Kobe Fusion Restaurant

好耐冇食放題，今日嚟到中學時期好鐘意去嘅放題回憶一下😆🍲壽喜燒火鍋冬天特別想打邊爐，呢到嘅火鍋湯底種類有幾種，火鍋配料都好多選擇例如牛肉、豚肉、菜、菇、牛柏葉等等🍣壽司三文魚腩壽司好味😋 芥末八爪魚都唔錯！軟殼蟹壽司啱啱炸起嘅軟殼蟹好味！ 份量比較小，可以比你食多幾款食物🦞麻辣小龍蝦因為要用手剥，所以吃貨嘉嘉有啲懶🤣🍤黃金蝦咸蛋黃好惹味！ 😋 🥚茶碗蒸入面有雞肉、蟹柳等等～刺身刺身種類好多，赤貝、帶子同牡丹蝦都係我嘅最愛！🧚‍♀️總結：食物款式多種類，價錢亦都好實惠！…Read More

大家會唔會有一個小時回憶嘅地方神戶屋係我每次小學、中學朋友聚會到大個公司同事聚會都去嘅地方雖然以前地方窄 10個人照塞埋去坐大家好Close咁食個放題係開心嘅依家因為疫情過往個年都好少食放題好少再10個人坐埋一檯但係再到神戶屋食放題都係有驚喜今次趁母親節同左媽媽去食小窮J嘅母親節禮物🥲🥲幸好媽媽都食得開心#咁爸爸節都可以🤪🤪🤪🤪🤪好開心神戶屋加左火鍋 #定係不嬲都有？有壽喜燒、韓式部隊鍋同四川辣雞煲揀我地揀左壽喜燒，但係覺得下次可以試下部隊鍋提提大家肥牛填1係會黎大大卷🙂#我臨尾填左3🙂刺身嘅蝦都有幾種有頭 無頭 大蝦 同生蝦都甜都可以試三文魚都切得幾厚炸物我中意食炸芝士同炸鮮奶甜品有好多好新款嘅雪條😍趁呢排openrice做緊特價可以重返一戰😇…Read More

人人都話兆萬係美食界既「勇者之塔」 我地偏偏唔信邪 繼上次係果度試過其他日式放題之後 今次我地又黎到位於8樓既神戶屋日韓放題大快朵頤喇佢地既任飲任食放題價錢由$179起（指定時段） 而我地一行二人係星期日晚去食 每位收費$229加一 價錢比起同類型放題黎講算係幾抵 首先會黎左個刺身船先（有三文魚 海膽 希靈魚 帆立貝 珍寶蝦 玉子 等等）賣相好精美 一黎到我地兩個立即舉起相機 味道亦唔錯 刺身都幾新鮮 值得一讚既係食放題都居然食到唔單只唔臭而且仲好鮮甜既海膽刺身 非常驚喜！食物選擇多 劃餐紙由A排到J 刺身 天婦羅 日韓料理 串燒 拉麵 火鍋等等應有盡有 唔洗擔心冇野食/食唔飽部隊鍋：滿滿既芝士同肉肉肉肉 非常邪惡！飲品選擇比起同價位放題多 特別在有呢款芒果味啤酒 好fresh好得意雪糕雪條選擇亦都多 好多款都好吸引 有我最鍾意既藍莓乳酪雪條其他食物都唔錯 味道未必係最好 但以呢個價錢黎講算係超水準 而且選擇十分多 推介佢既壽司 炸物同埋黃金蝦 必食！甜品唔錯 係略嫌有d太甜 服務方面 雖然個場都幾爆 但上菜速度快 而且店員好細心 會主動問我地有冇野漏左單幫我地跟返最後埋單2百幾蚊位 捧住個大肚dum走 好滿足總括而言 今餐既CP值非常之高 完全破解左「勇者之塔」呢個魔咒 有機會會再黎！…Read More

