野川拉麵の深燒食堂

又新街附近有間日式料理，門面裝修很特別吸引了我們進去品嚐。估不到內裡環境擺設一樣很特別。😃🍣六品刺身盛合來到日本料理餐廳當然不能缺少刺身！一大盤刺身有海膽、三文魚、油甘魚、甜蝦、北寄貝、帶子，每樣都很新鮮，特別是海膽入口即溶不腥的確鮮味。😋✨芝麻雞翼，炸到很酥脆，灑上芝麻添加香口，吃多幾隻也不覺膩。✨海鮮雜錦讚岐手打烏冬選用特濃豬骨湯底，海鮮份量十足，每啖烏冬都嚐到濃濃豬骨味，必試。✨吉列蠔，外面炸到金黃酥脆，裡面蠔炸到剛剛好很Juicy、很新鮮食完還想再食。✨大蝦天婦羅，蝦一樣很新鮮，粉漿不會太厚炸出來鬆化。✨燒扇貝點了兩款燒蒜蓉扇貝和燒芝士扇貝，鋪滿蒜蓉來燒扇貝燒到表面金黃充滿蒜蓉香，而加了芝士燒出來的扇貝芝士味很濃郁，兩種味道各有千秋。✨燒韭菜串，加了香料燒出來好味。✨青檸柚子梳打、朱古力Oreo…Read More

之前食過午市 拉麵的確不錯湯底又濃朋友山長水遠黎到 帶佢試下個晚市依家多款食物更設有分享價(˶‾᷄ ⁻̫ ‾᷅˵)好彩有訂枱 七點左右都爆爆地室內外位置 營業至凌晨1點半工業風設計 搶眼Nano燈多款選擇 價錢合理 質素中上(以下🏷️=有分享價)- 刺身/ 壽司 -▸ 油甘魚壽司（𝟐件）$𝟏𝟗 🏷️▸ 六品刺身盛合 $𝟐𝟓𝟗 🏷️第一眼就見到海膽🤩軟滑細膩入口即溶 好～鮮甜不苦不腥另有紫菜配搭 我當然喜歡就咁食厚切三文魚油甘魚 甜蝦鮮 赤貝爽唯一帶子差少少 有點腥- 串燒 -▸ 燒雞軟骨(𝟐串) $𝟐𝟒▸ 厚燒牛舌 $𝟑𝟔 /串▸ 燒豬頸串 $𝟑𝟎 /串▸ 燒黑豚肉五花腩 $𝟑𝟎 /串每串肉都係鹽燒 厚切啖啖肉又多汁私心五花腩 看似好肥膩但食落唔油反而脂香細緻 瘦肉位十分柔軟- 炸物 -▸ 吉列蠔（𝟒隻）$𝟑𝟓 🏷️▸ 椒鹽雞軟骨 $𝟑𝟑 / 客 🏷️▸ 軟殼蟹天婦羅（𝟐隻）$𝟕𝟒正確來講 係兩隻大大隻🦀炸得酥脆可口不在話下有不少咸香蟹黃 肉質滑嫩配埋蘿蔔蓉甜豉油 油膩感拜拜👋🏻- 麵/烏冬 -▸ 極上牛肉贊岐手打烏冬 $𝟖𝟖畢竟係一間拉麵店 點都要叫碗食有湯麵冷麵 湯底有辣有唔辣(我好辣 食過辣湯底的確夠辣🤤)今次叫芝士湯 芝味香濃不過咸烏冬係偏寬厚身 彈而更煙韌牛肉幾多味香且嫩 仲有蛋 粟米 海帶- 飲品 -個個啤酒一杯接一杯 我地就老老實實飲杯野😂▸ 日本信州蘋果梳打 $𝟑𝟕一大杯梳打 夏天飲夠爽蘋果味香濃 唔會話太甜▸ 可可脆片阿華田芝士奶蓋 $𝟓𝟎奶蓋非常綿且滑順 濃稠度高芝味奶味平均 咸咸微甜不覺膩阿華田濃淡度剛好 正合我口味…Read More

我和老公放工後二人世界之首選串燒食堂。餐廳內大屏幕長期播放Girls Generation K-pop。放工之後嚟嘆杯冰凍啤酒好爽！串燒又香口又入味，每次必叫芝麻雞翼，肉汁豐盈，肉質鮮嫩，外皮香脆；燒五花腩，肥瘦均稱，肉質口感實而彈，唔會「鞋」；燒韭菜，燒得恰到好處，唔會燒到乾柴，亦無濕「嗒嗒」… 每次都食到好滿足，Gur曬開開心心返屋企。…Read More

