Teppanyaki Kaika

坐窗邊可以飽覽整個維港夜景🥰 平時食鐵板燒一定想坐席前欣賞師傅手藝，但係今次我就選擇咗坐窗邊，望住呢個景食飯，真係咩都好食啲😂❀海賀2人套餐 $2480✰無花果蟹肉沙律 ⚘蟹肉多，無花果淡淡甜香加新鮮沙律菜。✰三文魚籽伴海雲醋粒粒飽滿咸香嘅三文魚籽，配搭海雲醋嘅酸味，衝擊味蕾，好開胃。海雲醋可以美顏啊🤤✰磯煮鮑魚大大隻磯煮鮑魚配上濃郁嘅鮑魚肝汁，日本大根都煮到好入味。✰鵝肝外脆內軟嘅鵝肝，入邊仲好Juicy！第一次配黑蒜汁，都幾特別。加上水果同埋香脆嘅多士一齊食，勁正🤩✰大蝦煎香左嘅大蝦同埋蝦頭，唔使點任何醬汁已經好好味，鮮甜彈牙，蝦膏用嚟做咗汁，可以點多士食。✰A4宮崎牛 或 愛媛縣產鷄肉套餐可以揀和牛或者雞肉，我哋都揀咗和牛，5成熟。份量一啲都唔少，五成熟啱啱好入口軟嫩，成個套餐最正就係佢🤤🤤🤤✰黑松露和牛 或 樱花蝦 炒飯、漬物、味噌湯炒飯可以揀黑松露和牛或者櫻花蝦，我哋都係揀咗和牛😆 炒飯粒粒分明好香嘅黑松露味，和牛粒都好大粒！隨炒飯奉上漬物與味噌湯。✰甜品是日甜品係抹茶芝士蛋糕或者紅豆沙，抹茶芝士蛋糕唔係好甜，抹茶味香濃；紅豆沙入邊有啲蕃薯粒，都幾特別。✰咖啡或茶飲埋杯飯後餐茶，完美🫶🏻呢個2人餐好豐富，而且佢哋用嘅食材都好高質，份量唔會好少，擺盤有花過心思🥰望住個咁靚嘅夜景，一定要叫返杯酒🍸 揀咗兩杯Harlan's Gin Special Selection～✰Hendricks Gin $138⚘Cucumber ⚘ Mediterranean Tonic⚘✰Monkey 47 Gin $148⚘Rosemary ⚘ Thyme ⚘ Premium Indian Tonic⚘…Read More

工作壓力大既時候要食好西放鬆一下，我同朋友揀左一間坐擁海景嘅鐵板燒餐廳，坐係鐵板燒位一路欣賞住師傅功架，展開咗我哋嘅味蕾之旅。今次點左海賀二人套餐（HKD2480)，共7道菜+甜品、咖啡/茶。無花果蟹肉沙律蟹肉質地細嫩，無花果嘅甜美與蟹肉嘅鮮味互相襯托，口感清新。三文魚籽伴海雲醋三文魚籽鹹香味十足，海雲入口順滑，醋汁酸酸地，令人胃口大開。磯煮飽魚 磯煮方式令飽魚保持原始鮮味，肉質極為細膩，可以加埋清甜嘅日本大根一齊食，濃郁嘅鮑魚肝醬為整道菜增添奢華感。鵝肝煎至表面微焦，油脂香濃郁，入口即化，配搭多士一齊食中和油脂感，黑蒜醬微妙嘅獨特風味將鵝肝嘅味道提升到另一個層次。大蝦外層烤得恰到好處，內裡則保持著彈牙同鮮嫩，配上香濃嘅蟹膏汁，將呢道菜提升到另一個水平。A4宮崎牛大理石紋理均勻，鐵板上烹調令肉質變得柔軟而多汁，配上黑松露醬，帶有一種奢華嘅深邃香氣，夾埋蒜片一齊食，質相得益彰，增添一份獨特嘅口感。黑松露和牛/樱花蝦炒飯炒飯粒粒分明，和牛嘅鮮嫩與黑松露嘅濃郁香味在口中完美融合，櫻花蝦本身嘅鹹香與炒飯嘅香氣相結合，兩款炒飯展現出各自嘅風味。甜品焙茶奶凍質地細膩綿滑，作為飯後甜品非常滿足。Roku Gin/ Hendricks Gin我同朋友分別叫左2杯Gin cocktail，Roku Gin入面杜松子嘅微妙辛香，創造出一種獨特嘅風味；Hendricks Gin 帶有黃瓜香氣，清新而優雅。…Read More

系香港食過咁多野 唯獨未試過鐵板燒 見到鐵板燒海賀幾多人講 而且個景又幾靚😍咁就岩曬啦👫🏻海賀二人套餐 $2,480總共9道菜 由前菜到甜品都有 好豐富丫🦀無花果蟹肉沙律無花果肉清甜👏🏼蟹肉系新鮮拆出黎 幾彈牙 帶點鹹鮮☁️三文魚籽伴海雲醋海雲醋原來系啲醃製過既海藻 幾爽口 而且味道酸甜 🐚磯煮飽魚慢煮南非鮑魚 肉質偏腍身 鮮嫩度十足 有驚喜🤪下面既日本大根煮得又入面加埋個自家製海鮮醬 用上鮑魚干同魚干製成 味道更有層次🦢鵝肝超肥美 油脂滲曬出黎 而且煎得好香 流曬口水🤤🦐大蝦好大隻 質地結實爽口💪🏼配上蟹膏醬 冇得輸🐮A4宮崎牛真.