Minimal

自從係係荃灣食過Minimal嘅姊妹店，就知佢地嘅甜品好出色，賣相同味道都好高質。今次試深水埗店，甜品絕對係佢地嘅皇牌產品✨▪️Jumbo炸雞麻糬窩夫$118窩夫帶mochi口感，外脆內軟，外層仲帶牛角包酥皮口感，炸雞又脆又juicy，加埋脆邊太陽蛋，比想像中夾▪️蘭王·舞茸松露醬·貓耳麵$128貓耳麵口感煙韌，因為形狀彎彎地，所以好掛汁，每一啖都食到滿滿松露醬，濃郁入味。另外加咗隻日本蘭王蛋，口感更滑👍🏻👍🏻推薦▪️法式多士配四季桔雪葩$90 本身想試輕盈啲嘅蕎麥茶雪糕，可惜冇貨🥺見呢個幅圖幾好就揀咗，法式多士切開係麵包布甸嘅口感，雲呢拿味濃郁，蛋漿夠彈滑，另配酸爽雪葩，令整體冇咁膩▪️原隻蘋果配酥盒$92呢個賣相💯佢啲甜品都整得幾有心思，上面嘅原隻蘋果外層帶少少果凍口感，入面仲食到粒粒玉桂蘋果肉，底層配千層酥盒，唧滿焦糖吉士醬▪️火龍果乳酪$48乳酪濃厚，加上紅肉火龍果幾濃稠，味道酸甜清爽…查看更多

深水埗呢間「迷你毛」真係隱世甜品高手！今日試咗佢哋嘅原隻蘋果配酥盒（$88），賣相已經贏晒——成隻去芯蘋果烤到金黃亮麗，好似童話故事走出來嘅魔法甜品🍎✨食用秘笈一定要跟住！切開蘋果那刻焦糖香氣撲鼻～記住要三層一齊勺：頂層烤得軟甜嘅蘋果肉 + 中間冰涼輕盈嘅雲尼拿cream + 底層牛油香爆棚嘅酥盒！一啖放入口，冷暖交融嘅溫度好過癮，蘋果嘅微酸完美中和咗cream同酥皮嘅濃郁，層次感瞬間大爆發💥 如果齋食蘋果真係會嫌太酸，齋食酥皮又略膩，但三種元素一合體——天衣無縫！私心覺得比傳統tiramisu更有驚喜感！蘋果烤到保留微微脆度，焦糖醬係靈魂所在，甜度控制得啱啱好～雖然$88唔算平，但係原隻蘋果製作功夫多，絕對對得住個價錢💃溫馨提示：呢款甜品即叫即製要等15分鐘，但值得等！ #深水埗甜點地圖 #蘋果控必試 #女生約會甜品 #創意法甜…查看更多

呢間cafe試咗兩次，第一次食嗰陣覺得意粉一般，無乜特別，反而啲甜品好有驚喜好好食😍 第二次食嗰陣嗌咗牛，點知原來勁好食！推介大家一定要試食牛+甜品！✨🫶🏻🥩 安格斯牛肉眼（$148）牛肉眼火候掌握得剛剛好，內裡粉嫩，肉汁豐富🥩。口感柔嫩🔥，每一啖都充滿牛肉嘅原汁原味，個人覺得質素拍得住啲高級餐廳，性價比唔錯💯。🍝炙燒北海道帶子海膽卡邦尼闊麵（$138）帶子輕輕炙燒，表面微焦但內裡仍然鮮嫩多汁，海膽醬汁濃郁又帶少少鮮甜味🤤。闊麵掛汁能力高，每一條麵都包裹住海膽醬，味道好有層次，喜歡濃厚奶香+海鮮風味嘅朋友必試🔥！🍄 溫泉蛋雜菌牛肝菌汁貓耳朵（$95）呢道意粉用咗濃郁牛肝菌汁作為基底，香氣四溢🍄。貓耳朵意粉掛汁能力超強，每一口都充滿濃厚菌香🤎。溫泉蛋🥚輕輕一拌，即時令醬汁更添滑順感，好啱鍾意濃郁口味嘅朋友👍。🦞 焗加拿大龍蝦芝士扁意粉（$146）龍蝦份量唔算多，芝士醬汁濃郁，配上彈牙嘅扁意粉，個人覺得尚好🤔呢個價錢我會寧願叫牛！🍏 原隻蘋果配酥盒（$86）賣相超夢幻！一個完整嘅蘋果✨，切開入面仲有蘋果粒，配上酥脆嘅千層酥盒🥧，再加少許開心果碎點綴。蘋果酸甜度適中，整體唔會太膩，係一道高顏值又多味道口感層次嘅甜品😋個人覺得係呢度嘅必嗌甜品🥰🍞 法式多士配軟雪糕（$84）呢款法式多士真係超吸睛，外脆內軟，表面微焦帶點焦糖香氣🔥配上朱古力mix牛奶軟雪糕🍦，一冷一熱嘅口感對比十分過癮，雪糕溶化後同多士融合，味道更豐富🤤。上面加埋西柚、橙等酸甜水果，平衡甜度，整體層次感豐富，值得一試💯！🍫 Baileys朱古力（$42）口感順滑，帶有淡淡酒香，平時唔飲酒嘅應該都好易接受到🍸，濃厚朱古力味但唔會過甜，適合鍾意成熟口味嘅甜品愛好者🍷。整體評價迷你毛 minimal 係一間集高顏值、創意擺盤、穩定味道於一身嘅餐廳🌟個人覺得甜品比起主菜更加高水準，最推介嘅會係安格斯牛肉眼、原隻蘋果配酥盒同法式多士配軟雪糕，可能位於深水埗，定價唔高，但味道絕對唔差💯。環境舒適，適合拍拖、慶祝或純粹想享受一餐精緻嘅西餐💖！…查看更多