Nom Nom Dumpling

重慶鮮肉雲吞(52hkd@18隻)雲吞皮未去到超薄，入面嘅豬肉餡都幾飽滿扎實，入面仲包埋雲耳，上面有層薄薄嘅辣油，帶起個麻味，叫中辣都幾過癮😝壽喜燒牛肉餃(58hkd@7隻)餃子🥟勁多汁，一咬落去真係爆汁，仲彈到我個frd😂皮幾薄，食到壽喜燒獨有嘅甜醬油😍居然有日式餃子嘅感覺，肉都幾飽滿😎龍鳳松茸煎餃(98hkd@8隻)有白松露同黑松露，第一啖咬已經勁香，完全唔會有豬肉腥味，餃子都一樣做到焦邊，咬落好香脆，一如既往咁爆汁，推薦😍四川涼皮(32hkd)同我之前食過嘅涼皮唔同，佢唔係用花生醬，而係用花生粒本人🥜增加唔少口感，叫中辣都幾辣其實🥵#foodiblum中式 …Read More

晚餐想食餃子，係堅尼地城搵到呢間餃子鋪。由於係平日夜晚，店入面雖然多人但唔洗等位。店員幾好禮貌咁招呼左我地入座。醃蘿蔔 free每枱都有一罌，味道微酸爽口，等上菜嘅時候可以當開胃菜試下。（原來係自家製產品黎，中意食嘅可以成罌買走🤣）龍鳳松茸雙煎餃 (8隻) $98龍鳳原來係指黑、白松露兩種口味，難以想像以貴價食材融入餃子之中，相當有特色。松茸味道濃烈，淺嘗一口已經有感覺，隨松露香味係口腔中消散先再嘗下一口，係一道值得慢慢細味嘅精品美食🤤。松茸足料到唔只食得出，仲睇得見。壽喜燒牛肉餃（湯餃 7隻）$54細細啖食會誤以為係濃味嘅普通牛肉餃，其實要大口咬先係正確食法。一口咬掉大半隻，餃汁係口入面爆發💦，濕潤舌頭刺激味蕾，會試得出好明顯嘅壽喜燒風味。湯餃可以要求另外上湯，等你可以試真餃子嘅味道。狀元九鼎湯味道清淡，飲得出冇味精添加，唔會過於濃味而影響到餃子呢位主角。蜂蜜檸檬薏米水 $20帶點衝擊嘅清涼口感。先有檸檬酸味，繼而浮現淡淡蜂蜜清香，帶點滋潤感覺。好啱飲一啖用黎清清味蕾😝。四川涼麵 $30冷麵麵身偏硬、口感清涼，想像到夏天食會別有一番滋味。就咁食麻辣涼麵比較乾身，撈埋麻醬會令口感＆味道層次提升，食得辣嘅話試中辣都可以。麻辣松花皮蛋 $25麻辣香口而唔太辣，蛋皮精瑩，配上蔥花幾好味。search過先知松花係指蛋皮上有淡黃色松花紋，下次幫趁會特別留意。 蜜餞雞翼 (3隻) $24一上菜就聞到蜜餞嘅香味，第一次試又甜又熱嘅雞翼，適合喜歡甜食嘅人。 總結而言，係一間相當創新同fusion嘅餃子店，同傳統餃子店有好大分別，值得一試😍。…Read More

呢間既餃子幾吸引我, 特別既口味(≧∀≦), 而小妹我都偏好餃子(๑>◡<๑)~~~煎軟心芝士餃(10只@$68) 呢款餃子只有煎既口感, 咬落口又真係啖啖香，濃芝士味配上香煎軟皮,成個口感配合得好好好入味=(^.^)=壽喜燒牛肉餃(10只@$72) 好特別既餃子(*⁰▿⁰*)~ 第一次聽壽喜燒再配餃子既食法; 原來泥到既時候係額外有碗湯既~ 不過湯係d清湯, 同餃子就唔多match_φ(･_･; 餃子堅係有由壽喜燒醬飯醃鑲既牛肉, 幾有肉汁而用泥做餃子餡無違和感, 餃子正常size食落口岩岩好(*´꒳`*)日本龍鳳蛋(配黑松露醬) (1只/@$18) 一泥到流心既蛋黃好吸引喔(*´∇｀*), 蛋黃大得泥又係半融心既狀態, 加埋軟軟既蛋白, 食落口大滿足(≧∀≦)~~ 面頭既黑松露醬係加分位, 龍鳳蛋撈埋醬係正黃金原味皮蛋@$28雖然賣相幾好, 個樣同龍鳳蛋幾似, 但食落口就唔太match, 口感略有奇怪(*´-`)…Read More

