樸一拉麵

小弟我食過咁多間拉麵店，我敢肯定旺角區最好食嘅拉麵店。撲一，為咗呢篇食評小弟親身分別嚟過五次（即係排過五次隊）食哂我最期待嘅拉麵（當中海老拉麵食過兩次），小弟呢邊食評係誠意之作係開始之前，我想讚一讚店員小姐，有一次我漏咗把遮喺入面，佢都幫我keep住，勁窩心，係招呼客人排隊入去之前，好有禮貌，會預先俾定菜單排隊嘅客人睇入面舖頭唔算好大，目測可以坐到大約20人，如果夏天會比較熱，因為冷氣唔算好夠麵底嚟講有兩隻：白麵（博多），比較幼身，硬少少，適合配濃湯黃麵（東京），粗少少，比較滑，口感好啲，適合配淡湯第一碗海老拉麵好好味呀，所以我食過兩次，個湯幾濃，非常重蝦膏香味，上面亦有啲櫻花蝦乾，將成個蝦湯嘅鮮甜升華到另一個層次，非常濃郁，因為濃郁所以我選擇咗黃麵，隨湯附送一隻蝦佢有得俾你揀厚叉燒/慢煮叉燒，今次我揀咗厚叉燒，簡直完勝慢煮叉燒。我覺得海老拉麵係撲一代表作。同場加映唐揚魷魚，油溫控制得啱啱好，外面卜卜脆，入面非常Juicy，用嚟佐酒一流！想講最特別係個綠色醬汁，雖然唔知咩嚟，食落去好好味，好特別特，有冇朋友仔知道係咩醬？第二碗蟹膏拉麵同海老拉麵不相伯仲叮噹馬頭，要我揀邊碗係冠軍？真係係好困難。相比起海老拉麵，蟹膏拉麵比較清淡，一如既往，清淡嘅湯，就係配白麵，但如果你哋想濃少少，不妨將上面嘅蟹膏同蟹肉碎，撈勻落啲湯度，將成碗湯嘅蟹味昇華！好似食緊隻蟹咁隨湯附送一個蟹鉗仔，老實講，冇乜味⋯今次我試咗慢煮叉燒，俾我揀100次，100次，我都應該要揀返厚叉燒，簡直係完全兩個境界，每個人都有唔同嘅口味，可能有啲人鍾意食慢煮叉燒多啲。同場加映冷凍廣島蠔，一啲都唔腥，而且非常鮮甜，個醬汁有少少辣，用嚟作為開胃菜一流，唯一缺點係限定期間發售，所以朋友仔見到呢個食評嘅時候，應該冇得食強烈要求撲一將佢列為常規菜式第三碗魚介拉麵一飲啖湯，超濃郁鰹魚香味，口感有些少流沙質感，應該係鰹魚粉，非常重成本點解會有一塊慢煮叉燒，一塊厚燒叉燒？因為師傅話嗰塊厚燒叉燒，份量比平時細，所以送一塊慢煮叉燒俾我，好佛心有良心特別嘅係竹筍吸收晒啲鰹魚味道，而且非常爽口，上面嘅木魚片撈埋啲湯飲，木魚mix鰹魚，味道非常好。同場加映黑松露魚餅，作為小食係非常高分，魚餅炸到好熱，而黑松露醬係凍凍地，黑松露配魚餅真係第一次食，呢個組合意外地夾，出乎意料好食最後一碗豚骨拉麵豚骨拉麵港人至愛，但點樣可以喺云云豚骨拉麵之中脫穎而出？撲一拉麵做到。其實個湯底做到好香豬骨味，再加少少豬油脂肪，令到成件事好「豬」就得㗎啦，起碼有人會記得你，比其他豬骨湯特別，啲湯再配埋啲脂肪，好順滑，用條脷頂一頂，啲豬油香出晒嚟總括嚟講：撲一拉麵全部菜式都係高水準水平，個人認為唔應該賣呢個平民價錢添，不論係師傅對客人嘅態度，因為塊叉燒份量少咗，加多另一塊慢煮叉燒俾你作為補償，淨係呢個做生意嘅態度，喺香港仔邊度搵？似日本嗰啲匠人精神，而且侍應小姐都非常有禮貌，價錢平，不在話下，食物嘅質素先係重點。佢係香港所有拉麵店之中，係我心目中嘅top 1。我好少會讚到一間拉麵店咁好，亦都花咗好多心機去打呢篇食評，我唔係打手賣廣告，一蚊都無收過，撲一拉麵，你值得的。Hong Kong deserves the best last forever.…Read More

