Paradise Classic (Olympian City 2)

新加坡是多元文化、多元民族的移民國家，由於地處熱帶，南洋的植物香料異常豐富，主打正宗新加坡南洋中菜的樂天經典，以熟悉的中式食材，糅合娘惹咖哩、參巴醬、香茅、班蘭葉等典型東南亞香料，演變成獨樹一幟的異鄉風味。內裡面積寬敞，坐得舒適，裝潢散發東方韻味而不落俗套。茶錢每位 $10，前菜收費為$15一碟。餐牌選擇繁多，大部分菜式都有大中小的份量可選，就算只有兩個人也可點細碟頭，不怕會造成浪費。將傳統中菜結合南洋天然香料、食材和烹調手法，以嶄新手法將懷舊味道重新演繹，為港人平時吃慣的中菜注入新鮮感，酸甜生魚片 $112將酸甜醬汁與炸酥的魚塊相搭配，色澤艷麗，叫人食指大動 ，在熱辣辣的夏日時光裡誘發食慾。酸甜開胃的醬汁調較成濃稠得宜，即時令人胃口一醒。外層粉漿不會過厚，無骨魚片啖啖肉，魚塊雪白嫩滑，炸得外脆內嫩。古早魚香老鼠粉煲 $128老鼠粉煲的名字雖然獵奇，卻是店內的人氣招牌菜式，其實是因選用的銀針粉形狀細長且兩端收窄，恰似老鼠尾巴而得名。趁著熱鍋中的窩蛋還沒熟透時，倒下特製鹹魚酸柑醬再拌勻，鹹魚獨有的濃鬱鹹香氣息瞬間四溢瀰漫。蝦肉夠大隻厚肉，肉質新鮮爽彈，老鼠粉質感煙韌爽口，彈性十足，融合稠身鹹香的湯羹，入口滑溜溜。點了兩款口感清涼而又賣相精緻的南洋甜品，趕走炎夏的暑意。水中花 $38中央飄浮著千絲萬縷的豆腐花，展現師傅的精細刀工，宛如一朵水中綻放的白菊，姿態脫俗清雅。除了帶有豆腐花本身柔嫩的質地之外，亦帶有一絲絲的獨特口感，為這道經典甜品提升層次感。三色桂花班蘭糕 $48三色糕由椰奶、班蘭和桂花果凍組成，白黃綠三色相間交錯，顏色絢麗多彩。一口咬下，三層不同的口感和味道交織在一起，糕身口感Q嫩爽滑，沁人心脾，留下清甜甘香的餘韻，甜而不膩。…Read More

成日見人出post食樂天小籠包，連胃妹都叫大胃食吓，但始終一次都冇食過大角咀呢間樂天，竟然係食星洲美食，又幾得意喎入去開壺香片，坐定定等食先唔知蝦棗係咩，以為係蝦仁鑲嵌喺紅棗入面原來係豬肉蓉同蝦蓉溝埋，再炸到金脆食落口感似炸牛肉球，回頭率極高一直唔太喜歡老鼠粉嗰種粉粉地嘅質感，不過見幾多好評，就試吓真係令大胃刮胃相看，老鼠粉超彈牙，撈勻湯底同生蛋，唔會好鹹，好溫和加少少柑桔汁，唔帶酸味，反而有種清香盪氣蒸魚係好平凡，但加上古法二字，就忍唔住一試。黄花魚肉質嫩滑，滑到夾唔起，要用匙羹幫手，簡單調味突顯魚嘅鮮香好耐冇食夾饃，仲要係包住扣肉，唔怕肥嘅大胃自然會嗌夾包蒸得好綿，自己將塊肉夾入去，夾埋塊生菜，肉香滿滿但又中和油膩三色桂花班蘭糕聞所未聞，但睇個樣就知，係好花功夫嘅甜品，賣相出眾，味道真係有三種層次，同時又溝得埋，神級…Read More

