Kobekyu (Bartlock Centre) (Closed)

自從有次食過呢到嘅忌廉烏冬後，偶然都會再去食，實在太特別😆🍬呢到主打日x韓國菜，個人覺得吉列牛同招牌忌廉咖哩烏冬都好特別🍬環境望馬場，坐得舒服🥟雞軟骨餃子 $48- 餃子皮脆口之餘，入面粒粒脆軟骨，好有口感🍲 咖哩忌廉烏冬（雞肉）$88- 超級吸睛，面層鋪上一層foam狀忌廉cream ，配上甜甜咖哩同洋蔥，撈上彈口烏冬一齊食，啖啖滿足🦪廣島蠔蝦蟹籽釜飯 $128- 一打開熱辣辣，撈上好多粒蠔、魚子、蝦等，幾香口飲品方面，淡淡玫瑰香soda嘅rose garden係我fav。下次再來食～…Read More

去時代廣場果邊，好似淨係識係food court 搵食😅，今次行去後街百樂中心，果度原來好多食店😯，真係大鄉理🙈。見到有個忌廉烏冬😳，好得意，咁就試下啦😆。(套餐2)吉列牛定食 $256🧆吉列牛定食吉列唔係平時食開好厚好鬆果啲，佢個炸漿有調味，牛有牛味。吉列牛嚟到要自己再係爐仔度煎一煎。自己決定生熟度，啱晒同人share，鐘意生啲又得，鐘意全熟都得😆。🍜咖哩忌廉烏冬--雞肉好期待忌廉烏冬，外型好滑溜，白雪雪，原來咖哩係下面。日式咖喱本身唔辣，配上忌廉比想像中夾，淡淡嘅咖哩伴烏冬，無平時食咖哩果種濃烈感，反而清淡易入口，唔覺意湯都飲晒😋。🍹套餐有飲品可樂，忌廉🥚小食叫左秘製蛋卷 $68芝士控必叫，好味😋。蛋皮薄身，入面包住厚厚嘅芝士，即食時唔覺有拉絲，蛋香加埋溶芝士係絕配，涼左食有拉絲~😍。如果蛋再厚啲，我諗會更好食🤤。💚題外話：有位著西裝嘅哥哥仔送餐，而且上菜好有高級餐廳感，有禮又友善，同另一位員工衣著好大對比🤣🤭。📍吉列牛忌廉烏冬專門店 (百樂中心)銅鑼灣耀華街3號百樂中心22樓…Read More

餐廳：吉列牛忌廉烏冬專門店地點：銅鑼灣耀華街菜式：韓國野（吉列牛忌廉烏冬）餐牌：午餐，主食，Combo，釜飯，涮涮鍋，小食同飲品。落單用QR code。基本上落完即刻就有得食啦。招牌吉列牛定食包吉列牛定食同咖哩忌廉烏冬等等，價錢$256另加一。吉列牛定食吉列牛擺得靚靚，一共有兩大塊切成15細件，方便自己再加熱。吉列牛既吉列外皮炸得香脆，牛肉入面大概三成熟，然後可以自己喺枱上爐仔燒到自己鍾意嘅熟度先入口。我先試試唔洗燒先，食落都外脆內嫩，好易咬開，好好味，加埋蒜蓉mayo一齊食，口感更滑溜，正。燒熟d先食都得呀。除左蒜蓉mayo，都有甜酸燒肉汁同日式芥末比你自己揀可以降溫。個餐蔬菜有胡麻醬梛菜絲沙律，車厘茄同豆腐，可以清清味蕾。跟餐熱辣辣白飯一大碗，上面撒滿飯素，包你飽肚。仲有一碗熱辣辣味噌湯，入面有唔少昆布。咖哩忌廉烏冬吉列牛有唔少地方有得食，不過咖哩忌廉烏冬就真係唔多覺其他地方有。大碗烏冬上面滿佈白色忌廉同少少蔥花。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他配料有唔少牛肉粒。另外仲有少少西蘭花，洋蔥片同菇類。雞軟骨餃子$48 另加一 雞軟骨餃子一客四隻，面頭撒上白芝麻粒。絕對係熱辣辣上枱，脆皮入面有粒粒雞軟骨又係脆脆地，口感好過癮。另配餃子醋可降溫。餐飲可加錢升級其他飲品。Passion Punch 跟餐加$18 另加一Passion Punch用玻璃杯裝住，熱情果味唔錯，面頭仲有一塊熱情果乾，特別在下底有好多熱情果籽咬，氣量適中唔過甜，好飲。紫薯Latte跟餐加$25 另加一 紫薯Latte更大杯，下面係紫薯奶加冰，上面加左一大pat忌廉同少量紫薯粉，紫薯味剛好，唔會太甜。飲完好飽。招牌食物果然保持一貫質素！…Read More