喺旺角話提起女人街.無人唔會話唔識.喺呢條街共有三至四間拉麵舖.相信最好食都係這間人龍店🚶🏻‍♂️👉📌樸一拉麵 (旺角)旺角通菜街1A-1L號威達商業大廈地下H號舖喺呢個競爭環境之下有幾間對手.想突圍而出.喺相當困難嘅事.這店可突圍當然有佢哋秘訣.食物品質加埋誠意/耐心/製作最後還要有服務.決一不可.這店屬於小店.座位唔多.只有20個位左右.座位坐落亦都算舒服.佢哋出名係慢煮叉燒.叉燒有分厚切及簿切兩種.厚切一件.簿切有四片.我哋係食晚餐.好在唔使等好耐已經可以入座。今晚點餐如下：1. 蟹膏叉燒拉麵 X1 $96 元2. 醬油叉燒拉麵 X1 $82元3. 唐揚魷魚 X1 $38元4. 無糖可口可樂樽裝X1 $10元5. 可口可樂樽莊 X1 $10元…Read More

週末下午兩點，有小人龍，等候約十分鐘。一上枱，已經立即聞到海老香🥰。豚骨湯頭，添上甜蝦頭油，湯底濃郁，最配掛湯博多。口口都有海老香，混和櫻花蝦，味道更鮮🤩。味玉有漂亮的橘黃，有蛋甜，口感綿綿❤️，值得加配。魚介香濃，甚至比海老更稠，風味延續強，餘味綿長。當日厚叉燒售罄，想嚐的就要更早到了。慢煮叉燒有四塊，厚薄適中，肉嫩有香 。魷魚夠新鮮，腍中帶爽。炸粉沒均勻，但勝在夠薄夠脆👍🏻，而且入口不油膩。另附的醬料，有點像較清新的他他，味道幾夾。湯頭五花八門，暫時試的這兩款都做得不錯。急不及待想試勻每一款！😋😋…Read More

回顧上星期我在銅鑼灣的感受吃到一碗樸一拉麵加蛋 超級滿足 做位樸一打手 肯定要支持唐掦魷魚下單後看到廚房才馬上去炸有調味過的沙拉醬 酸甜中幫到炸物解膩魷魚沒有剪斷 整條口感比較好炸粉不多 有嚼勁另外有鮮味辛辣拉麵濃滑的豚骨湯頭 加入味噌和辛辣醬雖然有帶辣度 但程度只是辛口感覺喝湯頭時 辛辣味是開頭已經感覺到到尾餘就是味噌叉燒和細麵條 很搭配湯頭叉燒帶辛味 會讓肉類帶有微沖擊蟹膏拉麵蟹肉醬放在一旁 和湯頭混合後覺得蟹肉味道不濃厚 覺得海老略勝一籌配料有薄叉燒 和蟹鉗蟹肉嫩 不到鮮肉飽和薄叉燒泡在湯頭裏 更入味嫩滑口感 有肉香溏心蛋有酒香 蛋濃 我的最愛…Read More

見到拉麵關注組推介，二話不說黎試試佢先～ 星期日約18:10黎到，咁啱坐滿晒人，要等頭圍食完先入得。成四十度高溫，而附近又咁多美食，真係少啲定力都唔得。等左大約15分鐘終於有位！好感動，拉面舖黎講佢都算多位，有20個左右。我地每人叫左一碗魚介拉面+厚叉😋 員工好細心提醒厚燒會較肥，但食拉麵嘅叉燒係要多肥肉先香嘛😌我地坐吧枱位置唔係好夠冷氣，但就睇到師傅製作過程 — 叉燒浸過秘製醬油，再用火槍逐塊燒到微微帶焦，逼晒啲油香出黎😍 叉燒真係超厚肉，對我黎講肥瘦均勻，一啖咬落去有肥有瘦，好好食🥹 推介大家一定要試，食完番唔到轉頭而個湯底都係好濃厚好好食，見佢廚房煲湯底係熬煮到奶白色。 而麵質同份量都啱啱好😋而唐揚魷魚都好食，個醬酸酸地好開胃，好少見拉麵舖有炸魷魚食😋…Read More

凍凍地想食個拉麵暖下胃，下午行過女人街見到呢間拉麵店門口有個牌寫住可免費加麵比佢吸引咗入到去裝修都幾舒服，坐低睇menu，有多個湯底選擇叉燒、配菜、麵類及麵的硬度都可以自己選擇叉燒可以揀慢煮/厚燒，但當日厚燒賣哂，所以只可以試到慢煮叉燒。麵的硬度就揀咗普通~《海老湯底慢煮叉燒拉麵》$90呢個係兵仔食過最濃蝦味的湯底，有一隻牡丹蝦刺身，好新鮮好入味，另外仲有好多櫻花蝦&木耳，令到整個麵都好入味，每一啖都食到鮮蝦濃湯味慢煮叉燒好淋而且唔肥膩，而且份量都多，可以值得一試！《蟹膏湯底慢煮叉燒拉麵》$92出面的拉麵舖好少用蟹膏做湯底，所以想特別試下，除了叉燒，仲有蟹柳、蟹膏、用蟹熬製的油，撈勻湯底後試一啖係好驚喜湯底非常鮮甜惹味，食到啖啖的蟹味🦀《唐揚魷魚》$32 +《炸餃子》$28兩款炸物都好出色，份量亦唔少，炸魷魚配埋蛋黃醬一齊食更加出色炸餃子炸到外脆又好多肉汁，配埋佢地個獨家甜甜地的醬汁好好味😋《信州蘋果梳打》$24食完個拉麵配埋呢個日本直送嘅蘋果梳打，簡直係人間天堂好似帶你去咗轉日本咁，佢仲有其他唔同口味嘅梳打，大家都可以試吓~頒發軍階：元帥🎖🎖🎖🎖🎖…Read More

