Waki Shokudo (Temple Mall South)

今日難得有空閒時間可以出去食餐飯傾下計🤣雖然咁啱撞正今日掛八號風球🙈但好彩最後都俾我喺附近搵到間唔錯嘅平民日本餐廳🍱一入到去就俾佢嘅裝飾小酒櫃吸引咗，雖然係掛緊8號風球，但店內仍然有好多嘅街坊顧客🥰首先，有樣值得讚賞嘅嘢就係佢嘅上菜速度都幾快🤣基本上我落單後5分鐘內已經上咗兩樣🤔叫咗一個溫泉玉子牛油果凱撒沙律🥗同埋三點刺身盛，沙律嘅份量好大😂而且牛油果都係足夠熟，夠軟身，同蛋黃醬係一個好嘅配搭❣️另外，佢嘅刺身係相當新鮮嘅🤤上菜嘅時候有冰鎮住，以保持佢嘅鮮味，呢樣嘢唔係間間餐廳都做到🤫所以都推薦各位去嘗試佢哋嘅刺身盛🙌🏻其次，又試咗佢嘅招牌菜—電擊雞翼🍗佢嘅口味都幾特別，有種食緊冰糖嘅感覺😂啱啱放落口到會覺得涼涼地，然後又食到甜甜地嘅感覺，同平時食嘅雞翼幾唔一樣🤣而且佢嘅炸薯條上面有落芝士粉🧀所以都幾香口～～跟住下一道菜係蒜燒日本廣島蠔🦪同埋芝士厚燒玉子，蠔嘅味道都唔會太腥🙈都算係正常水準🤔一定要趁熱食佢嘅玉子燒🤣芝士味都唔會太濃，食上去都容易入口，而且佢嘅玉子都較為厚實，咬落去幾有口感💘接下來嘅主食係白咖喱烏冬🥢上菜嘅時候店員有貼心提醒要撈勻烏冬進食同埋小心熱，因為下面仲有咖喱😆烏冬比較彈牙，咬上去都幾有韌勁，都係一個值得推薦嘅菜式🥰雖然已經好飽，但係都好想試埋佢嘅甜品—宇治抹茶芭菲🙈我平時係一個比較少食抹茶口味甜品嘅人，因為怕苦，但佢嘅雪糕係幾甜而且香❣️同埋食食下發現芭菲嘅下面係有驚喜😆有小脆片，同抹茶雪糕一齊食嘅時候都幾搭👍🏻整體嚟講，呢餐飯嘅性價比都幾高🙌🏻每碟菜嘅價格都正常，係可接受範圍之內，但份量都偏大，幾適合我呢種比較大食嘅女仔🤣另外，入店鋪後一坐低之後，店員就即刻送咗兩杯綠茶上嚟🍵服務都頗為周到，而且服務態度都幾唔錯，比較有禮貌👍🏻之後應該會再專登過嚟試佢嘅刺身丼同埋卷物🍣今次已經叫咗好多想試嘅嘢食😂但奈何我哋兩個女仔嘅胃口真係有限🙈唯有留返下次啦～😆…查看更多

跟住附近嘅舊同學即興dinner, 再一次幫襯和氣食堂。平日晚7點左右餐廳唔算多人, 可順利安排入座。【3點刺身盛】HK$128包括有三文魚、赤蝦、章紅魚, 魚類刺身有魚香, 赤蝦鮮甜冇腥味。【鯛魚湯泡飯】HK$112鍋物熱辣辣上檯, 再注入鯛魚湯, 鍋物隨即滾滾下, 散發陣陣魚香。湯底鮮甜, 米飯索咗個湯, 連湯入口, 增加點層次。鯛魚冇骨, 雖不算很滑, 但有魚嘅鮮味。【牛油果芒果三文魚班戟】HK$50Pancake皮好薄, 包住三文魚刺身、牛油果、芒果, 面層加咗沙律醬, 入口食到好林芒果嘅甜, 同軟滑牛油果, 配上三文魚本身魚質, 食落很有層次。 【溫泉玉子牛油果凱撒沙律】HK$62溫泉玉子一篤即湧出蛋汁, 爽脆沙律菜跟軟滑牛油果粒, 配搭很fresh~【宇治抹茶芭菲】HK$78配電撃雞翼,炸薯條宇治抹茶雪糕好滑, 茶味特濃, 反而食唔到抹茶嘅奶味; 配有微微煙韌嘅丸子, 同埋脆片。呢個甜品SET仲跟埋兩款小食, 相當抵食。電撃雞翼表面包咗層薄薄糖漿, 雞翼很有口感, 大力咬食到雞翼皮嘅硬脆, 甜甜地。…查看更多

