Mui Kee Congee

朋友英國返香港, schedule 好爆, 只偷到時間食早餐.話說人日要食粥, 又要就返大家中間o的地點meet, 所以選左九龍區.本身想約另一間, 但10點未開門, 咁我就搵左呢間, 其實都未o黎過, 但見食評都唔錯, 就約左大家去呢間.我叫左及第粥, 另外唔記得朋友們叫左乜粥, 不過就有叫左油炸鬼, 炸両同埋齋腸.好多時炸両都係整定所以我都唔太鍾意食, 但呢度真係即叫即整, 齋腸都係.腸粉滑, 炸面脆卜卜. 實在好讚. 而且可以睇到阿姐係即蒸腸粉.就算肉碎粥, 都見到師傅係放舊肉入機立即打碎, 真係真材實料! 呢間必定會再encore!…Read More

👧🏻細個唔鍾意食粥，唯一肯自願食既就係妹記～佢地d粥底全部都係用魚湯，仲要係烘過既大地魚，加埋無敵既🐷雜🥰 咁多年都係果個味，無變過，唯一變既越來越少人食... 以前要等位，一位難求，西環果間分店好似無左，但居然開到去新加坡😗以前屋企教落完單就整定兜鼓油加胡椒粉，碗粥一上台就即刻夾起d粉腸點嚟食，粉腸同豬膶一樣過熱會變苦會韌，但佢個豬膶真係不敗，咁都年都係無筋，又爽滑！👍🏻最後都係叫埋個魚皮，算啦都無幾可出嚟食粥，豪俾佢！有機會既話可能會試下大魷限定粥品🤩…Read More

今日去到旺角，天氣有點冷，想食粥所以來了妹記。叫了及第粥，都叫足料。先說粥底，夠綿，不過較稀。粥料有豬肝，豬心，豬粉腸及肉丸。豬肝爽滑，不會老，只是稍為薄了一點，厚一點口感更佳。豬心為薄切，夠爽。粉腸有𡁻囗但不會像香囗膠，可惜沒有粉腸本身的甜美。總括而言，是一碗可口的及第粥…Read More

多年前曾有一段時間在附近返工，當時只懂得幫襯隔離檔口的碟頭飯，卻不知這兒的粥出色。今日專登到來朝聖，吃碗鯇魚腩粥和及第粥。及第粥的粉腸、豬潤及肉丸頗多。愛其肉丸甚軟滑，豬潤則剛熟，爽滑無渣。不過相比之下，魚粥更為出色。其粥底甜滑得很，鯇魚腩則分量夠多，而且仍然嫩滑不鞋，總算沒有走寶！…Read More

由於媽咪唔係幾舒服，所以去完church之後就黎左呢度食粥當午餐。呢度一直都幾出名下，而且知佢只係做到 3 點就收檔，所以遲d黎食都食唔到。我地黎到既時候都係眼見佢呢檔幾乎最多人。呢度真係只有粥，最多俾多個油炸鬼你，無炒麵腸粉其他野，不過今日我地想要油炸鬼佢都話賣哂，咁唯有叫粥算數啦。我地一人一碗，要左碗狀元及第粥同埋腰膶粥，分別係$21同$25，貴唔貴就見人見至啦，普通啦，唔係貴都唔係特別平囉。等左大概 5 分鐘多D就有得食啦，佢既份量一般，唔算特別大碗，不過真係好熱辣辣，要慢慢食先食到。粥底唔算好綿，不過都食到少少米香既。食落去真係幾濃味，唔知佢真係咁香定係味精成份居多，不過食完都未至於會覺得好口乾。反而覺得佢D材料幾好食喎，食及第粥就係貪佢咩料都有，豬肉丸個人覺得幾好食，因為食落去有口感，唔會係好淋，而且有好香既肉味，再加點點胡椒味道既感覺，唔錯。另外豬膶切得幾薄，食落好軟熟，唔會好乾好硬咁。粉腸食落粉粉的，但好乾淨，佢同豬腰都唔會有怪味道，大部份材料都唔錯食得過。佢只係專做粥一樣食品，如果咁都做得唔好咁佢都真係有D問題，不過都真係食得過既，係旺角想食粥既可以考慮黎呢度。…Read More