Tai Wo Tang Cafe

大隻仔今次覓食嘅店舖就係💥 大和堂咖啡店 💥大隻仔今次介紹一間好值得去打卡嘅餐廳，餐廳位處超過100年既建築物上，1920年已經開業嘅「大和堂蔘茸藥行」，輾轉到2018年活化成懷舊咖啡店，餐廳仍然保留過百年歷史百子櫃、鐵閘、金漆招牌，裝修好靚，環境舒適，餐廳播放住柔和舊懷英文歌，進入餐廳會有一種飛越時空，新舊交錯嘅感覺。食物方面亦見負責人好有心思，用心去保留大和堂特色，例如用上印有「大和堂菠蘿油」嘅書法九宮格牛油紙，運用中藥配製食物等，係一間好值得欣賞同支持嘅餐廳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 大和堂菠蘿油 $68必食推介，「大和堂菠蘿油」做法好特別，菠蘿包係自家製的，麵包好鬆軟，外皮鬆脆，菠蘿包皮做法似墨西哥包皮混合菠蘿包皮，菠蘿油嘅牛油係用上鴨肝mousse 代替，做法亦好講究，先將鴨肝浸入桂花酒 24小時至入味，再 Dry-aged 至少2日，先可以做到好似牛油咁柔滑細緻嘅質地，再配上由中藥「大黃」做成嘅桂花醬，整個包放入口會先感受到咸香味，之後就會有微微甜味走出嚟，同時亦會感受到包皮嘅鬆脆同淡淡桂花香味。🔥 雞蛋仔與雞 配 西檸汁 $138名字已經好吸引，有三款醬汁任揀（西檸汁、蔥油汁、口水雞辣辣蛋黃醬），份量超級多，一底雞蛋仔再配上10多件炸雞件，雞蛋仔有蛋香，口感似雞蛋糕，炸雞好出色，炸完肉質仍然嫩滑，炸皮夠薄身，炸得好香脆，配上西檸汁甜甜酸酸，開胃又解油膩，好好食。🔥 山政小山園槙之白抹茶鮮奶 $26（星期一至五下午兩點前半價配飲品）拉花清楚分明，好靚，有濃烈抹茶茶香，帶少少苦澀，鮮奶夠香滑。…Read More

由前身大和堂中醫藥材舖活化 保留左唔少歲月既痕跡百子櫃、牌匾、木椅 彷彿走進時光隧道🕰️✿雞蛋仔與雞 $138 ✿除左店面裝修好fusion之外 食物都好有特色係雞蛋仔同炸雞 食落感覺似炸雞窩夫🧇炸雞大件香脆 啖啖肉醬汁可以揀西檸汁、蔥油汁或者口水雞辣蛋黃醬我揀左蛋黃醬 又幾夾🤣✿ 大和堂聯乘李輝記漢堡包 $168 ✿漢堡有李輝記安格斯牛肉、芝士、焦糖洋蔥、煎蛋咬落去蛋黃爆開 連埋洋蔥既甜味 牛肉既肉汁 滿滿既幸福感湧晒出嚟💦包皮用牛油烘烤過 好香好脆👍🏻✿ 大和堂菠蘿油 $68 ✿最有驚喜 我覺得係必試既！❣️菠蘿包面超脆 每一啖咬落去「嚓！」一聲🤫餡料唔係牛油🧈係鵝肝！😍配埋桂花醬 香口唔油膩細細件 的骰高貴🥹✿ 手沖咖啡 (Brazil Fazenda Guariroba Natural) $40 ✿有幾款豆選擇 可以諮詢barista～依隻巴西豆飲有層次☕✿ 皇牌氣血茶 $34 ✿有桂圓、紅棗、枸杞、玫瑰等等 香氣十足 甘香養生…Read More

大和堂藥行搖身一變，舊鋪活化成文青Cafe。店內保留了百子櫃、鐵閘、長木椅、金漆牌匾，歷史感滿滿。其實想幫襯好耐，不過假日經常滿座，難得今次weekday 得閒，終於可以一試。大和堂菠蘿油外表同普通菠蘿油一樣，而入面嘅「厚牛油」係鴨肝製成，充滿咸香，配上大黃桂花醬，酸甜味道中和返油膩感，加上桂花香味，的確值得一試。番茄薯仔魚湯汁花甲意粉數量唔少嘅花甲，煙韌嘅意大利麵加上香脆的炸薯粒，形成的口感層次分明。酸甜嘅蕃茄配合鮮味魚汁，味道配合得好好。飲品方面，揀左冷泡咖啡同袪濕降脂茶，店員詳細講解咖啡豆嘅味道特色，愛好者可以好好品味。…Read More

