CHICHA San Chen (Shanghai Street)

最近開始中意飲啲fresh啲嘅嘢，想飲少啲奶，所以想發掘下啲好飲嘅水果茶。琴日去咗618上海街，見到吃茶三千嘅香橙冰茶強勢回歸，係台灣直送，限量發售150杯，即刻買嚟試吓，有得揀米其林星級茶底：松針綠茶/水仙桂花/玉露青茶，我揀咗比較受歡迎嘅水仙桂花，好好飲，口感清新，滿滿嘅香橙味，好解渴🤤 啱曬天氣熱飲🤣！另外都要嗌番佢哋嘅招牌—國王珍珠奶茶，佢哋嘅茶底真係世一，新鮮現萃，茶味香濃，珍珠彈牙。…Read More

吃茶三千 📍旺角上海街618號地下G04D號舖📍尖沙咀廣東道3-27號海港城海運大廈2樓OT264號舖━━━━━━━━━━━━━━━━━━━━━━━━━━━━台灣過江龍奶茶鋪唔少 不過我覺得吃茶三千算係有自己嘅特色 注重茶香亦偏清新風 可以自行選擇茶種 調味同配料 亦都可以跟佢嘅推介😌不過定價偏高且杯都唔大 配料含量亦偏少 性價比就唔算高🧐 我自己就幫襯過佢尖沙咀同旺角分店━━━━━━━━━━━━━━━━━━━━━━━━━━━━🧋慢熟濃芋鮮奶茶(輕盈少冰) $42 (圖1-3) ▶︎ 鳳眉紅茶+香醇鮮奶+慢熟小芋圓▶︎ 怪我冇睇清楚配料 原本以為會飲到芋泥同好濃芋頭味 但點知就係奶茶加芋圓🤯▶︎ 鳳眉紅茶茶味唔重 會覺得鮮奶味比較突出 而芋圓有啲失望 有硬粒之餘會有渣感 亦都偏軟唔夠煙韌😰好味指數:●●○○○━━━━━━━━━━━━━━━━━━━━━━━━━━━━🍍鳳梨蜜冰茶(輕盈少冰) $42 (圖4-5)▶︎ 鳳梨湯+水仙桂花+百花香蜜+纖玉菓子▶︎ 呢杯好飲好多! 茶底清爽 搭上百花香蜜就有自然嘅清香 個人覺得輕盈嘅甜度啱啱好▶︎ 入面仲有鳳梨粒同纖玉菓子 本人尤其鐘意纖玉果子嘅硬硬咬口 口感非常之豐富 配料分量幾多👌🏻好味指數:●●●●○━━━━━━━━━━━━━━━━━━━━━━━━━━━━🧋國王珍珠奶茶 (輕盈少冰) $36 (圖6-7)▶︎ 鳳眉紅茶+皇家厚奶+國王珍珠▶︎ 比起慢熟濃芋鮮奶茶 呢杯嘅茶味好似更加出 同奶味好balance 同樣認為甜度輕盈就啱啱好▶︎ 值得一提係嗰日嘅珍珠發揮非常好 軟糯得嚟彈牙 唔會有硬芯 仲有淡淡嘅黑糖味 有啲驚艷 不過覺得珍珠嘅量可以多返啲🥲好味指數:●●●●◐━━━━━━━━━━━━━━━━━━━━━━━━━━━━快樂指數😋: ⑧①/①⓪⓪ 性價比: 🌕🌕🌘🌑🌑環境: N/A服務分: N/A再訪意願: ❤️❤️❤️❤️🤍━━━━━━━━━━━━━━━━━━━━━━━━━━━━每日提醒👉🏻: 珍珠口感真係睇運又睇分店 有朋友試過又發現內芯偏硬 品牌嘅品控都好重要㗎🥲…Read More