早幾日約左兩個朋友睇戲，睇戲之前諗住先填飽個肚，咁岩見到呢間樂天經典。佢主打南洋風既新式中菜，聽落好特別，所以就決定試下！由最好食個個講起，就係呢個黃金鹹蛋蝦球啦！呢一兩年鹹蛋興起，好似咩野食都中意加下鹹蛋咁，但就好少整得好食。呢個黃金鹹蛋蝦球真係整得鹹、香、酥，好濃鹹蛋味之餘，又仲食到蝦既鮮味同彈性，係我最滿意既一道菜。呢個蝦醬雞翼都非常好食，蝦醬味唔算太重，但好香口，雞翼亦好脆，而且份量話就話係「小」，但都有好多隻！海蜇頭係前菜，爽口，好開胃。鐵板豆腐嫩滑，下面鋪左層薄蛋餅，幾特別。扣肉包係我朋友嗌的，佢話好食，但如果舊肉肥肉既部分再多少少會更好XD最後係呢個老鼠粉煲，份量真係大到嚇親我！我地三個女仔知自己細食，已經特登嗌左「小」（佢仲有「中」／「大」可以揀），但都係食唔哂！！女仔黎計既話，佢至少有四人份量裡面除左老鼠粉之外，仲有好多料——蝦、鹹魚、蛋……等等。呢個老鼠粉煲都幾好食，不過因為食落偏鹹，所以會比較容易「漏」，真係至少有三四個人先好嗌呢道菜呀！…Read More

樂天皇朝就食過，樂天經典都係第一次食，南洋菜更加係第一次食，所以抱住一個好奇心過嚟試過究竟。呢間餐廳主打係南洋菜式，門口已經見到唔少人都有嗌蟹食，所以我決定試一試南洋風味整出嚟嘅蟹係點樣。星期四晚過嚟都幾多人，只剩低一兩張空枱，所以都唔駛等就可以直接入座，座位好寬敞，一啲都唔擠迫，裝修簡約又帶點豪華，侍應服務態度都唔錯。前菜係啲花生同埋栗子，可以頂一頂肚先。我哋點咗個黑胡椒蟹($338)，碟蟹上枱嗰陣時，第一個反應係「嘩，好大呀！」隻蟹真係好吸睛，放滿咗整個碟，好似一件藝術品。餐廳好貼心，會有圍巾、手套 、濕紙巾提供。 蟹鉗超大，超多肉，真材實料，絕無欺場，肉質彈牙鮮嫩。蟹殼外面好重胡椒味，蛋蟹肉則鮮甜味美，唔會過份遮蓋咗蟹肉既鮮味，唔錯！不過胡椒味可能有啲重，唔食得辣嘅朋友可能要注意一下。 個蟹鉗真係啖啖肉，超正！跟住我哋嗌咗另一款南洋菜—古早魚香老鼠粉煲-小($108)，老鼠粉都係第一次食，質感好特別，有少少似長條型湯圓， 魚香好惹味， 配料有蝦有菜，湯底都好鮮甜，但好快畀老鼠粉索曬，所以要盡快食。 都食到好飽，但係甜品係第二個胃，我叫咗三色桂花斑蘭糕($38)，佢係桂花糕同埋班蘭椰汁糕嘅結合體。桂花糕有杞子、桂花，食落好香。口感有啲似啫喱， 唔算甜，整體都好好。嘢飲方面我哋叫咗檸檬薏米水($16)同埋南北杏羅漢果茶($16)，都比較健康嘅飲品，可以清一清熱氣，價錢都好合理。 …Read More

