Ramen Cubism (Wellington Street)

立体派拉麵是我有bookmark的一家拉麵店，但一直未有特意前往。剛好這次和朋友在上環處理事務後，便行過來立体派拉麵吃晚餐。店舖門口在一條小巷，我們都錯過了路口，走回頭幾步，到了路口，下幾級樓梯才到達拉麵店。主餐牌分別有5款拉麵及1款沾麵為常設選項，當中的特級白湯拉麵和九味醬油湯拉麵均是主廚推介。選了前者，是曾經獲獎的一款拉麵，湯底以有機飼養的京都丹波地雞及籠目昆布精製而成，先試湯頭，濃郁鮮味，清爽不油膩。配料有低溫慢煮叉燒及溏心蛋，3大片的叉燒肥瘦相間，口感柔軟，有微微炙燒香氣。溏心蛋的蛋黃呈橙紅色，富蛋香，稍嫌略略熟了一點，不夠流心。拉麵麵條彈牙又掛湯，份量十足，吃完一整碗拉麵好夠飽肚！火炙豚肉擔擔沾麵，朋友選了Level 2的辣度。沾麵汁是以濃郁雞白湯與芝麻味增醬熬製而成，而辣醬是以秘製辣椒油混合3種辣椒所製，我和朋友都覺得Level 2的辣度已好夠辣！沾麵的麵條較為粗身，口感煙靭又掛汁。4大片的叉燒，味道微甜濃郁，但口感沒那麼柔軟。唐揚脆炸雞，炸雞大件，脆漿厚薄適中，新鮮熱焫炸起，皮脆而肉嫩多汁，微微鹹香，擠些檸檬汁及沾些蛋黃醬就更為滋味！店門隱蔽的一家拉麵店，由麵食以至小食都很好吃，份量又夠飽肚，值得再來試試。…Read More

見到網上有介紹呢間日本過江龍拉麵店《立体派》嘅雞白湯非常出色，就決定嚟試吓。睇番網上資料，佢個雞白湯係用咗日本米鴨、京都丹波地雞、昆布、日本各地近四十種味噌等材料熬製而成。淨係睇介紹已經好吸引，所以趁收工就即刻走去試下呢個咁利害嘅拉麵。佢店嘅位置唔易搵，我行咗唔少冤枉路先搵到，嚟到都唔少人等位，但為咗食呢個好期待嘅拉麵，唯有耐心等候。等咗15分鐘左右終於有位坐，我點咗招牌嘅《特級白湯拉麵》同一份《唐揚脆炸雞》。到拉麵上桌，第一時間就係試佢個湯底係咪真係咁正。立体派嘅雞白湯相信係我飲過最正嘅湯底，味道非常濃郁，濃郁得嚟亦帶清甜嘅雞香味，而且麵係掛汁，麵嘅軟硬度適中，最後要飲哂個湯，先對得住呢個咁出色嘅拉麵。《唐揚脆炸雞》皮脆，雞肉嘅肉質鮮嫩，冇果陣雪藏味，但始終雞白湯拉麵嘅鋒芒太勁，少少後悔唔叫多個麵試下，雖然感覺上係有少少誇張，但始終唔係經常嚟嘅地方。…Read More

𝗵𝗼𝘄 𝗱𝗼 𝘆𝗼𝘂 𝗹𝗶𝗸𝗲 𝘆𝗼𝘂𝗿 𝗿𝗮𝗺𝗲𝗻? 𝗰𝗿𝗲𝗮𝗺𝘆 𝗰𝗵𝗶𝗰𝗸𝗲𝗻 𝗯𝗿𝗼𝘁𝗵, 𝘀𝗼𝗳𝘁 𝗯𝗼𝗶𝗹𝗲𝗱 𝗲𝗴𝗴, 𝘀𝗹𝗼𝘄 𝗰𝗼𝗼𝗸𝗲𝗱 𝗽𝗼𝗿𝗸 𝗯𝗲𝗹𝗹𝘆 𝗮𝗻𝗱 𝗮𝗹𝗹, @ramencubism '𝘀 𝗿𝗮𝗺𝗲𝗻 𝗶𝘀 𝗲𝘃𝗲𝗿𝘆𝘁𝗵𝗶𝗻𝗴 𝗶 𝗻𝗲𝗲𝗱😋.天氣轉涼就係想食返碗暖粒粒嘅拉麵，之前食過 @ramencubism 幾好食所以又再返兜，因為佢碗白湯拉麵真心正，雞湯超濃郁又夠濃稠，飲完成碗都無口渴仲要唔太油～ 另外醬油拉麵跟嘅叉燒都用醬油醃過，肉質軟稔入口即溶🤤 最鐘意佢哋嘅筍爽脆清甜，出面真係食唔到！…Read More