嘩實在太掛住日本啲拉麵啦，今日出旺角行街，原來而家西洋菜街開咗好多細細間嘅食店，就因為太掛住日本，所以見到呢間「樸一拉麵店」不用多說即刻排隊入去惠顧，好在早一點食，遲啲門口便要排隊等候同朋友一起，分別叫咗兩個不同嘅拉麵及兩款小食。同朋友一起，分別叫咗兩個不同嘅拉麵及兩款小食個拉麵佢哋真的很跟日本一樣可比選擇硬度，湯底也有很多選擇，我和朋友都一樣叫了厚燒叉燒，咬落口淡淡肉汁也非常有口感，你愛我就加倍了糖心蛋，一咬開蛋黃汁慢慢滲漏出來，十分之爽至於小食我哋就叫左「黑松露炸蝦&唐揚魷魚」雖然是炸物，但係也仍保持原有的肉味飲品就有很多不同的梳打味提供選擇…Read More

呢間餐廳嘅店主係拉麵行業工作接近10年🇯🇵店內嘅6-7款湯底都係自己親身準備，包括備料、氽水同熬煮🍲每日份量有限，售完即止😯💗午市小食每日贈送醬煮骨🍖 以秘製醬汁炆煮，帶甜醬油香，非常入味。不過肉質略為粗嚡，而且軟骨部位太硬☹️💗魚介濃湯厚燒叉燒東京拉麵+ 糖心蛋 ($99)湯底用上接近50斤豬骨、雞殼、蔬菜等熬足7-8個鐘🦴然後加入幾種魚仔同魚粉，魚香層次豐富，每啖帶鮮甜嘅魚味🐟；厚燒叉燒揀選五花腩部位，以秘製醬汁慢煮8個鐘，再用火槍燒至焦香。肉質肥瘦相間，入口鬆化即溶，油脂豐富🐖；東京黃身粗麵口感較煙韌🍜；配菜有爽脆嘅木耳絲同芽菜，用秘製葱油炒過🥬；日本溏心蛋用上昆布同秘製醬汁醃製，蛋黃流心甘香🥚💗蟹膏濃湯慢煮叉燒博多拉麵  + 糖心蛋 ($105)以豚骨湯底做基礎，混入日本來貨嘅蟹膏，麵上再放多羹蟹膏同蟹柳絲，啖啖甘甜鹹鮮，蟹味特別濃郁🦀；慢煮叉燒薄切後肉質依然柔軟嫩滑，肉味鹹香🐖；博多白身幼麵掛湯力較強🍜💗唐揚魷魚($28)魷魚炸得金黃酥脆，肉質彈牙鮮味🦑💗涼拌菠菜 ($20)菠菜清爽冇澀味，加入木魚絲同麻油增加香味🥬…Read More

下班經過這間店，平日的晚上，店外總是排滿人，這次約了友人一起試試這間拉麵店的拉麵。店內有吧台座位和普通座位，位置不多，牆上掛了少許裝飾，晚上十分熱鬧。點了一碗海老拉麵($90)，選了普通的濃淡度、慢煮叉燒、木耳、軟麵。個人覺得選「普通」的濃淡度，味道已很足夠，因為拉麵本身有大量櫻花蝦，櫻花蝦的鹹度也會增加整體的鹹度。慢煮叉燒是薄片的，有點像薄火腿，頗軟滑又帶點微微煙韌。木耳非常爽脆，配另一種爽脆度的櫻花蝦很適合。麵條還可選東京黃麵和博多白麵，這碗博多白麵的比較爽口，有點像平時吃的幼麵而沒有皂水味。爽口海老放在拉麵中間，配上鹹湯頭，整體味道濃郁香口。至於蟹膏拉麵($92)，選了濃湯、厚燒叉燒、芽菜、普通麵硬度和東京黃麵。蟹膏拉麵的味道相對柔和，友人比較喜歡這款。一點蟹膏配一口湯喝，蟹味更鮮。厚燒叉燒厚度足，除了能嚐到叉燒扎實的口感，還嚐到入口即溶的嫩滑，在味道和口感上都比慢煮做得出色。東京黃麵與博多白麵的口感差不多，掛上湯底後，東京黃麵的味道更出色。看見附近的人大多點博多白麵，似乎兩款也有其特色之處。小食唐揚魷魚($28)，小食份量適中，魷魚本身非常鮮爽，搭配酒類一流，建議可減些少用鹽，配同是鹹味的拉麵吃便會更適合。…Read More