真係好耐冇食過放題，因為放題真係唔係間間好食，好容易中伏！但我朋友就極力推介呢間放題叫我要試一試，咁我就信佢去試一次啦！依間放題以日韓菜式做賣點，一坐低已經問我地要日式壽喜燒定韓式部隊鍋，仲叫我地可以揀定刺身，觀輪落單師博會優先處理，等我地唔洗等咁多，非常細心！另外一個細心位就係枱面一早預備左三款前菜，仲有三種醬料分別係雞醬、沙律醬同豉油，放題仲每人送一客海膽或者生蠔，我就揀左海膽，味道濃郁鮮甜，整體刺身水準唔錯，魚同蝦都好好，係蟹鉗無咩味，可以忽略。日式壽喜燒湯底夠濃，唔似其他放題限制一鍋鍋咁嗌，火鍋嘅配料可以隨意追加，根本就係任食打邊爐，正！壽司好有驚喜，平時放題啲壽司飯一係好硬一係就好重醋味，依度就岩岩相反，咬落啲飯唔會好實，件軍艦塊紫菜仲要係脆既，抵讚！熟食普遍都幾好味，炒銀芽同鐵板馬拉盞通菜都好惹味，炸物串燒亦都交足功課，燒菠蘿香甜多汁，嗌左幾轉！飲品選擇好多，但就無無糖茶，好在仲有自助既熱水熱茶，幫助消化，甜品仲有我最愛既豆腐花，正！最後埋單，每人$250都唔洗，性價比好高，我朋友真係無介紹錯，呢間放題真係唔講得笑，無論食物服務價錢各方面都做得好好，下次想食放題都會翻兜依間！…Read More

今日同frd子去咗食lunch放題！記得那些年我地都成日去兆萬食放題，貪佢抵玩又咩都有，所以今日決定揀咗兆萬嘅神戶屋！😍食放題一嚟梗係先叫刺身啦！刺身選擇好多，淨係蝦已經有泰式生蝦、天使蝦、有頭甜蝦同激巨赤蝦四款選擇！仲有珍寶帶子、象拔蚌、松葉蟹鉗呢d貴價之選！仲有記得早d book位仲有海膽送！沙律前菜方面有柚子大蝦沙拉、泰式鳯爪同溫泉蛋！溫泉蛋好流心好正！鳯爪酸酸辣辣好開胃！一品料理仲有蜂蜜芥末炸雞、炸鮮奶、網子蝦卷，吉列蠔、招牌炒蜆、韓國人參雞湯、馬拉盞通菜！炒蜆好有獲氣，唔知以為自己去咗避風塘，炸鮮奶，香甜可口！馬拉盞通菜非常惹味！人參雞湯參味十足！差d唔記得我最愛嘅燒菠蘿！貪心嘅我地見到咁多款壽司都好想食，不過我地最後只係食到火炙三文魚同芝士鰻魚卷已經飽到上心口，連火鍋都試唔到！和牛壽喜燒煱，我地下次見🥺…Read More

今日同屋企人食飯, 長輩們表示想食日本放題, 即管book返張枱先, 聽講剌身大盤勁新鮮, 啱唒我li個剌身控✌🏻. 由A至J共10張有齊各款日韓料理, 份量以件/粒位單位方便我地食幾多寫幾多, 其中拉麵有9樣, 仲可能剔烏冬或拉麵, 辣/唔辣, 非常豐富.> 雪櫃由道地解茶(解油Number 1), 陽光紙包, 各類罐裝汽水, 韓國汽水到啤酒都齊, 啤酒有大罐Hoagaarden, 韓國Hite, Budweiser, 目測好幾枱都飲Hite, 我都係忠於Hoagaargen吧. >食日式放題實係以一盤狀觀嘅剌身拼盤作序幕, 我地剔左好多塊三文魚剌身同生蝦, 每款食兩三片仲可以繼續追加, 原來盤剌身有成四大款生蝦呢! “激巨赤蝦剌身”真正巨厚肉鮮甜, 由頭到尾除左頭幾片之外其他都無點鼓油, 就咁食已經夠鮮.>燒菠蘿好甜呢！我自己食左幾件, 菠蘿本身juicy燒起糖分更突出, 燒海蝦食時輕易離殼, 蝦肉唔粉夠新鮮. >無論係比較大眾化嘅火炙三文魚以至劍魚腩, 帶子壽司. 全部都係剌身完全覆蓋飯團, 唔會一味多飯, 黑松露嘅份量實在慷慨👍🏻.>黑椒牛柳粒一碟分量較多, 牛柳粒無乜筋, 葱同炸蒜多重惹味.> 韓式芝士部隊鍋個醬好好味, 尤其係夾起午餐肉時連醬連芝士一齊食又邪惡但欲罷不能呢, 湯底有我嘅fav娃娃菜, 食到咁上下淥辛辣面, 辣粉all in, 正呀.> 甜品櫃一杯杯mini凍糕有多款選擇, 旁邊有香港代表雀巢朱古力雪條, 芒果雪糕同維記雪米糍, 獨立包裝雪米糍有黑芝麻同芋頭味. 長輩們表示今餐非常滿意, 估唔到li個價錢食物好高質, 然後喺whatspp谷狂炸食物相勁happy.…Read More

