Swiss Cafe

📍 瑞士咖啡室中環利源西街12號地下.🤤各式三文治(蛋+咸牛)💰$30 (w/ hot drinks).🤤熱奶茶💰+$0.返工之前食早餐真係要好有毅力甚至乎要破釜沉舟 特登前一日唔買定早餐 一係出去食早餐 一係直接餓到放lunch7點都唔夠就要起身 我落床之前都仲掙扎緊 不如瞓多陣 餓死就餓死不如射波 eat is my life最後 算啦都醒咗 落床啦去食個靚早餐再返工.早餐同下午茶 都係鍾情於港式所以先特登返中環搵間咖啡室食早餐.間嘢located喺啲橫街 仲要舊式茶記入之前已經有心理準備環境衞生會麻麻雖然好怕污糟 不過為咗食 可以取捨但原來比佢嘅地理位置外表呃咗入面係裝修過乾淨企理modern嘅 姐係連鎖茶記格局坐得舒服 安心又開心新裝之餘 同時保留啲年代感例如stuff嘅衣著係統一繡餐廳名嘅白恤衫又例如佢啲牆同地下都係舊舊地少少殘.其實我諗咗好耐食唔食西多/多士比起咸早餐 更加鍾意食甜早餐聽講早餐想食甜 其實係因為唔夠瞓true though我真係日日都唔夠瞓但最後覺得甜嘢好似好肥 就叫咗蛋牛治烘底熱辣辣嘅餡 烘脆咗嘅皮 仲有就黎滴出黎嘅牛油成個組合真係無得輸.熱奶茶 正呀 好好飲咩茶底 咩奶 咩沖法 咩比例 唔識評我淨係知 真係好鬼正🤤淨係去呢啲舊式茶餐廳 我先會飲奶茶其他地方怕有伏 都係一概飲熱檸水呢間啲奶茶無失望！高汁！.一個好食嘅早餐真係可以brighten up the day表示全日都心情愉快🥰不枉我晨早起身躝出去瑞士咖啡室好近我公司 好likely會翻兜呢間可以食好西應該係返中環嘅唯一好處…Read More

相信在中環的上班族，都會知道這間位於利源西街的咖啡室 - 瑞士咖啡室。這𥚃沒有什麼華麗裝修，亦沒有那種刻意裝成懐舊的裝飾品，但卻充滿著濃濃老香港的情懷及歲月的痕跡。餐廳的地磚還保留著綠白相間的古老紙皮石，綠色的牆磚，水吧掛上一個金漆招牌。餐廳供應典型的茶餐廳食物，加上價錢平易近人，所以這𥚃成為不少上班族搵食的好地方。瑞士常餐（HK$55)來到這間名為瑞士咖啡室的茶餐廳，當然要選擇這個瑞士常餐。常餐包括：瑞士雞翼公仔麵、牛油多士、火腿奄列及餐茶。瑞士雞翼公仔麵👍👍👍👍👍有四隻雞中翼，味道鹹中帶甜，亦有豉油的香氣。麵條亦煮得剛好，入口仍保持爽口。牛油多士配火腿奄列👍👍👍👍多士烘至香脆可口，搽滿牛油就更加香口。火腿奄列的火腿絲每條都被蛋包著，還可以夾在多士內一起吃。奶茶👍👍👍👍去到茶餐廳，當然要飲一杯港式奶茶，奶味香，茶味濃。其實每一間茶餐廳都有自己的獨特配方，試試這是否你杯茶？營養餐（HK$52)營養餐包括烚蛋沙律、鮮茄火腿通粉、三文治及樽裝鮮奶。烚蛋沙律👍👍👍👍十分港式的烚蛋沙律，沒有花巧的擺設，只是沙律醬加入什果及什菜，平凡但美味。鮮茄火腿通粉👍👍👍👍通粉配火腿再加入鮮茄，味道清新，喜歡鮮茄的酸甜味道。雙拼三文治（+$2）👍👍👍👍👍吃完沙律和通粉，還可自選一份三文治，雙拼材料加$2。我們選擇了雞蛋鹹牛肉，厚厚的餡料配上軟軟的方包，雖然很飽，但二人分享就剛剛好。樽裝鮮奶👍👍👍👍營養餐配一枝鮮奶就最有營養不過。門面內在環境餐牌…Read More

