紅磡雞蛋仔

其實紅磡雞蛋仔屹立呢區已經至少30年以上，老公細細個已經食佢地，今日再次幫襯主要係想比較一下雞蛋仔邊間好。今日排隊時間約5-10分鐘，我前邊嘅人主要係買班戟，比例大概係六成班戟四成雞蛋仔，遠遠望見芒果班戟餡料十足，前邊啲人個個都會揸住影相。我今日食雞蛋仔，但有啲失望佢唔係即叫即做（以前老店主會即叫即做），現在落咗order 5秒就交到我手上，可能係烘得唔夠耐，又或者放耐咗，雖然仍有餘溫，但係外面一啲都唔脆，有少少失望，但裏面就軟糯有濃濃蛋香，味道都OK。價錢方面，比起其他出邊出名嘅雞蛋仔價錢仍然係好平，$15一底原味雞蛋仔，普通班戟就$11，裏面就係有煉奶同花生醬。總括而言，表現不過不失，性價比仍然係高，但如果可以保留老伯伯嘅功夫就更加好。…Read More

🏠紅磡雞蛋仔 呢間紅磡雞蛋仔，紅磡嘅老字號真係由我讀書食到而家，九龍區暫時未食過比佢性價比更高，蛋味更重嘅舖頭，又平又好味，佢點會唔成為我嘅All Time Favourite呢~其實我食過唔止我以下介紹嘅item，純粹之前食果啲都無幫佢地影到相，所以淨係介紹下面呢2隻啦😜😜 原味雞蛋仔 $15蛋香味好濃，有時係其他舖頭食，價錢貴過佢，但蛋味都無呢間咁濃！！我已經無限次回購呢間嘅原味雞蛋仔，蛋味濃，外脆內軟，甜度適中，價錢抵，真係無得彈！！ 朱古力原味抺茶雞蛋仔 $22 食得多原味都會心郁郁試佢其他味😜呢個item真係好適合貪心嘅人叫，因為一次過滿足到3種口味嘅慾望😍😍老闆話佢堅持用吉百利牌子嘅朱古力粉，朱古力味會比其他牌子更香濃，成本都會貴啲。真係好欣賞老闆對自己食材嘅堅持同原則👍🏻食落朱古力味的確係好香，唔係好甜好假果隻朱古力粉味，而係有可可味果隻朱古力味😍抺茶味都一樣係好足料，因為佢唔係得個色無味果隻，係有抺茶果種苦苦甘甘嘅味，呢個真係值得一試！！ 其實我都仲食過佢嘅肉鬆雞蛋仔同埋奶油班戟， 只係冇影到相🥹 特別推薦佢嘅肉鬆雞蛋仔，因為你一拎上手已經會feel到佢係超足料，係好重🤣佢每一粒雞蛋仔都會鋪滿咗好多嘅肉鬆，如果唔算好大食嘅人當正餐食真係會食得飽！我記得我買肉鬆雞蛋仔嘅時候老闆會問我要貴啲嗰隻肉鬆定平啲嗰隻，我係揀咗貴啲嗰隻所以肉鬆嘅味都好濃好好味👍🏻👍🏻…Read More

難得假期雨勢唔大，一於出去搵餐好野食。一心想食車仔麵，但條龍實在太長，唯有去街頭搵D野食醫肚頂住先。一間舊式既雞蛋仔，鋪位細細，但係價錢親民，老細亦好好禮貌好好人。兩個人叫左三份野：蛋白肉鬆鹹班戟，原味雞蛋仔，原味格仔餅。作為價錢親民既街坊鋪，味道一D都唔失禮。蛋白肉鬆鹹班戟：蛋白味幾香，肉鬆味道夾得好好，份量亦相當豐富原味格仔餅：格仔餅焗得相當香脆，花生醬同砂糖有d唔夠，夾溶左既醬流到落低，食到尾果幾啖反而最好味。原味雞蛋仔：三樣之中相對較失色，響現今咁多出色雞蛋仔既世代，佢比較唔夠口感，又做唔到外脆內軟既感覺，只能話勝在價錢親民。總括黎講，以依個價錢嚟講好公道，而且選擇亦多，不過今次第一次幫襯，所主要揀左原味既食物，可以一試再試。…Read More