入口即融👍🏻除左原味 仲可以點黑松露醬🐥愛媛縣産鶏肉煎得非常好 肉質嫩滑得黎充滿彈性 估吾到雞肉都可以整得咁出色 好難忘☺️🍚黑松露和牛炒飯和牛油同白飯融合 香噴噴 又有黑松露 味覺衝擊丫🌸櫻花蝦炒飯 幾多蝦又大隻 炒得干身 所以食落脆脆🥣味噌湯味道甜甜地 吾算鹹🍰甜品今日系焙茶奶凍＆抹茶芝士蛋糕焙茶果凍食落清新 令整餐飯既尾升都吾膩 奶凍又幾棉滑 芝士蛋糕味道幾濃🍷Fruit Berry Punch $108🍹Refreshing Lychee $108💭餐廳環境固然優雅 風景開陽 服務同食物都非常好 開心既晚上😊…Read More

元宵佳節，慶祝指定動作梗係食餐好的，有埋靚景有情調嘅環境相伴就正到痺！呢間鐵板燒餐廳符合曬以上條件，不論日夜呢度望出去個維港景都勁迷人。餐廳設有不同用餐區，坐bar枱望住師傅表演廚藝滿足視覺效果，亦有靠近落地玻璃位置讓客人邊食邊欣賞無敵view，想同伴侶老友傾密偈可以包房或在私隱度高的位置享受美食暢飲一番。職員們普遍很有禮貌Kaika Special Set for Two People海賀二人套餐Crab Meat and Fig Salad 無花果蟹肉沙律> 淋上黑醋汁的沙律食味清新、洗滌味蕾Salmon Roe with Mozuku三文魚籽伴海雲醋> 一向很喜歡海雲那種爽脆颯颯聲的口感，呢個前菜非常開胃Sous Vide Grilled Abalone 磯煮鮑魚> 鮑魚賣相很有氣勢，底部墊著高湯煮大根軟腍清甜，拌入鮑肝醬幾有風味Foie Gras 鵝肝> 全餐飯最欣賞鵝肝，中間熟度剛好入口即化甘香肥腴，配橘子和小梨片伴以黑蒜汁食更為清爽，小多士也很鬆脆Prawn 大蝦> 蝦燒得焦香蝦頭有滿滿蝦膏，蝦肉亦較爽脆，點蟹膏醬味道濃上加濃A4 Miyazaki WagyuA4宮崎牛> 和牛脂肪異常濃厚，蒜片香酥鬆脆配松露醬伴牛肉食係不敗之選Wagyu with Black Truffle Sauce Fried Rice, Pickles, Miso Soup黑松露和牛炒飯、漬物、味噌湯> 黑松露和牛炒飯炒得乾身甚具鑊氣Dessert 焙茶奶凍> 細細杯食落唔錯有淡淡焙茶香奶凍口感滑Serrento Limited Edition> Prosecco、法國果酒 St. Germain加金柑、蜜糖檸檬汁混合製成，入口清甜順喉無藥水味、幾好飲…Read More

慶祝生日🎂或紀念日🎉搵餐廳嘅話，當然要搵間食物有質素，有景，先有vibes啦！😏今次就同小妹去左The One嘅「鐵板燒海賀」～我地預早book左靠窗座位，咁就可以飽覽維港醉人海景，用餐體驗無懈可擊！😎如果唔洗睇景，都可以坐吧檯，可以欣賞師傅為你即席烹調～☺️我地叫左個二人套餐（$2480/2位），有8個course。因為「鐵板燒海賀」和「Harlan’s」係姐妹店，所以都可以order到「Harlan’s」嘅cocktail！🍸The Oriental Pearl（$138）‼️推薦‼以東方之珠命名的雞尾酒，以Gin作基酒，加上西柚及檸檬🍋，味道清新，加上面頭用蛋白打成的泡沫，飲落香滑refreshing～🥂The “HK”（$138）雖有係sake base，不過味道有啲似Prosecco…🤔🦀蟹肉無花果沙律沙律菜和無花果，加上一絲絲嘅新鮮蟹肉，鮮甜開胃🤤～🐟三文魚籽伴海雲醋海雲入口滑溜，有點爽口，連醋一起吃下口感清涼，酸醋汁酸得開胃，加上晶瑩剔透嘅三文魚籽，味道更鮮香。💕磯煮鮑魚‼️推薦‼原隻新鮮鮑魚，口感細嫩彈牙，配上煮至清甜軟腍嘅日本大根，蘸上紫菜蠔汁，味道👅更鮮味！鵝肝‼️推薦‼兩邊煎至金黃色，配上旁邊嘅脆多士一齊食，唔洗蘸醬汁都已經好味🤤🦐大蝦都幾新鮮，口感爽口彈牙配上🦀蟹羔醬一齊食，味道更提鮮！肉類可以二揀一～分別有A4宮崎牛或愛媛縣產鷄肉。🥩A4宮崎牛‼️推薦‼和牛肉質柔軟細膩，油脂均勻分佈，咬下去滿滿肉汁，油脂香散佈整個口腔，肉香味美～☺️可以蘸上旁邊嘅松露醬，或夾上蒜片一齊食，味道會更有層次～😏🍚炒飯炒飯飯粒炒至乾身，粒粒分明，沒有半點油膩感兩種味道都唔錯～黑松露和牛炒飯散發淡淡牛肉和菇菌香～櫻花蝦味口感則比較突出，個人比較喜歡櫻花蝦～☺️🍨甜品可以揀 抹茶芝士蛋糕 或 南瓜紅豆沙🎃南瓜紅豆沙紅豆沙添加了南瓜，更有口感～咖啡或茶…Read More

