Juji - Cotton Candy Kagoshima Kuroge A5 Wagyu Sukiyaki

餐廳服務好好，落單之後店員就會幫手上菜同幫手整壽喜燒，唔使自己整，店員會將牛肉既熟度同味道都整啱啱好🤩鍾意食壽喜燒嘅人可以去食，好味😋鹿兒島A5和牛壽喜燒🥩餐廳壽喜燒加入了棉花糖取代使用砂糖，棉花糖的甜味可以為和牛風味添加焦糖嘅味道，幾有特別同特色，第一次用棉花糖食壽喜燒～醬汁方面都好獨特，係餐廳自製的壽喜燒汁🙌🏻人均：大約500📍十侍：旺角豉油街21C號Station 21 1樓港鐵旺角站 E2 出口（步行約4分鐘）…Read More

位於旺角呢間牛壽喜燒專門店一直都想食好耐㗎啦，呢到最大嘅特色就係用自家製嘅棉花糖加埋壽喜燒汁去整成一個獨一無二嘅自家製壽喜燒醬汁，真係超爆吸引啊～壽喜燒二人前💰HK$898落完order冇幾耐之後，店員就會幫忙準備壽喜燒鍋，首先會將壽喜燒汁倒落去自家製棉花糖到，棉花糖會立刻溶化，將棉花糖同壽喜燒汁攪拌至均勻，就會開始幫助將黑毛和牛逐片逐片煮熟，再放到碗入面！真係任何人都完全唔需要擔心自己會煮衰咗啲靚靚牛肉啊～✨前菜擺盤精緻有大根同埋南瓜～✨日本蘭王雞蛋最適合就係用來點牛肉，令肉質入口更順滑柔軟，更豐富多汁！店員仲推薦中可以將用唔晒嘅蘭王雞蛋倒落去壽喜燒鍋入邊同其他材料一齊煮，湯汁嘅味道會更香甜～✨鹿兒島A5黑毛和牛西冷肉眼每一片黑毛和牛都呈淡粉紅色，遍佈住好似大理石一樣均勻嘅紋理，賣相極其誘人🤤黑毛和牛西冷肉眼本身已經肉質細膩，而且極具濃郁嘅牛肉香氣，非常之馥郁芬芳！點知將啲用壽喜燒汁煮過嘅京蔥夾埋去牛肉中間一齊食會更加突顯和牛嘅香味，完全係將牛肉嘅層次再昇華咗，令人一試難忘～✨季節野菜盛盒有京蔥、燒豆腐、腐皮、娃娃菜、蟹棒、菇類等等，賣相色彩豐富，全部材料全部都好入味，每款都充滿住濃濃嘅日式壽喜燒風味～✨讚岐烏冬烏冬係偏幼身果一種，口感煙韌有嚼勁，掛汁能力亦好高，吸收晒壽喜燒汁嘅精華～✨自家整柚子味雪糕味道唔會太甜，口感幼滑，仲有少量柚子粒粒，比人一種好清新嘅感覺～…Read More

//< 十侍 - 棉花糖A5和牛壽喜燒專門店 >小編朋友想食壽喜燒，最終揀左呢間！🥰位於旺角，座位雖然唔算好多，但係都有室內室外既位置。揀好餐/食物之後，店員要快就攞曬工具同上菜～ 店員會先係顧客面前放上棉花糖，再倒入壽喜燒汁！見到棉花糖逐漸融化都幾治癒😆😆與此同時，店員亦會介紹番牛肉資訊同讓客人先將蛋🥚汁攪拌均勻待用😊——————————- 壽喜燒 二人前 $898 -唔想多想既就會叫呢個餐😇鹿兒島A5黑毛和牛西冷肉眼扒300g一共有6 塊，全部都手掌咁大，油脂豐富～職員會問你想要嘅生熟程度，每一塊都入口即溶，非常好食😋季節野菜盛盒有菇菇🍄、豆腐、京蔥、油揚、蟹柳等～ 每款每人約兩舊。全部都新鮮好食既！店員會連烏冬一次過排好炮製～烏冬略嫌份量太少，唔似2人份量🥲讚岐烏冬正常水準～店員會問你想唔想將剩餘既蛋漿整成滑蛋烏冬～ 不過我地就無喇😆自家製雪糕🍦當日係芒果🥭雪糕～ 芒果味道十分天然，好香芒果同牛奶🥛香！裡面仲有啖啖芒果肉，非常好食😋作為一餐既總結好滿意！—————————整體黎講，食物質素滿意既～ 但係烏冬份量真係可以慷慨d🥹小編同朋友都覺得單叫二人餐未必夠飽。可能要叫下串燒仔😝————————評分：8/10地址：旺角豉油街21C號Station 21 1樓營業時間：星期二至四16:00-00:00；星期五至日12:00-00:00#十侍juji #十侍棉花糖a5和牛 #壽喜燒 #香港壽喜燒 #旺角必食 #旺角餐廳 #旺角美食 #日本菜 #香港日本菜 #旺角日本菜 #香港美食 #美食博客 #香港美食指南 #hkfood #hkfoodie #hkfoodshare #hkfoodpic #hkfoodstagram #hkfoodblog #hkfoodblogger #hkfoodgram #🐷🐤日本菜 #🐷🐤旺角…Read More

