Let’s Yum Cha

店名： 得閒飲茶地址： 旺角太子運動場道7b地下1. 香茜牛肉腸 $27腸身好滑，厚薄啱啱好，皮薄嫩滑有咬口，牛肉包餡，腸身飽滿，入口好滿足，配埋芫茜冇得輸2. 得獎蝦餃之王（4隻） $36實至名歸，份量十足，蝦仁又多又大隻，彈牙得黎又有咬口。蝦餃皮厚度適中，晶凝通透，煙煙韌韌，蒸完之後好有蝦味，一個字，掂👍👍👍3. 蟲草花棉花雞 $33雞球大嚿，肉質嫩滑，配埋蟲草花好入味。晶凝通透嘅魚肚好滑，魚肚好厚身好入味，推薦大家要試下4. 原籠牛仔骨蒸飯 $46牛仔骨厚身，唔係薄薄嘅一片，咬落口好滑好彈牙好入味。呢款牛仔骨同平時喺茶樓食嘅唔同，唔會太鹹唔會太辣，微甜，配埋個荷葉蒸飯好香，散發出陣陣嘅荷葉味。5. 3.6牛乳太陽蛋 $26個人極度推介呢個甜品，賣相得意，好似隻太陽蛋咁，打卡一流。燉蛋好滑好重牛乳味，好似食緊北海道牛乳布甸咁，要一啖都有有好濃厚嘅牛奶味衝擊你味蕾😋😋6. 荼位 6/位總價$180#hkfoodblogger #香港美食 #hkfoodie #hongkongfood #halook #蝦碌情侶…Read More

平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我食唔出係咩，只覺得撈飯食嘅話，唔及蒸鳳爪排骨好味🙈陳村粉蒸排骨$27呢個點心望落普通、色水又唔靚，但味道卻好好😋。排骨多肉又軟淋淋，下面D陳村粉夠滑之餘，又吸左少少蒜香，唔錯。春風得意腸$42最後上枱嘅得意腸，賣相最好。最先食左兩舊嘅我，仲以為有兩款口味😂因為第一件有蝦、茜芹味，第二件無蝦無茜芹、但有粟米。食多件先發現原來全部一樣，只係材料唔均勻…🤦整體影相好睇，但味道一般。雖然每款點心單價唔平，但茶錢$6/位，加上全日免加一，我地兩個人飽到夜晚7點都只係$255，性價比都算唔錯。注意餐廳好似只收現金。Openrice好煩，成日唔批食評，話有優惠要申報😑 自費架，無優惠呀！D…Read More

得閒飲茶唔係口頭禪，係真架！小編今次同朋友嚟到太子分店，行過見到個名咁得意，就入去食喇，點心嘅性價比仲好高添😆😚龍蝦湯鮮竹卷🦞 $30鮮竹卷賣相吸引，放得十分精緻。龍蝦湯上6小卷吸收湯汁後，外脆內軟好滋味😘懷舊香菇燒賣(4隻) $26燒賣大大粒，真材實料，超級滿足！醬皇蒸鳳爪🐤 $21醬香蒸鳳爪，十分入味，炆得軟腍。原籠牛仔骨蒸飯🦬🥩 $44籠仔飯份量夠，牛仔骨肉厚，加上用荷葉伴底蒸，荷香牛骨味撲鼻。韭黃鮮蝦腸🦐 $29蝦仁鮮甜爽脆，腸粉滑嫩，配上韭黃令整碟蝦腸更加鮮甜😍蟲草花冬菇棉花雞🐔 $30蟲草花做點綴賣相討好，雞件非常嫩滑，魚肚軟腍入味，一碟真係唔夠侯…Read More

個老闆攞過好多獎，我去左太子嗰間，茶位$4/個，冇加一，揀左鐵觀音，去之前有睇過youtube啲人推介話好高質，所以揀左menu上面有👍🏻嘅點心，職員態度好好、每上一樣野都會講係咩嚟🥯貓咪流沙包 $26 (8.1/10)呢個一定要趁熱食、唔趁熱食會凝固，個樣幾得意，超多餡流出嚟、好香蛋味🥟得獎蝦餃之王 $32 (8.5/10)隻隻都好飽滿，皮薄、有少少蒜味😙🧄灌湯京滬小籠包 $26 (8.4/10)呢個超多湯，夾上嚟嗰陣一定要好小心，我自己覺得食落個湯搶哂醋味，可以唔點醋食🥖春風得意腸 $36 (8.3/10)入面有蝦、粟米、蟹籽，佢個腸粉神奇在外面淋身、但入面都仲可以咁脆，我食落覺得好驚喜、一啲都唔油🍘千島醬脆皮蘿蔔糕 $30 (8/10)呢個啲醬食落好似章魚燒，再配炸左嘅蘿蔔糕，蘿蔔糕食落軟綿綿唔會覺得乾，我都係第一次食咁樣嘅配搭，我會想再多啲醬🦐蒜香蝦春卷 $26 (8.9/10)佢有個喼汁用嚟點，但係斜嘅切口好難點到汁，比較似脆版嘅越南米卷，唔油膩、好清新🍲原籠牛仔骨蒸飯 $44 (8.3/10)牛仔骨切得比較細，個飯好大籠，係有荷葉墊底、粒粒分明，黑椒味+豉油同個飯配搭得好好、好香口…Read More

