Dim Sum Here (Temple Street)

餐廳為茶餐廳風格，上點心速度較慢，但整體味道好味1. 卡通流心芋蓉包味道: 8/10 ⭐️性價比: 8/10 ⭐️推薦: 8/10 ⭐️可愛造型的包，味道也很好味，芋蓉味重，包也十分軟熟2. 豉汁蒸鳳爪味道: 7/10性價比: 7/10推薦: 7/10呢度點心正常發揮，同平時茶樓食嘅差唔多3. 晶瑩鮮蝦餃味道: 7/10性價比: 7/10推薦: 7/10蝦餃的蝦好新鮮，而且好足料，啖啖蝦肉4. 金沙脆皮銀蘿腸味道: 8/10 ⭐️性價比: 7/10推薦: 8/10 ⭐️外觀望落普通，但軟熟的腸粉包裹着香脆的炸兩，令口感更有層次，推薦👍🏻 略嫌腸粉較少，如果多一條會比較開心🤣5. 燒汁釀虎皮椒味道: 6.5/10性價比: 7/10推薦: 6.5/10呢度點心令我諗起煎釀三寶😂 冇咩特別，但材料新鮮，味道正常6. 上海小籠包味道: 8/10 ⭐️性價比: 6/10推薦: 7/10小籠包皮薄，內有滿滿的湯汁，味道鮮甜，但一籠只有三個小籠包，令人有少少失望，性價比相對低。7. 黑松露菜苗餃味道: 8/10 ⭐️性價比: 8/10 ⭐️推薦: 8/10 ⭐️菜苗餃好足料，以上面的黑松露，也十分配搭，菜苗之中有淡淡的黑松露味👍🏻8. 黑金流沙包味道: 9/10 🌟性價比: 8/10 ⭐️推薦: 9/10 🌟流沙包軟熟，新鮮出爐，流沙奶黃餡，從包子裏爆出來，好好味🤤 十分推薦…Read More

原隻蝦燒賣（$17）要咗兩粒，即蒸大概需時十分鐘，餡料全是蝦肉，大大粒，彈牙，不錯。沙律明蝦角（$30）有三件，即炸，外皮脆，餡料同樣全是蝦肉，但可惜少少油。五香咸水角（$24）有三件，即炸，外皮又脆又糯，餡料夠味，唔油膩，不錯。蜆蚧鯪魚球（$28）有六粒，粒粒都大大粒，即炸，少少油，外層微脆，魚肉紮實有咬口，點埋咸咸哋嘅蜆蚧汁，添加咸香層次，不錯兼且抵食。韭黃鮮蝦腸（$30）即蒸，腸粉好滑，而且有彈性，唔會一夾就爛。韭黃唔多，蝦肉適量，味道可以。茶錢$5位，沒有加一服務費。…Read More

同朋友喺佐敦見面，見到呢一間點心舖食評幾好就去試一試，我地1點半左右到，剛好食飯時間裏面已經滿咗，前面大約有兩組人，好好彩唔使排太耐，10分鐘左右就有位啦🤩.入面嘅環境比較迫，同隔籬枱好近。枱上面會有一啲透明膠嘅擋板等大家安心啲，但望到板上面有好多食物嘅汁跡，令我對佢地衛生清潔印象唔太好🫣。.金沙脆皮銀蘿腸 $28開頭睇到相會以為係炸兩黎，但原來係腸粉皮包住白蘿蔔絲春卷。黎到重係熱辣辣，裏面嘅春卷皮冇俾腸粉嘅蒸氣整到淋咗，依然脆卜卜，內涵好足料有滿滿嘅白蘿蔔餡，味道清甜。三重口感意外地夾，下次嚟都會再叫。原隻蝦燒賣(2粒) $15燒賣好大粒，上面有原隻飽滿嘅蝦🍤，賣相比平時嘅酒樓燒賣已經吸引得多。🦐蝦爽口唔霉，🐖豬肉唔會彈牙唔硬。最好既係有分兩粒同埋四粒選擇，兩個人嚟食剛剛好。燒汁釀虎皮椒 $24虎皮椒煎得啱啱好，有少少焦香味好食。不過唔太食得辣嘅朋友要留意，有機會抽中好辣既😂上海小籠包＄24 小籠包好扁外貌已經唔係好吸引😅 外皮質感唔會太厚，內陷肉味唔錯，但接近冇湯汁，唔推介。卡通流心芋蓉包 $22芋蓉包好cute, 外貌100分，芋蓉味好香，不過唔覺有流心效果🤔小失望。鮮蝦腐皮卷🦐 $28外層腐皮炸到好酥脆，入面蝦肉飽滿彈牙，正。懷舊鵪鶉蛋燒賣🥚$26好味道同口感正常不過不失，不過依一樣舊式嘅點心喺茶樓買少見少，嚟到不妨要一個試吓。—————————💬食物款式選擇比普遍嘅茶樓多，同埋幾欣賞佢有一啲懷舊款式之除又有新派嘅，容易迎合唔同人嘅口味，大部份嘅食物都唔錯。不過唔知係咪期間限定，嗰日Menu無糯米控我🧏🏻‍♀️期待已久嘅懷舊嘅糯米包，有啲失望。另外整潔度上都有好大嘅進步空間。.📍點心到 (佐敦)佐敦廟街286-298號華志大廈地下6-8號舖…Read More

