台蔡滷肉飯

Open Now

Now Closed

之前次次經過呢間台灣菜都見到排哂長龍，所以一直都未食過🥹星期日四五點睇完戲經過，見到居然冇人排隊🤔真係唔知係因為落雨☔️定係大家去哂北上消費😂以米芝蓮來講，呢間由台灣人主理嘅台菜店，都算幾抵食😌上菜快又唔洗加一，唔洗排隊嘅話真係值得一試😋🧀肉鬆起司蛋餅 ($40)蛋餅煎得香脆，足料又厚實🤤厚厚嘅芝士配埋肉鬆，加埋甜甜嘅醬汁，好味道😋🍛肉鬆滷肉飯配溏心蛋 ($58)成個滷肉飯上面都鋪滿哂肉鬆🤩不過肉鬆真係呢個飯嘅MVP，海量嘅肉鬆好好吸睛，味道幾濃，好啱撈飯🥰加埋半熟嘅糖心蛋，幾高質😚🍗九層塔鹽酥雞餐 ($73)炸雞炸得酥脆，唔覺油膩👍🏻份量都幾多幾足料🤭鹽酥雞跟餐配埋滷肉飯，滿滿嘅台灣風味😚🧋大紅袍珍珠奶茶 (跟餐價+$18)無特別叫少甜，但整體好似冇乜味，比較淡口，茶味同奶味都唔特別明顯😅珍珠正常發揮，都算煙靭😆

好難得地經過無人，所以諗都無諗親入去食啦店舖細細，簡單木系裝修環境都企理，QR cod落單，就等食物嚟啦九層塔鹽酥雞滷肉飯 之前睇youtube訪問，店主話要幾貴都要堅持放九層塔，因為咁先還原到台灣味，認真製作食物嘅人值得專敬鹽酥雞真係似台灣夜市食到果種，炸衣厚薄適中，咬開食到雞肉仲有肉汁好juicy，滷肉半肥瘦適合番香港人口味，飯粒分明唔會太軟爛仲吸晒D汁，推薦👍🏻大紅袍珍珠奶茶： 奶味較突出，珍珠煙韌唔會過甜，QQ口感，讚！堂食都係用外賣杯，飲唔晒可能拎走幾好

終於排到堂食了, 堂食真係好食過外賣的.我都排左約有20分鐘, 如果最佳排隊時間約2:10開始, 較排得快及或會未賣晒的.麻辣滷肉飯溏心蛋, 麻辣滷肉飯好食, 如果喜食辣的可選, 不會好辣, 係剛夠味不搶的.肉鬆起司蛋餅, 份量餡料都可以的.大紅袍珍珠奶茶, 可選甜度及走冰, 很貼心。QR code落單。

開門之前都要排十分鐘隊，平日都大概排咗6-7檯人係前面，職員都有準時開門安排客人入座。店內環境都有啲狹窄，唔算話好大。肉鬆滷肉飯，$58，肉鬆同滷肉呢個配搭，甜甜鹹鹹咁又幾夾，隻蛋都混和到係入面。鹽酥雞滷肉飯套餐，$70，配菜嘅味道正常冇乜特別，鹽酥雞就有驚喜，份量多，有7-8舊，算多肉汁同嫩滑。香腸蛋餅，$40，同平時食開嘅蛋餅有啲唔同，中間係有酥皮，味道就冇乜記憶點。大紅袍珍珠奶茶，$15（跟餐價），傳統台式奶茶嘅味道，大紅袍嘅味道無話好突出，珍珠份量多。

早排經過路德圍𝗯𝗲𝗮𝗻𝘀舊位發現開左間台灣野，果陣晚市都仲未洗排隊（呢排好似多左好多人食🤣）所以就試下🌟肉鬆滷肉飯（溫泉蛋/溏心蛋）（$58）成碗飯鋪滿肉鬆，滷肉收埋喺肉鬆下面🤣揀咗溏心蛋，夠入味、半凝固同幾張口剛剛好🤣肉鬆夠晒鬆脆，但係滷肉就唔夠肥美😭比想像中普通🤭🌟 起司蛋餅（$34）蛋餅上淋左d 甜品醬，手抓餅微脆得黎有少少厚度，又唔會太厚，個口感好正😍芝士0技巧都拉到絲🤣手殘如我都做到(只係影出嚟冇乜美感）🤭加埋少少甜味醬同極多蔥花，整體味道幾好🌟 台灣蒜片香腸（$35）本身鍾意台灣香腸，有一次試過加埋蒜片一齊食就發現返唔到轉頭😂成個味道提升好多。一見到蒜片香腸毫無懸念即刻嗌咗🤣味道同想像一樣咁好食，不過$35 好似貴左少少🤏🌟 大紅袍珍珠奶茶（跟餐+$15）大紅袍奶茶味都唔會過濃，但又有珍珠果種口感，唔錯🤣重點係隻杯真係好靚呢間小店幾有特色，嘢食質素同價錢都OK，經過唔使排隊我會再食，但而家米紙介紹完多人左，應該短期都唔會再食住🫣📍台蔡滷肉飯 (荃灣)荃灣海壩街99號地舖

台灣人主理的滷肉飯小店荃灣路德圍Beans結業後，鋪位由2間食店進駐。其中一間喺今日想講的台蔡滷肉飯。睇網上報道，店主是台灣人，所以我十分之期望食到台灣的味道！店舖門外鮮色的燈牌，顏色的配搭好有台灣風味。內部裝修簡約，以灰和木色為主。🐓花雕麻油雞湯滷肉飯套餐花雕麻油雞好香，未食已經聞到。飲落去好重藥材&雞味，好甘甜👍🏻。碗內除了藥材和雞，還有金菇和豆卜，它們都可以吸/掛到唔少湯，好味😋。唯一比較失望係雞肉，真係湯渣咁嚡熠熠😔。湯要趁熱飲，凍左感覺會油和苦。滷肉飯味道不錯，滷肉屬於半肥瘦。前菜是每日不同，我當日係海帶&荀，驚訝嘅係個荀無臭味，我全部食晒！隔離枱唔食荀的食客都話食落唔似荀😆大紅袍珍珠奶茶🧋奶和茶味都好淡，好失望🥲，以為大紅袍茶味會濃d!珍珠唔錯，幾煙韌。下次想試試鹽酥雞&蛋餅！！