呢日有新同事入職，但而家有限聚令，只能二人堂食，所以我哋決定食番餐外賣自取嘅Welcome Lunch啦😊。我哋覺得食心點(小新叫法)，一人一件、唔駛夾嚟夾去，感覺衞生啲。我哋再次透過🐼外賣App落單，咁就可以享受折扣優惠。不過餐廳嘅堂食餐牌價格同App唔同，有啲點心折完平幾蚊，但有啲又同價。總計就大約有85折到啦，都抵咗嘅👍。「得閒飲茶」位置好方便，太子地鐵站一出就係，喺正🐶寵物屋對面。堂食要等位，外賣訂單亦都多，落單開始計到食物準備好要約三十分鐘，比預期中多十分鐘。天氣好熱☀️，等得有啲辛苦。不過點心真係熱辣辣蒸起，所以拎到返去都仲係熱的，不比喺堂食差😋。我哋四個人叫咗九樣點心，份量剛好，或者多一樣都OK。留意番部份點心件數係三件，四件亦都有。原籠牛仔骨蒸飯($43)，原本無諗住叫飯🍚，但好彩同事提議，個飯唔錯喎，而且勁大盒，飽肚之選。就算係外賣，蒸飯底都墊有荷葉，如果啖飯近荷葉位置更帶份清香。至於牛仔骨配中式蒸飯則較少見，幾夾之餘，亦頗惹味。春風得意腸($36)，呢個係同事點名要食🙈，附近幾間點心舖得依間有賣，所以先食佢。賣相幾吸引，上碟時已係切開一件件，有六件。作為外皮嘅腸粉包住油炸鬼，而油炸鬼就再釀咗蝦肉，上面加配幾粒蟹籽點綴。成個組合係好食嘅，油炸鬼又夠脆，但略嫌份量少咗啲，性價比低。陳村粉蒸排骨($25)，未落豉油之前點心個造型一般，因為勁白色、好單調咁，而排骨亦放喺底，唔多顯眼。不過陳村粉幾索味，口感少少滑，似大片河粉；🐷排骨肉嫩、唔太多肥膏。麻辣抄手(五隻)($26)，🥟抄手皮薄餡多，可惜有蔥，我唔喜歡。而辣度方面係幾勁下，未至於食唔到，但欠缺麻味，似辣椒油，扣分🌶️。沙嗲金錢肚($26)，牛肚有些少韌，但好入味，加上本身個沙嗲汁好味道，伴菜嘅豆卜索味一流🤤。但整體份量較少，一人一嚿就無哂。得獎蝦餃之王(四隻)($31)，講到得獎咁巴閉😎，就一於試下。咁的確蝦餃味道算係唔錯，餃皮晶瑩通透，厚薄適中，🦐蝦肉新鮮彈牙。不過你話係咪食過最好食呢，又未算。懷舊香菇燒賣(四隻)($26)，燒賣唔大粒，味道正常，面頭嘅蟹籽則算幾多；但香菇味唔太出，並且帶有肥豬肉。燒賣無乜睇頭囉🤔！山竹牛肉球(三隻)($20)，好搞笑地好多地方嘅牛肉球都係得三粒，可能關體積大事？呢到亦然。牛肉球味道屬普通水平，有唔少山竹粒，🐮惟牛味一般，加上腐皮太少了。XO醬菜苗餃($29)，由於得三粒，唔夠分😅，呢粒我就無食到，但我見個樣幾靚。同事話隻餃菜肉比例啱啱好，並且有好多XO醬；菜苗應該係用上菠菜。總括嚟講，點心質素大致上令人滿意，咁多款入面都無邊款係難食，算係咁啦！最終埋單每人60元有找，應該比起酒樓食平。第一次外賣自取食點心嘅體驗唔錯，即係喺屋企或者辦公室都可以飲茶食心點啦🥢！…Read More