平時出街食飯，中菜多數是上海、廣東、四川等菜式，今次試下這個比較少見的星馬菜。餐廳門口有主推的蟹之惑，喜歡食蟹既我緊係要試試啦。黃金蝦球:蝦球有六隻，全部都已經去掉外殼，每隻蝦表面都均勻地沾滿了咸蛋王，既有蛋的咸香同時又有蝦肉的爽彈感覺，非常香口惹味。古早魚香老鼠粉煲:上枱後店員會即時為我們撈上咸魚檸檬汁，並叮囑要盡快食用，因為凍左之後會比較濃稠，味道無之前吸引，老鼠粉其實是銀針粉，有咸魚的香味同時有帶點酸，能減輕飽滯感，而且裏面還有蝦肉及椰菜花，有點似中式Carbonara。星洲黑胡椒螃蟹:萬眾期待的胡椒蟹，蟹肉結實且鮮甜，雖然無蟹膏，但胡椒味濃郁且香口，非常惹味。三色桂花斑蘭糕:淡淡的斑蘭及桂花香味，兩者香味各有特色，䨝且不會被另一款味道蓋過，甜品甜而不膩。…Read More

邂逅固然要等待，一路知道這餐廳主打食蟹，躍躍欲試，今天我終於來到了奧海城的樂天經典，一嚐蟹之惑的魅力。店內裝修清新脫俗，即使座無虛席仍然可以舒適地用餐，點餐前店員盛上一壺熱茶，盛茶的銅壺、茶具都雅緻非常。打開菜牌，以蟹作為推介的菜色非常吸晴，做法亦盡顯廚師的功架，嗜辣的可以揀選辣椒🌶炒或者星洲風味的胡椒蟹，想吃鹹香脆口可以揀黃金焗，愛清淡酒香的自然就選花雕蒸蟹。今天我就點了富地方色彩的胡椒炒蟹，上菜的時候，濃郁的胡椒味四溢，陣陣蟹肉飄香再也按奈不住，先由蟹蓋開始，掀起蟹衣隨之而來啖啖蟹膏，蟹㟛滑嫩，肉質鮮美、惹味的胡椒徘徊係蟹汁和蟹肉之間，果真齒頰留香，好味指數滿分為了一試廚師嘅拿手好戲，策略性地點了黃金蝦球，果然不負眾望，鹹香甘脆，入口creamy即時食指大動古早魚香老鼠粉煲，或許是這個有趣的名字，我就點來一客小窩:)原來就是我們常吃的銀針粉，有點像西式的芝士忌廉，砂鍋裡有半生熟的窩蛋伴着濃濃的上湯，上菜時即埸混合了一小牒鹹魚柑桔蓉、咸咸酸酸的，醒胃卻不搶味，確是很特別的做法這一頓午餐，讓我認識到樂天經典，確係一間有質素的食店，不謹食材嚴謹，廚房了得，店員內㚈，服務水準都甚高，獲獎確是實至名歸…Read More