朋友看到最近的甜品推廣覺得挺不錯，就叫我一起來吃的！因為單叫一個芭菲就快６０元了，只是補多一點就多了２份小吃，性價比挺高的！溫泉玉子牛油果凱撒沙律 （６２元）這個沙律滿滿的一大碗，份量非常足，如果自己一個吃完就飽了！沙律加了很多沙律醬，吃起來挺清爽，蔬菜爽甜，配上嫩滑的溫泉蛋，又增添了蛋香，而脆多士又多了些口感！白咖哩烏冬配炸雞塊（８８元）來到看到碗上滿滿的忌廉，下面的是日式咖哩，吃前要先將他拌勻，所以吃起來會多點了點奶香，咖哩會更加幼滑，但仍有咖哩的香味，而烏冬挺嫩滑！炸雞塊就炸得外脆內嫩，挺多的，而且挺大塊的！大阪豬扒丼（８8元）這個挺特別的，是大阪燒加上滑蛋豬扒飯的意想不到組合！這個上面給了大量的椰菜，然後再撒上大板燒的醬汁和木魚碎，所以吃起來會有種吃大板燒的感覺！下面是滑蛋豬扒飯，吉列豬扒配上滑蛋，很豬扒很好地吸飽醬汁，喝起來特別香甜，又有蛋香，滑蛋又嫩滑，湯汁跟飯混合在一後起，特別好拌飯！牛油果芒果三文魚班㦸（５０元）這個又像甜品，又像前菜的小食，因為朋友很喜歡牛油果，所以就叫來試試！來到真的挺大的一卷，裡面滿滿的料，吃起來有牛油果的綿滑，芒果的香甜，三文魚的嫩，面上還有魚子和沙律醬，所以吃起來挺開胃的！雪糕推廣—芭菲＋電擊雞翼＋北海道芝士ＢａｎｇＢａｎｇ炸薯條（７８元）宇治抹茶芭菲這個宇治抹茶雪糕非常濃，茶味挺濃的，帶有濃烈的抹茶的澀味，喜歡抹茶的人一定會喜歡！然後又配上有點Ｑ的蕨餅和軟滑有糯米香的小丸子，都是挺不錯的！最底還有紅豆蓉，配上雪糕很好地中和到抹茶的澀味！電擊雞翼一開始以為是熱的，但吃過以後才知道原來是凍吃的，外皮仍帶點脆，沾滿了香甜的醬汁，再配上芝麻，吃起來味道挺不錯，非常入味！北海道芝士ＢａｎｇＢａｎｇ炸薯條這個芝士味香濃，每條薯條都包裹上大量的芝士粉，吃起來外脆內軟的！…查看更多