- 尖沙咀｜鐵板燒海賀 -「海賀二人套餐」▪️無花果蟹肉沙律🦀🥗有好多蟹肉喺面，好足料，好鮮味▪️三文魚籽伴海雲醋海雲好滑溜，食落酸酸哋，幾開胃，配埋三文魚籽，口感更有層次▪️磯煮鮑魚鮑魚煮得好易咬開，但又唔會太過軟腍，保留口感。另外下面仲有大根，好清甜，冇渣▪️鵝肝煎到外面少少焦，好香口，配上多士一齊食，可以減少油膩感▪️大蝦🦐蝦身肉質爽口彈牙，蝦頭味道香濃▪️A4宮崎牛🐮一入口充滿油脂感，肉汁爆晒出嚟，肉味濃厚。伴碟有炸蒜片，好香脆▪️黑松露和牛炒飯🐮🍚▪️櫻花蝦炒飯🦐🍚▪️味噌湯🥣、漬物炒飯可以揀黑松露和牛，或者櫻花蝦。黑松露香氣突出，配埋和牛好香濃，而櫻花蝦味道冇咁濃郁，但脆脆哋，口感豐富，各有特色。另外仲有味噌湯，同埋漬物，唔錯▪️南瓜紅豆湯🎃🫘▪️抹茶芝士蛋糕🍵🧀南瓜紅豆湯熱熱哋，好暖胃，啱晒冬天，而芝士蛋糕就好順滑▪️Honey Moon (Guava, Honey🍯, Pineapple Juice🍍)▪️Shirley Temple (Grenadine, Lime🍋, Soda Water)兩杯飲品都幾有特色，飲落好fresh鐵板燒海賀📍尖沙咀彌敦道100號The ONE 19樓…Read More

📍 鐵板燒海賀 Teppanyaki Kaika📍 尖沙咀 𝗧𝘀𝗶𝗺 𝗦𝗵𝗮 𝗧𝘀𝘂𝗶 • The ONE 19樓〔 Follow me! ♥︎ 〕-一向喜歡吃鐵板燒料理，因為可以以相對划算的價錢享受到多項菜式，而且還能坐在料理桌前，欣賞師傅的功架但這間《鐵板燒海賀》，就令喜歡看著師傅烹調的我，都選擇放棄料理桌座位，因為一般餐桌旁的景觀實在是一流！-《鐵板燒海賀》位於尖沙咀The ONE高層，店面滿大，除了有數個吧檯空間，還有靠著落地玻璃的一般用餐區位置雖然前面有幾座高樓大廈，但還是能看到絕美的維港景色，由西環至北角的180度海景盡收眼底🥺-是日享受了【海賀二人套餐 ($2,480)】，由前菜到甜品，共八道菜每樣食材都十分新鮮高質，單吃已很好吃，但也可以蘸上特配的醬汁一同享用侍應服務跟服務態度都不錯，有留意食客進食節奏，配合上菜速度；添茶也很密-The “HK” (cocktail) ($138)Fruit berry punch (mocktail) ($108)鐵板燒海賀與同層的Harlan‘s屬同一集團，所以在這邊也可以點到Harlan’s的飲料我們就點了一杯以清酒為基底的【The “HK”】cocktail和一杯【Fruit Berry Punch】mocktail，與二人套餐一同享用-海賀コース 二人前 ($2,480)海賀二人套餐 Kaika Special Set for Two•無花果蟹肉沙律Crab meat and fig salad無花果、絲絲蟹肉、爽脆沙律菜，十分清新開胃，當前菜一流～•三文魚籽伴海雲醋Salmon roe with mozuku第二道亦是開胃的前菜，水雲海藻配上三文魚籽水雲吃上去口感爽滑，好像在吃粉絲一樣味道帶微酸，很開胃•磯煮鮑魚Sous vide grilled abalone鮑魚採用「磯煮」的烹調方法，以慢火炆煮，令醬汁的精華滲透鮑魚裡邊，而且還能保留鮑魚的鮮嫩肉質鮑魚採用南非鮑魚，厚肉、彈牙旁邊的鮑魚肝醬更能提鮮；而底下還伴有軟腍入味的蘿蔔•鵝肝Foie gras法國鵝肝表面煎得焦脆，內裡油脂豐盈、質感綿密，相當肥美！