Ganko Sushi

最近好多日本嘅壽司鋪都黎咗香港開分店，呢間頑固壽司就係其中一間。呢間壽司店原來已經好耐歷史，之前已經開咗99間分店，今次香港呢間係佢地嘅第100間分店。最欣賞呢度每日都會運送魚生到港，確保魚生嘅新鮮度。呢度除咗環境舒服，服務員態度超好，會好詳細講解，又會分享好多資訊。食物方面當然係正啦！必食推介✨壽司拼盤12貫定食，定食包埋前菜、茶碗蒸、味噌湯。所謂12貫即係12款唔同嘅壽司：有大拖羅、中拖羅、金目鯛、甜蝦海膽、帆立貝、松葉蟹、三文魚子、平目魚、玉子燒、細卷⋯⋯壽司新鮮肥美，基本上每款都好好食，最特別想講嘅係佢地嘅玉子燒，同一般玉子燒好唔同，食落去係好似海綿蛋糕咁，好鬆軟。…Read More

近年愈來愈多日本當地餐廳進駐香港，例如SUKIYA、壽司郎等平民美食更是大受歡迎，源自大阪的頑固壽司以價廉物美的壽司見稱，在香港開業後又掀起一股熱潮亦是意料中事。餐廳選址尖沙咀K11商場，據聞開業初時總是大排長龍，慶幸這次平日下午到訪時人流不多，而店長及店員均相當殷勤有禮。雖然頑固壽司的特色就是「價廉物美」，但畢竟香港租金高昂，就如其他過江龍一樣食物價格有所上調亦無可厚非，定價中上，而午市套餐則相對而言比較親民。壽司均由師傅即場握製，連各款刺身亦是於客人點菜後才切片確保新鮮。雖然價位不再走平民路線，但質素方面亦顯然有所保證，至少令人覺得物有所值。每款午市套餐均會附上茶碗蒸、小鉢及味噌湯，茶碗蒸嫩滑得入口即化，當中更加入雞腿肉及白果。壽司拼盤12貫定食 ($288)十二款壽司包括大拖羅、平目魚、中拖羅、鰤魚、金目鯛、鰻魚、帆立貝、松葉蟹、甜蝦海膽、三文魚子、細卷和玉子燒。大拖羅肥美豐腴，口感份外軟嫩油潤。另一心頭所好定非甜蝦海膽莫屬，甜蝦的鮮甜配以海膽的甘香相映生輝。質感有別於一般玉子燒，鬆軟綿密有如長崎蛋糕一樣，曾經在元朗一間廚師發辦餐廳中一試難忘，難得可以在此回味得到。壽司拼盤10貫定食 ($228)而十貫定食比十二貫定食則少了大拖羅及金目鯛，但其實單點一貫大拖羅已經近六十元，如果如我一樣喜愛拖羅的話當然點十二貫定食更加划算。…Read More

今日嚟到尖沙咀嘅K11，食大名鼎鼎去日本過江龍「Ganko 頑固壽司」😍 「頑固壽司」係日本主打價錢親民嘅迴轉壽司，開業已經56年，喺日本全國有多間分店，品牌係日本遠渡而來，係一種對壽司嘅執着。一入到黎，已經受到店員熱烈嘅歡迎，馬上幫我地安排座位，仲好詳細咁介紹今日嘅餐單，盡顯好客同埋高質嘅服務精神🤣我哋兩個人每人叫咗一個set。「壽司拼盤12貫定食$288」店舖嘅刺身每日都由日本空運到港，令顧客可以食到最新鮮既刺身，有質素嘅保証🥰 十二件壽司都充滿特色，包括有：吞拿魚大、中拖羅、鰻魚、三文魚子、帆立貝、金目鯛、松葉蟹、甜蝦海膽，全部都食得出鮮甜既味道。而且，每舊飯都係由師傅即場手握，size岩岩好，帶點微暖。推薦「拖羅」魚味甘香，帶點融口即溶，好驚喜。🤪仲有好特別既「玉子燒」，店員話要先將蛋黃同蛋白分開，調味之後再拎去焗，先可以食到咁嫩滑咁鬆軟嘅口感，層次感豐富。估唔到咁簡單嘅玉子燒，要用心製作，工序繁複，先做到呢個層層疊既效果。🤩「鰻魚丼定食$148」主角鰻魚賣相好吸引，外皮煎香，外脆內軟，咬落去肉質好鮮嫩，食得出係好新鮮的😍 個飯煮到粒粒分明，用上日本珍珠米，咬落塊帶點彈牙，有啲鰻魚汁融入，令個飯更入味。配菜方面，有嫩口既茶碗蒸，好足料嘅麵豉湯。整體上來講，環境舒適，店員好友善，食物質素都好高，性價比合理，難怪之前有咁多人排隊！🥳…Read More