「Leonard，你又遲到，Johnathan己經去左餐廳排隊。」我邊走邊說。「真係唔明點解每次同Johnathan食飯，都係去呢間餐廳。」Leonard不滿地道。「果到係佢既飯堂嘛！又經濟，又方便。係中環，一個午餐只係40蚊，邊到搵到。」「我知，但係餐廳出面都幾污糟吓。」「就吓佢啦，不次先同你食餐好啦！」Leonard和Johnathan跟我是同事，大家差不多同期入職，彼此都很投契，所以間中會一起吃午飯。我們很快已經到達餐廳，只見門外有近二十人沿著餐廳外的小巷排隊，而Johnathan就在隊伍的中間。的而且確，小巷的衛生環境頗一般，不過餐廳裡面倒是可以接受。不用五分鐘，伙計已經給我們安排座位。我要的是茶餐，牛油多士﹑火腿炒蛋﹑茄底牛肉意粉及奶茶。厚多士烘底，配上牛油，味道不錯。炒蛋不算嫩滑，火腿則是大路貨色。這裡的牛肉意粉可以配上蕃茄茸，味道酸中帶甜，令人開胃。奶茶奶味較濃，口感很滑。不過我偏向茶味較濃的奶茶，個人感覺一般。伙計見我們三人吃完食物後就立刻收起我們的碗碟，我們亦知趣離開，用餐時間前後不用二十分鐘。這裡雖然食物一般，不過似終有些事，比食物本身重要。…Read More

下午午飯，本來想去茶餐廳吃飯，突然同事建議去瑞士。坦白說，我以為係普通茶餐廳，點知去到見到人龍，然後再見到個牌，我就知道，原來是灣仔瑞士咖啡室的分店。真是無知，有這樣一間有名的茶餐廳在左近也不知。長長的人龍不消十分鐘就等到位，這些茶餐廳的確有其個人之處，就如灣仔個間。當然灣仔分店的裝修是有特色而古典的，位置也較優良。中環的這間分店在名不經傳的利源西街，而且鋪頭被外面中環綠色的經典鐵皮鋪擋住，不是細心走過這條街準不會發現。鋪頭分兩層，是舊式茶餐廳的格局，坐得都算舒適，有種舊式的冰室感，感覺不錯，當然它沒有像九龍冰室般的舊，但在中環這種潮流和時尚地帶，有一間不可多得的餐廳實在是清泉。服務員是像澳牛般的快刀軌亂馬，不過這裡的就有禮貌一點，而且也是一樣非常有系統。在尚算寛敞的環境下，更見其效率和快捷，這實在是經營茶餐廳必勝之道。坐下叫了最有名的瑞士常餐，有瑞士雞翼麵，多士，奄烈同飲品。老實說，價錢偏貴，不過在寸金尺土的中環，也不算太過份。叫了餐後五分鐘後就到了，雞翼麵先上，麵差不多有兩個，女孩可能吃不完。雞翼有四隻，每隻者滿佈很入味的瑞士汁。不過就算浸了一會，那些瑞士汁也沒有令湯的味道加上瑞士汁的味，如果可以就更加滿分。奶茶是滑漏無比的，很夠凍，其好處在於不多的冰塊下亦可以冰凍滑漏，這個也值得一讚。在常餐以外，我地幾個同事share 了這店的名物，咖央西多。上枱賣相一流，金黃色的多士，感覺很厚很大件，配上糖醬再加牛油再分開吃，味道一流，充滿鴨蛋味，對比深水埗的維記有過之而無不及。不過幸好幾個人一起吃，如果不是準會把肚皮撐得飽，因為一個西多份量真的挺大和多。最後才來的奄烈和多士，可能漏了單吧。不過多士質素普通，沒有足夠的牛油在裡面，麵包亦太厚，在醬汁不多的情況下太乾身。而奄烈的質素只能說普通，無甚驚喜，亦不夠大份，不夠滑之餘，與火腿也做不到那個奄烈好吃的的化學作用，愛蛋之人如我會失望。不過，綜合咁多樣分數，在中環來說亦是高質的餐廳，特別是下午茶，因為性價為平，而且地方不俗，下午飯如果不多人也算可以的，因為見其他枱有些餐都很抵吃，值得來一試。…Read More

平時黎親都係食茶餐今日試下簡單美點香噴噴既咸牛治沒有太咸雖然內裡既免治牛肉份量唔多但係烘左底既麵包相襯下都能帶出陣陣牛肉香因為覺得純三文治會整到個包好林pat pat所以要左烘底而已而且, 如需烘底都係同價 當然少不了香濃奶茶茶味濃又夠滑為一日既好開始 …Read More