呢到簡直係朋友既飯堂，去佢到落街通常都係食呢間😂😂講真和氣食堂d野又真係幾抵食又有質素😋😋🎈電擊雞翼+薯條+宇治抹茶芭菲 $78呢個係優惠推廣，真係超抵，仲要3樣都岩食😋😋個宇治抹茶芭菲真係好足料，仲要係日本原料直送，抹茶味都幾夠，仲有小丸子、厥餅、紅豆、粟米片等等💚電擊雞翼係凍食既，味道係甜辣既醬油炸雞，可能因為受到電擊，我覺得偏乾左少少🙈另外配埋芝士粉幼薯條，真係好邪惡，不過我地食晒😈🎈4點刺身盛 $188唔洗二百蚊就有齊海膽、三文魚、鮮𩶘魚同埋珍寶赤蝦刺身，當中我地都覺得最出色係海膽，幾重海膽味👍🏻另外赤蝦都真係幾大隻又甜😋🎈網燒美國牛扒 $92其實我都幾鍾意食日式煎扒既方式，有燒汁之後再灑上炸蒜、蔥花。帶少少甜味好惹味😋😋🎈黑松露香芒甜蝦卷 $92呢個配搭又幾新鮮未試過，入口有幾香既黑松露味之後食到芒果既甜味，甜蝦就增加左個卷creamy程度😆🎈大阪豬扒丼 $88呢個飯打卡好震撼，佢簡直係將個椰菜絲沙律放左上去😆下面塊豬扒雖然係厚切，不過保持到好淋，唔會好鞋👍🏻👍🏻好彩有咁多菜絲可以減低下呢餐既罪惡感🙈因為份量真係堅大份😂😂…查看更多

餐廳嘅食物選擇好多，基本上你講得出嘅日本料理，魚生、壽司、牛肉鍋、各種各樣嘅熟食等，呢間都有供應，應有盡有。晚餐時段，始終近民居，個場好旺，客似雲來，整體食物質素同價錢都好滿意好吸引🥰火焰左口魚邊牛油果沙律 $72 8/10微微燒過嘅左口魚邊好肥美，碗中嘅牛油果同沙律菜都好新鮮，撈埋黑松露醬一齊食，整個味道嘅層次提升左4點刺身盛 $178 8.5/10刺身有三文魚、海膽、牡丹蝦、謎之魚。全部都好新鮮，特別係謎之魚，食落幾鮮甜，海膽就毫無腥味，入口即溶，好滿足😋鯛魚湯泡飯 $108 8/10餐廳好貼心，避免有客人唔食，飯素、香蔥及炸蒜都另上。湯中放有2扎菠菜卷，湯底非常濃郁鮮甜，連埋飯一齊食，完全中和鯛魚嘅魚腥味，當我撈埋所有配料一齊食，個飯嘅香味更加突出，食落無咩味精，幾岩鐘意食魚嘅客人白咖喱烏冬 $88 8/10軟綿綿嘅忌廉配上熱辣辣嘅日式辛口咖喱汁烏冬，烏冬口感食落好滑身，另配有兩件炸雞，炸得好香脆，雞嘅肉質幾嫩，不錯😋電擊雞翼配炸薯條雞翼炸得好似韓國炸雞，帶微微蜜糖味同幾重嘅辣味，幾岩食得辣嘅客人牛油果芒果三文魚班戟2件 $48 7.5/10睇到個名就知係好新穎嘅配搭，呢份甜品幾飽肚，班戟皮加上芒果食落甜甜地，配埋牛油果同三文魚，口感豐富，好清新😛宇治金時 $38 8/10抹茶味好濃，飲落口感好滑，杯底嘅紅豆煲得好淋，甜而不膩.藍柑白桃梳打 $42 8/10呢杯好有手工啤設計，大杯上倒插住枝lemonade，份量好大，飲落好清爽，食曬成餐飯都仲飲緊，好味好抵飲👍宇治抹茶芭菲 $72 8.5/10雪糕嘅抹茶味超濃厚，抺茶控絕對要試下，配料係口感煙韌嘅日式麻薯，同雪糕嘅味好夾😋…查看更多