坐下，透透涼，再上路吧ʕ •ᴥ•ʔ懷舊的裝潢𝘤𝘳𝘰𝘴𝘴𝘰𝘷𝘦𝘳新式的𝘧𝘶𝘴𝘪𝘰𝘯菜充分體現到新舊融合交替的味道呢這裡的𝘦𝘹𝘱𝘳𝘦𝘴𝘴𝘰 𝘵𝘰𝘯𝘪𝘤有驚喜 推薦一試！雞蛋仔與雞 (薑汁/西檸汁) $𝟵𝟴𝗖𝗵𝗶𝗰𝗸𝗲𝗻 𝗮𝗻𝗱 𝗘𝗴𝗴 (𝗴𝗶𝗻𝗴𝗲𝗿 𝘀𝘆𝗿𝘂𝗽/ 𝗹𝗲𝗺𝗼𝗻 𝘀𝗮𝘂𝗰𝗲) $𝟵𝟴大和堂菠蘿油 $𝟳𝟴𝗧𝗮𝗶 𝗪𝗼 𝗧𝗮𝗻𝗴 𝗣𝗶𝗻𝗲𝗮𝗽𝗽𝗹𝗲 𝗕𝘂𝗻 $𝟳𝟴焗豬扒意大利飯 $𝟭𝟯𝟴𝗕𝗮𝗸𝗲𝗱 𝗣𝗼𝗿𝗸 𝗖𝗵𝗼𝗽 𝗥𝗶𝘀𝗼𝘁𝘁𝗼 $𝟭𝟯𝟴湯力特濃咖啡 $𝟰𝟮𝗘𝘅𝗽𝗿𝗲𝘀𝘀𝗼 𝗧𝗼𝗻𝗶𝗰 $𝟰𝟮…Read More

香港呢個地方充滿著人情味同歷史，但經歷政權/時代嘅變遷後，香港嘅自由都成了歷史。建築物也不例外，女神像，裕民坊等也被時代淘汰。但呢度有位牛津大學畢業生，為了保護本土文物，不想有更多嘅野成為回憶，就保留了大和堂😌。大和堂開業於1932年，經歷過三代人嘅經營😲，最終中藥行於2017年結業。現時咖啡店老闆出生於九龍城，小時有去過呢度睇中醫，喺英國畢業後回鄉見到呢度招租，又唔忍心見到被人拆毀呢個本土文物🥺，堅決租下舖位，裝修成為咖啡店，令更多人可以看到當日大和堂嘅樣貌🤩。 門口見到有金漆招牌，摺疊鐵閘，就連用黎磨藥材嘅木櫈都保留下來。座位上嘅牆壁有各種牌匾，百子櫃，連咖啡豆都用咗以前裝藥材嘅玻璃樽🤯。雖然用番d舊嘢，但入到去唔會覺得好唔自然，有一種舒適感。座位異常地少(大約只有七張二人枱)，所以真係要等得比較耐⏳。 大和堂其實我已經第二次到訪，佢嘅餐牌都有換過，而家就變咗個正常西餐餐牌，失去了之前吸引之處。食物中西合壁，最吸引人有雞蛋仔與雞，山渣蛋糕，菠蘿包鵝肝。如覺得鬼異嘅，可以食返全日早餐/意大利粉😍。 大和堂菠蘿油$78 Size係極之細小🤏🤏，一啖就已經食哂有餘。但78蚊就有一塊鵝肝，唔係鴨肝喎，大家又覺得性價比如何呢😒？菠蘿包並非一般包店嗰D，入面有如牛角包般嘅蜂巢氣孔，而內裏都係黃色，但就冇咗菠蘿包上面嗰層脆身皮，我就有D失望😔。 入面嘅鵝肝外皮有D紋理，同一般鵝肝有少少出入，但都有適當嘅油香同鹹香。上面有層酸酸甜甜嘅果凍，原料應該係餐牌所謂嘅rhubarb(大黃)🧐，有清新嘅作用，但都係麻麻地推介。 雞蛋仔與雞$118 Size同“菠蘿油”未免相差得太遠😅，一人食一定會飽死，性價比比“菠蘿油”高少少。炸雞叫咗係西檸汁，食落100%就係細個成日食嘅西檸雞🤣。雞肉唔知點解個皮就唔見咗，外面微脆，內裏唔算多汁，但都鮮嫩，勝在份量多。 西檸汁酸而黏身，甜蜜可口，冇苦味，比起蜜糖更特別，但又冇乜驚喜。檸檬浸過入糖漿入面，晶瑩剔透，但咬落都係咁酸/苦😑。雞蛋仔超級大底，外面香脆，內裏空氣感高，棉密軟糯，偏向甜，有蛋香。 麻辣蛋牛三文治$158估唔到蛋牛治個樣可以咁西式🤪，顏色鮮豔。牛肉用上牛柳，size都算厚，紅潤多汁，口感軟嫩無比，唔洗點咬就化開(冇誇張)，肉味濃厚而充滿油香，又有層脆皮，出奇地高質，回味無窮🤤。 麵包外層重度烘過，但又未燶，內裏濕軟，有少少浸濕咗feel，底層嘅包同蛋結合為一，同樣有層脆皮，唔知點解會食到有陣懷舊風味。上面嘅醬汁的確有陣麻辣風味，香滑而有D芝士味，極之推介👍。(P.s.食評全屬個人觀點，質素與你未來/之前嘅體驗可有不同，視乎當日出品)‼️…Read More