我們於25/2（六）約中午十二時四十五分左右到達餐廳。內裡人流不多，餐廳望出窗口的環境不錯👍🏻我們叫了蒜片牛舌芯，咖哩忌廉烏冬，牛裡脊肉黑燸米炒飯，秘製蛋卷，炸芝士薯仔年糕及飲品。❶蒜片牛舌芯($58)：牛舌芯較硬，不太好吃❷咖哩忌廉烏冬($88)：烏冬煙靭👌🏻，有一些肉及菇❸牛裡脊肉黑糯米炒飯($98)：其實只黑糯米米飯，有牛肉及蝦，味道麻麻❹飲品($38)❺蛋卷($68)：內裡是芝士，但蛋卷較細，也不飽滿❻炸芝士薯仔年糕($48)：最好味係佢，滿滿的芝士埋單要加一，服務一般，餐點到只是放在枱邊，要客人自己「搬好」…Read More

朋友好鍾意食牛，前排同佢去左呢間專門食吉列牛嘅餐廳食下另有一番味道嘅「吉列牛」。餐廳$256 吉列牛定食幾抵食，一次過可以食到2樣signature - 吉利牛同咖哩忌廉烏冬！🐮吉列牛- 外層加了麵包糠，放上石爐上烤，吱吱聲勁吸引！烤過後外皮脆香，入面肉質好軟嫩，淋淋地好香口，點埋芥辣沙律好好食。PS 朋友之後都間中話好回味呢款特別嘅吉列牛，想再去食了！🌟 咖哩忌廉烏冬- 呢款都好特別，表面看似一層厚厚地嘅白色cream，其實入面係咖哩烏冬來！面層cream好滑香，保存到入面嘅烏冬熱辣辣，夾起上來仲有煙～咖哩係比較甜香但夠濃，烏冬彈口，啖啖滋味。😋😋🥟雞軟骨餃子- 外層好香脆，入面粒粒軟骨，口感一流飲品方面，特別喜歡rose soda，外表吸引之餘味道少甜，正！下次再來食2大招牌菜🤤🤤🤤…Read More

臨飛日本之前走一轉吉列牛忌廉烏冬專門店食返餐韓國野先。吉列牛其實係來自韓國嘅菜式，呢度除左吉列牛，忌廉烏冬都係招牌菜式，其他地方都少有得食。呢度落單用QR code，餐牌分幾大類，有主食，套餐，釜飯，涮涮鍋，小食同飲品。例牌叫個招牌吉列牛定食，價錢$256另加一，無加價，我見好多人都叫呢個餐。吉列牛定食吉列牛一大塊已經切成10件好容易食，外皮炸得香脆，牛肉入面大概三成熟，然後自己喺枱上個爐仔燒到自己鍾意嘅熟度。我鍾意佢外脆內嫩既口感，如果燒熟d牛肉更嫩口，牛味都唔錯。跟牛醬汁有3款，分別係蒜蓉mayo，甜酸燒肉汁同日式芥末，我就鍾意蒜蓉mayo，令口感更滑溜。伴碟有胡麻醬梛菜絲沙律，其他蔬菜都有胡麻醬車厘茄同胡麻醬豆腐，真係胡麻醬粉絲天堂。跟餐白飯大大碗，上面撒滿飯素，仲有一碗熱辣辣味噌湯，入面充滿昆布。咖哩忌廉烏冬今次叫雞肉咖哩忌廉烏冬。大碗烏冬頭面只見到白色忌廉同少少蔥花。咖哩加忌廉好滑又唔膩，味道超好，完全唔辣。烏冬係粗身而滑溜，真係食到唔停口。今次有好多雞肉粒，另外仲有洋蔥同菇類。雞軟骨餃子$48 另加一 小食叫左雞軟骨餃子。一客四隻，面頭撒上白芝麻粒。塊皮超脆，入面又有粒粒雞軟骨脆脆地，口感好正。餡都有菜肉，夠料。另配餃子醋。餐飲可加錢升級其他飲品。Passion Punch 跟餐加$18 另加一Passion Punch用玻璃杯裝住，大大杯，熱情果味好自然，面頭仲有一塊熱情果乾同薄荷葉，下底有好多熱情果籽咬。Rose Garden 跟餐加$18 另加一Rose Garden當然係迷人pink lady既夢幻淺粉紅色，面頭有玫瑰花瓣。飲落係淡淡玫瑰味，完全唔會過甜。呢杯甜度會低d。今晚兩個人食完呢個餐都好飽肚，食物基本上保持一貫水準。今晚6點幾已經好滿，好旺場。…Read More