第一次黎到黃大仙當然要去嗇色園祠去求簽🙆‍♀️原來附近就係黃大仙中心地點十分方便,於是同朋友去左行街!差唔多到夜晚就去食晚飯!經過附近先發現原來有和氣食堂,因為之前係沙田已經食過一次令我印象深刻!所以決定再次回憶當時嘅美好🥰一到夜晚都係好多人🤣睇黎同沙田一樣都係人氣餐廳!設計風格都係日式設計,餐具都好精緻💫火焰左口魚邊牛油果沙律⭐️呢個配搭好新鮮,黑松露醬加牛油果沙律真係絕配令人感到好清新,左口魚入口即化魚油好豐富,昧道很好!軍艦5點⭐️有海膽,三文魚籽,香蔥拖羅碎,蟹膏甜蝦,蟹膏帆立貝!價錢只需要$98😍 CP值超高,海膽鮮甜有小許海水味好好食,蟹膏鹹香加上甜蝦口感一流,一樣推介令人好滿足!4點刺身盛⭐️有三文魚,章紅魚,廣島蠔,甜蝦!刺身肉質鮮甜爽口,豐滿大隻😋電擊雞翼炸薯條⭐️雞翼原來係涷食第一次新嘗試令我一試難忘😋甜甜辣辣好開胃,而且肉質有咬口,薯條炸到金黃酥脆!脆脆燒三文魚皮⭐️味道不錯食落脆卜卜,好適合送酒🤣紫薯鮮奶⭐️牛奶味香甜可口加入紫薯不錯的配搭!宇治金時⭐️抹茶味濃入口順滑!宇治抹茶芭菲⭐️抹茶味好濃郁帶點少許苦澀味,麻薯煙煙韌韌口感豐富,底部有紅豆蓉同粟米片,全部配搭好味推介😋…查看更多

四點刺身盛 $178
包括：3塊厚切三文魚＋超鮮甜的海膽＋牡丹蝦 2隻 ＋ 謎之魚2件。謎之魚嘅肉地結實過三文魚，但都一樣鮮甜，係其他地方無見過嘅。見佢特登加左兩塊檸檬🍋小片，味道加上來就refreshing 基本上比得呢個價錢就一定好食，抵唔抵就——慶祝都要嘅 包括：3塊厚切三文魚
白咖喱烏冬 $88
第一眼以為係梳乎厘🍄 但係白色咖喱嘅下面，其實都蘊藏黃色啡色嘅咖喱撈烏冬——稻庭煙韌彈牙版本😍 咖喱唔會太油膩，太濃烈，係可以食到嘴舐舐。烏冬仲配埋兩件炸雞，都係外脆內嫩滑嘅靚雞～ 不過我都係怕熱氣，將佢拆皮先食😹
安格斯牛扒他他沙律 $78
用手機測量過，成個碟係33cm 😂 視覺上好足料，同埋每塊嘅牛肩扒都幫你劃分每次食幾多肉同埋菜，感覺幾體貼😂 唔使摷到亂晒。黑醋汁就一啲都唔肥膩，食完冇罪疚咁。
宇治抹茶芭菲 $72
最鍾意呢個，作為一個抹茶控🍵 因為茶味本身足夠而唔會過分，亦都平衡到雪糕嘅幼滑 almost a perfect fusion , to me personally. 配料唔會喧賓奪主，主要係帶嚟口感，就唔係帶嚟甜味，所以夾得好！
牛油果🥑芒果🥭三文魚班戟🍣 $72
其實各方面嘅用烞大都係食過嘅嘢，只係佢有創意地將佢地放埋一齊，係幾飽肚嫁。班戟皮再加上芒果帶來少少甜，微量酸，豐富左牛油果同三文魚肉感之口感。美中不足係，價錢有少少貴，同埋牛油果有啲生。
電擊雞翼＋炸薯條🍟 $48呢個係令人喜出望外嘅。外表有一層好似芝士粉，但係又甜甜哋看節號有啲似台灣嘅酸梅粉🤔 識落令人幾開胃。電擊雞翼嘅名原本以為好伏，原來係（我估）先炸完然之後再放入雪櫃裏面急凍嘅小食～ 所以入口就唔係KFC炸雞🍗口感，而係凍食（神奇）啲肉就偏硬，但又幾開胃嘅。第一次食嘅新鮮嘢，因為其他地方都好似冇見過，感覺係值得叫👏🏻…查看更多