好味餃子專門店！之前喺灣仔試過呢間嘅餃子店，覺得幾好味。喺堅尼地城再幫襯多幾次，覺得佢嘅湯冇乜味精，唔錯！餃子嘅質素都保持到一貫嘅水準，又有唔同嘅口味選擇，上菜速度都幾快。枱面上仲有酸蘿蔔提供可以夾住餃子一齊食，非常推介！壽喜燒牛肉餃10隻$72- 呢款牛肉餃子比較特別，壽喜燒汁調味會重啲，偏鹹。餡料充滿肉汁，食到牛嘅味道，相比起豬肉餃，肉質會實啲。食一啖餃子，呷一啖湯，剛剛好。大白菜豬肉餃10隻$56- 大白菜普通左啲，冇乜特別。芫荽豬肉餃10隻$61- 如果鍾意食芫荽，我極力推介呢款餃子！非常重芫荽香味，餡料好飽滿，好味道！一個人食晒10隻都完全冇問題。香煎軟心芝士餃10隻$68- 我建議煎餃可以同朋友share，呢度煎得油膩咗啲，餃子皮煎得香脆，但都沾上唔少油，加上軟心芝士都比較膩。芝士味道鹹香，同普通豬肉湯餃完全唔同食法，值得一試。大滿貫素餃10隻$66- 因為素餃只有焯餃，唔會跟湯，所以轉軚試吓煎餃。素菜餡料都幾飽滿，落重麻油，比較油膩，不過口感都幾爽口。…Read More

第一次食餃掂應該係太子，印象都幾好既，今次黎「天下第一餃」既分店試下有無keep到/進步裝修幾光鮮既，位就唔算太多，餐牌既餃除咗一般既韮菜白菜粟米依啲之外，仲有好多特色既例如芝士餃、松茸餃咁未有餃食先上四川涼麵，估唔到既係佢撈芝麻醬食(日式？)，麵條口感唔錯既，但無乜麻、無乜四川/重慶風味，當日式冷麵可能似啲壽喜牛肉餃配壯元九鼎湯，先試湯底，個名就好勁，飲落個味就正常，有啲清補兩feel，唔濃壽喜牛肉餃，食唔到壽喜味，但係有啲洋蔥味既，牛肉味算係幾濃幾正皮都算腍，配埋湯食都ok煎餃出場，賣相幾吸引，大白菜豬肉餃，一咬有爆下汁既味道都幾好，皮菜肉都好夾既感覺加啲菜脯豆䜴醬，一定要另外放，唔係會辣死個醬好香，辣得黎有豆豉味，配餃子一流，即刻惹味左元貝豬肉餃，高級野，食落再多啲汁同埋多左瑤柱既味道將豬肉餃升級左幾好味，但唔太好同辣既醬一齊食，會蓋左個瑤柱味其實整體唔差既，不過有無話「天下第一餃」就....留俾大家定斷撇開誇張餐牌，其實餃子幾特別、煎餃真好味都係可以一試既#而其實我係湯餃人但都推煎餃#坐店入面一半人講普通話少少不安…Read More

本身諗住去試吓燉湯點知去到無開😔最後去左食餃子好彩都有碗湯飲下😂—————————————————————呢間其實一直都好想試但每次經過灣仔分店都見到大長龍今次去到堅離地終於唔洗排隊🙈叫左三款餃子試下開頭聞到好香嘅麵粉味🤣之後就慢慢滲出松茸嘅菇香原來松茸有護膚同促進免疫能力又可以降膽固醇 改善肝功能幾十蚊就可以食到咁多功效嘅靚菇👍🏻喺芝士同元貝掙扎下中島揀左元貝豬肉餃因為比較少見同埋好似滋補啲🤣咬開好香瑤柱味入面有啲金菇增加口感食落非常輕盈一啲都唔會膩皮蛋係流心嘅唔太辣加左少少醋做醬汁作為開胃菜一流食完仲有一陣香味係個口度縈繞不散🤤煎壽喜燒牛肉餃子幾得意本身就好少食牛肉餡嘅餃好似食緊台灣嘅牛肉餡餅咁個皮好薄，唔會成層麵粉咁硬骨骨一咬開啲汁爸爸聲流出黎入面加左大蔥中和返牛肉同湯汁嘅甜味幾有驚喜嘅一款餃子—————————————————————⎋ 至尊松茸餃 $73⎋ 壽喜燒牛肉餃 $56⎋ 元貝豬肉餃 $53⎋ 麻辣松花皮蛋 $25…Read More

呢間餃子店分店愈開愈多，最近開到嚟堅尼地城，作為經常係西環出沒嘅寶寶又點可以唔嚟試吓呢🤣龍鳳松茸雙煎餃 ($86)咁多款之中我最中意食呢款，黑白松茸相拼，松茸份量一啲都唔慳家，有濃濃嘅松茸香，香口惹味😋大滿貫素餃（灼；中碗）($48)呢個素餃有三色豆、西芹等蔬菜，可能因為全部都係素菜冇肉，所以口感比較硬，呢款都係比較適合素食者食🤣壽喜燒牛肉餃（煎；中碗）($56)牛肉餃嘅肉質冇龍鳳松茸餃咁飽滿，但味道都唔錯，又幾鎖汁～龍鳳蛋(碟）($32)呢款其實係配上黑白松露醬嘅日本溏心蛋，呢碟一隻係溏心，另一隻偏熟，好明顯地溏心多好食好多😆蜂蜜檸檬薏米水（$20）應該係自家製，飲落甜度適中，舒喉暢胃，係健康解渴之選～整體嚟講呢間餃子店勝在多創新嘅款式，煎餃香口惹味，可以一試～…Read More