老公今日要去佐敦做嘢，佢話可以陪我食個快lunch🤭即刻揀咗呢間，我見啲食評話上菜速度好快。入到去幾乎坐滿晒咁滯，都似係喺附近返工放lunch嘅人，一坐低我哋即刻點野食，呢度有啲兩件嘅點心可以揀，幾好喎，唔使兩個人食咁多，咁又可以試多幾樣🤭我哋total揀咗七樣嘢。晶瑩鮮蝦餃（兩件）原隻蝦燒賣（兩件）黑松露菜苗餃燒汁釀虎皮椒鮮竹牛肉球黑金流沙包上海小籠包真係上菜速度好快，我哋坐低叫嘢到埋單俾錢都係用咗40分鐘🙊好似未試過飲茶食點心可以咁快食完，平時好多都要等好耐，想講啲點心又唔似整定擺喺度㗎喎🤔因為上枱嘅時候仲出晒煙好熱，咁真係好高效率👍🏻食物質素OK，蝦餃同燒賣啲蝦都好彈牙，釀虎皮椒好味，少少辣同燒汁味道好夾，小籠包超多肉汁，好食👍🏻流沙包我覺得唔夠流沙，但味道就好食嘅，佢哋呢度茶介$3一位真係好平，我哋兩個人食咗七樣嘢先係150幾蚊，總括嚟講快靚正之選。…Read More

今日專登出佐敦買廚房用具同冲咖啡用品，行足兩粒鐘，走勻幾條街，又攰又肚仔餓之餘，又話今晚即將轉八號風。即刻嗱嗱臨搵下附近有的乜嘢好食。見到大大間「點心到」，新派裝修飲茶食點心餐廳，一於嘆番杯茶，食番一盅兩件。點心選擇種類都多，除點心、有籠仔蒸飯，仲有燉湯同甜品。另外，如果唔想飲中國茶，亦有各式汽水，或者可選擇咖啡、奶茶、檸茶等等。《晶瑩鮮蝦餃》、《原隻蝦燒賣》係必食，果然燒賣隻蝦好夠大隻，鮮甜爽口彈牙。蝦餃都皮夠薄滑。最正係有兩粒或四粒揀，兩個人揀兩粒，就吾使驚食唔曬。《豉汁蒸鳳爪》、《上海小籠包》、《黑松露菜苗餃》同《濃湯鮮竹卷》，每款都係阿仔同我喜愛，整體上水準都唔錯。加上最緊要即叫即蒸，上抬夠熱就更加好味。最後加多個《楊枝甘露》甜品，話時話好耐冇食。呢個都吾錯，足料夠香甜。相比一般酒樓，呢間點心係全日供應，一想食就可以嚟食。吾使好似以前，要一大清早起床去攞位。任何時候想食點心、飲番杯茶，呢間的確係不錯選擇。…Read More