這晚跟老公🍋在旺角附近閒逛🛒，還沒有想到晚餐要吃甚麼時🤔，突然有人放了一張宣傳單張在我們手中😳，那就不要想太多吧🤣。店內環境明亮舒適😲，絕對不會有侷促感😁。點餐紙整齊的排好😌，款式之多不容置疑👍。刺身拼盤🌊：每款都點了一點😁，滿滿的一盤🤩，當中包括了象拔蚌、鮑片、甜蝦🦐、珍寶帶子、天使蝦、希靈魚🐠、松葉蟹棒🦀、北寄貝🐚、泰式生蝦、三文魚🐟、松葉蟹鉗等等💖，每款都鮮甜味美😋 ，新鮮度滿分💯！壽司🍣：芥辣八爪魚軍艦是必點的吧🦑！另外也點了幾款的火炙壽司🔥，三文魚腩非常肥美😍，油脂豐富香濃🤤。酥炸雞軟骨🐔：爽脆的口感😋，加上香辣的味道🌶，以它作為佐酒小菜🍻，簡直一流👍！日本和牛賀喜燒🍲：湯底鮮甜💖，牛肉大大片的🐮，鋪滿了一整鍋🤩，肉質細嫩😋。總結：食物款式多元化✨，加上價錢合理💵，性價比不低喔🈵~…Read More

今日同男朋友黎兆萬中心，大家返屋企都方便，所以經常在這邊食晚餐。我們今日選擇了放縱一下，食日韓放題，可以食不同美食！環境都幾大，又有房間（比訂多的客人有自己空間）食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。(寫好數量、人數、枱子號碼）服務都幾好，服務生好有禮貌又幫忙收碟，而且無漏單、點了的都好齊的送上。飲料有2個冷櫃可以自助領取（包括：汽水、茶、蘋果紙包果汁、酒類等）還有熱的茶或水。坐下來服務生就送上前菜、介紹畫紙的食物種類！刺身好多好豐富！好大碟又吸引壽司細細件，有唔同的款式，都幾美味！燒海蝦：好大隻又爽口！燒菠蘿：多汁又香口！甜甜的！炸物：芝麻雞翼、韓式芥末雞翼、炸芝士、網紙蝦卷等等！最愛榴槤炸彈、芋頭丸、天婦羅等，好好味又香口！好熱辣辣！燒羊扒：好香口好入味、軟腍又美味蔬菜好健康，當然唔少得； 這個避風塘炒通菜及炒芽菜，好香口又微微辣！甜品有雪條、雪糕等，好開心…Read More

我地條team 完成大project，齊齊去慶功！因為呢間放題可以訂廂房，自成一角，多人d 都無所謂，所以成為我地首選。S 級神戶名物係限叫的，我地和牛壽喜燒同韓式部隊鍋都有叫。部隊鍋雖然只係火腿午餐肉腸仔同菜呢d 簡單食材，但用左味噌調味，再係上面鋪塊芝士，慢慢煲就慢慢溶，幾有韓式風味。和牛既肉質則幾實淨，用上生雞蛋調味，烚兩烚已經食得，感覺高級！刺身壽司方面，三文魚幾軟身，新鮮度好高，蟹鉗蟹棒就算雪藏都食到蟹味幾重，d 有頭大蝦凍得黎滑luet luet 的，一啖兩隻好鬼爽。壽司選擇其實唔算多，不過咁多其他野食揀，飯呢d 就係咁意得啦！其中帶子壽司都幾肥美，拖羅油份好高，接近入口即溶。食肉獸既大家係肉都叫。和牛粒同埋豬頸肉表面上睇落煮法接近，都係蒜蓉蔥爆咁樣，但實際上和牛粒本身已經幾juicy，豬頸肉佢就加左d 醬一齊去炒，令佢帶點甜味。天婦羅同黃金乜乜黃金物物果d 普遍都ok，而炸鮮奶球對我黎講就覺得好特別，鮮奶點樣可以炸到一個波咁架呢？甜甜的奶球，外面炸到好鬆脆，裡面係好似棉花糖咁既質地，好好食呀！飲品同一般放題差唔多啦，呢度啤酒都有得飲。甜品都係，啫喱仔呀mousse 呢d，仲有雀巢棉花杯同雪條。因為入座果陣有個三選一，如果你揀韓國雪條，就會另外有枝靚雪條食，有好多味揀，又香蕉又蜜瓜又芝士，令人唔知點揀好...…Read More