🥰旁邊有水蜜桃跟蜜柑作伴碟，酸甜的味道可以平衡一下鵝肝的油膩感另外也有黑蒜醬、多士作配搭•大蝦Prawn大蝦吃上去十分新鮮，口感爽口彈牙份量十足，相當厚肉可以與旁邊的蟹膏醬、脆多士一同享用•A4宮崎牛A4 Miyazaki Wagyu牛肉選了五成熟；師傅燒得剛剛好是我喜歡的熟度，顏色粉嫩粉嫩的肉質柔嫩多汁、牛味濃郁，脂肪感很重旁邊配了黑松露醬，更添層次除了A4牛外，還可選擇愛媛縣產雞肉•黑松露和牛/櫻花蝦炒飯、漬物、味噌湯Fried rice, Pickles, miso soup炒飯有兩款口味：櫻花蝦／黑松露配和牛粒炒飯炒得夠乾身、粒粒分明兩款口味都好好吃，而且份量很慷慨，給得很足，三四個人分享都可以吧🤣除了炒飯，亦可以加$30改配烏冬•甜品 Dessert咖啡或茶 Coffee or Tea最後還有甜品和飲品是日甜品可選【抹茶芝士蛋糕】或【南瓜紅豆沙】，份量小小的，剛好完滿了這頓令人滿足的一餐❤️…Read More

咁啱見到係銀座既代表就試下😂 呢到既樓底夠高，地方開揚闊落，亦有好正既海景🌊 裝修風格摩登時尚，以深灰同木系🪵為主～ 座位有好多選擇，可以揀睇廚師表演🎭、睇海景🌊、或者私人空間包場都得，而且野食既配搭有心思又好食😋 係值得回頭既鐵板燒🔥😜(5 😍 係滿分，🤩係半分）海賀二人套餐 - $2480無花果蟹肉沙律 🦀🥗 (好味指數：😍😍😍😍)上面拆左好多梳完整既蟹肉🦀，唔會散開或者好碎，味道鮮甜多汁，質感綿密，配埋清香既無花果、新鮮爽脆既沙律菜🥗，同埋酸酸甜甜既沙律醋汁🥗幾清新，用黎做開胃冷盤幾好～三文魚籽伴海雲醋 🍣🟠 (好味指數：😍😍😍😍)啲三文魚籽🟠粒粒飽滿，晶瑩剔透，卜卜脆咁，一咬落去感受到鮮香四溢、充滿魚脂香👍🏻 而下面就配左海雲同醋好特別～ 海雲其實係一種海藻，平時會加埋日本醬油、味淋、醋等等去醃制，質感爽口滑溜，好似幼細既粉絲咁，加上酸酸地咁咁晒開胃🤤磯燒鮑魚 🔥 (好味指數：😍😍😍😍😍)呢個鮑魚超大隻同厚肉，有𠝹左花刀，所以醃得更加入味，有鹹香又鮮味十足～ 口感亦都爽口彈牙，一啲都唔韌，配埋旁邊濃郁醇厚既鮑魚肝醬同清甜多汁既蘿蔔，感覺意想不到咁夾，相得益彰～ 個蘿蔔好甜，又煮到軟腍入味，成個組合都好好食😋鵝肝 🦢 (好味指數：😍😍😍😍🤩)鵝肝🦢真係幾時食都正🤤 今次幾厚身，表面煎得酥脆，入面口感豐腴肥美，軟滑綿密，味道香濃醇厚，油香幾出～ 旁邊配左酸酸地既莓汁同埋酸酸甜甜既蜜桃🍑，特別過經典配搭蘋果🍎，又有消膩既效果～ 另外仲可以配埋金黃香脆既多士🍞大蝦🦐 (好味指數：😍😍😍😍🤩)啲大蝦🦐好大隻同飽滿🤤 全部都剝左殼，啖啖肉咁食好正🤤 啲蝦🦐煎到帶啲焦香，肉質爽脆，蝦味濃郁唔會有雪味❄️，味道鮮甜，煎過之後更加香口同有油香～ 蝦頭亦有啲豐腴肥美既蝦膏，連埋一齊食仲正🤤A4宮崎牛 🐮 (好味指數：😍😍😍😍🤩)個A4宮崎和牛肉好正😋 小編叫左5成熟，上枱既時候已經切好，所以見到裡面係粉嫩既粉紅色，煎得啱啱好～ 口感緊緻順滑， 肉質鮮嫩同埋牛味🐮幾重，油花分佈均勻，紋理清晰，煎過之後油香更加出，入口即溶但又唔覺得油膩～ 旁邊仲配左蒜片🧄松露和牛炒飯 ⚫️🐮🔥🍚 (好味指數：😍😍😍😍)日本既炒飯🔥🍚相對上無咁油膩，今次既炒得幾乾身同有穫氣，粒粒分明，落左芳香馥郁既黑松露⚫️、肥瘦適中既和牛粒🐮同香口既蛋絲🥚就更加香，啲和牛粒🐮既牛味幾濃郁同埋油香幾出，感覺幾好食🤤櫻花蝦炒飯 🌸🦐🔥🍚 (好味指數：😍😍😍🤩)小編就鍾意上面個和牛炒飯🐮🔥🍚多啲，呢個炒飯🔥🍚一樣夠乾身同有穫氣，粒粒分明，我亦有有鹹香既櫻花蝦🌸🦐同埋香口既蛋絲🥚，不過如果個蝦味🦐再出啲就更加惹味漬物 (好味指數：😍😍😍😍)上左啲醃蘿蔔，酸酸地同爽口，可以清一清味蕾先食甜品～味噌湯 🥣 (好味指數：😍😍😍😍)味噌湯 🥣係日本既國湯🥣，質地清澈，味道濃厚，鹹中帶甜，亦有少少鰹魚🐟風味既餘韻，有海帶同豆腐都唔錯～甜品 - 抹茶芝士蛋糕🍵🧀🍰 (好味指數：😍😍😍😍🤩)原本以為個芝士餡🧀係抹茶味🍵，原來個底照係原味芝士蛋糕🧀🍰，上面再加抹茶🍵mousse～ 