今日要同個朋友去上堂，上堂前當然要醫肚，佢話想食流沙包，我哋就揾到呢間係佐敦廟街既點心到。舖頭入面都好乾淨企理，有少量沙發位，都坐得算舒服！晶瑩鮮蝦餃（2粒）（$15）、原隻蝦燒賣（2粒）（$15）見到兩款點心都有2粒呢個選項真係覺得好窩心，因為有時真係淨係想食一粒同想食多啲其他點心。個人覺得燒賣比蝦餃出色，蝦餃內餡好彈牙較淡。濃湯鮮竹卷（$19）全素既鮮竹卷，內餡係蘿蔔同其他素茶，豆味香濃，湯底仲有杞子味，感覺好養生！黑金流沙包（$25）小小既黑色蒸包一搣開就會流出奶黃餡，非常邪惡又惹味，又唔會太甜太油，食三個都唔覺得膩！金沙脆皮銀蘿腸（$26）好難得見到羅漢齋同白腸粉以外嘅全素腸粉，內餡係蘿蔔絲外包香口脆皮，最外面係香軟腸粉皮，食落感覺幾清新！沙薑汁燴鮮淮山（$22）有西芹同木耳加鮮淮山，口感偏軟，好香沙薑味但唔會過鹹。籠仔鳳爪排骨飯（$34）用荷葉飯墊底，鋪上靚金鳯米同鳳爪排骨再蒸，入口有陣陣荷葉香氣，飯煮得好好，加埋甜豉油，真係一個人食晒成籠都得！總括嚟講，呢度既點心性價比好高，選擇都多，唔洗加一，所以都見到好多附近既街坊黎幫襯，同店員有傾有講，好家常既感覺！…Read More

聽朋友講佐敦呢間點心店好抵食，見今日去開附近，就打算試吓😝。其實之前我哋都有食過佢喺旺角嘅同集團分店（嗰間係食小菜為主），果次都覺得唔錯，所以今次經開佐敦諗都唔諗就決定去。餐廳地點離佐敦地鐵站約十分鐘路程，非常容易就搵到。我哋叫咗好多個點心，每個都好好味😋。👅金莎脆皮銀蘿腸（$26），雖然腸粉皮有啲厚，但個口感都好唔錯。🦐原隻蝦燒賣（$15），肉味香濃，蝦亦都好大隻，抵食！🍞 黑金流沙包（$25），個size比其他出邊嘅流沙包細少少，細少少反而更加好唔會太過濟。🍚籠仔金銀蒜海蝦飯($42)，蒜味唔會太勁，蝦味完完全全咁滲晒落去個飯度，非常之好味同抵食😝！總結來說，味道唔錯，價錢抵食，值得一試🤣！…Read More

飲茶唔一定要去酒樓既~ 點心專門店都係其中一個選擇😋🥢🔸卡通流心芋蓉包 ($22)個包好睇又好食🤣 有三個唔同表情, 勁搞笑😂😂芋蓉好香💜甜度岩岩好🤤 雖然無乜流心, 但都好味😁🔸黑金流沙包 ($25)個包超軟, 包住流沙奶黃餡💛 一meet開個包就流曬出來🤤鹹蛋味都好香, 有沙沙既口感, 好味👍🏻🔸原隻蝦燒賣 ($30)必點點心‼️蝦超大粒超爽口🍤 配埋粒粒手切半肥瘦豬肉, 超有口感😋絕對好食過酒樓既燒賣‼️🔸晶瑩鮮蝦餃 ($30)必點點心‼️皮薄餡靚, 蝦肉勁彈牙😙 同埋好大粒😍🔸金沙脆皮銀蘿腸 ($26)即係炸兩🤣 私心推介❤️真心好食過平時既炸兩好多‼️皮薄同埋超滑嫩, 入面條油炸鬼仲超超超脆😍真心好好味👍🏻👍🏻👍🏻🔸籠仔金銀蒜海蝦飯 ($42)一上檯已經好香🤤 海蝦份量都唔少, 落埋甜鼓油食, 好香好好味☺️略嫌飯硬左dd, 不過都好抵食😝茶錢只係$3一位, 點心又抵食又高質👍🏻 真心推介‼️評分: ⭐️⭐️⭐️⭐️…Read More

