Prince Dragon Dim Sum

今日嚟到筲箕灣東大街搵食，目標係一盅兩件食中式點心。這間籠太子點心專門店街坊格局，點心唔貴，而且仲有午市點心蒸飯套餐相當抵食，$48 起包括蒸飯，自選點心和飲品，平日喺茶餐廳一個午餐都唔得啦。鮮蝦燒賣皇好大粒，豬肉彈牙，肥瘦適中。蒜香蝦春卷熱辣辣炸香，春卷皮炸得好鬆脆，入面嘅餡料好惹味。藥膳雞腳好重藥材味，雞腳唔會煲到又冧又爛。鮮蝦燒賣皇燒賣入面隻蝦又幾新鮮爽口，味道唔錯😋午市套餐$48 （蒸飯+自選點心+飲品或例湯+茶位）多汁蟹籽小籠包有驚喜，小籠包即叫即蒸，薄薄的皮裏面勁多湯汁，餡料肥瘦適中仲相當Juicy 👌🌟鹹魚肉餅飯個飯好有米香，鹹魚肉餅正常發揮。蝦餃2粒蝦餃皮稍嫌冧咗少少，原隻蝦肉爽口彈牙！揀咗是日例湯，霸王花煲豬骨，好潤喉又十分清甜！椰汁桂花糕估唔到中式茶居都有幾精美嘅甜品。桂花清香，椰汁糕微甜。👍🏻二人吃了多款點心都係百多元，經濟實惠👍🏻仲食到飽飽😋😋…Read More

朋友一直說東大街很多美食，特別是推介這間點心，今天有空約了友人一起過來，這裏茶位只需每位三元，沒有加一，十分划算，餐廳環境寬敞，衛生，餐牌上每樣東西都很像很吸引，新穎，不知不覺便點了7款。鮮蝦燒賣皇2隻可以點2隻十分貼心，適合我們眼闊肚窄的傢伙，燒賣皮薄餡靚，肉餡爽口彈牙多汁，有鮮味。多汁蟹籽小籠包小籠包皮夠薄，包著肉汁，沾一點醋整個放進口，肉汁就像千軍萬馬往嘴裡奔騰，肉餡又鬆又軟，只要一咬，肉就一下子鬆了下來，鮮甜美味，小籠包的美味精華就在湯汁裡，湯汁鮮、皮薄肉嫩，真是好吃極了。但要小心熱😂瑤柱灌湯餃皮薄餡大，灌湯流油，竹籠裡熱熱的拿出來，沾點醋，咬破一小洞，就大口地吸吮湯汁，高湯鮮味，大而不膩，吸完還留一塊大肉餡，細嚼而齒頰留香。海鮮蘿蔔煎薄撐蘿蔔夾薄撐是第一次試，加上有海鮮，特別有鮮味，邊皮夠脆，餅夠薄，配上蘿蔔脆中一點軟，感覺很新穎😋皮蛋牛肉腸牛肉腸常見，但加皮蛋也是第一次嘗，加了皮蛋好像令牛肉鮮味更特出，肉味濃，腸粉皮薄，吸收了牛肉汁，令腸粉更滋味。煎蝦膠釀茄子很大碟呀😮蝦膠厚厚的黏著茄子，煎得十分脆，金黃色，再淋上了醬汁，醬汁有重重的黑椒味，香口得來又不太熱氣，罪惡感減低🤭植物肉辣牛肉大春卷竟然有植物肉點心，相比起真的肉，我更愛素肉，素牛肉在似真似假之間又有一點豆香味，這個有點辣辣的，增加了春卷的風味，每口啖啖肉，絕對值得一試😋果然是好地方，很多新潮的點心，值得再來👍🏻…Read More

最近麻甩專員話好想夜晚飲茶，但係三間半夜又唔係間間酒樓有開，見上網有間老字號係附近，就坐左車入去試下。原來呢間鋪頭足足開左八年，都叫做筲箕灣老字號，款式都好多，仲有特別既點心食(黑松露燒賣)平時燒賣就食得多，黑松露燒賣真係第一次食，咬落去好爽口彈牙，食得出係師傅自己打唔係拎貨既，而且有黑松露帶個香氣，成個口感昇華哂，唔講仲以為去左五星酒店吃!(流沙奶皇包)呢個奶皇包好有驚喜，本身諗住咬一啖再影相俾大家睇，點知D 汁漏哂出黎搞到成手都係haha，證明堅係流沙沒講笑。 好香表皮鬆軟，唔會太硬又唔會太痴牙，值得推介！(鮑魚雞件籠仔飯)呢個又係其中一個必叫！出邊吃呢個都要百幾蚊！蒸飯蒸得到洽到好處， 勁足料香噴噴又唔乾，而且鮑魚都有5-6 粒，呢個價錢真係沒得輸!(多汁蟹籽小籠包)呢個小籠包都係驚喜之作，事關睇落去已經好飽滿！而且咬落去d 汁噴哂出黎！非常鮮甜，老闆話佢地每日朝早自己，一定新鮮！ 抵讚！總結：飲品方面，一上枱竟俾左玄米茶我地，同出邊既酒樓都有d 唔同。 不過我地就沒問有沒傳統既茶葉，但係茶香都非常突出，值得推薦!!其實整體上專員覺得依一間係有誠意嘅點心專門店，大家真係可以去支持支持!感覺係舒服嘅，我地會再去！麻甩專員評分區 👨🏻📊店內環境: 8/10   食物外觀: 9/10 食物味道: 8/10   整體分數: 9/10   翻食指數: 9/10 …Read More

今晚係筲箕灣東大街食晚餐，突然想食點心但冇得飲茶，所以就去咗籠太子點心專門店，餐廳上菜速度快，每枱仲放咗一壺玄米茶方便添飲。首先梗係嗌蝦餃啦，佢哋嘅籠太子蝦餃皇可以只叫兩隻，唔需要擔心太飽，蝦餃同蝦都好大粒而且熱辣辣。之後叫咗多汁蟹籽小籠包，小籠包入面有薑絲，唔需要另外加，餡肉亦都夠juicy。仲叫咗黑松露燒賣，比一般燒賣多咗陣黑松露香，但咬落一樣啖啖肉。晚餐都要有飯落肚嘅，所以我哋就試咗石斑荷葉籠仔飯 ，可以揀落蔥同豉油調味。飯入面有蛋絲，每啖飯都夾雜著蛋香同荷葉香，石斑魚肉彈牙有鮮味，亦唔會腥。是日精選老火湯係霸王花煲豬骨湯，每羹都感受到膠質十足，非常足料，飲落甜甜地同時唔會太油膩。最後叫咗碟菜心，顏色翠綠而且嫩口鮮甜。…Read More

又黎到東大街食lunch, 一心打算encore 上次食過的精品點心籠太子。鮮蝦腐皮卷-皮薄餡靚-蝦肉非常新鮮彈牙薑葱牛柏葉-口感爽脆-每一件都大大件好厚身，唔係其他餐廳有啲得兩舊厚身其他碎濕濕籠太子蝦餃皇-蝦新鮮彈牙，餡料好實淨唔會散-欣賞蝦餃同燒賣可以叫2件instead of 4件，兩個人食每人一粒剛好多汁蟹籽小籠包-超！多！汁！並冇浮誇！-熱辣辣上再加上蟹籽係面好香黃沙潤腸粉-腸粉好嫩滑，皮超薄，同第一次食同樣有驚喜到！-黃沙潤夠特別，比較少點心餐廳出…Read More