I Love Istanbul (Moved)

約左個非常喜歡飲咖啡既朋友食飯，即刻好想推薦佢黎呢間餐廳。雖然係第二次黎，但仍然覺得所有擺設、餐具都係好靚。我地揀左個5 items再另加雪糕。好開心可以學整土耳其既沙律，又可以同餐廳既負責人傾下計，係依家好多餐廳都無，呢d先叫做招呼。個沙律係好好味，有少少蒜香又酸酸地。再黎係焗雞。朋友話未食過咁滑既雞🤣其實所有食物都好好味。特別推薦沙律、焗雞、焗大菇、土耳其咖啡及雪糕。如果點咖啡，餐廳仲會示範俾你睇係點整，又會介紹土耳其既文化，好有心。而且仲有貓貓玩，非常開心既一餐。絕對會再黎。…Read More

與友人相約一聚，係Facebook看到餐廳的介紹，感覺唔錯覺得可以一試。之後wtsapp到餐廳book位，店主好貼心咁回覆我哋地址同地圖相片，所以我哋都好快搵到路上去。入到店內，就見到老闆喺門口製作土耳其咖啡，入嚟嘅時候老闆用廣東話同我地打招呼十分nice。坐低之後睇menu，因為呢度係私房菜嘅關係所以好多都係有廚房發板嘅，咁佢分左幾個價錢嘅dinner set，分別係$168,$250,$300,$350等等，一個操流利廣東話嘅異國女待應，為我哋介紹唔同價錢有咩分別。而我哋就選擇咗$168嘅dinner set再加土耳其嘅傳統咖啡。睇上網嘅介紹，發現老闆識得土耳其咖啡占卜，所以飲完杯咖啡之後都有問老闆點樣睇，但老闆話之前飲完個杯因為加左堂同牛奶睇唔到所以換咗杯新嘅比我飲完再占卜。我哋飲完你杯之後，杯入邊剩低一啲咖啡，老闆將我哋剩低個杯反轉放上杯碟。之後靜待15分鐘，咖啡冷卻後，杯中就會出現獨特嘅咖啡漬。而老闆好細心咁同我地講咖啡占卜嘅結果，好神奇地講嘅嘢都幾準，估唔到食飯都可以有個咁得意嘅體驗。老闆十分風趣幽默而且說著港式英語十分有親切感，同老闆閑聊咗一陣佢最後仲送咗土耳其嘅特色甜點同埋糖俾我哋做禮物…Read More

捐窿捐罅發掘美食是我的興趣，不怕山長水遠、攀山涉水，只要找到對口味又能滿足視覺享受的我都樂於嘗試，這大概是所有吃貨的心聲吧今次來到一間土耳其咖啡店，地點方便就腳，在旺角通菜街的樓上鋪，樓下放置二拉架作宣傳，標榜土耳其菜，可能太偏門平時經過大部分人都沒為意。外籍老闆熱情地招呼我入座，店子小小，以家庭式經營，佈局裝潢都充滿著異國情調。由於太肚餓，先點一個秘製招牌烤雞配飯醫肚 $98份量偏少，雞肉尚算嫩滑，可以沾乳酪伴吃，裏面釀了少少米飯，頗入味，可惜份量太少。老闆娘私人送我兩塊烤餅淺嚐，教我可以用烤餅包著雞肉同吃，太好人了!我來這裡真正的目標其實是它-土耳其咖啡 $35初次從網絡看到這個沙煮咖啡是便被它深深吸引，非試不可!老闆親切地邊為我煮咖啡邊用英語介紹，說這個是土耳其傳統的咖啡，歷史比espresso還遠久! 只見老闆將獨家咖啡粉加水和少許糖倒於銅壺內，放入沙爐中慢慢加熱煮沸。老闆很慷慨地請我吃土耳其朱古力（下圖二後方），黑白朱古力內包裹著一粒夏威夷果仁，好吃更送上一枝水讓我清清口腔再品嚐咖啡，太貼心了吧!咖啡盛器也很別緻，充滿中東色彩。咖啡香甜幼滑，沒有espresso的濃郁回甘，也不像市售包裝即溶咖啡般只有奶精和甜味，說不出的特別和好喝此時問老闆可否加奶，因為一開始他煮了另一杯有牛奶的（見上圖），我誤會那杯是讓我後加的牛奶，早給老闆自己喝掉了當大家理解到是溝通上的誤會時，老闆立即再煮多杯有牛奶的讓我品嚐，原來土耳其咖啡是不可以後加牛奶的，一定要在煮咖啡過程中同煮。他們送了這麼多食物讓我品嚐，把我弄得多不好意思，只能說老闆實在太好客了!加入牛奶同煮的土耳其咖啡比較甜，同樣好喝據說杯底的咖啡渣還可以用來作占卜，每次占卜收費大約是 $200。店內還有幾隻可愛的貓咪伴客人用餐，十分可愛嬌嗲最後點了土耳其雪糕作結，藍色的雪糕十分特別，口感較黏稠，具雲尼拿香味，為這趟土耳其之旅畫上完美句號老闆一家人賓至如歸的服務態度真是令我受寵若驚，就算不愛土耳其食物也必定要一嚐這麼特別的土耳其咖啡!…Read More