元朗呢間平民日式料理唔單止開到凌晨，仲有齊拉麵、刺身、壽司、串燒、炸物、甜品、等眾多食物，六點後喺社交平台留言讚好仲可以享用多款低至半價優惠嘅美食，cp值爆燈！𖦹 四品刺身盛合 $178包括赤貝、三文魚、北寄貝、甜蝦，賣相吸引。赤貝新鮮，三文魚勁厚切，北寄貝爽口，甜蝦鮮甜彈牙，以呢個價錢嚟講實在驚喜。𖦹 三文魚軟殼蟹卷＄88新鮮甜美嘅三文魚配上脆口嘅軟殼蟹，口感豐富。𖦹 芝士年糕 $24$24蚊仲有三大件，抵食！入口熱辣辣，中間芝士呈流心狀，外煙韌內軟糯。𖦹 吉列蠔 $32蠔新鮮，炸得極為香脆，咬落發出誘人嘅咔咔聲，略嫌炸粉厚咗啲。𖦹 牛油蒜蓉焗蜆 $38蜆份量意外地多，蜆肉細細粒索滿湯汁，鮮甜無沙，值得一試。𖦹 自家製叉燒拉麵 濃豚骨湯底 ＄76偏港式嘅拉麵，叉燒肉味香濃，口感唔錯，配料亦多，湯底同拉麵都正正常常，隻蛋竟然是半熟的，誠意十足。𖦹 穀飼牛仔骨 $28以黑椒調味突出牛味，可惜肉質較韌。𖦹 厚燒牛舌 $34又嚟到必食嘅牛舌，厚切有咬口，approve。𖦹富士山頂汽水 $35𖦹芳香果汁柚子味啤酒 ＄38 呢兩杯日本飲品用fancy嘅形式呈現，打卡滿分。…Read More

今晚同男朋友來了呢間元朗既地道居酒屋，餐廳入面既食物款式應有盡有，有拉麵、炸物、刺身、壽司、串燒、小食，超多唔同款式。我們都點了好多款唔同小食，開心share….好鍾意呢度既小食，即點即炸即製，熱辣辣又香。先講一講呢碗自家製叉燒拉麵，拉麵有多款湯底選擇，總會搵到岩自己既口味。呢款是濃豬骨湯底。呢個自家製叉燒，真係唔錯，薄薄地，豬肉味香濃，啖啖肉香，有咬口，唔錯唔錯。另外拉麵份量都不少，這碗拉麵整體來說都不錯。之後小食方面，真係十分多元化。先介紹一下冷盤，點了一份五片的三文魚腩刺身。三文魚好新鮮。鮮甜。而且十分厚切，吃起來啖啖肉好鮮甜，正。另外仲點了兩款壽司，分別是三文魚子壽司和帶子壽司。三文魚子壽司上嘅三文魚子十分吸引，晶瑩剔透，脹卜卜。當一啖咬下時，鮮甜的汁流出來很惹味。另外帶子壽司也相當鮮甜不錯。然後要介紹一下脆卜卜的炸物這款是芝麻雞翼，一共有三件。芝麻雞翼炸得脆卜卜，金黃色很香脆。中間的雞肉很多汁很好吃。成個口感都十分好吃，就是外脆內嫩的感覺。另外一款是炸生蠔，依然是外皮金黃，入面有一隻完整的蠔，啖啖脆卜卜既口感，一咬下去，中間的蠔很鮮甜很夠蠔味。大滿足。最後這一款濃芝士焗大頭蝦，真是必點的小食。濃濃的芝士經過烤焗超級香氣撲鼻，芝士鋪滿在蝦肉上，而且大蝦已經切開邊，再加上芝士來烤，吃起來十分方便，而且每啖都有濃濃芝士香和芝士，跟蝦肉真係perfect match…這間餐廳的小食類很多款。而且座位環境環都十分舒適，很適合來聊聊天，吃個晚餐。…Read More