個蛋糕🍰質感濕潤厚實，芝士🧀既鹹香味幾出同口感夠rich，抹茶🍵mousse就口感綿密幼滑，帶有少少抹茶🍵特有沙沙地既感覺，亦有清新既海苔香味～ 咁樣夾埋一齊食感覺個層次更加出，亦唔會話好甜，啱晒抹茶🍵fans😍“Sorrento” Limited Edition - $138 (好味指數：😍😍😍😍🤩)特登揀左杯特別既cocktail, 係由Prosecco、St. Germain、柑橘🍊同自家製蜂蜜檸檬汁🍯🍋調製而成既，味道輕盈清爽見稱，有幽香又有活力既果香，酸酸甜甜咁，氣泡質地軟綿，充滿青蘋果🍏、檸檬🍋、柚子🍊、蜜桃🍑同花香🌸氣息，感覺refreshing又易入口～Honey Moon (好味指數：😍😍😍😍)另一杯就係mocktail黎既，用左番石榴、蜂蜜🍯同菠蘿汁🍍調整而成，一樣酸酸甜甜咁，清新又帶有少少氣泡🫧既刺激感，可以開胃解膩，亦都好似個名咁味道偏香甜啲～好味指數：😍😍😍😍🤩推介指數：😍😍😍😍🤩…Read More

朋友臨走前想食鐵板燒午餐，揀咗地點就腳又有海景嘅［鐵板燒海賀］，一邊欣賞維港海景，一邊享用美食。一行四人，決定叫兩組不同午餐 《鐵板海鮮套餐》及《幸》各2份試試不同食材。《鐵板海鮮套餐》$368 包括：沙律、前菜、刺身三點、帆立貝、大蝦、銀雪魚、炒飯、味噌湯、漬物、甜品、咖啡/茶。套餐主打海鮮，份量十足，海鮮配搭不同醬汁，醬汁味道不錯，但個人覺得味道偏重，蓋過海鮮鮮味。擺盤西化，有別傳統鐵板燒，令人賞心悅目，影相一流。《幸》$680 包括：前菜三點、香煎琵琶蝦、濃湯煮羽太伴日本香蔥油、鐵板活鮑魚、美國牛柳、黑松露帶子焗飯、甜品、咖啡/茶。 此為午市套餐內最貴套餐，選用貴價食材，做法也是配搭不同醬汁西式擺盤。當中喜歡濃湯煮羽太，濃湯魚鮮味剛好，黏口濃郁。選材絕對對得起價錢，加上位置服務及維港景絕對加分，如師傅火喉控制及處理食材技巧能掌握得更穩定就好，我的帶子及龍蝦煮過火，老了，銀雪魚煎散了，炒飯也非粒粒分明，有點可惜。整體而言：環境：無敵維港海景加上空間感十足，聚餐好地方服務：細心有禮食物：食材選料不錯，唯獨烹調火候控制略欠穩定…Read More

這個週末試了尖沙咀The One商業大廈高樓層的「海賀鐵板燒」。餐廳坐擁廣闊的海景，日式裝修風格兼樓底高，用餐環境寬敞。餐廳的特色料理是鐵板燒。午餐時段我們叫了廚師精選二人午餐，包括鐵板燒大蝦、銀鱈魚、鮑魚、美國頂級牛柳、愛媛縣雞扒、鐵板和牛炒飯、櫻花蝦炒飯、味噌湯、燉蛋、漬物、甜品和咖啡/茶。菜式味道非常好，而且份量十分足夠，我們最後打包了炒飯吃不完。鐵板燒在現場有廚師即席烹調，所以坐鐵板燒枱可以欣賞到廚師的技藝，不過我們選擇了油煙味比較味海景枱。先說一下前菜燉蛋，我見到燉蛋的顏色比一般深色偏橙，向侍應細問之下，得知原來是用日本當地有名的蘭王蛋做食材烹煮。看上去很特別，不過吃起來分別並不大。沙律是沒有蛋黃醬，比較日式落油落醋，比較清淡的口味。特別想highlight的是鐵板燒大蝦和頂級牛柳，口感非常出色。大蝦是鮮嫩美味，搭配上特製的醬汁，味道一流。接下來是燒銀鱈魚和鮑魚。銀鱈魚做得很嫩滑沒有煎得太乾。今餐最驚喜的是鮑魚，廚師選用的鮑魚非常新鮮大隻，鐵板燒起來外脆內軟，亦沒有過韌。配以適當的調味，味道平衡得剛剛好。鐵板燒愛媛縣雞扒，這一道菜比較沒有太大特色。牛柳肥美多汁，除了伴碟配菜之外，有三種調味料可以醺點，包括原籽芥末、粉紅岩鹽和黑胡椒。本身牛柳已經有調味，所以不用另外落太多。我們沒有加錢將主菜轉做日本A4和牛西冷，本身的牛柳已經很出色。味噌湯做得比外面一般餐廳更加認真，除了有豆製品做湯料之外，還有新鮮蜆肉。味噌湯味道不算很鹹，但層次感豐富。這一次的甜品有綠茶提拉米蘇和紅豆南瓜糖水。分量恰當，味道清甜。不過如果有生果就更好。…Read More