其實都食過呢間元組級吉列牛幾次，真係由大學食到依家，都仲係屹立不倒，生意都幾爆滿！🐂🐂 吉列牛定食 + 🍜咖哩忌廉 #烏冬 +汽水（2杯）（$236）餐廳個名都叫得吉列牛同忌廉烏冬，咁梗係要嗌呢個餐啦，兩個人黎食都幾抵嘅，咖喱溝埋啲忌廉可以中和辣味，同時帶出一種好creamy嘅感覺。吉列牛啲牛肉好嫩，唔會係醃肉粉既味，煎熱左都仲係軟身，係有水準的！加埋都好多配菜仲有麵豉湯芝麻醬豆腐。韓式甜辣醬單骨 #雞翼（$68）🐓今次試吓呢個韓式辣醬雞翼，幾入味少少辣，係大家都接受到嘅辣，好開胃。Citrus ocean （$38）💙身為藍色控既我，見到呢杯飲品就開心了，但其實只係普通嘅檸檬梳打水🤣 相機食先，無所謂啦！🍋…Read More

尋日先食完吉列牛，今日又想食哈哈，所以收工去左時代廣場附近既吉列牛忌廉烏冬專門店。聽個名都知，招牌菜式就係吉列牛同忌廉烏冬。餐牌分幾大類，有主食，套餐，釜飯，涮涮鍋，小食同飲品。落單要用QR code。招牌套餐價錢$256另加一。吉列牛定食吉列牛一客九件，外皮香脆而入面嘅牛肉已經有三成熟左右，等你自己喺個爐仔上面整到自己鍾意嘅熟度先食。我鍾意燒熟d，因為質感更易咬開，不過燒到仲有血水就仍然juicy。跟吉列牛有蒜蓉mayo同甜酸燒肉汁等你點，仲有wasabi，個人覺得點蒜蓉mayo最好味，令塊牛好滑溜。伴碟有少量胡麻醬梛菜絲沙律。定食仲有兩款前菜，分別係一粒細細粒車厘茄切開兩半加左胡麻醬同一細磚加左胡麻醬嘅豆腐。定食仲跟一碗白飯，上面撒滿飯素，同一碗味噌湯。咖哩忌廉烏冬吉列牛有唔少地方有得食，不過咖哩忌廉烏冬就真係唔多覺其他地方有。次次都叫牛肉，今次就叫雞肉。大碗烏冬上面滿佈白色忌廉同少少蔥花。碗烏冬好熱，放耐左先食都仲熱。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他配料有唔少雞肉粒。另外仲有少少西蘭花，洋蔥同菇類。雞軟骨餃子$ 48 另加一 另外叫左一客小食分享。雞軟骨餃子一客四件，外皮上面有唔少白芝麻粒。個餡有粒粒雞軟骨同豬肉碎，有咬口。塊皮超脆，入面又脆脆地，口感好過癮。另上餃子醋俾你點。紫薯Latte，綠茶Latte 跟餐加$25 另加一 綠茶Latte大大杯，下面係綠茶奶加冰，上面加左一大pat忌廉同少量綠茶粉，綠茶味道都唔錯。紫薯Latte就變左紫薯奶加紫薯粉，紫薯味就淡少少，不過沉底個d紫薯粉好好味道。兩個人清哂所有野，都夠飽肚。…Read More