之前喺旺角周圍逛，發現到呢間隱身喺鬧市入邊嘅壽喜燒🥰今日frd生日，就book咗呢間慶祝下！餐廳主打日式風格裝修，好似去咗日本武士年代咁🫶🏻🌟壽喜燒二人前（$898）包括：A5和牛6片、季節野菜盛合、讚岐烏冬、日本蘭王蛋x2點解叫棉花糖A5和牛呢？因為店員會先製作棉花糖👅放入鍋內煮溶，再加入特製壽喜燒醬汁🫶🏻整個過程都幾得意～店員仲會幫手煮～坐定定就有得食啦🤭呢個價錢嚟講係抵嘅！🤤和牛加上甜甜的壽喜燒醬汁微煎，再搭配蛋汁，口感超順滑，簡直入口即溶，牛味再喺口中大爆發🐮💦吃完牛後再用同一個汁煮蔬菜盛合，每一樣都吸滿壽喜燒醬汁，幸福感max!🩷🌟 串燒&炸物&飯團串燒：大蔥雞、芝士蕃薯、牛舌餐廳超細心！會提供炭爐令串燒保持溫度🫶🏻炸物：炸帆立貝飯團：醋飯再搭配加上炸蒜，醋和飯的比例啱啱好～唔會過酸😙呢一餐就用清爽的柚子雪糕作結🍧餐廳另加入柚子皮增加口感🩷柚子可以中和和牛嘅油膩感，食完令甜品胃都大滿足😌🫶🏻🫶🏻…Read More

🍭十侍🍭唔一定要去日本先食到家鄉既味道既🇯🇵而間餐廳就完全呈現出日本風味啦😋餐廳位於旺角一條隱蔽既巷入面, 證明好西都係要捐窿捐罅既😌🍲壽喜燒二人前 ($898)有六片滿佈油花既鹿兒島A5和牛🐮野菜盛合, 讚岐烏冬, 同埋日本雞蛋~最特別之處係餐廳會用棉花糖來煮個壽喜燒🍭勁打卡able之餘, 仲好特別😝和牛可以蘸蛋醬食, 滿口肉汁, 入口即溶😋野菜盛合有娃娃菜, 蟹柳, 冬菇, 金菇, 獅子狗, 豆腐同腐皮🍲連埋讚岐烏冬一齊煮, 好入味😍🍢芝心番薯串燒 / 大蔥豚肉卷串燒 / 大蔥雞串燒 / 雞腎串燒 ($238)串燒會放上炭爐上保持溫度🔥燒得好香口~ 尤其芝心蕃薯串燒超好味🥰成個set又係好打卡able🤣🍸Hanabi ($108)甜甜地, 幾易入口😋 最靚係佢有d食用閃粉, 真係好似花火咁🎇🍸Juji Whisky Highball ($108)好woody既口感, 但都幾易入口, 唔錯😋整體感覺好似真係係日本咁🤣🤣雖然用棉花糖來煮個壽喜燒, 但又唔會過甜~不妨一試啊😉😉😉評分: ⭐️⭐️⭐️⭐️…Read More