留意這間點心店好耐，終於開番堂食，就去試下。雖已三點幾，但客人不斷。座位算闊落，阿姐們也快手有禮。叫了幾樣點心，全部新鮮出籠，百分百香港製造，味道適中不過鹹，滿意。第一次試，叫的點心比較保守，它還有些較新潮的點心和甜點，下次再試。原隻蝦燒賣2粒（$15）蝦和豬肉都爽口彈牙。蜜汁叉燒包（$25）包皮鬆軟不痴牙，叉燒無肥膏，醬汁不會一擗擗。如果叉燒切得大粒些會更好，現在較碎。黑金流沙包（$25）賣相靚仔，包皮鬆軟，流沙夠香。香茜牛肉腸（$24）腸粉夠滑，牛肉足料夠厚，不過作為芫荽控的我不滿芫荽太少。鮑螺片滑雞粥（$26）粥底雖略淡，但是我喜歡的較稀粥底，加番分。雞肉大件醃得入味，份量又多；鮑螺片香濃煙韌。豐料糯米雞（$28）汁濃肉鮮，唔錯唔錯。濃湯杞子浸時蔬（$18）正常。…Read More

兩個女生晚上聚會，吃點心都是一個不錯選擇😋 不過很多大酒樓一籠點心都要$40以上，這樣兩個人吃的話又太貴，這間點心店雖然不是有超級多點心款色，但平常會吃的都有，重點是價錢實惠，值得一試！🔹卡通流心芋蓉包 $22這款充滿特色的包點面層有可愛的表情符號，鬆軟的麵包內有綿密香甜的芋蓉😚 餡料甜度剛剛好，加上麵包自身的香氣，一口咬下質感獨特，推薦。🔹懷舊混醬腸粉 $23腸粉份量超多，細看每一條都是晶瑩剔透，真的是薄薄一層慢慢捲，口感軟糯，上面淋上滿滿的麻醬再用甜醬粉飾，如果甜醬再多一點會更好🤪🔹沙律明蝦角 $28這款蝦角和平常吃的有些不同，外表像小福袋的它包裹了幾條非常新鮮爽口的蝦，就算炸完都不會掛油蝦也不會太硬，點上沙律醬味道更鮮明，一個人也可以清碟🦐🦐🔹晶瑩鮮蝦餃（2粒） $15 原隻蝦燒賣（2粒） $15人少的時候想吃多款點心礙於小胃真的差不多了少，這裡最好就是有2粒選擇！燒賣上面還有彈牙的原隻蝦增添鮮味，燒賣肉汁飽滿，肉自身的味道都很濃郁，是很高質的燒賣。🔹香煎蘿蔔糕 $19蘿蔔蓉打得很綿滑，隱約還有鮮甜的蘿蔔粒，外層煎到脆脆的很像口開胃，份量夠多可以作為填肚主食，點了醬汁後蘿蔔的味道更突出，這個價錢絕對優質。🔹豉汁蒸鳳爪 $19從顏色就可以看到鳳爪收汁收得很完整，豉汁的鹹香完全滲透到鳳爪中，味道也很正宗。🔹濃湯杞子浸時蔬 $22湯底很醇厚，用來浸菜心令菜心口感柔和了，搭配這天我們點的菜式也很適合。…Read More

