Moon Lok Chinese Restaurant (Closed)

外母生日要搵啲新嘅地方同佢慶祝，發現西九戲曲中心新開嘅中菜館，地方幾特別有得食有得睇戲。不過今日食飯真係有啲曲折啦，因為全線地鐵停駛，要坐巴士或揸車過嚟，好在路面冇乜大問題如果唔係個生日飯就食唔到啦！好在佢哋有15人嘅大枱，唔會坐得太迫夾，枱面放上多啲菜都唔會覺得擺唔落，方便大家庭。前菜四小碟（椒鹽九肚魚、金沙涼瓜魚皮、脆皮燒腩仔、手帕青瓜），但係唔係一齊上晒呢四個前菜，比較奇怪啲。椒鹽九肚魚好鮮亦炸得鬆脆。金沙涼瓜魚皮拍得住星加坡鹹蛋魚皮，鹹蛋涼瓜唔會太苦亦唔會太咸，味道中和得幾好。脆皮燒腩仔皮脆肉嫩有水準，個黃芥辣，唔係英式唔係法式芥辣，但配合起嚟好夾。手帕青瓜水準合格。叉燒係呢度嘅招牌菜之一，果然有水準好淋好入味又唔會太肥。上湯龍蝦伊麵有驚喜，龍蝦鮮甜肉嫩，有驚喜嘅係伊麵湯底，我估計佢哋嘅上湯係再加龍蝦殼去煮，所以伊麵食起嚟好有龍蝦味，好香好濃。鴛鴦胡椒蒸花尾龍躉係呢度嘅特色菜之一，龍躉肉好嫩滑，配合中度辣嘅胡椒，好有層次同好開胃。金牌片皮鴨皮脆肉香，佢哋嘅鴨唔算肥，但係都好有咬口好有層次。上湯杞子浸菜遠：估唔到有花膠碎鋪面，菜遠好幼嫩冇渣。當紅炸子雞亦炸得十分好，個脆皮都有片皮鴨個脆皮咁脆。瑤柱蛋白炒飯，炸過嘅瑤柱鋪面零瀉香口，炒飯亦都唔錯，只係之前嘅菜碟頭都好大分量去到尾已經有啲唔係好食得落啦！價錢大約$400一個人，以呢個食物水平都算有唔錯，可以再幫襯。…Read More

平日與友人食飯, 多數食日式或西餐, 但人數較多的話, 我就覺中菜較適合, 因為以圓枱為主, 方便傾計, 今次我地就去了位於西九龍戲曲中心的中菜館 - 滿樂中菜食飯.燒味 - 叉燒. 食中菜燒味不少得.叉燒我鍾意食偏瘦, 這款啱晒我. 而且肉質夠稔身, 味道調教適中.招牌片皮鴨.這裡出名片皮鴨, 我地當然要一試.先奉上帶有肉的片皮鴨. 肉質幾咸香, 又唔會太乾身. 再來係一片片的皮, 可以混入醬和配料一齊食. 這樣食少了一份油膩感.與帶肉一齊食的口感, 各有不同, 兩款我也鍾意.杏汁燉白肺湯. 一口氣食了兩款較濃味的菜式, 當然要飲番一碗靚湯.這個杏汁燉白肺湯可以滋潤喉嚨, 入口有香濃的杏仁味道, 加上白肺處理得乾淨, 口感不俗.雜菌蒜片炒牛柳粒. 我自己鍾意食牛肉. 牛柳粒夠稔身, 肉質完全唔覺得硬和乾.加上蒜片的味道, 雙重口感.滿樂一品煲.材料豐富, 當中有蝦, 海參, 帶子等材料. 食完牛柳粒, 再食這個, 可以起中和作用.九龍戲曲中心原來不只有戲睇，也有中菜食.…Read More

剛開幕的戲曲中心已經成為尖沙咀的一個新地標。獨特的外型吸引不少人前來拍照打咭。而我當然也不會錯過。龐大的戲曲中心最佳的觀賞角度是由港鐵西九龍站遠眺，開揚的花園平台更可以飽覽維港景色。戲曲中心內設施完善，傳統中帶有現代感，同時又有不少食肆，讓人欣賞戲曲的同時可以一嚐傳統中菜。滿樂中菜保持戲曲中心的風格，它的中國風絕不會與戲曲中心格格不入。餐廳點心小菜齊備，菜式的選擇豐富。肉餅蒸蟹圈完全被大量橙色的蟹膏和大大個蟹蓋所吸引，蟹肉鮮甜又多肉，以蒸的方法就不會令蟹的肉汁流失，同時下面有肉餅，可以吸收到蟹汁的鮮味，配埋蟹膏一起吃就更加開胃。招牌片皮鴨原隻片皮鴨非常吸引，即場可以看到師傅的功架，切出不同的部分。鴨皮鬆脆，入口已化為酥香，油香肉滑，傳統食法可自由選擇配上青瓜絲、京葱絲、薑絲，甜麵醬。燒味雙拼（叉燒、燒腩仔）叉燒有光澤，肉和脂肪比例上恰到好處，口感一流，加上香甜的蜜汁，非一般吃到的叉燒可媲美。燒腩仔的口感豐富，脆皮，脂肪和肉不多也不少，皮脆肉滑，肥而不膩。杏汁燉白肺湯杏汁燉白肺湯好滋潤，入口舒服，杏汁的味道不算強烈，白肺處理得不錯，口感清爽。雜菌蒜片炒牛柳粒牛柳粒的份量絕不吝嗇，海量的蒜片令牛柳充滿蒜香，牛柳粒爽口彈牙，沒有韌的感覺。鮑汁炆花生鳳爪煲鳳爪已炆得非常香腍，充滿鮑汁的味道，配上大量花生，食唔停口。戲曲中心的確是個不錯的體驗，一舉兩得，而且位置方便，值得一去！…Read More