每月例會又到，難得小公主星期六朝早要出中環，利用短短時間，大家一齊去發掘新嘅早餐地點，唔通成日都係翠河、翠華、大快活咩.......結果搵到呢間位 於利源西街的茶餐廳，據知唔係開咗好耐，不過地方隱蔽，如果你行經嗰條街都知到嗰度嘅格局類似女人街咁，你唔細心留意，會miss咗埋邊舖頭係會有間幾大嘅餐廳。餐廳入面分了兩區，入了餐廳一半後，有幾級樓梯落到另一半區域，雖然唔係咩華麗格局，但係用色就非常柔和，淡黃配綠色，有田園氣色，連櫈都係用上淺啡色，比人一種朝氣兼乾淨感覺。座位空間充足，唔會似其他同區嘅咁迫夾，雖然話都算新，但係內部真係異常清潔，地下牆角都唔會積藏污穢，令你坐得舒服，食得放心。餐牌都係擺在枱面玻璃之下，字體幾大之餘，排位仲非常簡潔，就算老人家去都唔怕睇得辛苦。我地各自叫一個早餐，都係一般正常茶餐廳早餐組合。當落完單後，小公主發覺人地可以轉炒蛋時，佢同我講咗一聲，雖然唔係好大聲，但係行過嘅伙記都聽到，仲要即刻拎轉頭問我地係咪要改單，侍應反應積極 ，而且上枱之食物亦會幫你擺好位，六都係體貼嘅服務之一，香港茶餐廳少見。講到食物方面，總括算係中規中距：1. 多士幾好，反蛋煎得太老2. 反而炒蛋頗滑，最重要係佢唔似得其他快餐因為加咗大量嘅奶至可以煮得咁滑，難得難得。3. 餐肉意粉嘅餐肉係略厚，而且湯底有味，感覺良好4. 火腿通粉普通5. 奶茶的茶味唔夠濃6. 檸水Comments: 話哂都係中環鬧市中心，以呢個價錢收費合理，起碼係你平時食開嘅本地早餐組合。…Read More

:)一代誇世纪的老蛇竇樂香園巳在零八年尾被迫結業了，引來滔滔人潮，慨歎常人都在失去時才憧得珍惜。 趁周末的早上走到中環吃早餐，一心想尋找新進蛇竇，在攤販林立的横街中找到了這間古早感覺的新茶室，店名雖叫瑞士咖啡室，但在店中勉強找到瑞士鶏翼撈丁麵跟瑞士兩字扯上點點關係。 店内的裝修刻意裝扮成老式茶室的模樣，有菱角型馬賽克地板、大磁砌的牆身，還有一個真的閤樓，閤樓的假窗口貼上一些老香港的街景，似乎老細有心吸引遊客幫襯。 店内座位不小相隔也夠空間，環境都唔錯。 侍應一有空閒便揩抹食枱，店面都幾乾淨衛生。早餐只有三款A, B, C餐， 果然夠懷舊竟然沒有即食麵可選！ 我要了Ｂ餐餐肉米、牛油方包烘底、西煎雙蛋跟茶走，食物很快便送到，侍應還禮貌地叫聲早晨，茶走都是嫌茶味不夠重； 其它的只是一般；最欣賞的是那片厚身的烘油多，吃落香口但仍覺柔軟鬆厚，不知是不是可叫口感好呢？ 食免後才見餐牌上寫着可轉較味濃的番茄湯底，留待下次來時再吃罷。 我見餐牌上有散叫的双拼即食麵餐，没有什麽特式煑法，但索價廿六個大洋，好像貴了一點！這店位於中環旺區内街，位於鐵皮攤檔之後，都很有潛質成多新一代蛇竇，不過今時今日時移世易，人人都有一都手機在身，一個電話到想隱身都唔係話咁易。 其實香港各位大老細唔好成日以Theory X 管理，下屬行開行埋就話蛇王、偷跳，那麽便天下無蛇了，又何須蛇竇？ 間中休息一下，可能工作效率更高，更具成本效益，唔係耶蘇都唔會每星期安排一日安息日俾大家(法例中叫Rest Day)。總結: 價格在中環都差不多，都可以間中來食吓。…Read More