九龍城都好多特色Cafe,我哋今日就揀咗嚟呢間大和堂，因為佢嘅裝修有啲似以前嗰啲藥材舖,而個Menu其實都好有特色囉，好吸引。不過，呢間係要排隊等位嘅，等咗大概20分鐘左右啦，尚可接受。我哋今日就叫咗個carbonara意粉，仲叫咗佢其中一個signature dish, 就係雞蛋仔拼炸雞，味道就㨂咗檸檬味。所以都幾清甜唔會好油膩，炸雞同埋個格仔餅整得都唔會太乾。我哋仲叫咗另外一個必食推介，就係大和堂菠蘿油，入面係鵝肝嚟㗎，我覺得呢個真係幾好味。…Read More

要數九龍城舊舖新裝的咖啡店，前身為藥行的大和堂可算是其中的表表者。當年的百子櫃，現今依然完整保留，多種餐點亦以本土元素作發想，例如以「茶走」作概念的「啡走」，即以煉奶代替牛奶製作咖啡，成品自帶煉奶獨有的濃郁和香甜。另一特色小吃大和堂菠蘿油，將菠蘿油常用的原件牛油換上鴨肝，油香程度頓時培增，即使只是手掌心的大小，也令人感受到滿滿的邪惡感。…Read More

❀ 大和堂咖啡店 #九龍城❀❗️懷舊藥房變成現今咖啡室 鴨肝菠蘿油你又食過未❗️——————————————————呢間Cafe最特別之處莫過於佢古老嘅歷史建築同埋創新嘅食物配搭(°▽°)建於大約1940年，前身係大和堂蔘萁藥行，喺2012年再改為藥材舖，最後2018年活化成而家我哋見到嘅Cafe🙌🏻內裏裝修非常懷舊，保留咗昔日藥廠嘅牌匾、百子櫃、後花園等等。另外獨特創新嘅食品亦係賣點之一，唔少人為咗佢嘅「雞蛋仔與雞」同埋特製「菠蘿油」以嚟✨。.不過留意等候嘅人較多，所以都要預啲時間排隊，同埋只有90分鐘用餐時間。.✷𝑀𝑒𝓃𝓊✷☞ 雞蛋仔與雞🐣$98就如其名，雞蛋仔配上炸雞，炸雞可以選擇西檸汁/薑汁。選擇咗西檸汁，酸甜度強到似甜品入面啲lemon curd，不過又出乎意料地同炸雞、雞蛋仔幾夾。但雞蛋仔口感真係幾失望，又薄又腍🤓好在炸雞都算香脆嫩滑。味道: 3.4/5 性價比: 3/5.☞ 大和堂菠蘿油🍞$78用上自家製嘅菠蘿包，但欠缺菠蘿包面頭香脆嗰層嘅精髓。以鴨肝代替牛油😲油香瀰漫着喺口腔裏面，不過有啲太鹹。而且只有手掌心咁細，唔算太抵食🙈。味道: 3.9/5 性價比: 3.4/5.☞ 大和堂鮮奶咖啡☕️$48並非普通鮮奶咖啡，而係加入埋伯爵茶同蜜糖。伯爵茶味道較淡，咖啡亦唔算香，普普通通🙈。味道: 3/5 性價比: 3/5.☞ 自家製山楂芝士蛋糕🍰$68第一次見山楂配芝士蛋糕，係咁多款食物之中最好食。雖然話係芝士蛋糕，不過其實口感較為似慕絲，有種入口即溶嘅感覺👌🏻。再散發着淡淡的酸酸地嘅山楂味，真係食過先會發現原來可以咁夾👏🏻。味道: 4/5 性價比: 3.6/5.整體來講，呢間餐廳主要係感受個環境氣氛🙈食物質素就真係一般，而且價錢比一般Cafe貴少少，性價比唔算好高。…Read More