.📍紅磡雞蛋仔📍 #饅頭去紅磡 #饅頭的港味道 #饅頭的掃街系列 話說小編去咗大學一轉之後突然心血來潮想掃街，就去咗呢間老字號小店，老闆伯伯好有笑容，見小編想影嘢食相就主動提出幫我拎嘢(當然小編唔好意思所以拒絕咗)，最後仲$5賣咗個奶油班戟比我，感覺非常親切😆。------------------------------沙律淨芒果班戟 ($19)佢哋嘅班戟皮係即叫即整，班戟嘅顏色好靚🤩，味道亦好出色，軟熟得嚟又有彈性，內裏厚實有咬口，唔會太淋或者太乾硬，仲有濃濃嘅蛋香❤️。芒果份量好多，好大嚿啖啖果肉🥭，小編原本都擔心沙律醬會唔會同芒果好唔夾，但係原來沙律醬唔會搓太多，酸酸may may咁做個點綴，更顯芒果鮮甜🥳，存在感對整體嘅味道唔會有好大影響。------------------------------原味雞蛋仔 ($14)小編買嗰陣咁啱整好一份，攞上手熱辣辣，粒粒雞蛋仔都脹卜卜咁😍，食落去唔會空心剩係得個殼。味道上講唔上係神級好味，蛋香同奶味都偏淡🥚，同埋外皮略嫌唔夠脆，比較淋，做唔到外脆內軟既口感。不過蛋漿嘅調味啱啱好️，唔會太甜，而且質感好正😋，入面係啱啱熟 ，氣孔分怖平均，食落口感軟綿綿咁好鬆軟。加上我覺得以佢咁嘅名氣冇炒到$20一底，價錢算好公道，小編表示非常感動。------------------------------奶油甜班戟 ($9)我嘅第一感覺係佢好平😳，同樣係即叫即整，老闆好慷慨，落咗好多醬比我。中間夾住花生醬，牛油同煉奶🥛，每一啖都咬到有醬汁。而且佢哋會好貼心咁幫你喺底到加多塊牛油紙雙重保護😂，唔使驚啲汁漏到成手都係，食得好論盡，可惜我食嗰陣手機就嚟冇曬電影唔到相。------------------------------整體評分：7.8/10雖然叫紅磡雞蛋仔，其實雞蛋仔係好食嘅，但唔算話好特別，老實講我覺得班戟好食啲，小編覺得下次都係食返班戟就夠🥞，我諗佢咁多年仍屹立不倒點都係有原因嘅。…Read More

去過紅磡咁多次，一直都冇發現到呢間老字號，路過俾我見到，個招牌咁舊，一定有啲料到😼老闆好好笑容，見我聽緊電話，叫我慢慢諗唔使急。佢問我係咪第一次嚟，有聽過但未食過，我話係啊，見佢真係勁nice，同街坊好熟有傾有講。所有雞蛋仔，班戟即叫即整，熱辣辣㗎！🍴芒果班戟 $19芒果超多，老闆好大方，話要俾多芒果先好食！班戟上面搽咗啲酸忌廉，入口班戟皮厚實，芒果超甜，老闆話係每日新鮮切，加埋酸酸哋嘅忌廉，好開胃，好好食😋CP值高🍴朱古力雞蛋仔 $19外脆內軟，超濃朱古力味🍫，少少似蛋糕口感，但入面係濕潤嘅，唔會好乾身，好好食😋🍴原味雞蛋仔 $14外脆內軟，有蛋香，食到蛋嘅原味，都係少少似蛋糕口感，但入面係濕潤嘅，唔會好乾身，好好食😋推薦指數: 10/10老闆笑容好好，態度親切有禮，會同你傾偈，好有人情味，我話拎走食，佢話趁熱食好食啊，夾一粒俾我食，好熱情。覺得佢做生意唔係淨為錢，係對自己整嘅雞蛋仔有熱誠，當啲客係街坊朋友，十幾蚊食個雞蛋仔，除咗係足料抵食好食，係食份人情味。…Read More

