Niu Jing Wong (Closed)

今日放假同老公去九龍城探佢兄弟，之後諗住過下2人世界， 決定食埋晚飯先返去，九龍城除左多泰國菜， 仲有好多火鍋店，最後黎左食<牛精皇>~ 店內唔算太大，但環境整潔舒適， 店員熱情有禮~ 呢度以“牛”為主打，仲有多款精味小食， 除左散點之外，仲有2人、4人、6人、8人等套餐， 價錢亦非常實惠， 方便好似我地一樣有選擇困難而又想試多幾款的朋友~ 湯底有多款選擇，包括清湯、沙嗲、芫茜皮蛋、 椰子燉雞、牛尾湯、麻辣湯、冬蔭功等， 我地點左“精選2人套餐”，可以選擇$68的湯底， 因為太想試冬蔭功，所以補左差價點左冬蔭功+芫茜皮蛋~ 一定要推介呢個“冬蔭功湯底”，湯料十足，有大大隻的蝦、青口等，非常豐富，湯酸中帶甜，微微的辣，非常鮮味，正宗泰式風味，我飲左足足4大碗~ 之後客人可以自己調配醬料~ 上菜方式好特別，用左三層式的下午茶架上枱，店員仲好貼心講解食材以及需要燙的時間~ 最底層是牛肉主打：手切牛肉、安格斯牛肉粒、牛白肉~ 手切牛肉肥瘦均勻，肉質粉嫩 牛肉粒口感十足，牛味濃郁~ 牛白肉(牛胸肉)，我都係第一次食， 店員指它是接近胸骨的軟骨位，只需要燙8-10秒就可以食， 口感幼嫩爽脆，好特別~ 中間層是蟶子、青口以及自家包製的雲吞、餃子~ 青口新鮮肥美 蟶子巨大一隻，比手掌仲長， 非常爽口彈牙~ 自家包製的雲吞、餃子有韮菜餃、鮮蝦琺吞、魚皮餃~ 大大粒餡料十足~ 最上層就是手打丸類，包括有蝦丸、鯪魚丸、墨魚丸、牛丸~ 我最鍾意蝦丸、墨魚丸，爽口彈牙~ 仲有豐富的蔬菜籃及手打烏升冬~ 個烏冬仲係好煙，配埋個冬蔭功湯超正~ 最後仲忍不住點左個“紫菜嚮鈴”， 可以即食或者燙3-5秒，非常香脆~ 食火鍋一家要飲“竹蔗茅根水”，自家製清甜可口又解渴~ …Read More

兩天前天氣還很熱很濕，但這兩天突然又變冷。又是適合打邊爐的時候。這次與朋友互相遷就，來到九龍城涮一涮。九龍城看似很偏遠，但原來與樂富十份近。來到的時候已經幾乎滿座，首先先自行調制醬料（注意：醬料要每位加＄18)，可自由加蒜、蔥等等。湯底選了野生松茸豬肚雞鍋。起初湯底很多泡，店員細心地替我們隔了泡，之後不斷替我們加湯底雞與鍋是另外上的，店員替我們放了雞進鍋，滾了一會兒便關火。對我們說自行計時8分鐘後便可以吃了。原本想點竹蔗茅根水的，但因為太受歡迎，售韾了，唯有叫綠茶。不過原來是道地蜂蜜綠茶，是的至愛來到牛精皇這吃牛的地方，怎能不叫牛？牛皇拼盤一定是必叫之選！雖然是貴，但真的值。牛皇拼盤有3層，第一層是安格斯牛肉粒及牛白肉；第二層是牛舌及牛𦟌；第三層是頂級肥牛安格斯牛肉粒必須要泡在湯底最少10分鐘，泡得越久，會更好吃！吃進口，會感覺到牛肉的脂肪油從牛肉擠出來，十分美味！接著說說其他肉，牛白肉真的是火鍋珍品，因為接近牛胸骨的軟骨，所以吃的時候會感到爽脆！涮6-7秒便能吃:)牛舌與牛𦟌，肉質結實又帶點彈性，配上醬汁更鮮美。頂級肥牛脂肪分佈平均，入口綿綿的，肉香突出。打邊爐必配烏冬，稻庭烏冬是我愛的烏冬的其中一款，因為這烏冬口感煙韌，配上醬汁或湯底真的一流！喜愛芝士的我怎會不叫芝心丸？濃濃的芝士真的很吸引人xd…Read More