🔮鳳來蜜冰茶  第一啖飲落去,真係有驚喜,水仙桂花茶用冷泡技術泡茶,現萃茶既精華,茶味非常香濃,完全無被溝淡, 用新鮮菠蘿切成碎粒,所以食落有果脆,果蓉有豐富鮮菠蘿味, 果茶盡量用菠蘿汁既甜味,所以有種濃茶中帶點清甜嘅味道,再加上寒天菓子連埋果蓉份量都至少有1/4杯,料很足,呢個鳳梨茶,真心推薦呀！ 🔮國王珍珠奶茶  珍珠用正宗台灣黑糖炒, 黑糖味甜又香,珍珠Q彈有嚼口, 同事叫咗微甜,甜道更是剛剛好,企係等既時候一直望住店員整,全部茶既份量都量過,而且即泡的,無溝水,所以茶味真係好香濃,其實少甜都已經好夠,本身珍珠都已有黑糖,而且珍珠份量都有差唔多1/4杯,難怪一直係店家推介首位 今次去咗旺角店,位於裝修街,門口有個小休區,行街行到攰攰地,坐低歎吓茶都幾好.除咗茶飲出色,最欣賞都係個外賣包裝,用條繩吊住,拎得方便之餘,又會有種田園採茶feel,一定會回頭再試呀！…Read More

聽聞係香港最好味嘅珍珠奶茶被熱烈地推介下，終於去試左甜度有3個選擇：完美（100%）/ 輕盈（50%）/油切（0% no sugar)冰量：正常冰/少冰/熱全部嘢飲一個size🧋國王珍珠奶茶$34紅茶+厚奶+國王珍珠茶 底 好 清 香！粒粒皆珍珠，極多又非常彈牙！叫左輕盈甜度，如果叫走甜，個茶應該會再濃d😗 下次試埋我最愛嘅仙草👀🍯水仙桂花蜜 $30 水仙桂花+白花香蜜叫左少冰+少甜（50%）淡淡桂花清香味，幾潤喉，熱應該都會幾好飲總括味道：9/10性價比： 8/10…Read More

「吃茶三千— 弱水三千 只願這杯好茶獻萃給你」個名已經好有文青味，近期係旺角上海618仲有少量室外座位、將軍澳、vwalk都開左店，有啲飲品only available in vwalk好似芋泥😮‍💨😮‍💨可惜試唔到芋泥就叫左佢地熱賣嘅國王珍珠奶茶-呢間幾好係佢有得間茶底+調味，雖然會選擇困難但對我嚟講可以唔洗成日走珍珠😂😂同埋勁好有手抽，成日拎到隻手凍晒😮‍💨___ ___ ___ ___ ___ ___ ___ ✨ 國王珍珠奶茶 $30 記住要搖混，幾好飲嘅茶底，欣賞佢地本身茶底係人地店嘅70%甜，所以飲落唔會膩，奶茶係近期飲過幾唔錯嘅茶底🤩國王珍珠就係細細粒嘅，比其他店嘅細粒食落冇咁煙韌，成杯飲落唔會話好飽🤤…Read More

最近響旺角呢頭睇裝修材料店，見到呢一間店嘅戶外小花園好靚，有啲bar枱嘅餐飲區，向着街外，感覺好chill，好似好正。上網一搵，原來係一間台式飲品店，今次又路過呢頭，就心郁郁想試吓，點左一杯國王珍珠奶茶$30，其實其他飲品都好想試吓，但係飲唔落咁多杯，唯有下次再試啦。佢仲有水果茶、奶蓋、黑糖鮮奶等等嘅飲品。等咗十幾分鐘，店員會逐杯咁用機榨茶，沖調，攞完第一時間就係行出去對住街外嘅bar枱。當日係閒日，條橫街唔太多人，好寫意，感覺真係有少少似去咗旅行咁。杯奶茶有一個小手挽，係用麻繩編織嘅，仲有一個杯套，都幾精美㗎！味道就正正常常，嗌咗少甜少冰，夠奶味又夠茶味，珍珠粒粒分明，有咬口，有正常嘅台式飲品水準。…Read More

今日係wfh咗咁耐以嚟，第一日回復正常上班模式，以後要返足五日office，今日只係第一日啫，個人已經非常頹靡，頂唔順之下，chur自己快啲食完個飯盒，跑去618偷得半小時閒，飲返杯能量滿滿嘅珍奶先黑糖珍奶係固定糖度，保證夠晒energy，但又唔會死甜珍珠非常之彈牙好嚼，真真正正食到黑糖係咩味胃民就嗌咗珍珠奶茶，冇黑糖波霸咁邪惡，卻滿有茶香不得不讚收銀姐姐非常專業，胃民嗌錯「國家珍珠奶茶」，仲可以忍到笑若無其事落單，勁出面有個室外corner仔，坐得好舒服可惜lunch time不多，坐到夠鐘不捨離去…Read More