Tian Tian Hainanese Chicken Rice (ELEMENTS)

要講食海南雞 一定係黎天天而黎得呢到，唔叫返份海南雞併燒雞真係唔洗同人講黎食過呢碟雞一盤兩吃，燒雞外皮香脆，有甜醬味，海南雞雞肉嫩，香油氣重，表皮微黏，配上特製醬汁，每一口雞都可以送幾口飯，個雞真係好嫩滑呀！！呢個湯，椰子連殼一齊燉椰香滲哂入每一啖湯入面，雞肉煮得淋軟，湯裡八寶仲有大紅棗，杞子，蓮子，淮山乜乜每一口都溫潤舒適，不苦不澀，呀媽都大讚蠔呢味野本身味道都非常濃郁，然後佢外層既炸衣薄脆，咬一啖，熱氣中帶點海味，然後又有一點既黑松露香平衡兩方喜歡的話可以點旁邊既沙律醬，更能降低熱氣感呢排真心，專登去上海餐廳都食唔到好食既小籠包但居然黎到新加坡餐廳食到！好得意既係，每一粒包上面都插住一支小管係俾你食前唧d醋汁落去，唔喜愛醋既朋友又可以蚊返出黎但強烈建議要唧落去，因為味道豐富太多了皮薄但略帶un性，咬開時有肉湯香混合醋香實在可以encore！除左海南雞外必食！呢個食物質素，呢個環境，呢個價錢性價比極高…Read More

位於ELEMENTS圓方的天天海南雞飯，無疑是海南雞飯愛好者的天堂。這間餐廳不僅提供正宗的海南雞飯，其環境與服務也讓人倍感舒適，適合家庭聚餐或朋友聚會。黑松露蝦多士🍤 $129
這道黑松露蝦多士令人驚喜，外脆內軟的多士上鋪滿鮮美的蝦仁，淋上黑松露醬的精緻調味，香氣四溢。蝦肉鮮嫩多汁，與香脆的焗多士交融，口感的層次感十分出色，適合作為開胃小食。天天海南雞拼燒雞🐓 $299
作為餐廳的招牌，天天海南雞拼燒雞絕對不容錯過。海南雞的肉質鮮嫩多汁，皮膚滑膩，搭配店內自製的調味醬，讓人一口接一口。拼盤中的燒雞同樣美味，入味的醬汁使雞肉更加香滑，酸甜的味道相得益彰，無論是單獨享用還是與雞油飯一同食用，都令人陶醉。雞油飯（碗）🍚 $23
這碗雞油飯是套餐的最佳伴侶，飯粒吸收了雞油的精華，香氣四溢，恰到好處的濕潤感讓人回味無窮。這樣的配搭不僅讓雞的風味更為突出，也矢志要讓食客充分體驗海南雞飯的原汁原味。檸檬薏米水🧉 $29
最後，來一杯檸檬薏米水，清新解膩，令人神清氣爽。酸甜的檸檬與健康的薏米相結合，既能消暑又能提升餐後的滿足感，為這頓美味的晚餐畫上完美的句號。總體而言，天天海南雞飯以其新鮮美味的菜式和舒適的用餐環境，無愧為香港海南雞飯的代表之一。不論你是傳統的海南雞飯愛好者，還是想嘗試新口味的食客，這裡都能讓你感受到食物最純粹的魅力。如果你在ELEMENTS圓方附近，絕對值得一試！🌟推薦指數：7.5/10💰人均消費：$250📍地點位置：尖沙咀柯士甸道西1號ELEMENTS圓方水區1樓1050A號舖…Read More

今日去左圓方行街街，行到攰就上網睇下附近餐廳有咩推介。見到呢間新加坡餐廳係米芝蓮級數就去試下。餐廳環境好大，食飯時間7:00見到都幾多人，座位都舒適闊落，我哋一坐低店員就介紹餐牌同上咗一壺熱茶，好好服務。天天海南雞拼燒雞 : 🌕🌕🌕🌕🌕因為係第一次食所以就試晒海南雞同燒雞，果然係米芝蓮級數，海南雞好滑雞油味好足。第一次食海南雞唔點醬汁，都已經好好味。燒雞，個皮燒到卜卜脆。但係雞肉食落都仲保持到滑身嘅口感👍🏻證明佢哋啲雞真係得!雞油飯 : 🌕🌕🌕🌕🌕雞油飯有分大鍋細鍋，因為我哋兩個人就點咗個細鍋，份量好足，雞油味好香，啲雞油飯係粒粒分明。我哋兩個人食，每人都有兩碗飯。羅勒街頭小食拼盤 : 🌕🌕🌕🌕🌕啱晒想試晒咁多樣嘢嘅我，入面有蝦餅、春卷、蝦片、腸仔、串燒。…Read More