晚上難得約到朋友，諗住食好d,就來了這裡吃放題。都幾多野食，多選擇。最先來的是壽司，我們點了火灸岩炎燒三文魚腩壽司和黑松露珍寶帶子壽司。先講三文魚壽司，其實燒得幾香，味道不錯，不過塊三文魚如果可以再大塊點會比較好。黑松露太子壽司都食到黑松露味，但帶子沒太大特別，味道都ok.然後來的是日式汁燒雞肉串，味道ok。之後來刺身，三文魚腩刺身幾好食，幾鮮味，甜蝦和松露蟹鉗刺身我朋友食哂我沒吃，所以不知道是否好吃啦。之後來的是炸物和芝麻雞翼。芝麻雞翼非常好食，很香口，炸得熱辣辣很惹味。然後來的時北海道燒扇貝，都ok,芝士幾香。鹽燒活海蝦咸咸的，幾好食，蝦夠鮮味，不錯。點了日本和牛壽喜燒，不錯，不過如果牛肉可以再多點就好😬黃金芝士燒廣蠔，芝士焗得幾香，蠔都幾鮮味，唔錯。之後上的是芝士燒黃金沙律開邊蝦，芝士很香，蝦好食。埋單兩人吃504元，價錢合理。…Read More

兩位窮人想慳錢又想任性地點餐 順道小小慶祝一下週年紀念 於是Openrice一下 最近有甚麼 平民貼地放題之選 找著找著 便選擇了"神戶屋日韓放題" $169 任食兩小時♥♥♥ 好吧!!! 訂位~~~ $169 不好吃的話 也不至於損失太大囉~ 幸好,  我們有訂位!!! 不然相信要等上好一陣子了 因為人真的超多😱😱😱 安排入座後 當然要看看點餐紙囉~~~~🤤 由A到J 足足有十張之多!! 而飲品也不容少看 一邊雪櫃是放港式飲品 另一邊雪櫃是放 韓式飲品!!!!😱 我倆當然選韓飲囉😂 韓國啤酒與桃味氣酒 這是我第一次喝桃味氣酒 超好喝 根本不像在喝酒😱 (女生真的要注意, 小心喝著喝著便醉!因為它味道跟果汁沒差, 可是它有3%酒精啊!!!) 刺身船啦!!! 驚我一大跳!!! 太精緻了♥♥♥ 光吃這個就能回本了😱 這蟹鉗刺身超鮮甜的 Encore, encore再encore了♥ 日本和牛壽喜燒! 感覺不太像和牛囉 不過牛肉牛味很濃👍🏻 而且有很多菜和菇~~~♥ 壽司方面~~ 特別愛他們的黑松露壽司🤤🤤🤤 黑松露油甘魚跟黑松露珍寶帶子 Encore了兩次啊~~~👍🏻 另外男朋友則愛他們的藍鰭拖羅蓉軍艦和芥辣八爪魚軍艦 拖羅蓉很不錯 而且芥辣八爪魚軍艦十分新鮮!! 吃吃吃~~一開始覺得兩小時可能會不夠 後來兩小時其實很足夠 捧著肚腩埋單~ $372/2位 說真的 這價錢絕對屬價廉物美 單單刺身便能回本 臨走還吃了韓式CHEESECAKE雪條♥♥♥♥♥♥♥♥ 大大大大愛呀!! 超濃芝士味呢~~~~ …Read More

重記得大學時同一大班同學成日一齊約埋去食放題，又可以食到飽，中午時段又平，最緊要係人人都一定有野岩食。出到黎做野，人人都話要去食高級日本料理。但我都係會得閒就同返朋友去食放題。今日黎到旺角兆萬中心8/F，神戶屋日韓放題。識食一定係食9點打後既時段，款式一樣多，但價錢會平啲。等緊位時，服務員好貼心會比左一set點菜紙比你睇定食，可以一入到去就order。款式多籮籮，一共有10張。一定會食到你捧住個肚走。你無眼花，我差不多點哂所有既刺身。蝦就已經有4款了，竟然連泰式生蝦都有。係呢13款刺身當中，我最感到驚喜就係北海道角螺刺身，通常螺比人既印象都又硬又無味。但當我將角螺放入口時候好驚喜，好軟但保持好彈牙，而已應該有先煮過 好入味。汽水都幾多選擇，重有紙包檸檬茶···好少見既韓版可樂。作為蝦迷既我每次一定要點鮮蝦串燒同鮮蝦天婦羅。串燒雖然燒得乾，但蝦都唔會乾到柴。天婦羅好香，唔會油膩，有彈性，但粉略微太厚。三文魚燒得太乾，如果鍾意香口既應該會喜歡。牛油燒牛舌，第1 次食呢個煮法，好香。 牛舌比較薄，口感我都係比較偏愛厚切。芝麻雞翼岩岩新鮮出爐，重冒緊煙，雞皮好脆，腌得好入味。一個人2隻都ok。吉列蠔，好香蠔味，但依舊，炸粉比較厚。鐵板牛柳粒，肉質都算嫩，但就甘食會咸左少少，用黎送飯岩哂。清酒煮蜆，份量雖然細細碗，但都好多隻。湯底好重牛油味，但特別得黎係好食既，有少少海帶，值得encore。馬拉盞通菜，見到基本上份量雖多，但係無菜葉的部分，但我都係覺得小炒要配碗白飯。滑溜溜，熱辣辣炸豆腐。香脆外皮加上避風塘口味，值得一試。卷物都多選擇，牛油果好creamy，牛肉卷真材實料，無花假。大胃王朋友一定要試下，無蝕底。榴連炸彈好香脆，好creamy，又香又甜，真係食多幾粒都唔想停呀。值得一讚，菠蘿係先浸過鹽水，所以好甜，好juicy。最後一定要叫個火鍋食下菜先，點左豬骨湯。一聞，好似出前一丁隻豬骨湯味，重有粟米粒。都有幾多火鍋料，唔錯唔錯。心太軟呀，心太軟。你個心硬左既雖然係甘，唯有當蛋糕食啦。又好香濃朱古力味喎，希望下次會比返個心太軟我啦。最後最後，好值得一提既係員工服務真係好好，用心工作。雖然我有催過單，但完全唔會覺得我煩，又好笑容。親自去幫我拎叔未到既野食比我。就憑呢點就好值得我再黎幫襯了。…Read More

