A.T.A.S

喺銅鑼灣搵到間隱藏喺樓上嘅Fusion新加坡菜，裝修風格清新舒服，綠配白嘅色調，價錢合理，服務貼心，會主動關心客人食嘢嘅狀態，好適合附近返工返學嘅人當日常飯堂！ .而家買兩個午市套餐，第二個有7折優惠，超抵食！.🌟新加坡排骨蝦麵 可以揀湯麵或者撈麵，又可以揀米粉、油麵或者雙拼，蝦肉新鮮彈牙，排骨肉多又嫩，燉到輕輕一夾就骨肉分離，份量十足！湯底蝦味濃郁但唔會過鹹，加埋通菜，爽脆清甜，多重口感，食到好滿足！ .🌟肉骨茶 排骨份量多，燉到筷子一掂就散，肉質嫩滑又吸晒湯汁，湯底胡椒味超濃郁，配油炸鬼浸湯三秒，吸滿精華，外軟內酥，超夾！白飯乾身粒粒分明，加湯撈飯一流！ .🌟咖椰吐司 經典南洋早餐，多士烤到脆卜卜，夾住冰凍牛油，一咬落去咖椰醬香甜濃郁，同微鹹嘅牛油完美融合～外熱內冰、外脆內滑嘅口感超邪惡，好食到停唔到口！ …Read More

每次講起新加坡菜都會諗起呢間餐廳😋因為香港好多馬來餐廳，但係正宗新加坡菜就好似比較少🤔今次weekday lunch嚟食，套餐都幾抵， $88有個主同埋嘢飲，仲可以加錢追加小食🤤 - Lunch set-喇沙：$88味道勁香濃，好香椰漿味，亦都因為係正宗新加坡味，所以好夠辣🌶️麵係用左油麵，材料好豐富，有好多豆卜、魚蛋、魚片、蝦、蛋啲蝦好大隻👍🏻👍🏻魚蛋亦係新加坡魚蛋，好彈牙！ - Lunch set-肉骨茶：$88好特別嘅肉骨茶，因為加左蘿蔔，味道mild左，入口冇咁辣，但都有好香嘅胡椒味，食完唔洗怕太躁👍🏻 - 小食- 黃薑炸雞翼：$22雞翼炸得勁脆！就算擺耐左都係勁脆！鐘意香口野嘅人唔好錯過🤓 - 小食-咖椰吐司：$38用左正宗嘅黑麵包，烘到好脆口😋中間有好邪惡嘅好大舊牛油同咖椰最正係雪到凍冰冰！夏天食一流🤤 味道：🤤🤤🤤🤤🤤/5性價比：🤤🤤🤤🤤🤤/5…Read More

回頭度🍪7.5/10｜人均消費💰~$100-150-白色為主嘅裝修 已經比人一種舒服嘅感覺🤍今次就叫咗$88平日午市套餐😋包一款主食🍴同飲品☕️-🤍板麵 $88麵質闊得嚟有啲煙韌🍜個湯有啲奶奶哋嘅感覺配上半熟蛋🍳口感豐富仲有冬菇肉丸🐽菜心🥬魚乾🐟清淡健康又特別🥰味道🌕🌕🌕🌗🌑-✨咖椰吐司（+$38）多士烤得好脆🍞有黑糖味裡面嘅咖椰同鮮牛油熱辣辣🧈好邪惡 好好食🤤味道🌕🌕🌕🌕🌑-🤍喇沙 $88佢有米線同米粉油麵可供選擇咁今次就揀咗米粉油麵🤩湯底偏辣🌶️配料都有唔少有魚蛋魚片豆卜等等😍由於當日肚痛 所以食得一啖🥲所以評分都係根據朋友形容味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌗🌑…Read More

星期一同朋友去銅鑼灣A.T.A.S食lunch。我地叫左2個Set Lunch share食。喇沙揀左mix既粉麵，即係粗麵同米粉，配料有魚片、雞蛋、豆卜、蝦、魚蛋，好豐富，味道微辣。沙爹米粉加$10，份量好多，食完好飽，有大量既沙嗲醬，撈左好多花生粒，有咬口同香口左，配料就有蝦、魷魚、豬肉、豆卜。咖椰吐司Lunch set加$38有既，吐司搽左咖椰醬同牛油，好邪惡，甜度適中。飲品叫左美祿爆炸同斑斕奶茶，兩杯賣相都唔錯。…Read More

〰️唔少打工仔係附近放飯，平日午市套餐都幾多選擇，+$38小食高質不妨一試😋〰️🌟辣椒板麵評分: 4/5辣醬(XO醬)豐儉由人，好鮮甜惹味。撈埋魚仔乾一齊食，脆脆口感好得意，簡直岩哂唔食得辣嘅你。午市份量都多，兩個女仔share或者男仔都夠食🥰〰️🌟咖椰吐司評分: 4/5午市小食加$38一份，大大舊牛油🤤上枱仲暖暖地，烘底麵包脆口，食到最後都有咖椰醬👍🏻下次想試埋咖椰爆醬～〰海南雞飯️玫瑰露美祿玫瑰青檸水〰️環境: 3/5服務: 3/5地點: 4/5〰️#fat_factor_香港#fat_factor_銅鑼灣#fact_factor_新加坡菜…Read More

@atas_hk stands for a taste above shiok, which means more than just delicious in singlish 🇸🇬 serves an array of classic singaporean and popular hawker centre dishes 🥢 elevated flavours from cultural diversity, fusing malay and chinese flavours in singaporean cuisine 💫@atas_hk 味道高於 “shiok”，新加坡英文意思 不僅僅是美味 🇸🇬 提供一系列新加坡經典和受歡迎的星加坡熟食中心美食 🥢 從新加坡多多元文化 將馬來和中式味道融入新加坡菜 💫🦀 辣椒螃蟹 chilli crab HKD$568蟹肉鮮甜 辣椒醬醇香惹味 帶點微甜 搭配四粒炸饅頭 外脆內軟 吸晒醬汁 好滿足店員還好細心 給了我們濕紙巾和手套🦐 麥片老虎蝦 cereal tiger shrimp HKD$188老虎蝦大隻 厚肉結實鋪滿麥皮 酥脆香口 鹹鹹甜甜 陣陣奶香 🍤 鮮蝦五香卷 shrimp ngoh hiang HKD$58外層腐皮酥脆 裏面鮮蝦彈牙 馬蹄爽口 五香味香濃 配泰式辣醬 香脆滋味🍢 沙嗲串satay skewers HKD$68可以揀四串牛雞羊 揀咗牛同雞各兩串香料味較重 沙嗲醬花生味香濃🍳 月光河粉 moonlight horfun HKD$118黑醬油濃郁 炒得有鑊氣把中間生蛋黃 (月光) 和炒粿條撈勻令河粉濕潤順滑 提升香氣 好滿足🍖 咖啡骨 coffee ribs HKD$128肉質軟腍 容易離骨咖啡好入味 濃香帶點甘苦🍞 咖椰吐司 kaya toast HKD$38吐司酥脆 厚厚一層濃香咖椰 配牛油 香甜順口🍫 玫瑰露恐龍 bandung dinosaur HKD$48美祿香濃 散發淡淡玫瑰花香鋪滿美美祿 整杯粉紅色好靚🌱 斑斕薏米水 pandan barley HKD$28薏米超多 煙韌有咬口陣陣斑斕香氣 清甜養生 📍銅鑼灣邊寧頓街9-11號登龍閣地下C2號舖🇭🇰…Read More