近年奧海城的商場發展很迅速，不少大牌子和連鎖店舖都進軍奧海城，更有不少國際美食都在這裏臨立。這裡沒有旺角那麼多人潮，但是也有一定的人氣，的確是行街的好地方。今日適逢朋友生日，她剛好就住在奧海城上蓋，相約她吃生日飯就當然要方便她的地點。所以我們就去到她樓下的奧海城二期覓食。我們在這裏經過一間樂天經典，原來它是樂天集團的其中一間餐廳。相信應該有質素保證，所以我們決定進去一試。這裏環境很舒適，以柔和的白燈作為主調，感覺乾淨。餐廳亦都有不少圓桌，方便一家大細在這裏用餐。我們倆被安排坐在卡位，舒適，位置夠大。這裏主打南洋菜式，是中菜的經典。餐桌上已經放了一碟小食，就是滷水花生和栗子。那個栗子很入味，滷水味道完全滲入栗子之中，這個小食完全會令你吃個不停。餐牌的第一頁就已經是他們的推介，蟹。總共有四款選擇，分別是辣椒螃蟹，黑胡椒螃蟹，黃金焗蟹和花雕雞油蒸螃蟹。我和朋友一致選擇了香口的黃金焗螃蟹，因為喜歡它的鹹蛋黃香。古早魚香老鼠粉煲＄108這個老鼠粉其實就是銀針粉，晶凝通透。煲內的食材有很多，有鮮蝦，椰菜花，冬菇粒，肉碎，香蔥等等，香氣撲鼻。上桌時上面都打上一隻生雞蛋，與老鼠粉拌勻，熱力滲入雞蛋之中，形成蛋絲，令到老鼠粉口感滑溜，更加順滑順口。何謂古早魚香呢？原來就是檸檬汁加上鹹魚！我從未試過這樣的配搭，原來都幾新鮮和驚喜。鹹魚的鹹香加上檸檬汁的酸甜，令到這個老鼠粉更添鮮味，增加清新的鹹香氣。鮮蝦爽口彈牙，感覺新鮮。香菇粒和香蔥香氣十足。這個份量足夠大約二至三人分享。荔枝咕嚕肉＄88在外面已經很少吃到荔枝咕嚕肉，多數都是用菠蘿炒。這個荔枝咕嚕肉用了荔枝肉起鑊，再加上菠蘿，所以酸甜十足。荔枝肉爽甜，咕嚕肉香脆，炸粉夠薄，肉質鮮嫩，仍吃到一絲絲的口感，有嚼勁。黃金焗螃蟹＄348一上枱，這個黃金味道已經直入鼻腔。螃蟹足足有1.2斤重，分量十足。那個鹹蛋黃有香濃的蛋黃香，鹹香味重，味道完全滲入蟹肉之中。螃蟹外殼有些少炸粉，沾上了蛋黃醬汁，香濃極致。蟹鉗啖啖肉，鮮甜可口，肉質鮮甜，滋味。我和朋友兩個吃得津津有味，那個鹹蛋黃香實在令人愛不釋手。其實我們去到第三道菜已經很飽，但也因為螃蟹製作需時，所以它是最後上菜的。如果它早一點上枱，必定吃得更盡興，會覺得更好吃。最後埋單大約＄630，雖然價錢不算便宜，但吃到一隻高質素的黃金焗螃蟹，感覺真的很滿足，過後仍然齒頰留香。…Read More

從「樂天經典」的招牌上，看到南洋風味這四個字。說來，南洋美食已很久沒吃。適逢午市吃粥粉麵半價優惠，一試！餐廳落戶奧海城二期內，與地鐵站相連，走路不用三分鐘便到，亦不怕下雨天，非常方便，餐廳內樓底高，走廊寬敞，檯與檯亦寬，坐得舒適，環境不俗。茶壺用金色做主色，給我的感覺很是北方風情，茶選喝了普洱茶，卻出奇的淡。招牌菜說是「古早魚香老鼠粉煲」，當然點吃，鍋上桌，一吃，只是平凡不過的味道，介紹中說好的鹹魚味，我全嘗不到，每口湯與老鼠粉（銀針粉）中，吃到的大概只有雞蛋、豬肉和醋味。這道說成是此店人氣第一名菜，恕我不明。「喇唦湯海鮮米線」，上桌，先被盛載食物的碗所吸引，碗內全是中文字，很是特別，嚐一口湯，嘩！好味到不得了，湯是稍微稠感的喇唦湯味，當中加上鹹魚味，將喇唦的味道豐富起來，當中的椰槳也感覺香滑，亦真是嚐到南洋風味，由於微稠，米線很能掛湯，質感煙韌，海鮮選材卻較為失色，一塊魚肉有點嚡，一口蝦尚爽口，最失敗是有兩條假蟹柳，將整碗的美味拖累了不少，這兩件蟹柳若換上魚或魷魚，便更完美！飯後來個甜品，三色桂花榚，味道不錯，桂花味尚算突出，椰奶味不太濃，亦不太甜，和桂花的味道配合，不俗。午市就是午市，當食物放進肚子後，店員便第一時間收起餐具，送客之心昭然若揭，好的，但，這時的普洱茶濃了，比前好喝得多，那多喝一杯，便走吧！由於粥粉麵類半價，好使「喇唦湯海鮮米線」變得物超所值，可再吃！…Read More