大和堂 Tai Wo Tang前身中醫館，屬戰前建築物。1932起屹立香港超過80年，直至2017年結業，而轉營為懷舊咖啡店。店內保留著醫館時期既百子櫃、牌匾同展示舊照片，彷彿走進歷史博物館。入到醫館，梗係要飲杯茶，但就唔係苦茶😅我地揀咗 皇牌氣血茶 同 祛濕降脂茶 $68氣血茶味道酸酸地，比較開胃。兩個人叫咗大和堂菠蘿油 $78煲仔小食 $88花甲薯仔扁意粉 $138份量唔多，女仕食完都會仲肚餓😂但味道同賣相就一流，尤其係煲仔小食，有點震撼味蕾既感覺，真係食得又睇得！#igable 有興趣嘅朋友，行過都可以試試！📍 大和堂咖啡店 (九龍城)九龍城衙前塱道24號地舖m…Read More

九龍城復古咖啡室 大和堂前身為醫館 經活化後 店內依然保存了 百子櫃、牌匾、鐵閘等 藥行不可或缺的元素 裝潢古色古香除了常見的意粉跟炒蛋多士 更有中西合璧的菜式 例如：雞蛋仔與雞、煲仔小食 今次則是為了它的菠蘿油遠道而來▪️Espresso tonic $42初初入口會淡淡咖啡香甜味後來居上 酸度較低 並無咖啡澀既餘韻個人偏好酸度較高的tonic 不過這杯同樣清爽消暑 但可能因為甜度有點過高 不是特別解渴▪️大和堂菠蘿油 $78中西合壁的菠蘿油 用上鴨肝取代牛油剛看到實物的時候 完全被它的size嚇了一跳自家製的迷你菠蘿包 比想像中細好好好多 比手掌還小菠蘿包外皮很脆 包體偏甜中間的厚切鴨肝 驟眼望 跟牛油真的有幾分相似口感紮實細緻 香氣突岀 配上菠蘿包甜甜鹹鹹 味道特別 但不太合我的口味 定價亦偏進取⁣⁣⁣⁣⁣⁣⁣⁣⁣⁣⁣⁣⁣⁣⁣整體而言 裝潢懷舊有特色 門口打卡唔錯 不過食物定價較為進取…Read More

大和堂 📍九龍城舊舊地系列 - 中西合璧之百子櫃咖啡廳🌟- - - - - - - - - - - - - - - - - - - - - - - - -🌟Instagramable嘅一間特色cafe! 用中藥舖黎做gimmick! 收銀內有一排百子櫃！門面一樣具打卡特色！1️⃣大和堂菠蘿油 $78鴨肝控必必必試🈵🈵迷你一口菠蘿包望落平平無奇？實則中間夾住厚切鴨肝濃厚嘅鴨肝衝擊味蕾係一級享受🤤 意想不到同菠蘿包幾夾菠蘿包都唔hea你，塗滿牛油再烘到脆卜卜，個人覺得個包入面可以林番少少，太脆😂推介🉐🉐🉐⚠️係期間限定款喔2️⃣招牌大和堂牛肉burger 🍔🍟 $138另一個驚喜！ 有好多配料包括酸瓜、芝士、菇、洋葱、生菜等。芝士完全溶落漢堡勁香！中間塊牛肉漢堡竟然又香牛味又juicy! 好食過好多大型專食burger嘅餐廳！係份量細d，女仔都食得曬喔！推介🉐🉐3️⃣full English breakfast $108相對其他食物，比較無咁特別，但一樣好食！茄汁豆雖然係配料，但有用心做，唔係就咁係罐頭🥫倒出黎！有加新鮮蕃茄炒過👌🏻👌🏻有幾粒薯餅，脆到不得之了，完全咬唔到薯，淨係食到全脆嘅口感，正宗deep fried 🤣塊多士更加不得了，無外脆內軟呢支歌仔唱，係由外到內都全脆，啖啖都係shockshock聲😂認真食完第二日生飛茲😅📌Super recommend 餐廳黎個正宗中西合璧，埋單時提供一杯仔涼茶比食客，襯番個名得黎又貼心🤣📌食物到前都要wear mask 😷 ，stay safe😁…Read More