係openrice係咁見到海賀既午市套餐4人同行1人免費優惠就去左試下，佢唔係傳統鐵板燒，而係走現代fusion路線既鐵板燒。我地一行4人叫左兩個【鐵板精選套餐 • $550/$350】同埋一個【精選商務二人套餐 • $1,480/$1,180】，試晒所有combo🖐🏻兩個餐都有牛肉(日本A4和牛西冷/美國頂級牛柳)、野菜、炒飯、味噌湯、漬物、甜品、咖啡/茶。鐵板精選套餐有大蝦，而精選商務二人套餐就有鵝肝同鮑魚。✍🏻(按上菜次序)▪️前菜：前菜係沙律、螺同蒸蛋。螺係凍上而味道淡；沙律同蒸蛋都係正常水平。▪️大蝦：size唔算係大，一開二，肉質尚算彈牙同新鮮，配上香草醬，味道唔錯。▪️鵝肝：每人有一塊鵝肝，份量適中。一開頭見師傅煎驚佢煎得太燶，但實質好外脆內軟，配埋輕輕煎過既麵包同提子，減少左d油膩感，正！▪️鮑魚：鮑魚超出我預期😳😳😳配左少少昆布湯，一咬落去一d都唔韌又夠爽口，好出色👍🏻▪️日本A4和牛西冷：和牛油脂好重，入口即溶，真係要加$200轉和牛🤣兩款牛肉都有蒜片同車厘茄伴碟，仲有3款調味：岩鹽、黑椒同芥末醬。▪️美國頂級牛柳：我地叫五成熟，不過都六至七成熟，好彩肉質軟淋，一d都唔韌。如果唔想食太重油脂既，美國牛柳都係好食既。▪️炒飯：炒飯淨係加左牛肉同蛋炒，連蔥花都無，個樣好齋。作為鐵板燒既重點之一，無咩特別，亦唔覺特別好食。▪️野菜：味道好淡，份量唔多但都只係食左半份。▪️甜品：甜品係水果抹茶豆腐，原來佢成個豆腐都係抹茶色，好濃味。總括黎講，回頭率唔高，試一次就好。…Read More

最近收到了Stanley少爺在羣組內分享的幾幅日本菜的照片，美不勝收。從那些照片，可看到和牛肉眼朳的血脈在躍動，新鮮的龍蝦在鐵板上起舞，我說得一點不誇張，請看下圖！立刻向他詢問餐廳何在及晚飯價格如何等等，得到答案是位於尖沙The One 商場的海賀，而該頓晚餐收費每位HK$2,500，還未計酒水。唉！有謂: 『富人一頓飯，貧家幾年糧』。這頓晚飯的索價實在太高，小弟好酒，如晚飯再來一瓶清酒，那結帳金額肯定超過HK$3,000大元，就算能勉強負担，亦會十分『肉赤』。於是上Openrice看看該食肆有否較相宜的套餐可供選擇，才決定是否前往 ; 看了約10篇食評食評，發現原來鐵板燒午餐連Salad Bar Buffet HK$300餘便有交易，週一至週六供應，馬上相約午餐鐵腳力士，看他何時休息，一同前往。Tatler是推介高尚品牌、品味用品及優質食肆的刋物。上圖是該雜誌頒給海賀的獎狀。食客可看到壽司吧及鐵板燒廚師認真地做菜訂了12月4日的枱，為了在Salad 吧未被眾食客摧殘前留些倩影，小弟12點左右便進場，希望把它最美的一刻留給大家。這裏的Salad Bar 的食物由海賀及旁邊的Harlan餐廳共同炮製，兩家餐廳食客共同享用，屬貴精不貴多之流，整張擺放食物桌子長度緊2米餘，竟被我發現了平日在普通酒店Buffet極少奉客的日本蟹膏及Foie Gras Terrine ，而且在沙律菜的附近發現鯷魚踪影，經醃製的鯷魚並非貴價貨，但不知為何印象中只曾在高級酒店的Salad Bar 中才會出現，今天竟在這裏有幸遇見。最後一提是那耀目Cold Cut Parma Ham，賣相粉紅，看不見雜筋，感覺良佳。純目測結果，Salad Bar 令我相當滿意！拍完Salad Bar，才回到鐵板燒吧枱前坐下開始點菜，雖然心裏已有目標菜單，但都想看看這裏的其他中午套餐。上圖便是這裏價格最平 (HK$158+10%) 及最貴 (HK$558+10%)的中午套餐，個人覺得在這種高級餐廳用膳，價格相當合理。上圖是小弟今日的目標午餐，自助Salad Bar 及鐵板燒午餐，跟力士一同點了兩款主菜的午餐，分別是大蝦、名古屋雞朳、美國頂級牛柳及鵝肝。第二輪 : 泰式鳳爪、烤豬頸肉、車厘茄Mozzarella Cheese沙律及蟹膏未吃主菜，當然先吃Salad Bar 的美食，上圖第一幅是第一輪的美食，左上角是泰式鳳爪，他們雖出自鄰家西餐廳Harlan，但口味相當正宗，酸甜爽脆。