嵐橋日本料理

喺尖沙咀棉登徑有一間高質日本料理，地下係刺身丼飯專門店，上到閣樓係氣氛好有日本風情嘅居酒屋。餐廳每日都有日本空運直送推薦菜式，每日都有驚喜！✰刺身：❥養殖吞拿魚赤身 $108/2切唔鍾意食吞拿魚赤身嘅我，竟然試完覺得好鮮甜好好味😳❥油甘魚腩 $94/2切超級肥美😍勁厚切，咬落去嘅魚油直逼你嘅味蕾！❥石垣貝 $68/1隻鮮甜爽脆，非常值得一試。✰壽司：❥蔥花拖羅蓉壽司 $48❥三文魚籽壽司 $48軍艦壽司嘅紫菜最緊要脆！三文魚粒粒飽滿，而且份量好多，放入口係滿滿嘅幸福感。 拖羅蓉亦都好鮮甜。✰安格斯牛肉薄燒 $168❥鐵板燒安格斯牛肉牛味香濃，捲住蔥花同埋炸蒜片，如果生熟程度可以再生少少嘅話就Perfect😆 ✰吉列廣島蠔 $98❥外層金黃香脆，個皮唔會太厚，廣島蠔夠肥美熱辣辣而且好Juicy，生熟程度啱啱好！可以點沙律醬同埋燒汁一齊食。✰串燒：❥厚牛舌 $58❥雞軟骨 $28❥粟米 $28串燒火候十足，唔會燒到乾柴柴，非常好食。✰安格斯牛肉鍋燒烏冬 $148❥份量十足嘅鍋燒烏冬，安格斯牛肉都有幾片，仲有流心溫泉蛋，沾點牛肉食更加滑溜。💵2人食👩🏻‍🤝‍👨🏼人均約$580…Read More

◐高質刺身壽司｜推薦安格斯牛肉薄燒K11 行過去好近，嵐橋日本料理和嵐橋日本丼飯就係隔離，豐儉由人。Bar檯擺滿新鮮魚生，師傅即整刺身壽司，質素算比較高。另外熱食我推薦安格斯牛肉薄燒，有鐵板燒既味道😛. ◮ 和風刺身沙律 • ⁸ ⁄ ₁ ₀前菜好大份！角切池魚、三文魚粒、牡丹蝦、飛魚子，黑醋汁沙律菜好開胃. ◮串燒必點雞肉棒，與別不同係，附上蛋白呈半生熟，蛋甜味突出！⎊ 免治雞肉棒$52 • ⁸ ⁄ ₁ ₀⎊ 雞皮餃子$38 • ⁷ ⁄ ₁ ₀⎊ 鹿兒島黑豚秋葵卷$42 • ⁷ ⁄ ₁ ₀. ◮刺身壽司中拖真係肥美☺️池魚算靠近腩部位特別甜🥰素質算中上！⎊ 中拖羅刺身$228 • ⁸ ⁄ ₁ ₀ 🎖️⎊ 深海池魚刺身$118 • ⁸ ⁄ ₁ ₀⎊ 黑松露三文魚籽帆立貝卷 $158 • ⁷ ⁄ ₁ ₀. ◮黑松露帶子炒飯$148 • ⁷ ⁄ ₁ ₀黑松露味突出，帶子粒爽口，整體炒得香口，2 人食飽肚🍛. ◮安格斯牛肉薄燒$168 • ⁸ ⁄ ₁ ₀ 🎖️🎖️薄燒牛包裹蔥花，配上特製燒汁，牛熟度恰到好處屬嫩滑🤤…Read More