放工黎到元朗同小師妹chill一chill。舖頭名好長，好快就比尾後「深燒食堂」四隻字所吸引。食物款式種類多，有壽司、刺身、拉麵、壽喜燒、串燒，日式食物應有盡有，連原隻鮑魚都有。六品刺身盛合，好豐盛。重點係海膽，有成半板，味道鮮甜配合埋紫菜帶海鮮嘅鹹味，無論口感同味道都好配合。其餘五品仲有油甘魚、三文魚、帶子、甘蝦、北寄貝。當中最愛油甘魚，口感幼滑細膩，又鮮甜。順便補下DHA，補腦。軟殼蟹手卷，一客兩件。差唔多食到最尖啄都有卜卜脆嘅軟殼蟹。牛肉壽喜燒，冬天食日本菜必食。關東壽喜燒先以牛油炒香洋蔥、日本大蔥等配料後，加入壽喜燒醬，再放入肥牛、大白菜、豆腐。整鍋都係蔬菜及肉的原汁，香濃鮮甜，識食一定食豆腐。肥牛沾生蛋汁令肉質滑嫩順口。串燒必點燒黑豚肉五花腩同肥牛金菇卷串。前者好甘香，黑豚肉油脂慢慢係口中滲出來，好邪惡，但好好味。肥牛金菇好classic組合，柔嫩嘅肥牛遇上柔韌嘅金針菇。吉列蠔外脆內軟，冇腥味。穀飼牛仔骨入味，惹味香口。燒雞泡魚干，係一流嘅下酒菜，可惜聽日返工冇飲酒。雞泡魚乾燒得剛剛好，食落有啲juicy。冇飲酒，唯有飲芝士奶蓋，是日係奇異果乳酸芝士奶蓋。下次要把酒暢歡係深燒食堂食到深宵。…Read More

元朗真係有好多野食，今次就想食日本野，就搵左依間野川拉麵之深宵食堂。真係好多人等位。舖都好大，位同位之間都好多空間，所以都坐得好舒服。冷氣都夠，唔會好熱。咁見佢有promote,係社交平台like同留言就可以用半價叫指定menu既野。另外餐牌入面都好多選擇。咁我地兩個人叫左好多野，上野速度都好快！先黎既係吉列炸蝦配冷稻庭烏冬跟胡麻汁。咁個炸蝦都幾大隻，好明顯係岩岩炸起，好夠熱好脆，仲要幾大隻。之後個烏冬仲正，好彈牙，係過左冷河既口感。個胡麻醬同個烏冬又估唔到幾夾。之後就係吉列蠔，都幾大隻，炸到岩岩好，好脆，又唔會太油。唔點個沙律醬都好夠味，好正！椒鹽雞軟骨，我自己好耐無食，我發現佢既炸物真係好正，全部都唔會太油。個雞軟骨好脆好有咬口，都好容易咬，加埋椒鹽，咸咸地，好好食。芝士年糕，芝士既咸香好正，年糕本身既甜又有，兩樣加埋就好perfect,好彩佢無炸到好硬。油甘魚刺身同鮮帶子壽司，兩隻刺身都切得好厚，所以食落去都好豐富好滿足，本身都好fresh，所以好正。燒雞泡魚干，佢燒到唔會好硬，值得加分，本身甜甜地，點左沙律醬又有啲咸味，點同唔點係兩種食法，依個送酒真係一流。燒火雞腎串，又係燒到岩岩好，唔會燒到老哂硬哂乾哂，佢係鎖到肉汁，都唔會有雪味，仲要幾大粒幾好咬口，所以真係值得一試。最後叫左兩杯hoegaarden，一個原味一個奇異果味，個奇異果味幾得意，真係好勁既奇異果味，仲要好fresh。…Read More

朋友想食拉麵但係我又想食小食唔想食一碗麵咁飽，朋友話要來呢度就可以滿足晒我哋兩個嘅願望同要求。之前有經過已經記低左想試吓，朋友就梗係叫拉麵啦！我見到餐牌有好多小食即刻好雀躍，於是樣樣都叫，樣樣都試吓。朋友話拉麵好食我呢就食咗佢1塊叉燒，好味呀，入口唔會好肥！有我最鍾意嘅鮮帶子刺身一定即刻叫，鮮甜肥美！熱氣鬼上身不斷叫炸嘢😛😛😛持住可以返屋企飲涼茶，但係真係好香口好好味。吉列蠔好甜好好味好鮮，雞翼唔係好夠喉，魷魚鬚好軟熟唔會硬，龍蝦鉗喺第二度好少見到一見到一定要食！其實我本身想食三文魚水撥架，不過佢原來有限量發售到我叫嘅時候已經冇晒，所以唯有叫三文魚骨，燒得夠香口都好好味唔會有腥味！我哋仲叫咗兩樽嘢飲，嚟得呢度食就一定唔會叫普通啤酒汽水，要試一定試日本嘢！🤩🤩🤩…Read More