今日去咗間韓國過江龍餐廳，佢係韓國已經係好多人排隊嘅人氣店，店名開宗明義就叫吉列牛專門店，夠直接！吉列牛定食（$256）餐廳用咗美國牛肉，肉質比較軟腍，上枱嘅時候已經有兩至三成熟，客人可以自己放上石板上面燒幾秒到半熟就可以食用，定食仲有有麻醬豆腐、沙律菜、白飯、麵豉湯、番茄及特製蘸醬，非常豐富！蘸醬有wasabi、豉油同蒜味沙律醬，好多變化。套餐仲有傳説中嘅咖哩忌廉烏冬，雪白嘅波浪表面鋪滿淡忌廉，下面咖哩汁入面有牛肉粒、薯仔同洋蔥，烏冬彈牙，連埋忌廉同咖哩超滑身同creamy！Kobekyu 秘製蛋卷（$68）香港店限定菜，雞蛋卷好滑溜，中間包住半融芝士，夾起仲可以拉絲，夠邪惡！綠茶Latte（+$25）綠茶唔會太濃，但奶味較香！食住炸物再飲啖香滑green tea latte 真係超滿足！Citrus Ocean（+$18）想解油膩嘅不坊試下呢款藍色嘅柚子梳打，酸酸甜甜，口感清爽！…Read More

今日收工去左吉列牛忌廉烏冬專門店食返餐香口吉列牛先，揀左位置方便既銅鑼灣分店，係時代廣場附近。落單用QR code。餐牌分幾大類，有主食，套餐，釜飯，涮涮鍋，小食同飲品。返左一日工已經唔想用腦，簡單叫一個套餐，套餐包左兩款招牌菜同兩支汽水，另外再叫一份小食分享。套餐係吉列牛定食 + 咖哩忌廉烏冬（小辣）+ 2汽水，價錢$256另加一，無加價。Kobekyu牛油蜜糖單骨雞翼 $65 另加一先黎一客5隻招牌牛油蜜糖單骨雞翼，熱辣辣上枱，雞翼單骨好易食。雞翼塊皮少少脆，蜜糖味適中，唔會太甜。上面灑上白芝麻粒，仲伴有檸檬一片。吉列牛定食吉列牛係來自韓國嘅菜式，牛肉則選用來自美國既牛裡脊肉，牛肉上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。吉列牛一客切開15件，外皮香脆又薄而入面嘅牛肉肉質嫩口，絕對可以唔燒就咁食。正呀！跟左蒜味沙律醬，甜酸燒肉汁同wasabi，個人最鍾意蒜味沙律醬，可以令到塊牛更香滑。伴碟有少量胡麻醬梛菜絲沙律。兩款前菜分別係一粒車厘茄切開兩半同一細磚豆腐，都加左胡麻醬。定食仲跟一碗撒滿飯素既白飯同一碗味噌湯。咖哩忌廉烏冬招牌咖哩忌廉烏冬我今次捨鷄肉而揀左牛肉。大碗烏冬熱辣辣上枱，上面滿佈白色忌廉同少少蔥花。讚岐烏冬係粗身而有少少嚼勁同勁滑，好好味。忌廉同咖哩香加埋好滑又唔膩，味道其實係日式咖哩，甜甜地好好食。餐牌寫明小辣，但係我覺得基本上完全唔辣。其他配料有唔少腍腍牛肉粒，蔬菜方面有洋蔥，少量菇片同西蘭花。餐飲可加錢升級其他飲品，今次叫左兩杯紫薯Latte。紫薯Latte 跟餐加$25紫薯Latte大大杯，下面係紫薯奶加冰，上面加左一大pat忌廉同少量紫薯粉，紫薯味唔太濃，唔會過甜，感覺奶味重少少。上菜勁有效率，半個鐘就可以食完走人。…Read More