好耐都未試過係星期二晚去睇戲，為左我地心愛的Minions，今日同老婆約埋同樣喜愛Minions的老友兩夫婦收工係奧運集合，食個Early Dinner再睇八點場。😁 由於節目緊湊，我地預早上Openrice搵定奧海城的食店，最後揀左呢間近來屢獲好評的'樂天經典'。好彩大家今日都唔駛加班，我地4個未到7點已經集齊係奧運站，由於仍未到晚市繁忙時間，所以不需等位已經可以安排入座。我地入座時天仍未黑，餐廳裝修好有新式中菜店的風格，枱與枱之間空間十足坐得好舒服。👍餐牌好厚，菜式種類好多，而且於餐牌內亦有對南洋風格中菜的描述，所以我地先知呢度係食南洋中菜。😆餐牌設計精美。菜式種類好多，但由於兩位女士都好揀飲擇食，所以我地係點菜時用左好多時間，點好餐時發覺天已黑了。🙈好多款菜式都有分(大)、(中)、(小)三個價錢，原先我地4個人打算點(中)的份量，但店員解釋俾我地知，原來(小)已經足夠3至4人享用，所以我地全部菜式都點了(小)，結果原來(小)都好大份。有我超喜愛的黃金蝦球，雖然兩個女士都唔食，但我都決定點。🙈餐牌內面我地發現其中一樣有特別推介: 古早魚香老鼠粉煲，我地即時上Openrice睇睇，見其他食客都有讚冇彈，所以都點左一煲。餐前小食我老婆從來都唔喜愛品嚐，但今日呢個栗子花生佢竟然讚不絕口，最後兩位女士仲清哂! 好遺憾我係唔知呢碟餐前小食係咩味道。😆我地點的燉湯上之前店員先擺放給湯煲加熱的工具，令我地全餐飯都可以品嚐到熱湯，好貼心。個燉湯好足料，我地每人先飲一碗後繼續煲住保溫。燉湯入口好滋潤，竹笙爽口富有彈性，菜膽燉得非常腍軟，味道唔太咸，好好飲。呢個店員推介的四季豆好有水準，由於櫻花蝦份量相當多，蝦味好濃配埋同樣濃味的香蒜，果然值得店員推介。脆醬美人魚好香脆，雖然我唔太喜歡吃煮過的魚，不過睇到佢地清的咁快就知味道應該唔差。西蘭花都唔錯，加上蒜頭炒香，西蘭花都炒得乾身唔油，入口爽脆。我最愛的黃金蝦球雖然用咸蛋黃整，極其邪惡，但外層又咸蛋黃咸香味十足而且有少少脆口加上蝦球的清爽，我一個人都食左4隻。呢個招牌扣肉包好彩只點了兩件，雖然非常入味亦熟得好腍軟，配上刈包油而不膩，但真係好大件，如果我地一人食一件就好難食到其他野。菜香鐵版豆腐好有特色，豆腐外層香脆，豆腐豆味香濃而且非常嫩滑配上香蔥冬菇等等的配料，清淡之餘亦好美味。酥炸豬肉蝦棗外層炸漿非常香脆，豬肉涵料豐富，豬肉鬆軟多汁混合其他配料，口感富有彈性。呢個餐牌推介的古早魚香老鼠粉煲果然好味，首先只係睇蝦的份量已知佢足料啦，老鼠粉好彈牙唔會煮得過腍口感順滑，富有鹹魚香味，配料都好多，味道好豐富，下次黎我會再點呢個老鼠粉。油浸銀鱈魚交左俾佢地三個食。雖然餐廳有熱茶提供，不過我地男士們食野都係鍾意飲杯凍飲，呢個檸檬薏米水好清新。最後食埋呢個特色甜品三色桂花班蘭糕後，我地就趕去睇戲。三色桂花班蘭糕三層有唔同口感唔同味道，呢個食法好特別。埋單每人唔駛$300，價錢合理，不過我地以為(小)的原來份量都好多，所以今餐其實係點多左要捧住個肚去睇戲，下次黎點少兩個菜都應該好夠食。…Read More