年初去完日本，一直對壽喜燒念念不忘🥹香甜醬汁配以細嫩和牛，令人回味無窮🤤位於旺角嘅壽喜燒專門店「十侍」，完美呈現日本風味之餘，更加入創新元素✨極致壽喜燒體驗🌟.甫入門內，首先見到就係日本武士盔甲🗡️相當有氣勢👁️店內裝潢都有唔少日本元素🇯🇵如果多人嘅話內裡仲有塌塌米包廂🛋️.🌟壽喜燒二人前💰$898滿佈油花嘅鹿兒島A5黑毛和牛、日本蘭王生雞蛋、野菜盛合，連同壽喜燒專用鍋，整齊排列於桌上，充滿儀式感💕店員會先將大大棉花糖放於鍋上，再倒入壽喜燒醬汁🌪️望住棉花糖溶化過程非常治癒☺️然後到主角和牛出場❗️店員會根據客人生熟喜愛度烹調好，送上碟上🙂將和牛沾滿蛋液再入口🥚濃郁香醇、豐盈多汁嘅和牛立即於口腔爆發💥生蛋漿增添綿滑口感😋極致享受🤤享用完和牛後店員再細心烹調野菜盛合🥬內裡有油豆腐、冬菇、娃娃菜、蟹棒、菇、讚岐烏冬等配料✨本身醬汁已帶有和牛油香，食材加入後更吸引醬汁精華😍食完大滿足😆.除咗壽喜燒，餐廳仲有提供多款串燒選擇🔥.🍴芝士蕃薯💰$28甜蜜蕃薯🍠再加上半溶化鹹香芝士，鹹甜交織下出奇地夾😋.🍴珠蔥豚肉卷💰$28豚肉好香口，內裡珠蔥燒過後都保持濕潤，香甜下帶點微辛😚.🍴大蔥雞💰$42雞肉嫩滑多汁💦配以大蔥增添香氣，完美組合😌.🍴牛舌💰$58肉味好濃郁，簡單以鹽調味就足夠🧂口感爽彈😆.🍹 巨峰提子乳酸梳打🍹柚子梳打💰$48.大大推薦俾各位思鄉者☺️幸福感爆燈嘅晚餐💕 壽喜燒迷絕對唔可以錯過‼️…Read More

Juji 十侍👺@juji.hk喺旺角鬧市穿過後行搭𨋢上去，樓上嘅餐廳總係好多特色食物🚠 餐廳主打壽喜燒，門口擺左大大個日武士，估計改名概念源於日本吃壽喜燒嘅起源係武士時代結束嘅19世紀尾🥷講明主打，又見每枱客人都必嗌，一於試試😋 坊間又甜又鹹嘅壽喜燒醬汁一般係用砂糖同醬油調配，但呢度竟然係用即叫即製嘅棉花糖嚟調味，非常夢幻☁️壽喜燒二人前🍲A5鹿兒島和牛西冷/肉眼｜季節野菜盛合｜自家製壽喜燒醬汁｜日本蘭王雞蛋｜手打稻庭烏冬$898壽喜燒好吃嘅三大要素 1）牛肉嘅品質 2）雞蛋嘅鮮度 3）醬汁嘅味道 ✔️✔️✔️客員先係旁邊即場整個棉花糖，然後放係鐵製淺鍋加埋醬汁同大蔥一齊煮🥄 🌟主角出場！A5和牛！🌟日本和牛嘅分級制度包含「步留等級」與「肉質等級」，前者係衡量牛肉產肉率嘅指標，以字母A～C表示，後者則係按油花比例、脂肪、肉質同肌肉嘅結實度、色澤同品質嚟鑑定。共15 個等級，A5則係最高級🥇放心！大家唔洗擔心手殘會浪費左啲靚牛✨ 因為專業嘅店員會幫你燒埋🔥 會先問大家對牛肉嘅生熟程度有冇preference，我地冇咩所謂就交俾店員幫忙決定😎 店員好小心翼翼咁撕開膠紙，夾片和牛放係鍋上🪜蘭王雞蛋作為日本蛋王，飽滿嘅橙紅黃蛋黃，蛋香濃郁🥚 將熱辣辣嘅和牛蘸滿滑捋捋嘅生蛋汁！ 〽️其實每人食完3塊和牛已經飽飽地🙈 之後店員會加湯煮烏冬同野菜盛合。盛合有娃娃菜、冬菇、腐皮、豆腐、蟹柳同竹輪🍥 豆腐仲要係煎到金金黃黃咁，好有心機🟨落order嗰時仲驚唔夠食，想嗌多幾串串燒，不過之後客員溫馨提示我地可以食到一半先再落單，怕我哋食唔曬😆 果然食到尾都真係好飽 🤰🏻不過因為個爐都偏大，所以兩位坐bar枱的話都有少少逼🙈 建議可以book枱時問下有冇其他位置📞…Read More