拍拖行街後，好想食日本野，但又想經濟實惠，仲要食得飽，我哋就來左一直人氣高企嘅<和氣食堂>啦!!~ 雖然之前已經來過，不過由於佢哋供應既食物實在太多選擇，所以真係每一次來幫襯，都可以試下吾同嘅日式料理。<5點刺身盛>刺身有兩款魚生、甜蝦、青瓜吞拿魚卷、生蠔，全部都非常新鮮，而且仲非常大件厚肉，入口味道又十分鮮甜。<厚燒鰻魚牛油果卷 6件>呢個厚燒鰻魚牛油果卷，每一件都好大件，鰻魚肉非常厚身多肉，而且燒得香甜好味，入口彈牙，配埋半溶的牛油果餡料，非常好味，值得推薦!!~<大阪豬扒丼>豬扒飯成座山甘上枱，賣相超級驚喜，上面係好多好多嘅生菜絲，有醬油配埋可以一齊食。食完菜絲後，就見到一塊又大又厚嘅豬扒，目測豬扒都有成吋厚吖!!~ 豬扒入口亦非常鬆軟，連埋大碗飯一齊食，真心超大滿足感!!~<甘粟薯餅>薯餅外面炸得金黃香脆，咬落去夠曬鬆化，入面嘅甘粟同紫薯餡料帶微甜，好好味呢!!~ 大推必試之選吖!!~<宇治抹茶芭菲>最後當然要試下佢哋嘅雪糕甜品，抹茶芭菲帶有淡淡嘅綠茶香味，旁邊仲有幾款細細粒嘅日式抹茶小丸子，非常Q彈美味，底層仲有紅豆溶同粟米片脆脆，配埋幼滑嘅抹茶雪糕一齊食，真係一流享受。整體來講，餐廳嘅食物質素水準非常高，而且日式料理食物選擇亦都好多，價錢亦相當經濟實惠，非常適合同朋友嚟聚餐，真心抵食，下次都要再嚟呀!!~…查看更多

我人生最愛就係食日本野，之前係沙田食過和氣食堂一直念念不忘，今次拉埋係九龍灣番工既朋友黎到黃大仙分店再encore，食物水準依舊 真係平價兼好食平時好驚食熱氣野所以唔敢叫炸野，但今次店員極力推薦呢個電擊雞翼，個名咁得意就儘管試一試 ；結果非常驚喜，事關蜜糖味好入味，好似韓國炸雞，不過感覺冇咁熱氣，可以放心食多隻 壽司都相當唔錯，食得出原材料好新鮮，特別係帆立貝，我同朋友食完都念念不忘；另外海膽拖羅蝦戀都好正，必試 ！成餐飯又點可以冇菜呢，我地點左另一個店員話受歡迎既牛扒他他沙律，咁就夠哂健康啦千回火鳥3隻，唔係話唔好食不過比起其他野就冇咁出色另一驚喜之作，朋友一向中意食魚，今次叫左鯛魚湯泡飯($108) 店員會慢慢將湯倒落去鯛魚度，夠哂熱辣辣，而鮮甜魚湯送飯真係食多兩碗都冇問題 之不過我地最最最期待既一定係舖頭招牌甜品宇治抹茶芭菲（$72），因為之前睇其他人食評時已經覺得好好食咁！結果。。。比想像中仲要高水準，其實蕨餅，綠茶雪糕加脆粒呢個組合好完美冇得輸，而且插係旁邊既蛋捲竟然係芝士味，雪糕本身奶味好重，所以唔會太苦  要左咁多高質日本野埋單都唔使五百，絕對可以再encore！…查看更多

難得出去食飯，之前朋友介紹過呢間餐廳唔錯，今日就約埋個fd黎呢到食個飯:)7點幾8點黎到都幾多人，睇黎真係幾受歡迎～我地叫左個沙律，d汁多到遮住哂沙律，唔洗驚有d沙律冇汁好齋沙律有d牛油果同埋麵包脆脆，菜既種類都有幾款，口感好豐富蛋係流心呢個電擊雞翼個名好得意，原來係凍食既，個皮出面甜甜地硬硬地，有d芝麻幾香口口感好得意，味道好好味！薯條一d都唔油，好脆白咖喱烏冬最好味上面有一層白色唔知係咪忌廉既綿密泡泡，下面係咖喱烏冬。烏冬味道好濃郁，而且有d薯仔蓉咁既口感同d咖喱撈埋一齊，超好味仲配左兩舊炸雞，浸落啲咖喱度食超夾呢個pancake勁足料，入面有牛油果、蟹柳同埋鰻魚，上面仲有好多蟹子個皮好薄，但味道好好，如果可以加少少鰻魚汁可能再好食d!最後甜品叫左個抹茶雪糕，抹茶味都幾濃，如果鍾意抹茶既應該會覺得好好食兩條友叫左勁多野都係500蚊到，但其實3個人食都得，因為真係食到好飽好飽，超抵食…查看更多