朋友從加拿大回港，嚷著要吃中菜和東南亞菜，所以便選擇了樂天經典。這裏的裝潢舒適簡潔，桌子之間也有足夠的空間，環境很適合朋友們談天。侍應招呼也很好，食物有創意又很美味，朋友吃後讚不絕口。茶錢每位只收$7，我們要的香片很清香又帶些甘味，在晚飯時段的茶錢才$7，真的很便宜。這碟非常好味的小食是暖的，連小食也這樣有心思，足見這食肆一點也不馬虎。我平時不大喜歡吃花生，但這碟花生很腍很入味，栗子粒很甜很腍很好味，值得讚賞。天麻藥膳豬肚湯 非常足料又好重胡椒味的燉湯。燉湯是用天麻、玉竹、胡椒粒、豬肚、排骨、赤肉、老雞和雞腳熬製而成，味道濃郁火喉十足，非常好味，連豬肚和赤肉吃起來都很嫩滑 。脆醬美人魚 這南洋小吃很特別，魚仔炸得很香脆和惹味，味道甜中帶一點點辣，好吃得簡直停不下來。青芥末蝦球 蝦球外皮有薄薄的脆槳，蝦很大隻又很彈牙，蛋黃醬加上青芥末，很特別又令人吃得刺激；還有些蘭香子、脆卜卜的蟹籽和很香甜的芒果粒，美味得來賣相又很吸引。砂煲花菇西蘭花扣海參 海參和花菇各有五、六件，爽口的花菇很大隻很厚身又有菇味，海參也很大片，煮得腍滑彈牙，而且還吸收了花菇的香味。連西蘭花也煮得翠綠爽脆，這款菜色健康得來又美味。古早魚香老鼠粉煲 老鼠粉是馬來西亞名菜，用砂窩上可以保存溫度。老鼠粉很順滑很特別，還有很大隻的蝦仁、肉碎、冬菇、咸肉、椰菜花和生雞蛋，咸魚蓉和酸柑汁另上，食客可按自己的口味而加上。雖然我們叫了一窩小的，但份量很多，真的足夠四人吃。酸柑香茅凍 賣相很漂亮的甜品。香茅凍不會有過濃的香茅味，濃淡度和甜度剛剛好；還有蘭香子、薄荷葉和柑桔仔，吃起來有很清新和涼快的感覺。…Read More

樂天經典，間中都會去食個飯，貪佢個地方靜靜地同座位幾好坐，今晚約左我老豆同阿媽。我地叫左溏心皮蛋、砂煲天麻黃酒雞、荔枝咕嚕肉、古早魚香老鼠粉煲、香脆彎月黃立鯧、金銀蛋浸時蔬同青島啤酒。溏心皮蛋﹕蛋心味濃郁又香，咬落去，口感軟滑，有別於其他食肆，十分喜歡。砂煲天麻黃酒雞﹕好多薑絲，D雞好有黃酒味，仲要係極濃，夠滑，如果雞件多D肉會更正。荔枝咕嚕肉﹕好適合夏天食的一道菜，青椒、紅椒、洋蔥十分爽口。咕嚕肉外面炸得脆脆的，配上一層濃郁的芡汁，酸酸的，十分開胃。雖然叫既係荔枝咕嚕肉，但眼見有菠蘿，視覺同味覺混淆了。古早魚香老鼠粉煲﹕聽聞係馬拉係一道好出名既美食，所以今次叫黎試下。員工將一個瓦煲放上枱，熱騰騰的，打開煲蓋，之後放隻生蛋，將煲內既食物攪拌數下，完成。我舀黎睇下先知老鼠粉原來係銀針粉，老鼠粉嫩滑、配上砌碎的冬菇、鹹魚碎、肉碎等等，質感有趣，有一PAT PAT的感覺，方便懶人入口。香脆彎月黃立鯧﹕上枱前覺得佢個魚樣好衰，但開左佢塊皮後，魚肉好腍，好滑，唔洗5分鐘，全家好以D貓咁食曬，然頭都唔放過。金銀蛋浸時蔬﹕上湯味道濃郁，新鮮柔軟的菜面上有好多已砌碎的鹹蛋、皮蛋、豬肉等等。…Read More