今次見到呢間餐廳有日式又有韓式嘅放題，而且晚市黎講價錢唔貴，所以決定入去一試。一入去就見到好多飲品選擇，紙包同罐裝都有，而且仲有韓式可樂揀添!我地兩個人食就可以有一個部隊鍋，個湯底芝士味濃郁而且帶點辣味，食極都好開胃喲~~呢個刺身真係好多種類，每樣都四塊以上，剩係計蝦都有三種，仲有三文魚， 希靈魚，鮑魚，生蠔...全部刺身都好鮮甜，個生蠔帶點海水味但係一d都唔腥!我地特登叫咗d特別嘅壽司食，有軟殼蟹有炸蝦有芝士燒三文魚...賣相已經好吸引，食落去好有層次感，壽司飯嘅軟硬度適中，加埋醬汁可以話係完美我地之後仲叫咗好多好多野，我最欣賞嘅就係有芝士嘅野，有芝士焗蠔，芝士焗元貝，仲有芝士焗開邊蝦，d野食一黎到我已經聞到濃濃嘅芝士味，望落去就已經好想食，食落去d芝士一d都唔油膩仲好香，而且唔蘇添😋甜品有奶凍同雪糕等等，職員見到我地係情侶仲送咗朱古力macaron，外脆內軟仲有好濃嘅朱古力味，可以話為呢餐放題畫上完美嘅句號!餐廳環境方面，座位都好寬敞好舒服，兩個人可以坐到兩張枱，好多碟野食都擺得晒。今次兩個鐘放題可以話係好充足，因為d野食黎得好快，以我地普通嘅食野速度，未到兩個鐘已經差唔多飽嚕~職員嘅服務都好好，好有禮貌之餘佢地收放題紙都收得好快，可見職員人數充足。記得有一次佢地漏咗單追番，五分鐘內已經送上食物，所以我地佢地都好滿意。而今次二百幾蚊就可以食到咁多野，仲要環境服務都咁好，所以下次食放題都會再來一試!…Read More

我好喜歡吃Sushi，如果一大班朋友約晚飯，最好的選擇便是吃放題，任吃不用擔心超出預算，也能應付一些比較「大食」的朋友，不怕被他吃窮見兆萬中心位置方便，於是跟朋友便相約試這間放題。朋友之中有身型比較「大份」的，幸好這裡的位置尚算舒適啊！有熟食有刺身有火鍋，喜歡吃什麼也可以，悉隨尊便。一開始當然叫了一大盤刺身，刺身好大件好新鮮，超美味有泰式蝦刺身令我感到很驚喜啊！我是一定要有飯吃才會飽肚的人，所以食放題也必點Sushi，這裡的花之戀是我最愛的熟食也有我最愛的炒蜆還有Sabu Sabu，另外還可以點火鍋料整體來說覺得這間店的質素還很不錯，飲品夠多選擇，有凍烏龍茶最合我心意，另外坐位不太迫，算很舒適呢！如果想在鬧市找一間價錢不貴但刺身質素不錯的放題，這裡也是一個很好的選擇啊！記得要在油麻地MTR落車，會比MK站近好多呢＝）…Read More