收工同朋友係附近覓食，好耐無食日本野，經過呢間和氣食堂，雖然只係晚上6點半，但係見入面都準備滿座，心諗多人實無死，一於入去試下！太餓了，忍唔住叫咗好多野食🤤首先上枱嘅係呢個三文魚牛油果沙律，配料有沙律菜、青瓜、粟米、蕃茄仔等等，加上醋嚟撈，作為前菜一流，非常開胃👍🏻嚟日本餐廳點可以唔試吓魚生呢，呢碗三色刺身丼正！魚生新鮮，份量足，無得頂👍🏻白咖喱烏冬配上一份炸雞，烏冬面上嘅白色忌廉上放上黑色嘅芝麻作為點綴，清淡純白嘅忌廉底下係濃郁嘅咖哩烏冬，味道上形成強烈對比，非常特別！鐵板牛舌亦令我一試難忘😋呢道嘅牛舌唔同出面嘅串燒牛舌，呢道嘅係肉感牛舌，唔係爽口嗰種，不過就啖啖肉，朋友食到lam lam脷😋凍嘅電擊雞翼外面用糖包住，脆脆甜甜，配上熱嘅芝士味薯條，簡直係冰火二重天❄️🔥三文魚皮好香口，做小食配埋啤酒一流！抹茶雪糕茶味非常濃，配料有麻糬、白玉、蕨餅、玉米片，煙煙韌韌，又香脆可口，單單一個甜品就有雙重口感，作為呢餐晚飯嘅結尾，為呢餐晚飯添上一個完美嘅句號☺️…查看更多