鳳爪旁是車厘茄拌以Mozzarella Cheese 的沙律，記憶中沒有吃過青綠色的車厘茄，可能吃過但都只限於伴碟菜，若只看顏色，一定以為它很酸，而實際上，它酸度正常，而且茄味比紅色的猶有過之，Mozzarella那點點的膩給茄酸化掉了，吃在嘴裏隨之換來是陣陣夾雜乳香的爽甜。右邊帶有酸辣醬汁的是烤豬頸肉，甘香多肉汁，做得甚至比不少聲稱泰式正宗的餐廳更正宗，估不到這裏的西日廚師能泡製出如斯精彩的泰菜。碟最底是蟹膏，十分香濃，在City Super 及日式超市少說也賣100多至200多港幣一罐的日本蟹膏(約100克)，在這裏竟可無限添食，真的異常大方！蟹膏香濃鹹鮮，跟大家在壽司店所吃到HK$30 以上一件的蟹膏壽司上的並無差別。第二輪 : Cold Cut、露筍及哈蜜瓜上圖的就是第二回合所拿的食物，Cold Cut為主配以露筍及哈蜜瓜，特別一讚這裏的Cold Cut，坊間有些Semi Buffet Salad Bar的Cold Cut，因曾Frozen 即在攝氏零度以下冷凍過 ，水份會在凍肉內結冰，解凍時水份亦除之流走，肉會出蜂巢狀小孔的同時，口感亦變得粗嚡，這種情況當然沒有發生在上圖任何一片之上。很欣賞這裏的兩種Cold Cut ，一種是混入開心果仁的雜肉片，開心果跟雜肉合襯，帶起了更多肉香。另一種是Parma Ham，Parma Ham 比較少吃，記憶中品質較好的顏色偏向粉紅，質素較劣的顏色偏向橙啡，而這裏提供的屬於前者，吃在口中水份較多，味道鹹香，軟滑無筋，相當可口。露筍清甜脆口，哈蜜瓜不太甜，唯卷上Parma Ham 同吃風味猶佳。第三輪 : 蔬菜及鯷魚再來第三輪，蔬菜為主，可供選擇的沙律菜只四款，但都爽脆新鮮。上圖右的Lemon Olive Oil ，充滿檸檬及香草味，跟菜同吃，心曠神怡。剛才上文提到的鯷魚，是沙律菜的良伴，但不知為何這裏吃的並非慣常吃到的重鹹味，而是酸味及帶點爽脆的，算是另類體會。第四輪 : Foie Gras Terrine 及芝士再來第四輪，主角當然是Foie Gras Terrine，沒有看過餐廳以整盤奉客，一般做法是整盤倒出，切片放在碟上奉客。讓客人拿起西式湯匙自行舀起，難度很高，舀了一小團起來，根本無法放在碟上，要用另外一隻湯匙削下整團，整個過程異常費力，希望海賀及Harlam 能多加注意。Foie Gras Terrine 做法據悉是以鴨或鵝的肝為主體，配以鵝、鴨、豬或雞肝等打成Mousse 放進Terrine 之內定型。吃一口，香滑不腥，廚師做這個菜沒放太多豬雞肝臟，我對動物肝臟的腥味非常敏感，不能下嚥，如果大量咀嚼，氣味會導至嘔吐，唯進食充滿脂肪的鵝鴨肝臟並無此現像，證明這Terrine 鵝及鴨肝的含量最高。上圖左上為Brier, 上中為Blue Cow Cheese, 上圖右未能確定，下左是Munster, 下中及右是Comte。這一輪，除了Foie Gras Terrine配餅亁是主打外，還拿了一些芝士，不太懂芝士名稱，能道出上圖芝士名稱純粹因有照片留底，找了友人相助之故！個人最欣賞Blue Cheese的香濃重口味及Munster的軟滑，佐以餅乾及杏脯葡萄乾等，一流享受。第五輪 : 煙鴨胸、蕃薯、關東煮、温泉玉子及甘粟最後一輪的Salad Bar ，拿了上面兩圖的食物，以好劇在後頭來形容十分貼切，先吃煙鴨胸，肉質很纖細，有煙燻味而不太鹹，較一般餐廳用的粗嚡鴨胸超卓萬分。蕃薯是黃肉品種，即我們稱為雞蛋黃的品種，非常甜香，種植地點土壤應該甚佳，在下有此推敲，原因是吃過元朗南生圍魚塘旁種植的蕃薯，那裏土壤肥沃，種出的蕃薯味道非常甘香甜美！左上小圖為關東煮物是小弟吃過關東煮中最好的，很少吃關東煮，因為覺得其用料不外是魚餅及大根(蘿蔔)等平價食材，調味亦緊是木魚湯、味醂及濃口(淡口的日式醬油)等普通調味品。但面前的卻非凡品，醬油的鹹跟味醂的甜平衡得很，配以濃郁的木魚湯，煮出的湯底真是與眾不同，雖然除蘿蔔較為嫩口無渣外，其他魚餅笱篛等僅一般貨色，但整體配撘異常美妙！