抗疫疲勞，銅鑼灣明顯多返人，今日午餐去左好耐冇黎嘅吉列牛忌廉烏冬專門店食返餐，都有幾多食客。落單用QR code。餐牌分幾大類，有主食，套餐，釜飯，涮涮鍋，小食同飲品。今日例牌叫左一個套餐，已經包左兩款招牌菜同兩支汽水，另外再叫左一份小食。套餐係吉列牛定食 + 咖哩忌廉烏冬（小辣）+ 2汽水，價錢$256另加一。吉列牛定食 吉列牛係來自韓國嘅菜式，絕對係必食之選。牛肉係美國牛裡脊肉，上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。外皮香脆而入面嘅牛肉就明顯見到中間係生肉嘅深紅色，外圍就係粉紅色。牛肉燒熟啲都唔會韌，肉質唔錯。跟吉列牛有蒜味沙律醬同甜酸燒肉汁等你點，仲有wasabi，個人最鍾意蒜味沙律醬，因爲令到塊牛更香滑。伴碟有少量胡麻醬梛菜絲沙律。定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗味噌湯。咖哩忌廉烏冬招牌咖哩忌廉烏冬係另一必食之選，第二度真係唔覺有得食呢個菜式。大碗烏冬上面滿佈白色忌廉同少少蔥花。忌廉同咖哩香加埋原來好滑又唔太膩，味道其實係日式咖哩既甜甜地，好好食。餐牌寫明小辣，但係我覺得基本上完全唔辣。讚岐烏冬係粗身而有少少嚼勁同勁滑，好好味。其他配料有唔少牛肉粒，都算幾腍吓。另外仲有少少菇片。如果有洋蔥吸吓咖哩汁一齊食就好啦。雞軟骨餃子 $48 另加一另外叫左一客雞軟骨餃子分享。雞軟骨餃子一客四件，外皮上面有唔少白芝麻粒，塊皮超脆，好香口，而入面食到細細粒嘅雞軟骨粒同豬肉碎，口感特別。沾另上嘅醋降吓溫更好味。 餐飲可加錢升級其他飲品，今次叫左兩杯紫薯Latte。粉紫色系令人感覺非常有少女味。紫薯Latte 跟餐加$25紫薯Latte大大杯，下面係紫薯奶加冰，上面加左一大pat忌廉同紫薯粉，紫薯味唔太濃，唔會過甜。食物睇落以為油膩，食完又唔覺呀。…Read More

🇯🇵之前見到好多人去呢間專門食吉列牛+咖喱忌廉烏冬, 身為烏冬控嘅我bookmark咗好耐, 終於去試下😋先點咗招牌嘅吉列牛定食 + 咖哩忌廉烏冬兩人套餐~🔸吉列牛定食 ($246)一客有8件, 最外層係薄薄炸皮, 包住嘅牛肉本身已有3成熟左右, 可以放上石爐到燒至自己喜歡嘅熟度,燒完唔會韌, 肉質幾嫩, 有幾款醬料配搭沾黎食, 我最中意點佢個芥末醬👍🏻👍🏻跟餐有碗撒滿飯素嘅白飯, 味噌湯, 細細粒車厘茄同一細磚豆腐~🔹咖哩忌廉烏冬（雞）咖哩忌廉烏冬係必叫, 兩人套餐包埋, 第一次食呢種日式咖哩忌廉烏冬, 感覺好新鮮,上面滿佈白色忌廉, 配埋底層嘅咖喱, 好creamy, 完全唔覺膩, 烏冬好煙韌滑溜👍🏻🔸雞軟骨餃子 ($48)一份4件，餃子煎得好香脆，雞軟骨好有咬口!🔹綠茶Latte (跟餐+$25)好大杯, 上層大量忌廉, 勁邪惡, 飲落奶味重, 不過就有少少甜, 綠茶味唔苦, 唔好expect係日式特濃抹茶最隻😛📍吉列牛忌廉烏冬專門店 - 地址：銅鑼灣耀華街3號百樂中心22樓 (仲有旺角分店) …Read More

今日想食香口既牛肉，似乎其中一個最好既選擇就係吉列牛。簡簡單單不如黎呢間位於時代廣場附近既吉列牛忌廉烏冬專門店，今次係第一次食晚市。落單要用QR code。餐牌分6大類，有主食，套餐，釜飯，涮涮鍋，小食同飲品。唔洗用腦諗，當然係叫一路食開嘅招牌套餐，即係吉列牛定食 + 咖哩忌廉烏冬（小辣）+ 2汽水，價錢$246另加一。我見附近好多食客都係叫呢個餐。吉列牛定食吉列牛定食係成個套餐上枱。吉列牛一客8件，明顯見到中間係生肉嘅深紅色，外圍就係粉紅色，最外面就係一層薄脆炸皮，入面嘅牛肉已經有三成熟左右，等你自己喺個爐仔上面整到自己鍾意嘅熟度先食。燒熟啲都唔會韌，肉質唔錯。我最鍾意沾青色嘅食蒜蓉mayo食，令塊牛好滑溜。另外亦有甜酸燒肉汁同wasabi。伴碟有少量胡麻醬梛菜絲沙律。定食仲有兩款前菜，分別係一粒細細粒車厘茄切開兩半同一細磚豆腐，兩樣都加左胡麻醬。定食仲跟一碗白飯，上面撒滿飯素，同一碗味噌湯。呢個餐貴精不貴多，食哂成個餐都唔會話太飽。咖哩忌廉烏冬招牌咖哩忌廉烏冬係大大碗烏冬上面滿佈白色忌廉同少少蔥花。碗烏冬好熱，放耐左先食都仲熱。餐牌寫明小辣，但係我覺得基本上完全唔辣，忌廉配咖喱係非常之邪惡，不過食落其實唔覺膩。烏冬係粗身而有少少嚼勁同勁滑，每一條烏冬都沾滿咖喱汁同忌廉，非常滑溜。其他配料有唔少牛肉粒，就唔算太稔。另外仲有少少西蘭花同洋蔥。雞軟骨餃子 $48 另加一另外叫左一客雞軟骨餃子分享。雞軟骨餃子一客四件，外皮上面有唔少白芝麻粒，塊皮超脆，好香口，而入面食到細細粒嘅雞軟骨粒同豬肉碎，口感特別。沾另上嘅醋降吓溫更好味。 印象中好似第一次見呢度有Latte，即管試吓。兩款Latte都試吓先。紫薯Latte 跟餐加$25紫薯Latte大大杯，下面係紫薯奶加冰，上面加左一大pat忌廉同紫薯粉，飲落奶味重而紫薯味香濃得黎，又唔過甜。綠茶Latte 跟餐加$25綠茶Latte就基本上同紫薯Latte一樣，只係變咗綠茶同綠茶粉。綠茶Latte 奶味重，綠茶味唔苦。食物基本上保持一貫水準，如果抽氣可以做得好啲就更好啦。…Read More