又到左打邊爐既季節，年年都去屋企附近酒樓食，今次就同屋企人去新地方打邊爐！正所謂新一年，新景象xd我當然有做足功課先去嫁喇，屋企人都好中意食牛！見佢咁出名既牛精鍋同牛皇拼盤，乜都唔洗諗－就牛精皇喇！唔只牛出名，佢地既海鮮都幾有名，隻隻生猛活潑，不過我地咁遠水路黎到就緊係要食佢地既主打拼盤A_A入到黎環境尚算寬敞，有好多大圍枱，好適合一家大細黎依到歡聚一堂！望一望四周，牆上會因應客人方向設置電視機，如同係睇電視送飯冇分別XD所以都幾岩香港人既風格，不過7點入座，餐廳已經就快爆滿，好彩我地早黎左一步除左餐牌睇湯底、海鮮外，仲有餐單可以剔～大多數既材料都齊全，不過飲品就要另外再望望，除左大家最期待既牛精鍋，再會揀其他配料～醬料每位需加$18，大家因應自己喜好落料，不過如果大家食牛精鍋濃湯，可以選擇唔加，因為佢個湯底已經夠晒濃郁入味～招牌牛精鍋濃湯，我地最期待既畫面出現了！！店員會先幫我地落料，再等佢慢慢滾，湯底材料全部都係牛雜，湯底係超濃郁既牛腩汁，加埋牛雜就真係牛味十足～材料都幾多，絕對個個都有份，浸過牛湯既牛雜，每塊都牛味撲鼻，主要係牛腩、牛肺、牛根、牛肚等等，食落帶少少餘香，湯汁啖啖精華，大家都好興奮，材料未到，大家就食住牛雜先喇～鮑心蟹籽芝士丸雙併，兩個我都好中意食～雙併價錢抵食又可以食多款野，兩個都係鮑心丸XP 丸類夠晒彈牙，蟹籽咬落去有汁滲出黎，而芝士則可以撕拉，味道一流～芋絲，打邊爐咁熱氣就緊係要揀啲健康食品XD高水份，夠晒爽口，而且有利於腸道，滾耐左會慢慢變成湯底既顏色，但點都唔會散開～芝士腸，皮層夠脆，芝士滲出黎未算好多，但依然中意食～對我地而言，芝士腸係打邊爐必點既材料～隆重期待！！牛皇併盤出現了@_@拼盤一共有三層，而每層亦都有兩款唔同種或部位既牛肉，賣相異常吸引，最上層有安格斯牛肉粒同牛白肉，少見既牛白肉呢～中間果層係牛舌同牛展，餐廳處理牛肉既手法亦都要讚一讚！生牛肉夾起上黎唔會有太多血水，平日食開都係血水滿滿，感覺唔太衛生，但依間完全冇依樣問題，值得一讚！而最底層既就係頂級美國肥牛同本地肥牛，肥牛既脂肪分佈平均，兩種既外形既分佈上都會有明顯既差別～黎到當然要落牛喇，建議大家可以問店員拎個牛肉專用兜（如上圖XD）咁就可以避免啲牛肉滾滾下唔見左，搵到既時候為時已晚，而且通常牛肉一塊一塊碌，十來秒熟左就食得，唔洗一次過倒晒落湯到滾～頂級美國肥牛，近乎完美既脂肪比例，肉質鮮嫩香滑，味道滲著淡淡濃郁安格斯牛肉粒，滾得愈耐愈淋愈好食，起碼都要10分鐘以上，所以專用兜係比須的XD香濃多汁，但脂肪比例較多，會食到陣陣脂香味，口感亦較軟淋細滑牛白肉，第一次食到既牛白肉，開頭未知何妨神聖，入口之際先知原來係牛既脂肪，口感係偏爽軟，但食既係脂肪，不過因為我不太好食脂肪（唔健康）所以都冇咩點食XD牛舌，口感煙韌，厚薄均勻，唔錯～本地肥牛，只需5-6秒即可入口，牛味極濃，而且食落香口，同個湯底好夾竹庶矛根，一飲就知道係自製竹庶矛根水，清甜解渴，淡淡既竹庶味，全都係煲出黎清甜味，毫無添加，天然又降火…Read More

去到九龍城福佬村道，一條街多檔打邊爐，無論嚴寒的冬天或熱辣辣的夏天，想「打」真的不用擔心找不到！今次看到一隻「牛頭」，店名又叫「牛精皇」，想是牛是該店的鎮山之寶吧，有點看頭。店不太，目測大概有6、7張桌左右，裝修不錯，冷氣也頗足的，在炎熱的夏天打邊爐，完全是享受。加上店的裝修不錯，座椅也頗為舒適（不是大路的酒樓椅，用的是軟的、有長椅背可以靠的椅），很適合我們這些懶人！不但是椅子，其他方面也很細心，好像在煮烏冬時，待應專門送上大size的湯勺，很好用！這次我們叫了個二人套餐，有手切牛肉、安格斯牛肉粒、少見的牛白肉、青口以及一眾手打丸等。上桌時賣相不錯，牛肉油脂豐厚，而安格斯牛肉粒「烚」透了以後，入口嫩滑，富有牛味。最驚喜的是他們的丸，真材實料，手打的口感結實彈口，非常有誠意，我特別喜歡牛丸、蝦丸和墨魚丸。另外，青口、聖子都非常新鮮。PS: 現在以Facebook打卡，還可以免費獲贈一罐汽水。以二人份量而言，真的吃得飽飽，本來打算之後到訪合成糖水也無奈地取消了！…Read More