Niu Jing Wong

今日放假同老公去九龍城探佢兄弟，之後諗住過下2人世界，
決定食埋晚飯先返去，九龍城除左多泰國菜，
仲有好多火鍋店，最後黎左食<牛精皇>~

2

店內唔算太大，但環境整潔舒適，
店員熱情有禮~

呢度以“牛”為主打，仲有多款精味小食，
除左散點之外，仲有2人、4人、6人、8人等套餐，
價錢亦非常實惠，
方便好似我地一樣有選擇困難而又想試多幾款的朋友~

1

湯底有多款選擇，包括清湯、沙嗲、芫茜皮蛋、
椰子燉雞、牛尾湯、麻辣湯、冬蔭功等，
我地點左“精選2人套餐”，可以選擇$68的湯底，
因為太想試冬蔭功，所以補左差價點左冬蔭功+芫茜皮蛋~

冬蔭功+芫茜皮蛋

一定要推介呢個“冬蔭功湯底”，湯料十足，有大大隻的蝦、青口等，非常豐富，湯酸中帶甜，微微的辣，非常鮮味，正宗泰式風味，我飲左足足4大碗~

之後客人可以自己調配醬料~

上菜方式好特別，用左三層式的下午茶架上枱，
店員仲好貼心講解食材以及需要燙的時間~

精選2人餐

最底層是牛肉主打：手切牛肉、安格斯牛肉粒、牛白肉~

手切牛肉

手切牛肉肥瘦均勻，肉質粉嫩

牛肉粒口感十足，牛味濃郁~

安格斯牛肉粒

牛白肉(牛胸肉)，我都係第一次食，
店員指它是接近胸骨的軟骨位，只需要燙8-10秒就可以食，
口感幼嫩爽脆，好特別~

牛白肉(牛胸肉)

中間層是蟶子、青口以及自家包製的雲吞、餃子~
青口新鮮肥美

1

青口

蟶子巨大一隻，比手掌仲長，
非常爽口彈牙~

蟶子

自家包製的雲吞、餃子有韮菜餃、鮮蝦琺吞、魚皮餃~
大大粒餡料十足~

自家包製的雲吞、餃子

最上層就是手打丸類，包括有蝦丸、鯪魚丸、墨魚丸、牛丸~
我最鍾意蝦丸、墨魚丸，爽口彈牙~

手打蝦丸、鯪魚丸、墨魚丸、牛丸

仲有豐富的蔬菜籃及手打烏升冬~

蔬菜籃及手打烏升冬

個烏冬仲係好煙，配埋個冬蔭功湯超正~

最後仲忍不住點左個“紫菜嚮鈴”，
可以即食或者燙3-5秒，非常香脆~

紫菜嚮鈴

食火鍋一家要飲“竹蔗茅根水”，自家製清甜可口又解渴~

竹蔗茅根水