上圖左下的小圖是一顆教材級數的温泉玉子，蛋白較蛋黃更為流質，滑如豆花才正宗，這裏的完全做到。蛋本身的味道亦很香濃，很完美。最後的驚喜是上圖右的甘粟，咀嚼時甜如蜜糖，很鬆化很粉，我即時詢問鐵板燒師傅這粟子是否海賀所製？有否用糖煮過？產地？等等，他回答說乃海賀出品，沒有用糖煮，產地應是中國云云！真的估計不到這一顆粟子竟是如此驚艷！吃罷五輪Salad Bar，到主菜出場了，燒板燒師傅看到我們開始吃第五輪Salad Bar 的時個候，問道: 『可上主菜了嗎？』我回答: 『可以。』他便馬上開始處理製作第一道主菜:法國鵝肝不消十分鐘，這道漂亮的鵝肝已經擺在眼前，用黑醋汁、薄荷醬及酸乳等在碟上構圖，不但美觀，而且每種醬汁都是用以佐食鵝肝的，薄荷去羶，黑醋及酸乳減膩，這裏總廚的細心，在這裏可見一班！而鵝乾本身煎得外脆內軟，約六七分熟，內裏仍是鵝脂滿溢 ; 而味道方面，鵝肝從不讓人失望，邪惡的脂肪，永遠是眾生的快樂泉源！第二道菜：大蝦蝦不大，份量很少，旁邊的薄荷醬汁不是蝦的好伴侶。蝦煎得香口乾身，但有點老，肉有點靱，是今天最普通的一道菜。第三道：美國頂級牛柳賣相相當，在碟上圍着牛柳的圈用日式燒汁繪製，佐食牛肉一流。近年較少吃Tenderloin 牛柳，平日多吃Sirloin西冷 及Rib Eye肉眼 ，而Angus Rib Eye 小弟家裹冰格常有幾塊，作Barbecue 款客之用。少吃牛柳原因是這部份的牛肉，沒有西冷有的肉香，亦沒肉眼的多汁及油香。今天吃的牛柳應屬Medium，肉汁不少，它當然沒有Sirloin 的牛香及Rib Eye 的油香，但原來我一向忽畧了它的鮮甜味道原來較前兩者優勝。今天在這裏拾回了我對牛柳的好感。第四道：名古屋雞朳雞朳淋上了蒜蓉燒汁，賣相不俗，但不及前面三道可觀，事不宜遲，先來塊，汁沒有掩蓋雞的味道，可能對名古屋出品的雞期望過高，事實上雞的鮮味及肉汁皆未如預期，但過得去，肉的纖維比起常吃的美國及中國雞種幼細，雞皮煎得一級棒，幾乎把所有油份擠出，咀嚼時鏗鏘有聲，有如吃着香脆薯片。季節野菜主菜完畢，廚師開始在我們面前炒野菜，材料主要有甘筍、京野(體型較小的椰菜，菜味亦較甜)及銀芽，在我倆面前現炒，只加入濃口(淡味豉油)及煮酒同炒，不要以為炒這菜沒有任何技巧，曾有日式料理師傅跟我說，菜上碟時每條銀牙必須每條挺身才算及格，過了火銀牙便會凋謝，顯得垂頭喪氣。面前的賣相當然相當討好，唯卻不算惹味，相信如加入胡椒及味醂，味道會複雜濃郁。角切魚生飯食事到(飯類)，我們選了角切魚生飯，雖然只是小小一碗，但魚生絶對份量十足，看到了熟悉的三文魚、甜蛋、青瓜，但其中起碼有三種魚類我未能確認名稱，吃一口，看看能否準確說出所有魚的名稱，一種油脂味道像油甘、一種味道像秋刀、一種爽脆像臘魚，他們的味道對我來說並不全然陌生，但感覺卻並非我剛才所說的三種魚類，只是似而已，故特意在結帳後到壽師吧向師傅們查詢了一下材料底蘊，原來口感果味似油甘魚的是鰤魚，即上圖我夾起的一小塊，在圖中碗內灰皮紅肉而食味像秋刀的是鰆魚，而口感像臘魚的便是金目鯛，據他們所說，他們的魚生材料會按不同季節作出調整，務求食客可以每次吃這飯時都能吃到時令魚類。巧克力布甸來到午飯尾聲，當然有甜品作結，今天的巧克力布甸端出，巧克力味道只一般，網上食評都把Harlan餐廳的甜品描寫得非常正面，面前的十之八九是出自Harlan 餅房，言而味道則平平無奇。總結: 今天的午餐非常滿意，從製作魚生飯的用心，可以估計海賀的魚生壽司亦相常精彩，下次一定要試試。Salad Bar 是今天的最大亮點，旁邊的西餐廳Harlan 可謂功不可沒，她亦成為了我其中一間目標餐廳。若然在這兩所餐廳享用晚膳，未計酒水相信都要HK$1,000 一位，而如果中午惠顧價位都是HK$300餘圓，我的老調又在腦內響起: 『若覺晚飯消費高，選擇午膳便相宜』，估算下回不論光顧Harlan，還是重臨海賀，應該都是中午時段。…Read More