林峯十二月生日，灣仔春園街一間Cafe由黑白二次元世界搖身一變成為「期間限定」林峯生日應援Cafe ，由一班忠實峯迷精心設計，餐廳門前已經有一大幅巨型林峯粉絲簽名牆，走進餐廳已經忍唔住要不停打卡▪️小食✨炸香脆粗直薯條配黑松露醬薯條新鮮炸起，炸到金黃香脆，一般都是配搭黑松露醬，呢度仲多一個香濃嘅黑松露，兩款醬汁連薯條都好快清晒，沾邊款都一樣咁好味，可見喜愛嘅程度😏✨ 蜜味沙嗲醬雞肉串燒（6串）雞肉嫩滑香口，沙嗲醬唔會好辣，甜得嚟還帶點鹹香，都好好味在其中一個主食餐牌上，見到用香港嘅特色食物去結合西式燴飯和意粉上，感覺非常特別，試咗幾款都好有驚喜😍▪️主食✨大澳蝦醬魷魚筒鮮鳳尾蝦炒意粉上枱已經聞到香濃嘅蝦醬香味，大大隻魷魚筒用大澳蝦醬去炒，本身味道都好夾，鳳尾蝦食落爽口彈牙，每條意粉都掛滿蝦醬香濃醬汁，勁惹味✨特濃腐乳白汁雞柳粗管意粉雞柳夠晒嫩滑入味，唔鞋唔乾，用腐乳醬汁去做白汁充滿驚喜，同忌廉嘅白汁好夾沒有違和感，粗管意粉已經掛滿香濃醬汁，有少少咬口有嚼勁，味道Creamy✨紅燒蜜汁豬腩肉片五香肉丁燴意大利飯大大片豬腩肉片肥瘦均勻有焦香味，蜜汁香甜惹味，五香肉丁意大利燴飯帶點點微辣，口感較正宗意大利燴飯軟腍，比較迎合香港人嘅口味▪️甜品✨富士芝櫻祭 - 丸久小山園抹茶富士山頂上有鳥居嘅造型，幾有心思，山頂上嘅白雪是芝士奶凍，奶香味香濃，口感順滑，綠色一層是綠茶粉，味道濃郁香醇，底層鋪滿焙茶手指餅，味道唔會好甜，帶出淡淡嘅咖啡和酒香味道，口感層次豐富，打卡必點✨夢 - 森之家紅色嘅磨菇造型，上枱「嘩」一聲，好吸睛，連坐在隔離枱嘅食客都忍唔住要打卡😂底層嘅Crumble口感酥脆，搭配草莓乳酪和果醬，酸酸甜甜幾好味，睇得又食得總結：呢間餐廳都唔少signature食物，小食，主菜同甜品都好好味，仲可以攜帶自己心愛嘅寵物入去，打卡位又多，就算唔係林峯迷都好值得去試下。餐廳都幾大，用餐當日都全場爆滿，記得記得要預先book位呀，食完飯仲可以去埋旁邊嘅利東街睇聖誕燈飾影相打卡，絕對完美…Read More