🫖🍴晚餐想吃點心但又不想光顧酒樓，最近發掘了多一個貼地選擇！🤩🤩🤩✨✨✨ 這個是佐敦廟街附近的一家貌似茶記、專吃點心的點心餐廳！我們是在晚市6點左右去的，進去的時候剛好遇上空桌不用排隊，坐下之後外面開始人多了要等位。餐廳地方不算很大，卡位會坐得比較擠逼，反而靠窗的座位闊落一點。不過我們都只是打算「快快趣」吃個晚餐，對空間感要求不太高。👌🏻黑金流沙包 $25🖤🖤🖤黑金流沙包的金粉閃亮耀眼，配上沉穩內斂的黑色，賣相簡直是一絕！✨✨✨一向是流沙包迷的我最喜歡實測奶黃的溫度和流心程度，一上桌我就馬上剝開流沙包，結果發現蒸包奶黃的質感果真非常流沙。😍 所以我們趁熱就很快消滅了籠中的三個流沙包。原隻蝦燒賣（2粒）$15這裡超好的，可以讓我們選擇二人份量，不用勉強吃四粒。🥺 我們選擇兩粒，怕太飽會吃不到其他點心！每粒燒賣上面都奉送一隻爽口的蝦，而且十分足料，啖啖都是豬肉。🦐黑松露菜苗餃 $26黑松露菜苗餃外表十分高貴🖤🤍 晶瑩剔透的餃皮包裹住豆苗和蝦肉，黑松露點綴起來味道和口感都更加豐富。✨榴槤雪媚娘 $32喜歡榴槤的朋友應該會很喜歡🥰🥰 它的質感好像糯米糍一樣，煙煙韌韌的！裡面有滿滿的白色忌廉奶油和一點榴槤肉，雖然榴槤肉不算多，但是我卻因為超強的榴槤味而覺得很滿足～🤣 一份會有兩個雪媚娘，可以與朋友分享！餐廳也很細心，預先安排好透明膠手套，所以我們吃完雙手還是很乾淨的！🙌🏻🙌🏻沙參玉竹燉土雞 $36冬天喝燉湯十分滋潤！有著沙參、玉竹和雞肉的香味，還有杞子和玄肉的清甜呢🥰❤️楊枝甘露 $20這裡的楊枝甘露沒有太多芒果肉🥭，花奶偏多，不過有蠻多西柚肉，個人覺得沒有太大驚喜。…Read More

朋友帶我嚟廟街附近食點心，一嚟見到門面裝修幾別緻，有別於傳統茶樓😍環境偏靜，而且位置寬躺，俾人一直舒適的感覺😊墻上掛上多款招牌菜式，我地都跟著啲牌叫咗幾款😋😋流沙包一定要趁熱食，一咬落去就食到好香嘅奶黃味😋😋必點！！鳳爪排骨飯有荷葉墊底，但沒有食到荷葉香味，可能只係裝飾😂份量幾多，性價比高！燒賣可以叫2/4粒，方便人少個陣點野食,仲有大大粒蝦係上面👍👍釀茄子大大件而且唔油膩，魚肉有彈性。份量太大，食完食唔落其他野🤣腸粉入面包住蘿蔔絲，外軟內軟，值得一試！腐皮卷就調反轉，外脆內軟，口感不錯。…Read More

今日同老公去做野，搞掂都已經2點半…係附近見到呢間食點心又唔洗等位，茶位都係$3/個，又冇加一食物晶瑩蝦餃皇蝦餃唔係以大取勝嘅呢粒蝦餃真係一粒蝦咁包入去！個皮好薄，好挺身，但又有煙韌嘅口感唔粘唔爛又唔厚一粒啪入口好好食黑金流沙包 - 必食！我本身想叫卡通包架🥲但老公話有皇牌緊係要叫皇牌架啦😒個個都話呢個好食架我本身係奶皇控🤣🤣🤣呢個真係要食！好香奶黃味，唔係月餅甜到死個隻味！同埋呢個包好薄，唔會食晒啲涵乾𡁻個包。(不過個包好軟熟，就咁食包都好味😋)醬皇金錢肚 - 必食呢個金錢肚好軟熟！好怕食到啲死咬爛咬個啲🤣🤣🤣然後個金錢肚又好入味，唔係好咸個啲，個平衡超好！下面仲有啲蘿蔔，個蘿蔔炆到透明，好甜！第一次會食埋啲配料😝😝金沙脆皮銀蘿腸呢個一定要成節啪入口！因為佢個皮好軟熟，入面個層好脆！真係食到Chok chok 聲😆入面係有菜同蘿蔔…先軟後脆再冧嘅感覺我自己好鐘意個腸粉皮！好滑！要多豉油🙋🏻‍♀️唔該原隻蝦燒賣山竹牛肉球呢個又要講下個喼汁先！個喼汁有啲辣架🌶冇食過又冇諗到佢係辣…突然俾佢攻陷我條脷👅不過又同個牛肉幾夾架喎🤣個牛肉球好彈牙！個腐皮好好食，應該係炸過？🤔好香豆味服務嘩🤣我本身都覺得自己好有禮貌，呢到有個staff(1男1女)超級有禮貌🙈帶位、俾餐紙、問杯茶….啲語氣都超級文雅🤣呢個真係要讚！環境裝修好文雅，所有點心名都係牆到，啲位置都好闊落，又光猛…Read More