今日黎左位於尖沙咀棉登徑既嵐橋日本料理食個lunch。入口係地下，行樓梯上一樓就係用餐區，裝修係正常日本餐廳既樣。午市套餐有好多選擇，包括刺身，壽司，丼飯，燒肉飯，燒魚飯，咖喱飯，壽喜燒，石鍋等，價格由$128到$198不等。星期六日同公衆假期先收加一服務費。所有套餐均配沙律，味噌湯，茶碗蒸，前菜同雪糕。加$12可配可樂，雪碧，蘋果汁，或者橙汁。今次好滿座，安排左坐喺壽司吧枱，見到好多刺身，仲聞到好香嘅火炙魚生味，咁就不如叫個刺身定食，另外同行友人叫左個安格斯牛肉薄燒配白飯。服務員會將所有跟餐食品，包括主菜，沙律，味噌湯，茶碗蒸，同前菜一齊上。刺身定食配白飯 $188餐牌寫明刺身有赤身，油甘魚，深海池魚，鯛魚，三文魚，鮮八爪魚2片，帆立貝2片，同甜蝦2隻。刺身船擺盤精美，款款刺身都厚切鮮甜。我特別鍾意帆立貝同甜蝦，帆立貝厚切啖啖肉，甜蝦鮮甜而蝦頭有汁。好少食鮮八爪魚，兩件鮮八爪魚用一支竹簽串住，好過平時啲八爪魚，因為呢度呢d新鮮同彈牙啲。碗白飯係熱嘅，雖然個人覺得配刺身唔多夾，不過留黎配安格斯牛肉薄燒就正。安格斯牛肉薄燒配白飯 $148安格斯牛肉薄燒已經切好八塊，牛肉夾左好多蔥花喺入面，上面灑上白芝麻粒。牛肉下面有芽菜墊底，伴碟仲有唔少蒜片同蔥花俾你自己加落啲牛肉度一齊食。牛肉薄燒有少少燶，都幾香口，個汁送飯食好。熱辣辣白飯一大碗。跟餐沙律跟餐沙律係新鮮沙律菜，粟米粒同車厘茄，加左柚子醋沙律汁調味，酸酸地好開胃。跟餐味噌湯跟餐味噌湯味道正常，有豆卜絲，昆布同葱花。跟餐茶碗蒸跟餐茶碗蒸好滑，調味健康冇加鹽，配料豐富，有雞肉，冬菇，日式魚蛋同白果。跟餐前菜今次兩個餐嘅前菜都唔同，分別有辣味蜆仔青瓜粒昆布同胡麻醬凍豆腐。辣味蜆仔青瓜粒昆布有三隻蜆仔，都幾大隻，食落質感實在。辣味醬係少少辣。胡麻醬凍豆腐滑溜清新，落左勁多胡麻醬。跟餐雪糕 雪糕有豆腐味，芝麻味或抹茶味揀。作為一個跟餐甜品，質素真係好高。雪糕好滑，芝麻同豆腐味都好香濃，個人特別鍾意芝麻味，雖然個雪糕球細d。 總括而言，呢度食物質素高，次次黎都無失望，對得起個價錢。…Read More

一向都好鍾意食日本野，今次就係尖沙咀揾咗呢間日式料理店食lunch😆 佢係K11附近，唔想係商場食，都係個幾好嘅選擇。呢間餐廳係一間樓上店，應該有兩、三層，今次就係係一樓食飯，除咗有卡位，我哋都見到有師傅bar枱位。北海道丼 $168呢個北海道有各款魚生，包括牡丹蝦、油甘魚、三文魚、帆立貝、松葉蟹肉蟹膏、蟹籽，仲有海膽添🤭 魚生每種都係厚身，各有兩片。帆立貝係超級厚身又鮮甜，海膽新鮮，油甘魚同三文魚都係比較肥美，所以好好味😋 而且佢既壽司飯都比較特別，唔使另外再落豉油👍🏻 整體嚟講都唔錯，可以食到新鮮嘅刺身就好似去咗日本咁開心🥳安格斯牛肉薄燒 $148唔想食生冷嘢的話，呢個飯就啱🤓安格斯牛肉薄燒有八大件，每件都好香。牛肉薄燒無燒到乾晒或者過火變韌，牛味都出。本身以為淨係得燒汁調味，原來佢每一件牛肉薄燒入邊都會包左一啲嘅乾蒜片同小蔥粒😋 味道豐富好多又惹味，唔會過鹹，用嚟撈飯一流😝。每一個午餐定食都會有沙律、茶碗蒸、小菜同麵豉湯。茶碗蒸入面都幾多料，仲幾滑身。甜品-雪糕 (跟餐)當日有豆腐、芝麻同埋抹茶味嘅雪糕揀。我哋就揀咗一個芝麻味，一個抹茶味。芝麻味味道濃郁，仲有啲芝麻粒粒；抹茶味相對上嘅奶味比較重，但可能未滿足到抺茶控甘味要求🙈，不過我覺得都幾好。…Read More