Dreamliner

今日約左個好耐冇見嘅朋友。去到旺角，行左一round，見到呢間嘅名幾得意，佢叫Dreamliner夢想家，好岩我地呢啲追夢的人。而且野食又幾岩我胃口，就入黎試下啦！入到黎，好多客人，可見佢嘅食物質素都唔差嘅！我地坐低後就揀野食啦！我見到個dinner set入面有一個原條鰻魚飯即刻心心眼同埋已經mark實左佢！而黎到嘅時候，食落系唔錯的。汁唔會太甜搶了味道。鰻魚分量真的好多。飯同鰻魚嘅分量夾得岩岩好。唔多唔少。食完剛剛好！我地後尾問反個侍應，之所以叫set系因為野飲系額外半價！即系一碗野食加一杯半價的野飲。其實就唔算好抵嘅。。但呢個價錢食到咁大條鰻魚真係此生無憾啦！另外，朋友就叫左豚肉讚崎湯烏冬，我試左佢碗烏冬就唔算特別好味，個湯有小小鹹，但烏冬都ok嘅！而豚肉就唔懂得評價啦，因為我唔中意食豬肉，冇試到。兩杯野飲就不過不失啦，無咩特別。…Read More

和朋友兩個人剛剛從國內回來，肚子已經非常餓，我們知道通菜街是旺角的美食天堂，就立即飛奔過去，希望可以醫一醫肚但通菜街的餐廳多到眼花撩亂，患有選擇困難症的我唯有靠感覺去覓食巧合地經過一間名叫夢想號的餐廳，正所謂做人不能沒有夢想，我決定進去尋找我的美食夢侍應安排我們坐在靠窗的位置，台面上已預備清水，我們立刻拿起餐牌，點了兩個小食和兩個主餐， 加上2杯飲品我朋友點的是左邊那杯Shake Shake紅豆綠茶，而我的是青BB梳打，紅豆綠茶使用了外型特別的玻璃樽盛載，上邊亦加上少許cream , 十分滑口而我的青檸梳打簡直是醒腦提神，消除疲勞第一款小食是芝士和牛粒，雖然名字叫和牛粒，其實是大大件的和牛配上香濃的芝士醬更用上黑色的器皿盛載，添加韓式風味再來的是茄子天婦羅，皮薄茄子新鮮，入口不會太油膩，大家可以加上少許檸檬汁，更添日本風味我朋友點的是北海道燒蠔便當便當非常豐富，有蟹柳、少許泡菜、日式沙拉，還有溫泉蛋，飯的量更是特別的多但價錢只是港幣＄80 ,超級抵食重點是燒蠔不會腥，感覺非常新鮮，加上配搭的蔬菜一同入口，更有一番滋味日本飯食料理當中，我最喜歡的就是鰻魚飯食鰻魚飯最怕的是鰻魚多骨又肉硬，但夢想號的鰻魚炮製得又淋又香，是我最喜歡的質感。最重要的是一條骨也沒有嚐到，真是大讚最令我感到餐廳誠意的，是跟餐的這碗海鮮湯，外表平平無奇，但喝誰口的時候卻十分清甜，而且裏面真的會有大大隻青口，完全能夠感受到餐廳不只注重外表功夫，更是非常注重內涵竟喜歡韓式又喜歡日式料理的朋友，推介你們來到旺角通菜街的這間夢想號，一定會有意想不到的收穫…Read More

唔知你嘅夢想係咩呢？我A姐嘅夢想就係成為公主...…No la，公主太低級喇，我夢想係成為M佬嘅女皇，haha！真係發夢都無咁早！但近年好多年青一代夢想係創業，所以多咗好多小店，而我A姐就最支持呢啲小本經營，今日就去到旺角女人街嘅夢想號Dreamliner，尋找一吓呢間小店嘅味道啦！每張枱都有大大支嘅洗手液？原來係一支飲得嘅水，都幾得意吖！原條鰻魚飯：晚餐包湯仲有半價飲品，好抵呀！而最抵食係可以嘆到原條鰻魚，仲有蛋同沙律菜伴碟，味道都唔錯，只係最鍾意嘅鰻魚汁相對較少。部隊鍋：部隊鍋有牛肉、午餐肉、魚餅、芝士腸、韓國麵、蝦、娃娃菜同好多芝士！份量絕對唔講得少！呢個部隊鍋嘅湯底顏色一啲都唔紅，以為辣味不足？但索晒湯嘅娃娃菜其實都幾辣。不過，如果多啲泡菜就更加好喇。邪惡午餐肉：午餐肉本身已經好邪惡，仲要係炸嘅就更加邪惡！外脆內軟，熱辣辣脆卜卜，真係好好味呀！M佬就最鍾意佢用午餐肉罐就器皿，話咁樣可以洗少隻碟喎！爆辣鳥串：辣味刺激感十足！一碟有4大隻雞翼，好抵食呀！和牛串：燒得啱啱好，牛肉夠淋身又juicy！…Read More