見到朋友圈推介一間入內裝修為中藥藥材的咖啡店，故我們專登有港島坐車去九龍城，入到店內， 是由傳統中醫舖的樣子改裝而成，地方寬敞 ，由於排隊人數較多，店內進食時間亦都要有所限制， 我和友人分別叫了三款小食和三個正餐，分別是雞蛋仔與雞 ，煲前小食 ，大和堂菠蘿油和兩個漢堡一個位招牌牛肉漢堡而另一個是給素食者的漢堡。 先講一講大和堂菠蘿油， 體積較細， 約為半個手掌一個小圓形 ，由於中間夾雜著鵝肝，食落去感覺比較油膩 ，外層菠蘿油亦都脆口， 其次是煲前小食， 店員推介食法為進食之前用煲蓋冚一陣維持熱度， 數量分別有三件，食落去亦都比較偏鹹， 可能是因為裏面夾雜著臘腸膶腸火腿，而雞蛋仔與雞的感覺比較中規中矩，沒有什麼特色。最後想講的是兩個漢堡 ：招牌牛肉漢堡咬落去多汁 ，麵包高度為 六至八cm到 ，牛肉表皮燒得香脆，肉汁亦都想對多，薯條醬汁亦都有兩種，黑松露醬和普通茄汁醬供你選擇， 而未來漢堡方面，食落去感覺亦都像牛肉，但肉汁偏小，感覺上整體都很不錯😀…Read More

作為一個懷舊控，成日會遊舊區～而九龍城就係我其中一個出沒蒲點～ 今次我就去咗有百年建築歷史嘅「大和堂」咖啡店！呢度位於九龍城衙前塱道，建於1920年，係典型嘅廣州騎樓式建築。「大和堂」前身係賣蔘茸中藥嘅藥行，經歷三代人，1940年，有「再世華佗」之稱嘅鍾伯明醫師開始係度主診，後來由長子鍾福明接手，直至2012年兩代醫師去世，由親戚改為藥材行，2017年正式結業，先輾轉活化成懷舊咖啡店。喺度飲咖啡，仿佛登上時光機，店內盡是古色古香嘅百子櫃、鐵閘及金漆牌匾，感受濃濃嘅老香港情懷。​喺食物方面，呢邊都提供好多中西合壁嘅美食～今次我order咗佢哋招牌牛肉漢堡、鴨肝菠蘿油同埋玫瑰鮮奶咖啡～呢度牛肉漢堡真心掂！先講吓個包皮，經過烤烘，包皮好酥脆，有點似豬仔包皮！內層搽滿牛油，好邪惡！❤️至於漢堡牛肉，紮實而厚，肉汁豐腴，同半熔芝士食，食時一口口幸福感😙而且呢邊薯條配我至愛嘅松露醬及茄汁，厚切啖啖肉，點醬汁食，正！（我仲追加多個松露醬呢！）😙至於最得意嘅食物，莫過於係大和堂菠蘿油！咪睇佢個樣同普通港式菠蘿油一樣，實際味道並唔平凡！外層係自家製牛油麵包，入面嘅「厚牛油」先係戲肉，係由桂花酒浸泡的鴨肝製成，食上口唔止膩，仲有濃濃桂花香！😌不過，大和堂菠蘿油size較細，基本上兩啖食完，價錢卻要HK$78，味道雖唔錯，但感覺唔多抵食。​作為Cafe，大和堂做嘅咖啡都唔錯，玫瑰鮮奶咖啡香醇濃郁，質感較豐厚，帶少許堅果香（反而玫瑰香唔出），好易入口。飲完個底會見到「和」字，感覺好搞笑😂有機會大家一定要嚟試！不過咖啡店位置有啲僻，而家因為疫情關係，有時會早收，嚟之前最好打個電話confirm一下。另外，佢哋入座60分鐘就要交枱，對於想嚟Hea下、休閒嘅人就未必適合啦。…Read More