成日睇toutube見到youtuber推介新加坡著名天天海南雞餐廳。疫症底下去唔到旅行唯有喺香港試吓。餐廳環境好大，坐得舒服，裝潢幾有越南風格，連茶壺都特別有文化氣色。食海南雞當然唔少得叫返個招牌天天海南雞好少見到食海南雞會食燒雞，今次就可以一次過滿足兩個願望，試曬兩樣。雞肉嫩滑，夠涼， 雞皮嘅油脂晶凝通透，皮薄肉滑，一啲都唔肥。配埋秘製醬汁，正！ 燒雞皮燒得後脆，肉唔鞋，比天天海南雞略嫌鹹咗少少。加左個雞油飯，分量超多完全唔係一至二人份量。睇返餐廳介紹話佢哋嘅飯係用明火煮嘅，會邊煮邊攪拌。 飯粒粒粒分明，雞油味香，但係唔會過分油。另外叫咗個火焰椰子冬陰功湯價錢又唔算貴，上菜方式好有驚喜。侍應將碗湯擺枱之後用火機點着，超有氣勢打卡一流。呢碗湯唔係得個樣，冬陰功味重夠辣，佢唔會話好重椰奶味，我幾鍾意呢樣嘢，用料亦都豐富，裏面有魷魚蝦同埋青口，仲有番茄同菇。 參巴辣椒炒通菜夠香，小小辣，通菜夠嫩，唔會老。油柑鴨屎香檸檬茶第一次飲呢一款檸檬茶，茶味唔濃反而酸味重，飲落幾清新開胃。…Read More

米芝蓮推介級別既新加坡過江龍餐廳 - 天天海南雞係香港已經開業一段時間，有幾間分店。.餐廳係圓方商場水區，一直走到尾就會見到。裝修玩味十足，暗黑風格主調配以大量港式漫畫風裝飾，玩味十足。座位非常闊落私隱度高，一眾服務員們服務態度良好，人手亦好充足服務到位。.晚市有二人同四人套餐提供，二人套餐四百靚蚊有交易，有齊哂前菜、小食、招牌主食、炒菜同甜品，仲可以用特惠價加配飲品，性格比幾高。不過今日想試下朋友推薦菜式所以揀左散點，套餐要留待下次。.天天海南雞拼燒雞 💲288⭐️3.7/5佢地招牌既海南雞分左兩款 – 包括正宗海南雞同天天海南雞。正宗海南雞用文昌雞，雞味較濃、較厚肉但係會有骨，相對上無咁滑。而天天海南雞就正正相反，無骨啖啖肉、肉質非常嫩滑但雞味相對低。最後我地揀左後者因為唔想有骨。加碼一次過試雙拼，燒雞海南雞兩吃。整體雖驚喜不大，但燒雞同海南雞肉質都非常嫩，皮非常薄無丁點多餘脂肪，做到應有水準。.雞油飯 (1-2位用)  💲38⭐️3.6/5雞油飯有驚喜，雞油味香但不會過份油膩。細版本份量已經好多，個人認為足4位用。.龍蝦海鮮飯 💲198⭐️3.9/5全晚最期待菜式，喜歡食脆米湯泡飯，同龍蝦湯呢個配搭無得輸。龍蝦湯有火爐烘住啖啖都熱辣辣。蝦肉同帶子另上食既時候先按需要放入唔會老。脆米大大一碗，三、四人分享都足夠。.山楂丸子 💲58⭐️3.9/5今晚既VIP 一定係呢客山楂丸子，外表脆卜卜。用紫薯包住暖暖既山楂蓉。三粒都唔夠喉。.花好月圓 💲28⭐️3.6/5見價錢唔貴就試埋佢地既創意甜品美祿豆腐花。滑豆腐花面鋪美祿粉，豆腐花豆味不濃勝在夠水滑，加埋美祿粉幾特別。.招牌超級水果茶 💲38KING SIZE 特大版本水果茶，性價比幾高。.總結：以餐廳定位黎講，除左招牌雞品定價較進取外，其他菜式、特別係套餐定價算合理。味道不錯，擺盤同樣有心思，下次會再黎試下其他菜式。.…Read More