由於近排去多左黃大仙，先發覺黃大仙中心作了一個大裝修的舉動，裝演光鮮又光猛，開左唔少新既餐廳。與同行既朋友心累了，淨係想今晚想食日本野，安慰下自己近期既負面心情，見到除左集團式既壽司店，宜家仲多左間較多選擇既日式餐廳，南館地下G12A號鋪【和氣食堂】門口好似好多人等緊，我地見咁多人有興趣應該唔錯就拎飛等下。剛入座的時候入面既客人已經好多，餐廳都好大咩方位都座無虛席。看來這食店也頗受周圍居民的歡迎。日本餐廳都係鍾意用木製嘅野多，座椅、牆身、牌仔等等，喜歡凳有軟墊，坐得舒服，環境都非常簡潔，係有少少同隔黎有點近，有D話題性既都唔太方面講。店員好快遞上餐牌，呢個餐牌份量十足呀，全部食物都係圖文並茂，立即食慾大增。不過真係好厚，厚到睇到有點累。入面每樣食物的價錢非常親民，唔怪得咁多人黎食。呢度有多款壽司、手卷、軍艦、刺身飯、鍋物等等...款式多多。 今晚同朋友order左前菜、刺身、烏冬、飯類同埋甜品, 當中既刺身同埋豬扒丼突為出眾~令我地一試愛上!.💕最先出場的係四點刺身盛A $168「有：三文魚刺身、甜蝦刺身、薄切鱆紅魚刺身，廣島蠔」師傅精湛手藝品，每樣賣相都好得！力求呈現原汁原味的傳統美饌。三文魚肥美啊！見作都好厚身，厚切所以有口感，甜蝦刺身大隻既都，夠甜。薄切鱆紅魚刺身油脂甘香，爽爽地，而蠔呢都OK不過相對普通D，唔腥！，這個價錢，能夠品四點刺身，真的不錯！💕香芒煙燻鴨胸沙律黑醋汁 $65估不到在黃大仙商場既小店，也能有這樣配搭特別，味道與賣相俱佳。沙津舖滿在芒果同鴨胸上面。煙燻鴨胸排好放在碟上，伴以黑醋汁，個底就係沙律菜。先吃芒果，芒果有濃郁的果香，再試煙燻鴨胸，鴨胸，肉質好淋滑，肉汁豐富，好香因為又有沙律又有香芒又有黑醋。百感交雜。柔嫩極了。沙律菜做底吸晒黑醋汁，唔會好酸，好開胃。其實只要配菜和擺盤花點心思，立即可變成高級日式料理。💕大阪豬扒丼 $82日式丼飯在香港一向大行其道，但大多都是魚生丼飯。呢度賣既丼，講話好好食，價錢又不用過百元。是真材實料嗎？大阪＋豬扒糅合了日式的精髓，賣相其實都幾吸睛，嗰份量超級誇張！ 女仔一個一定食唔哂，椰菜堆到成座山咁! 豬扒鋪滿面層。豬扒外脆內軟，入口帶甜少許焦香，肉質爽口，口感有少少似豬頸肉，不過相對地脂肪唔算多，亦唔會太乾身，保留到肉汁，最鍾意甜甜地既醬汁，愈食愈開胃。飯粒飽滿黏口，期望越小，驚喜愈大。 面且份量非常之有誠意! 💕白咖喱烏冬 $88特別推介佢個白咖喱烏冬，係出面等緊位個陣已經想食，面頭白色嗰D係乜嘢黎呢？奶蓋？Cream？Cream Cheese？好多諗法！原來係蛋白打成既Cream。食落去冇咩味道咁。但Mix埋一齊唔同講法。濃厚忌廉深處藏著濃郁咖哩烏冬。正宗日式咖喱應該都有好多種，但呢個白咖喱＋蛋白打成既Cream，香料味都好重，奶油同咖哩烏冬撈起，就會食到幼滑嘅口感 濃郁咖喱味。食落唔辣架，係有點微辣惹味但又甜甜地好特別。食到少少薯仔既質感。Nice！其實上菜速度都非常高下成餐飯。.💕宇治抹茶芭菲 $55有圖片見到做緊推廣都幾吸引，所以就叫左黎食...餐牌上表示材料係來自日本，食完都覺得係唔係日本都冇咩所謂，因為真係幾好食。軟雪糕入口超級香滑，同平時既最大分別係宇治抹茶苦澀味冇出面咁出，少少甜，味道香濃，旁邊都有其他配料。煙韌口感既抹茶清淡的蕨餅，糯米口感、紅豆同少量丸子，加埋底層既脆片令整杯雪糕仲豐富。食完都有D回甘，甜度適中。我諗算係王牌之作，因為見10枱都有成7枱有叫。.雖然睇餐牌，要花上了很多時間。但圖文並茂好欣賞。呢間日式餐廳款式又多野揀， 黎多次都有排試，服務亦很周到，食物質素都唔錯! 咁既價位值得再黎幫襯。好味與否實屬個人取向！！對不對？我就覺得性價比高啦。…查看更多