放工約左朋友係銅鑼灣最後揀左呢間專食吉列牛忌廉烏冬落左單野食都快送到首先係吉列牛定食有前菜蕃茄仔、凍豆腐同味噌湯吉列牛係鐵板上燒一陣就食得牛肉都幾軟身，味道唔錯另外配埋咖哩忌廉烏冬，感覺好新穎加左忌廉creamy啲，都幾match烏冬入面都有啲牛肉粒烏冬唔會太淋，有少少彈牙叫左款雞軟骨餃子，餃子炸得幾香食炸野就叫左啤酒配吓呢到有手工啤揀添叫左枝龍王柚啤同孫悟空琥珀啤有淡淡嘅柚子味同水蜜香味，唔錯另外餐廳限時食75分鐘，要注意用餐時間…Read More

最近見到有好多食家去呢間專門食吉列牛同咖喱忌麻烏冬既餐廳打卡，近近地唔執輸又去試下係咪大家口中所講真係CP值爆燈。.地點好方便，接近係正時代廣場後面既一座商業大廈內，基本上成棟都係唔同既餐廳。餐廳地方都算大，行簡約暗黑風格裝修，整體乾淨企理。.吉列牛定食配咖哩忌廉烏冬 💲246既然自稱係吉列牛同忌廉烏冬既專門店，毫無懸念地跟隊叫左佢地既Signature 吉列牛跟咖哩忌廉烏冬定食兩個人分享。終於明白點解咁多人話佢CP值好高，因為兩百靚蚊既一份定食已經係二人份量，仲要已經包埋兩杯野飲。 吉列牛⭐️3.5/5外表脆脆吉列牛當然要配番鐵板做自家火炙效果，定食會配上麵豉湯、紫菜味飯、凍豆腐同蕃茄仔前菜，仲有埋幾款醬料配搭吉列牛享用。估唔到個前菜都咁好味，凍豆腐嫩滑。吉列牛唔算肥個人覺得加埋芥末醬一齊呢個配搭最完美。.咖哩忌廉烏冬⭐️3.8/5第一次食呢種日式咖哩忌廉烏冬，估唔到又幾好味。烏冬深深咁埋係白白一層既忌廉下面，底層係香滑既咖哩汁烏冬。日式咖哩汁甜而不辣，溝埋忌廉汁一齊異常地夾。呢份烏冬麵仲有洋蔥、牛肉粒墊底，份量唔迷你係足稱一人份。.雞軟骨餃子 💲38⭐️3.6/5足料四大件雞軟骨餃子，又係CP值高既小食。本身其實已經幾香脆，但貪得意搵鐵板再烘烤發現口感更好。.Passion Punch 💲18Citrus Ocean 💲18加錢試埋兩杯特飲，貪佢顏色靚夠IGable。比較喜歡黃色既熱情果版本，兩杯都唔太甜幾清新。.總結：呢個價錢真心抵食既，叫埋小食其實人均都係百靚蚊夠，地點方便CP值高之選。.不專業食評 nei.foodie …Read More