今日朋友帶咗我過嚟食中環呢一間隱世拉麵🫣 立体派拉麵 地點真係有啲隱蔽 喺元益大廈地庫 不過都好易就搵到😌 坐低睇咗Menu 都有唔少拉麵嘅選擇咁喜歡食辣嘅我 見到呢一個辣味噌拉麵就好想試啦😋 同埋呢一個啲人話個湯碗大過個頭嘅拉麵 好適合打卡🤣 好快就落咗單啦 跟住店員就拎咗呢個圍裙俾我哋 好細心🤗 富士山櫻花可樂 $28富士川町柚子汽水 $28 柚子酸酸甜甜好清新 櫻花可樂好夠氣又好靚 兩個樽都好好打卡😇 唐揚脆炸雞 $48店員一拎上枱嘅時候真係好香 雞肉嫩滑多汁 炸得脆身香口 加咗檸檬汁再點少少蛋黃醬好夾 大和妃子雞免治肉丸辣味噌拉麵 $158嘩 好誇張多芫荽😂😂😂 喜歡食芫荽嘅朋友就有福啦😆 先試一啖佢嘅湯 辣度適中 我食開辣就覺得唔係好辣 但佢真係好濃郁同埋好香🤤 拉麵軟硬度適中 因為個湯濃郁所以每一條都可以掛住啲湯嚟食 好好味😋肉丸正常好似仲有少少雞軟骨喺入邊 芝士丸係爆漿 勁多芝士喺中間🤤重點推介！糖心蛋真係非常出色👍🏻 必食！ 特級白湯拉麵（大）$118呢個拉麵朋友叫咗大嘅份量 一拎上枱真係心入面嘩咗一聲😂 超大個碗 仲有3塊勁大嘅叉燒🤩 有少少煙燻過嘅叉燒好出色 白湯嘅湯味濃郁 拉麵軟硬度適中 亦都係有糖心蛋 都好好味😋 亦都適合打卡😝 整體來講 呢間立体派拉麵 拉麵湯底不錯 環境舒適 店員服務都好好 而且佢間唔中更新Menu 下次再嚟睇吓佢有冇啲咩新嘢食先😙…Read More

疫情擾攘咗差唔多半年都仲未過去，想去日本避暑都凍過水，冇飛機搭咪地鐵囉，一樣去到日本嘅⋯⋯餐廳入面裝修咁有mood，同去轉日本冇咩分別啫用檸檬吊一吊味，再點吓沙律醬，炸雞即刻再進化，變成更美味嘅炸雞用雞腳雞骨熬製嘅白湯，清得嚟又濃味，溏心蛋又嫩滑，大胃不行了叉燒奇滑無比，同湯底渾然一體海體湯亦係極之不得了，唔係鹹，而係鮮，係海洋歷練嘅味道麵都唔會太腍，夠爽大胃嚴正警告胃民唔准拋棄肥肉，一定要食埋佢，唔食包你後悔雞軟骨餃子都相當有趣第一次拉麵送可樂記得落一落樓梯先到門口呀…Read More

沿住威靈頓街直上，見到大阪冠軍級拉麵大師林隆臣畫像後，轉右落樓梯就黎到立体派。立体派主打新派創作拉麵，務求滿足視覺同味覺。落單後，侍應送上碗仔比我同朋友分享。呢碗就係贏過多項日本拉麵比賽冠軍ge黃金味噌拉麵。第一眼望落去以為係過橋米線，d料多到滿瀉。先試啖湯，甜中帶辣，非常濃厚，充滿北海道風味，原來湯底用左免治豬肉、蒜頭、醬油、砂糖同牛奶等多種食材餚製，唔怪得咁有層次。中間ge辣肉醬有d似炸醬，撈完之後味道唔太突出。叉燒新鮮腍軟，都有好幾塊。腐皮褔袋好大袋，入面有蔥、生薑、粉絲同蒟蒻，盡吸湯底精華。麵條爽彈，份量頗多，食到勁飽。呢一碗特濃白湯拉麵賣相較簡單，係一般拉麵ge拉闊版。湯底香濃帶胡椒香，但鹹左少少。呢碗ge叉燒比黃金味噌果d更薄勁掛汁。溏心蛋夠晒入味，出色。皮脆肉嫩，唔會成口油，一定要加檸檬汁提鮮。餃子香脆，雞軟骨咬落無預期咁爽口。我飲白，清新順滑帶果香。朋友飲黑，溫和帶烘焙氣味。…Read More

