Lim Kee Bing Sutt (Spring Garden Lane)

昨晚平安夜🎅🏻出去灣仔春園街睇燈飾，夜晚週圍都係人，所以經過呢間餐廳食番個晚餐！睇完個menu 友人叫左個女人既浪漫💕，而我就叫左個煎雞扒撈公仔麵配芝士汁，等左10分鐘就上菜。友人叫既女人的浪漫💕：鰻魚烏冬、菠菜溫泉蛋，鰻魚片較薄，汁都ok,而個菠菜微暖，溫泉蛋心醬不太黃，個烏冬湯較咸，而個煎雞扒較香脆，撈埋公仔麵配芝士汁味道都好match, 唔錯！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊…Read More

「廉記飯堂」簡直係我公司同事們的飯堂，一星期起碼去三，四日。就算唔堂食，都要外賣日日新鮮出爐的：义燒酥，雞批返公司tea 1 tea ! 基本上一日食一款，成張餐牌都有排食。以下幾款真的真的完全令人回味無窮，好味到打冷震：芝士鮮茄焗豬扒飯：厚厚的豬扒，每啖肉都好入味，好多汁，加上原隻鲜茄的醬汁，十分開胃。仲有芝士，十分邪惡。炒飯㡳，飯粒粒分明。香煎雞扒撈公仔麵：芝士撈丁很多地方都有，但我最喜歡是芝士和公仔麵分開上，唔會上台枱就「淋」晒。雞扒皮煎到卜卜脆，但仍保留住肉汁。女人的浪漫；名字十分浪漫，真係好女仔。好適合女仔食，有菜（波菜），有肉（鳗魚），有烏冬，仲要有隻流心溫泉蛋。但最驚喜係饅魚跟湯烏冬一拼上，但完全無浸到淋，鰻魚皮十分香脆。…Read More

茶餐廳的美食一般來說比較邪惡，但又不知為何，魔鬼美食方才最美味，菠蘿包+西多士，偶爾放縱，亦未嘗不可！ 今日行過春園街，發現一間新開的茶餐廳，名字叫做廉記，平時睇得警匪片多，對 "廉記" 這個字很敏感，即時想起廉政公署，其實並無關係，人家的意思是："廉而有信"，相信意喻客人可以食得安心，價錢亦相宜。但就是個名有趣，好奇光顧。 環境光猛企理，感覺清潔，客人頗多，樓上有半層，我們不想即時與人搭檯，所以上了一樓。 選擇方面不及其作茶餐廳有百多款的多，主打套餐為主，簡單方便，已包餐茶，奇怪地沒有飲品餐單，可能茶餐廳的飲品大家已經耳熟能詳，無需多寫。 兩個人叫兩個餐，同伴的晚餐C：西蘭牛扒黑椒汁，只售＄80，包括青豆蓉忌廉湯及餐茶。 茶餐廳的水準及味道，黑椒汁濃郁惹味，調味不錯，牛扒肉質算是對得起客人，豆蓉忌廉餐湯亦沒有出錯，檸蜜沒有過甜。 女人的浪漫 $68，忌廉波菜溫泉蛋配蒲燒鰻魚讚岐烏冬，尚有一杯餐茶。 忌廉波菜溫泉蛋，溫泉蛋煮至流心，口感非常滑溜，這個蛋做得非常好，可惜忌廉過多，菠菜雖然腍嫩，過膩不敢多吃。 套餐水準就是茶餐廳般，我最欣賞的還是這兩款邪惡之寶 : 雖然是晚上，不吃一個菠蘿油 $12，等於沒有走進茶餐廳。這個菠蘿包皮脆新鮮，配合涼已近要溶化的牛油，滋味，口感有對比。 另一款西多士 $22，竟然如此厚，極度邪惡，又真超值！ 顏色金黃，牛油味香，本身已經有足夠甜味，當然多加糖漿更滋味，中央有花生醬，而且做得不算太油膩，算是魔鬼食物中的健康版，我們全清了，今回真的肥美！ 價廉而水準可以的茶餐廳，符合宗旨，慳慳地吃一餐的好選擇。…Read More