今日中午，打算出去看看有沒有商鋪售賣口罩，因為家中的存量都用得一半有多。於是，我和媽媽就去到尖沙咀逛一下。今日的尖沙咀比我想像中來得更為少人，所以感覺比較舒服。我們逛了一段時間後就入去K11 食個午餐，K11 一向都很乾淨整潔，所以較為放心。我們找找下，看到有間壽司店是熟面口，叫做「頑固壽司」。想了一想，醒起「頑固」是剛剛在香港開設第一間海外分店的日本壽司店，在日本以迴轉壽司出名。襯着今日，我就一於帶我媽一試這間「頑固」過江龍。進店後，店長會極為親切地介紹一下「頑固」，我們都因而得悉「頑固」在日本已有99間分店，而香港就是其海外第一間分店。在K11的分店，不是主打迴轉壽司，而是主打新鮮貨源，店長稱魚的種類未必太多，但就勝在每款魚都是最為新鮮的。我媽就非常欣賞店長的概念，因為魚鮮是非常緊要，比起種類更來得罕有。所以，我們看看午市餐牌後，就決定點一款壽司拼盤和一款熱食。◈ 1. 壽司拼盤12貫定食這個12件壽司拼盤，都算是豪華級吧。12件壽司中有：鰤魚、鰻魚、三文魚子、帆立貝、平目魚、甜蝦海膽、吞拿魚中拖羅、金目鯛、松葉蟹、細卷和玉子燒。當壽司拼盤上桌後，店長都會叫我們先食鰻魚壽司和有紫菜包着的壽司，以防其鮮味流失。我們研究每款過壽司後，一件一件的品嚐，我就認為所有壽司都一如店長所說的鮮味十足，最好味會是「甜蝦海膽」、「吞拿魚中拖羅」及「松葉蟹」。這Top 3 真的能嚐出那種海產的鮮味，而且相當肥美。吃罷後，魚生的鮮味還在嘴裏留存。◈ 2. 吉列炸蠔定食食完壽司之後，我們就再吃這個吉列炸蠔定食。炸蠔共有5件，而且件件都非常之肥美，非常大粒。一口咬下去時，其實還食到蠔汁，可見非常新鮮。值得一讚的是，用來沾吉列蠔的沙律並不是一般普通的沙律醬，而是類似蛋沙律的，用來拌飯亦是相當開胃。所有Lunch Set 都設有伴菜，包括茶碗蒸、小砵和味噌湯。感覺「頑固」的伴菜都相當鮮淡，清淡的味道令人非常舒服。這間「過江龍」絕對沒有令人失望，反而在這個時勢，店長會更加熱情，細心詢問各位食客的要求和評價，非常有愛。…Read More