金秋十月，天高氣爽，最適合喝點熱湯，吃碗拉麵暖飽肚子，位於中環的Ramen Cubism立体派最新呈獻季節限定的時令海鮮拉麵──「原隻龍蝦拉麵」，前幾晚我都已經急不及待要來嚐鮮。Ramen Cubism立体派由日本冠軍級拉麵大師林隆臣於香港創立的拉麵品牌，自今年一月在中環威靈頓街開設旗艦店以來，人氣持續高企，中環店面面積較細，座位不多。餐牌亦是獨沽一味賣拉麵為主，但湯底選擇都比之前年頭來時增添了多幾個新款，為傳統拉麵帶來新穎變奏。最新推出的原隻龍蝦拉麵由每日下午3時開售，而且每日僅限量供應六碗，一場來到有緣碰上又怎能不點？！想試的朋友記得預早光顧啊！原隻龍蝦拉麵 $298以原隻300至380克重的龍蝦入饌，一上枱就已是霸氣盡現，視覺上效果搶眼而震撼。獨享一整隻龍蝦，份量澎湃，非常足料，而且早已貼心地切粒，吃時更加方便衛生，不怕會弄髒雙手。龍蝦膏夠飽滿，我作為一個龍蝦迷，啖啖肉吃得甚為滿足。龍蝦肉質鮮爽彈牙，混合秘製芝士醬和檸檬汁，更加惹味無窮。湯底搭配品牌人氣海體醬油湯底炮製而成，由大量貝類海產注以九款日本醬油調味，配以上等鰹魚乾、職人採摘的籠目昆布及來自大阪的葱一同熬製而成，湯頭色澤深而清澈，鹹香輕爽，呈現優質海鮮獨有的誘人鮮味。配上粗身曲麵，掛湯力更強，口感爽彈煙韌，麵量對女生來說已經十分飽足。雙．禁果之鹽拉麵 $138由京都匠人精心設計的雙子8字碗，造型創新趣緻，顛覆傳統拉麵在麵碗設計上的一成不變，獨特設計別出心裁，讓熱力不會傳過冷麵，一次過品嚐冷熱鹽味拉麵，每小時限定供應兩碗，售完即止。禁果之鹽熱湯底以海鮮鹽醬汁以四種甲殻類的精華製成，堪稱「生命之水滴」，搭配優質手工海鹽、清酒、帆立貝丶花蜆丶大蜆丶北海道產的真烏賊及乾貝等。芳醇的熱湯頭，鹹度適中，滲出微辣的後味。禁果之鹽冷湯底以林隆臣絕密的拉麵調味配方完美打造，特別選用頂級魚貝類配以林隆臣的自家秘製醬油，冷湯拉麵即使在日本當地亦甚罕見。冷湯底配以粒粒脆感、晶瑩剔透的三文魚籽，瞬間在嘴裡爆開鹹鮮滋味。冷湯頭呈現透明感，浮着薄薄的油脂，入口冰涼清爽，解膩開胃，而且當麵條放在冷湯內，口感更加QQ，今次是首趟嘗試冷拉麵，想不到會有意外驚喜呢！配上較為厚身、直徑10厘米的烤叉燒，肉質軟嫩不死實，油香四溢。自家製番薯脆波波 $38番薯脆波波炸至金黃，外脆內軟，真材實料，香甜粉糯。蕃薯波質地密度高，蕃薯味濃，就如蜜糖般溢出來天然甘甜。 唐揚脆炸雞 $38吃拉麵總是不忘配上一盤唐揚炸雞，即叫即炸脆卜卜。外皮炸得乾身不油膩，香脆的外皮和嫩滑多汁的雞肉互相結合的絕妙口感，一口咬下肉汁滿溢。飲品選配了兩枝綠茶和烏龍茶 $28。…Read More