今天下班後大家都有點累，於是就決定先吃晚飯再回家休息。中環吃晚飯消費始終偏高，於是我們來了奧海城吃飯。在奧海城走了一圈，發要中菜的選擇不算多，於是我們就決定試一下樂天經典。餐廳環境闊落，裝潢簡潔而且大方得體。可能今天是平日的關係，餐廳並不算熱鬧。侍應的招呼殷勤到位，甫坐下，就馬上奉上了餐牌，問好要什麼茶，端上小吃，就差一條熱毛巾擦手餐牌選擇非常多，我們花了頗一點時間才決定吃什麼！招牌扣肉包最先出場，包和肉是分開的，自行製作成扣肉包。扣肉味道濃郁，炆得很腍很入味，包非常鬆軟，夾了爽口的生菜一起吃，口感豐富，味道不錯第二道菜是黃金蝦球，我們叫了小的份量，一客有六隻。蝦球選料上乘，蝦肉爽口鮮味，均勻地沾了鹹蛋黃一起炸，非常滋味。不過一客索價$135，不算太便宜啦這個古早魚香老鼠粉煲是全晚最受歡迎的菜色，侍應加了鹹魚碎，提升了這個老鼠粉煲的味道。老鼠粉口感爽滑，加上材料豐富，杰身的湯汁味道很鮮，大家都吃個不停最後來的是黃酒雞煲，這個天氣食好像有點不太配合。雞煲酒味香濃，而且雞的份量很多，絕對是啖啖肉之選。不過，我就略嫌這雞肉不夠滑，可能煮的時間長了一點。整體來說這晚餐味道不錯，而且餐廳的選擇很多，下次再來可以試試其他美食…Read More

改名樂天經典，打開餐牌，看不出跟樂天客棧的分別。冰鎮苦瓜把涼瓜刨成半透明的薄片，砌成朵花，然後在上面放上碎冰，燈光射在冰上，特別晶瑩剔透，很耀眼。冰涼的苦瓜，清、爽、甘，跟苦扯不上關係。配上桂花蜂蜜，以甜甜的花香調味，更是好吃。金銀蛋浸時蔬肉碎輕輕調味，皮蛋鹹蛋肉碎的份量很多，上湯濃郁但不過重。菜吸入適量的上湯，很入味。沒有上湯菜常有的問題，很爽。古早魚香老鼠粉煲店員放下一鍋的老鼠粉，打開蓋，白煙真冒。𣊬即拿起手機，秒速拍照，店員倒入類似菜甫，然後所有材料拌勻。蛋黃流出，把原先白雪雪的老鼠粉染成暗黃，汁變得稠，更覺濃郁。看似變稠，其實仍然幾濕，盛到碗裡還有些汁。這裡稱為老鼠粉，跟港式銀針粉無異，不過煮得十分出色，浸在汁裡的粉，入口一條條，很乾爽。一點也不腍，表面連少少煮爛都沒有。醬汁很特別，混著柔和、細膩的鹹魚香，鹹鹹酸酸的，十分開胃，混了蛋黃的厚身，濃稠夠香。用料豐富，有大隻新鮮爽口的蝦、煮得恰到好處的椰菜花、肉碎、乾蔥和切成粒的菇。沒想到一大煲竟然極速被我們二人吃個清光。砂鍋的保暖功效驚人，吃到最後一口還是熱的。星州醬蒸大魚頭魚頭蒸得一流，應實的實，應滑的滑。透明位置滑溜溜是理所當雞火，魚頭的肉嫩滑遺意料之內，但跟魚身位置的肉也嫩滑就幾驚喜，雖然多骨要小心吃。鋪滿秘製的醬，似麵豉醬，一粒一粒的口感，但微辣，不太鹹，伴魚一流。連醬吃要放棄魚鮮，有醬無醬也好吃。咖啡脆雞上次也吃過這道，印象很深，想再點一次，再回味。未吃已聞到香噴噴的咖啡香。可是，比記憶中乾，以致咖啡味沒揮發得那麼好。吃了幾件，不是骨多就是肉硬，沒記憶中嫩。幾滿意的一餐，尤其是老鼠粉。喜苒人這裡座位寬闊，坐得舒適，店員服務亦好，但就不算便宜，大角咀有更廉價又有質素的選擇。…Read More