呢間點心專門店晚市都有得飲茶，仲有幾款店家特製點心，價錢算親民，茶芥$3一位。而且點心即叫即蒸，全部熱辣辣～正！卡通流心芋蓉包 $22 賣相幾Cute，食落餡唔算多但幾好味。晶瑩鮮蝦餃 $15/2粒，幾大隻，皮夠薄，唔錯。黑松露菜苗餃 $25 賣相都唔錯，但食落唔覺有松露味，而且皮比較煙韌，有點失望。原隻蝦燒賣 $15/2粒，幾大粒，口感唔錯。懷舊鵪鶉蛋燒賣 $24 普普通通無特別。燒汁釀虎皮椒 $22 青椒辣度有後勁，慢慢滲出黎，正！金沙脆皮銀蘿腸 $25 有驚喜，首先條菜有薑汁味，之後腸粉皮夠滑，餡脆中有蘿蔔絲，口感好豐富。推介！濃湯杞子浸時蔬 $18 嫩菜清甜，剪開一半方便夾，個湯都飲埋。…Read More

今日同奶奶出街辦年貨，加上我哋好耐未嘆過一盅兩件😜見到<點心到>，一於入去嘆返吓先呢間<點心到>嘅食物價錢合理，加上每樣點心都夠哂熱辣辣，尤其係杯茶👉🏻水滾茶靚，服務又夠細心，令我奶奶好滿意🤩🦐原隻蝦燒賣大大粒蝦鋪喺面，咬落夠哂彈牙😋而家無鹼水味，食得出係新鮮！燒賣饀最重要豬肉肥瘦均勻，無肥膏，真材實料👍🏻🥢金沙脆皮銀蘿腸雪白滑溜嘅腸粉包住一條金黃色嘅脆條加菜脯，食落有爽脆嘅口感，好特別🤩無油膩感之餘，菜脯亦唔會鹹，第一次食到呢種腸粉！😌懷舊臘味糯米包外表一層燒賣皮，包住一舊糯米飯，糯米飯蒸到煙靭，加上臘味同芫茜切得夠細粒，完全同糯米飯溶為一體！本身我唔鍾意芫茜，但呢個糯米包我唔抗拒，而且覺得好好食😋🍆燒汁釀茄子三件煎炸得熱辣辣嘅釀茄子，夠香口！雖然有啲油，但茄子入哂味，越食越惹味😋😋黑金流沙包華麗而高貴嘅流沙包，望落去都覺得好有氣派🤣一口咬落去，嘩！啲奶黃漏到我咀邊，有啲論盡😅奶黃夠香，唔會太甜，而家多咗份起沙嘅口感，呢個值得一食！正😋😍醬皇金錢肚好難得遇到一碟咁易咬開嘅金錢肚，炆得好腍！而且每件都入哂味，又無牛羶味！正正正😍🍚籠仔煎蛋牛肉飯望落去好似平平無奇呢牛肉飯，但一入口就食得出師傅嘅真功夫！點解咁講？牛肉食入口浸出淡淡嘅陳皮清香味，而且肉質夠滑，又夠軟，重點係牛肉完全無根！籠仔飯粒粒分明，又夠香！呢個價錢食到超班牛肉飯，簡直平到笑🤪🌿楊枝甘露一碗淡黃色嘅楊枝甘露，入口清甜！西米夠細粒，柚子肉無苦澀味，真正甘露香甜😋…Read More