日本過江龍頑固壽司嚟左K11，主打新鮮刺身，每日空運到港，再由廚師精心策劃，製成一道美味嘅壽司。　入到鋪頭後店員好用心講解每種壽司嘅特性、食法，務求食客品嚐到魚生嘅鮮味。　落單後，隨即到「發辦區」睇師傅刀工糙藝，下次要試吓Omakase先！　　Lunch menu有唔同嘅定食可供選擇，壽司拼盆、海鮮丼、鰻魚丼、三文魚子親子丼、🦪吉列炸蠔等等...　呢張係每日優惠。　嚟到當然要試吓壽司拼盆定食啦，每份都有🥚茶碗蒸、小鉢、味噌湯。　12貫較10 貫多一件吞拿魚大拖羅、金目鯛壽司。各種魚生色澤都好鮮艷，師傅教我地用子薑沾下醬油再掃上魚生到，果然帶出魚生鮮味，拖羅又肥又美～　　壽司拼盆12貫定食 包括鱗魚、鰻魚、三文魚子、帆立貝、平目魚、甜蝦海膽、吞拿魚中拖羅、吞拿魚大拖羅、金目鯛、松葉蟹、細卷、玉子燒　壽司拼盆10貫定食 包括鱗魚、鰻魚、三文魚子、帆立貝、平目魚、甜蝦海膽、吞拿魚中拖羅、松葉蟹、細卷、玉子燒　師傅話玉子燒蛋白和蛋黃分離再打出來，整出黎口感似蛋糕，好特別…Read More

喺日本主打親民迴旋壽司嘅頑固壽司喺香港登陸，但係似乎定位就有啲唔同嘞。😯 反而係sell每日由日本空運嘅魚生。✈️ ⁣⁣壽司拼盤12貫定食（$288）［好味度：7.5/10］⁣⁣⁣⁣⁣⁣⁣⁣⁣呢款係午市定食入面有最多晒最多款壽司嘅定食，咁樣就可以試曬佢哋唔同嘅魚類嘞。🐟 值得留意嘅係佢哋嘅魚生本身唔係好重魚味，但係咁樣反而代表啲魚生係好新鮮嘅。🧐 因為其實如果做到出魚味，係要放過夜一兩日先有嘅，但係呢度嘅做法就係每日由日本運到而唔放過夜，務求帶出佢嘅鮮味，所以每一件壽司都可以食魚嘅鮮味。😍 同其他壽司店就會比較唔同。😛 午市定食除咗壽司之外，仲跟埋茶碗蒸，小鉢同埋麵豉湯。⁣😋⁣日替壽司拼盤十貫&茶碗蒸定食（$168）［好味度：7.5/10］⁣日替嘅意思係每日都更換唔同嘅款式。😚 亦即係話，會由壽司師傅決定去揀選最好最新鮮嘅食材，亦都由佢按住食材嘅新鮮度同埋部位去揀出最好嘅烹調方法，咁樣去創造出壽司。😆 亦都因為咁，所以每日只係限量十份。🥺 所以圖入面見到嘅，都係得嗰日先會食到，日日都會唔同㗎。⁣💁🏻‍♂️⁣⁣⁣…Read More

喺日本有名氣嘅頑固壽司終於係12月登陸香港，之前一直都有留意新開張期間都大排長龍，今日放假終於有機會去試一試香港嘅頑固壽司。午市定食餐牌，睇落款款都好吸引，所有選擇困難症都出黎呀。最後決定左要海鮮丼同壽司12貫。相比起日本店，價位算中上，但係店員指出所有刺身都係每日由飛機直送，而且喺尖沙咀黃金地段，難怪一分錢一分貨。現場仲有吧枱睇住3-4位師傅現場製作，而且所有壽司都係即叫即做，單係咁樣有真人表演睇都值回票價啦。等左唔使5分鐘，我叫嘅海鮮丼定食終於到啦，賣相好靚，顏色又豐富。海鮮丼有8種新鮮嘅魚生，分別有鯛魚，油甘魚，三文魚，吞拿魚，三文魚籽，海膽，牡丹蝦等等，真係數都數唔晒。全部魚生都係厚切，色澤光亮，非常新鮮，而且肉質鮮甜美味，貴少少果然係唔同食法。定食套餐仲跟左茶碗蒸，麵豉湯同埋小鉢，三款小食中最鍾意個茶碗蒸，要整得好食其實唔容易，而佢就蒸得啱啱好，嫩滑可口。另外，屋企人叫咗個壽司12貫定食，有大中拖羅，鯛魚，帶子，鰻魚，海膽甜蝦，三文魚籽，松蟹棒，玉子燒等等。屋企人分享左件粉紅色嘅拖羅比我都已經好滿足，肉質軟滑，有種入口即溶既感覺，魚味仲特別鮮甜，真係好好食😋！下次再去都要自己食一份壽司12貫先得喇。一間有服務同質素嘅壽司鋪，當然會繼續支持佢地帶多啲日本直送嘅美味魚生返嚟，等我哋唔使飛去日本都食得到啦！…Read More