這間粵式菜館的食物種類有很多, 款式亦很多, 適合一家大小或和一班朋友來吃個晚餐, 因為每一道菜的分量也很大, 所以適合和一大班人一起分享。今次我只是和一位朋友來吃, 所以我們也不敢點太多食物, 害怕吃不下。這個雞煲裏面的雞肉質算嫩滑, 充滿酒味, 它的酒味香濃, 每啖雞肉也吃到酒味, 非常惹味和入味。這個砂鍋裏有花菇、西蘭花和海參 。西蘭花煮得很淋, 帶著濃濃的調味汁味。我很喜歡裏面的海參, 海參的營養價值很高呢!這個老鼠粉還是第一次吃, 它應該是和銀針粉一樣, 只是名稱不同而己。老鼠粉帶點彈牙的質感, 裏面亦有椰菜花、蛋絲、豬肉碎等等, 應該是一道很地道的菜式。另外, 我們也點了炒四季豆來吃。四季豆上有一些櫻花蝦、蒜粒和一些菜圃。每一啖四季豆都品嚐到櫻花蝦的味道和蒜頭味。我很喜歡這個配搭，脆脆的櫻花蝦為菜式增添了不少口感。…Read More

今晚同媽媽撐枱腳，係奧海城行完街就順便搵間餐廳食晚飯。其實三期個邊餐廳有好多選擇，不過媽媽鍾意食中菜，又想近返地鐵站，就揀咗來樂天食飯。餐廳裝修低調企理，座位之間好多空位，感覺開揚舒服。坐低之後我哋就開始研究餐牌，發現呢度啲中菜同平時嘅酒樓有啲唔一樣，除咗有啲新潮嘅菜式之外，仲有啲南洋風味。而且呢度嘅食物可以叫大中細size，多人少人黎食都冇問題。由於選擇好多，我哋都睇左好耐先決定到食乜嘢！先來一個頭盤，蒜香紅海蜇頭。海蜇頭非常爽脆，味道酸酸辣辣，醒神開胃。然後，見餐牌上面有一味招牌扣肉包，我哋就點左兩件試吓。原來包同肉係分開上嘅，自己夾埋一齊。其實咁樣仲好，扣肉嘅汁唔會整到個包濕哂。呢味果然係招牌菜，包係非常嘅鬆軟，而扣肉亦炆得好腍好入味，最正嘅係餐廳安排左生菜夾入個包一齊食，感覺健康啲，又冇咁油膩。再來一味古早魚香老鼠粉煲，呢個煲一拎上枱嘅時候味道已經好香，侍應仲拎住一碟小小嘅鹹魚碎，問我地要唔要撈埋落去，媽媽鍾意鹹魚，即刻表示同意。撈左鹹魚肉，再搞下隻蛋就食得。老鼠粉其實就係銀針粉，口感滑溜，配上杰身嘅湯汁，同埋各樣配料（咸魚、蝦仁、冬菇、蔬菜等等），味道豐富好食，媽媽讚不絕口。雖然煲老鼠粉份量好多，但我哋一路食一路傾計，去到最後竟然食清光！食到好飽，但甜品都係唔可以錯過嘅。我地點左椰子西米露湯圓，西米已經煮到溶哂，糖水充滿椰香味，本身已經幾好味，但加咗黑芝麻湯圓就顯得有啲格格不入。今餐飯同媽媽食得好開心，難得有間餐廳媽媽覺得好味又抵食，下次可以成家人來開餐…Read More