由日本冠軍級拉麵大師林隆臣創立的拉麵店「立体派」，數月前進駐香港開了「立体派」第一間海外店。從中環蘭桂坊翠華附近、蔡瀾越南粉旁，沿著畫滿壁畫的小巷走，就會來到拉麵店「立体派」。這日再訪，發現「立体派」的menu款式選擇豐富了不少。其中最吸引我的就是每日下午5時半後限定供應的新創作「鯖魚湯香菇野菜海蝦拉麵」，另外還有多款同樣由每日下午5時半後開始供應的新推出小食。「鯖魚湯香菇野菜海蝦拉麵」($98)的湯底配搭蠻特別。以日本鯖魚與昆布熬製成，加入虎蝦、紅椒絲、大葱、黃芽白、金針菇及冬菇提味，湯底鮮味濃郁而清爽，aftertaste帶點點微辣，而且湯飲起來一點也不油膩、亦不帶半點魚腥。每客「鯖魚湯香菇野菜海蝦拉麵」拉麵都會配上3隻鮮甜大海蝦，拉麵麵條爽彈，配上鮮味無比的創意湯底，大推介！這次也點來「關東煮」($68)及「唐揚脆炸雞」($38)2款小食。一客「關東煮」包括竹輪、魚餅、蒟蒻、炸豆腐雞蛋和大根等，難得入味得來鰹魚湯又不會過濃，屬較清新版的「關東煮」。沒想到「立体派」的「唐揚脆炸雞」做得如此高水準。日式炸雞炸得外層香脆，雞肉滑溜juicy，愛香口小食的朋友都不要錯過！…Read More

由兩位日本拉麵大神林隆臣和松村貴大所創辦的立体派在香港開業一段時間，但人氣依然強勁，大排長龍，相信一眾的拉麵迷和我一樣，想一嚐傳說中的創意拉麵。店外牆壁上繪畫多幅壁畫，當中更有兩位立体派的創辦人肖像，而這些壁畫均出自於藝術家Sergei Rozhnow之手，未吃拉麵前可以跟壁畫合照打卡消磨時間。立体派店內奉行簡約風格，以木材為主調，感覺自然輕鬆。看看拉麵的餐牌，一共有六款拉麵可選，當中兩款廚師推介甚為吸引，均由兩位創辦人創作而成。海體醬油湯拉麵映入眼簾的是琥珀色的湯頭，淡淡的醬油香撲鼻而來，第一口湯先嚐到微微鮮鹹，不一會口腔又有一番醬油的甘甜，湯底味道無窮變化，不少得九種特級醬油彼此互相融合的功勞。至於麵條亦是一大特色，口感極為煙韌彈牙，比一般拉麵更具嚼感，原來拉麵都是立体派自家製造，整碗拉麵製作真的一絲不苟，別具心思，令人驚喜連連。拉麵配料方面，有筍，京蔥及汁煮厚切叉燒。原條的汁煮厚切叉燒極有厚度，光是份量已引人注目，叉燒經醬油慢煮後醬香徹底滲透當中，非常入味。肥瘦相間的叉燒軟腍不膩，入口即化，口齒留香。傳統關西風關東煮湯底零味精，全是天然的鮮美，獅子狗煮得恰到好處，彈性十足，蒟蒻更是爽彈無比。雞蛋和蘿蔔吸飽湯汁，清甜味美，這就是簡單的日式美食。唐揚脆炸雞蠻大塊，外層炸得金黃酥脆，有股特別的香氣，而內裡雞肉滑嫩極致，肉汁豐盈，在口腔流竄不絕，擠上檸檬汁的脆炸雞倍添可口滋味。特級白湯拉麵有別於常見的豚骨湯底拉麵，使用鮮雞燉煮出濃郁的雞湯，如同牛奶般的雪白湯底，令人食指大動。湯頭蘊含著雞肉熬出的濃郁鮮味，不會膩味，而浸潤在雞湯裡的拉麵很有彈勁。另外拉麵附上三片的低溫慢煮叉燒粉中帶白，足見它的細嫩，肉味濃重，脂香無窮。…Read More