢嘅新鮮熱辣炸魚皮同響鈴，由於係新鮮炸架所以要即食，響鈴好食必推可惜又係只可以叫一次同埋得一舊，完全唔夠喉丫！唔知係咪餐廳之前係網上社交平台落左廣告，驟眼睇店內都幾爆，所以老闆同職員都幾忙唔多得閒照顧我地，出現有少少漏單情況，而食物質素同份量方面我認為可以控制得更好，期望下一次再黎幫襯時會有所改善啦:)…查看更多

老遠又來到了沙田博康村，多年前有來過這裡的熟食大排檔，味道依然回味中，印象感很好！這次是來尋找網上瘋傳的「蟹宴」，熟食檔入口位置便是要尋找的對象「鱻潮手工私房鍋」！店鋪的招牌外裝修很吸睛，但一進入室內卻很簡陋，像是想要裝修成一間正式的餐廳，卻變成了臨時裝修似的，只是大排檔多了幾幅牆...牆上掛了一些玩懷舊的海報畫作裝飾，但明顯的簡體字便變成了格格不入。店內餐檯不多，只有數張，店內來來去去也只有一個女侍應。餐檯腳有點不平，不停搖來搖去的。二話不說了，既然衝著蟹而來，當然便要嚐一嚐「蟹宴」。侍應細心地講解了一次蟹套餐所包含的食品，落單後兩分鐘，先來一客頭盤～凍蟹！相影出來也不小，但一擺上餐檯會有點驚呆...凍蟹小得可憐呀！尺寸比我拳頭還要小...應該比小朋友的拳頭大些少...但又何必呢？何必這麼小就拿去烹調，有肉可食嗎？翻開蟹蓋，果然沒肉沒膏，蟹身亦只是有少許肉，蟹的腳也不見得有肉，辛辛苦苦去解剝一隻蟹，卻是辛苦得不到滿足的感覺，真是何必呢。第二道菜是咖喱肉蟹或胡椒蟹選其一，咖喱蟹比較普遍，當然要試試師父的胡椒蟹吧！賣相很不錯，蟹殻雖然有少少燶感，但不影響蟹肉的味道。兩人一隻蟹，蟹不算大隻，以這尺寸在街市賣應該$65-88/斤，蟹鉗也不算大，所以蟹身的肉也不算多，蟹身一開二剛剛好，如開四便會覺得太小。蟹蓋沒膏，蟹身肉尚算新鮮，但蟹腳的肉黏實了蟹殻，很難拆，根本食不到，這情況正表示蟹不夠肥美不夠結實呀。最後便是花甲蟹鍋，在上鍋前，侍應會先清理一下檯面，翻起一塊板，見到一個洞，然後會見到一個瓦斯爐，要蹲到檯底開火的，很有僭建的感覺，有點滑稽。湯鍋的手柄位是個龍頭，現在好像都愛玩這種類型的鍋。鍋內花甲只有數隻，肉小，而且口感偏「霉」，不太新鮮。兩隻小小蟹，亦是沒肉好食，但味道上反勝前兩蟹，比前兩者鮮甜，可惜肉少得可憐。同樣也是沒膏的。鍋內有大量娃娃菜，還有一些菇，湯底是清湯，味道清清甜甜，不算濃郁。套餐附有三種配材，手工魚皮超大塊，有如原條魚起皮炸香，可惜味道卻很一般，有點過厚過硬，又有點難啃，完全沒有皮薄酥脆口感，一般貨色得狠。安格斯牛頸脊，肉味不重，賣相一般，口感一般，味道也很一般。手工蟹棒好長，就好像三條蟹棒黏在一起，是有點令人嘩然，可是...普通蟹柳而已。黑白墨魚磚反而有些少驚喜，墨魚肉口感爽彈。最後的丸...好像叫珍寶珠，印象中口感最好，相信有經過撻打的製作過程，所以超爽彈，這個好食。還包30款任食配料，如芝士丸、魚片、牛骨髓、豆腐、冬瓜......其實選擇好像很多，但其實又沒什麼好選，但又必須選，因為食完三蟹後是未飽的，一定要再加配料才有飽的感覺。$288蟹宴加一服務費，主題是極具吸引性的，但質素很一般，不能令人滿意，食物的味道就如店鋪的裝修一樣，只有表面的賣相是不足夠的，內在才是重要。就算廣告做得有多瘋狂，網上有多瘋傳，KOL有多吹噓，結果一試便知是龍還是蟲，倒不如去大排檔食一個有風味的豬骨煲好了。…查看更多