今晚約左忙碌嘅好友見面，為左方便大家，揀左嚟黃大仙中心。好友話有一間餐廳，星期六日經常排晒長龍，一路都好想試，於是趁住今晚平日去碰碰運氣，估唔到咁好彩，等左一陣就有位。餐廳門面及室內空間光猛舒適，我哋被安排餐廳較入嘅位置，自成一角，傾計一流，抬頭望一望，層架放左一些漫畫及公仔，令到餐廳氣氛很輕鬆，而燈飾亦很有時代感。餐牌上嘅食物選擇非常多，如魚生飯都有至少八款，壽司、卷物都有幾十款，仲有好多款鍋物、沙律、甜品等等可以選擇。而我哋最後就點左安格斯牛扒他他沙律（黑醋）、蝦三味、廣島蠔寄世鍋、珍寶赤蝦海鮮丼及宇治抹茶芭菲。安格斯牛扒他他沙律（黑醋）安格斯牛扒好淋好香，配埋黑醋汁他他沙律，好清新。蝦三味（甜蝦、生虎蝦、珍寶赤蝦）友人夾左甜蝦🦐同生虎蝦俾我，甜蝦帶有點黏黏嘅口感和膠質，蝦身帶有濃厚嘅甜味；生虎蝦口感厚實，肉質有彈性。廣島蠔寄世鍋鍋物材料豐富，有蝦、蠔、蜆肉、三文魚、金菇、豆腐、娃娃菜等，海鮮鮮甜，最喜愛菜同菇吸收哂海鮮嘅清甜味道，食得好滿足。珍寶赤蝦海鮮丼海鮮丼好足料，海鮮有赤蝦、帶子、三文魚、仲有勁多蟹籽，將蟹籽同飯撈勻之後，食落每一啖都充滿蟹籽嘅鮮甜味道。宇治抹茶芭菲友人知我一向都好鍾意食抹茶甜品，雖然已經食得飽飽的，但都忍不住點返個甜品滿足第二個胃，雪糕嘅綠茶味好香濃，綠茶蕨餅、白玉同糯米糍都好煙韌，配埋紅豆脆脆片同兒時至愛嘅朱古力脆條，真係好滿足！…查看更多

呢晚因為朋友生日同佢食生日飯，咁佢就住樂富同黃大仙之間，問開佢想食咩，佢就話佢想食日本野，咁就帶左佢黎和氣呢間日式餐廳。餐廳餐牌:其實餐廳餐牌呢個部分我之前食和氣既時候都post過，而和氣既餐牌基本上都無乜特別既變動，主打同食材應該都以前都係差唔多，水準都算係keep住既，性價比幾高。電擊雞翼配炸薯條 $68 (組合價): 先黎到既係電擊雞翼配炸薯條，竟然同之前一樣仲有推廣價，$68有一份電擊雞翼配炸薯條再加一個甜品，成件事真係好抵食。電擊雞翼係凍凍地的，呢款雞翼係凍食，甜甜酸酸咁，薯條則佈滿芝士粉，係好食既小食！火炙宮崎和牛壽司 $39火炙宮崎和牛壽司我朋友食左，佢話一啖入口即融，和牛超薄超香，燒得岩岩好，有炙燒味，食得出係高質和牛。鵝肝壽司 $45鵝肝壽司就係我點既，我都係一啖食左，感覺應該同朋友食既和牛壽司差唔多，因為都係入口即融，一啲腥味都無，超級好味，食完係會想encore！鹽味燒牛舌 $42鹽味燒牛舌味道一般，朋友覺得有小小salty，但我覺得加返d 檸檬汁係好好多，個人覺我呢款串燒都唔錯。海膽三色丼 $128呢個海膽三色丼 $128，賣相已經好掂，比起出面果d平幾倍先啦，有帶子有蝦有海膽有玉子，全部都好鮮甜好抵食，呢個真心性價比好高，我覺得絕對係一定要叫既刺身飯。櫻花蝦鯛魚湯泡飯 $118呢個泡飯朋友覺得好好食，重點係魚湯味好鮮味，蝦肉都好味，菜好特別，值得推介一家人黎食，幾健康。宇治抹茶芭菲 $68 (組合價):和氣既甜品真係一定要食，抹茶味雪糕超級好味，仲有好多配料，真係好抵食，重點係組合價，真係要襯仲有推廣價返去食多次。…查看更多

与同事聚餐，黄大仙南馆装修后新加了好多食肆，中、西、泰、韩、日皆有，挑花眼，不过看来还是日式餐厅人气更旺。晚餐为了清淡少食，看openrice评价和人气选了和气日式食堂一试。餐牌厚厚一本，再次挑花眼，除了各式🍣、海鲜丼、定食、乌冬、盖浇饭外，openrice上推荐最多的竟然是宇治抹茶芭菲冰淇淋，颜值即是正义，我食故我在！果断点之。嗯ヽ(○^㉨^)ﾉ♪跟我点的杂锦鱼生丼一样，看起来吃起来都是用料丰富，给人以满足感。吃下去口感味道五味杂陈（仅取字面意思）。一定会再来尝试其他选择！…查看更多