吃壽司到正宗日本連鎖店才是正道吧！來自關西的頑固壽司正式登陸，饞嘴的我怎能錯過午市定食共有九款，除了壽司外還有丼物或定食套餐選擇另外每天有兩款更優惠的限量日替壽司午市定食雖然午市並非廚師發辦，但全是即席手握要了一客壽司拼盤10貫定食！有鰤魚、鰻魚、三文魚子、帆立貝、平目魚、吞拿魚中拖羅、甜蝦海膽、松葉蟹、細卷及玉子燒！用料實在、食材新鮮好吃比較大食的朋友要了壽司拼盤12貫定食！多了吞拿魚大拖羅及金目鯛！如雪花的魚油半溶在口中，滿嘴甜香的回甘味每個定食都配上茶碗蒸、小鉢及味噌湯，真正的大滿足…Read More

2020年1月19日。晴。尖沙咀。呢日睇完戲，行咗陣尖沙咀，就行到k11食晏～行咗幾層，決定食日本嘢～～～餐廳位置隱蔽少少但入面座位闊落，坐得舒服～12點到3點有午市定食供應3點打後就係散嗌嘅，咁計定食一定抵好多！另外仲有更抵嘅日替午市定食！！但只限10餐，手快有手慢冇～日替壽司拼盤10貫午市定食，$168呢日我哋手快，所以食到抵食日替午市定食～Lucky～午市定食除咗主食仲包味噌湯、茶碗蒸同小鉢味噌湯比起平日飲開嘅冇咁鹹，帶有紫蘇嘅清香～小鉢衰面嘅好似係漬物，有菇同菜，比較淡口，就算係平時怕漬物會酸嘅男朋友都食晒～茶碗蒸熱辣辣，滑浖浖～當餐後「甜品」一流！主角壽司10貫店員送餐時會介紹一下～日替定食嘅10件壽司有4件係固定班底，而另外6件就會由日本師傅揀選番當日新鮮時令食材而決定$168真係好抵食！壽司拼盤12貫定食，$288送餐嘅時候，店員介紹每件壽司嘅材料又同我哋講番壽司係即叫即切即整，雖然可能要等一陣，但係絶對新鮮咁話12貫壽司比日替10貫多咗嘅兩款就係大拖羅同金目鯛～另外仲有鰤魚、鰻魚、三文魚子、帆立貝、平目魚、甜蝦海膽、中拖羅、松葉蟹、細卷同玉子燒！非常豐富～顏色繽紛～店員仲同我哋講解食壽司嘅次序可能好多人都知食壽司建議由白身魚食到赤身魚咁原來白身魚通常都係深海魚，身上嘅鐵質會少啲，所以就白色而赤身魚就相反，喺近水面嘅位置生活，鐵質多，肉質呈紅色估唔到嚟餐廳食個晏都學到嘢！勁！壽司當然就好味喇～令人回味無窮特別係大拖羅，筋少，入口即融！好滋味～另外仲要一讚嘅係細卷同玉子燒好有驚喜！！細卷包住嘅除咗魚之外，仲有一塊紫蘇葉，平時好少食紫蘇，但因為佢包住咗喺細卷入面，所以一定食到香氣四溢，令人重新愛上紫蘇！玉子燒睇落冇乜特別，我就留到最後先食點知一食，真係不得了！意想不到嘅口感十分鬆軟，蛋味亦都濃郁，再加上少少甜味，真係好似食緊蛋糕咁～餐廳無論食物嘅擺盤同器皿，仲有員工嘅服務同介紹都帶有日式料理嘅精緻同埋細膩嘅心思值得推薦～…Read More