人情味的雞蛋仔❤️鍾意食雞蛋仔嘅你哋相信都去過紅磡雞蛋仔💫每一餅雞蛋仔都係即叫即製，仲有多款唔同味道揀🍫原味雞蛋仔$15 雖然講唔上係神級好味，唔會話有好香嘅蛋香🥚比較淋一啲 不過調味剛剛好 😎食落入面有鬆軟嘅口感😋而且價錢公道，仲有濃濃嘅人情味😍，我影完張相之後老闆仲舉起隻手指公讚我添👍🏻除咗雞蛋仔，仲有招牌嘅格仔餅同埋芒果pancake🥭都好出名㗎😍如果有興趣嘅你哋，經過都可以試吓㗎🥰紅磡雞蛋仔 (紅磡)地址：紅磡大沽街寶利閣2號舖#hkfoodieclub …Read More

好耐冇去紅磡，今次專登帶胖胖行吓。胖胖鍾意食雞蛋仔，就特意去紅磡雞蛋仔買一底。老闆一見到胖胖就問佢：老細想要咩🤣 ，然後又問我搬走咗幾耐，係咪好耐冇黎食，超親民friendly。有時幫襯街坊小店，就係有呢種別處找不到的人情味。原味雞蛋仔暖暖的，但味道不是依舊，今次好似欠缺左啲奶香外層不夠脆，可能放咗一陣，而且內餡唔足夠，食落口冇咗內裏軟綿綿嘅感覺，唔知係咪疫情關係，減低成本呢原本想食埋芒果pancake，但因為太飽，就淨係買咗雞蛋仔俾胖胖，佢食得好開心。 …Read More

紅磡雞蛋仔成日聽，但我都未食過本店既雞蛋仔，而家越黎越多新奇既雞蛋仔口味，就好似加朱古力豆、加雪糕。你諗到既食物都有可能有人加落雞蛋仔到，做一個gimmick但係，姐唔係食潮流，而係食懷舊。😌😌😌我唔會覺得呢個雞蛋仔好好食，好食到飛天，但係呢個雞蛋仔真係我地細細個食既雞蛋仔。有個種傳統 懷舊既味道，對我黎講，已經打低曬而家新口味既雞蛋仔。而且個老闆見到我想影相，仲幫我夾個雞蛋仔出黎，易d影添😆😆😆😆…Read More

紅磡雞蛋仔相信好多Poly既同學仔都會試過，而好多住附近既街坊行過都會買尼食下，因為佢既雞蛋仔真係好好食。去到大家都會好自覺咁排隊，早2個月佢隔離鋪就開左美味佳外賣專門店，兩間鋪都人頭湧湧，咁大家就仲容易揾到紅磡雞蛋仔啦。 原味雞蛋仔，$14，好香脆絕對唔會淋過毛巾，粒粒都係實心唔係係個殼朱古力原味雞蛋仔加芝麻，$18，呢個<朱古力原味雞蛋仔加芝麻>一定係我既推介。加左芝麻令成個雞蛋仔味道層次昇華左，有芝麻香又有雞蛋仔既咬口。最最最正既係佢入面係實心，食落好似食緊蛋糕仔咁，好飽肚叫朱古力原味雞蛋仔一次過可以食到兩隻味，成件事覺得好滿足而我同A小姐仲叫左奶油甜班戟(好大食仲要食到一半先記得要影相)$8，奶油甜班戟係甜甜地落左牛油，花生醬同煉奶。其實我覺得似係一個輕量版既格仔餅，但就用左班戟皮去包住，比較細份量，兩種食法都好好食…Read More

我是慕名而來試這個芒果班戟的！聽說紅磡雞蛋仔是馳名港式班戟，許多人必定會食肉鬆班戟和芒果班戟，餡料豐富之餘價格便宜！吸引到不少學生、年青人、上班族和家庭主婦等前來光顧，雞蛋仔老闆為人友善親切又刻苦耐勞，做事又有效率有質素，看得出他是真誠對待每一個客人！這間老字號雖然店舖較小，但可以從餐牌中看到所售賣的款式很特別，例如有雜果香蕉班戟、鴛鴦格仔餅和芝麻雞蛋仔等等，配搭新奇有趣！夏日熱辣辣當然要食芒果班戟！凍冰冰大大粒的新鮮芒果肉，加上暖暖和鬆軟的班戟的配搭簡直不得了！ 不但價格便宜，而且芒果餡料很多，食完感覺清新醒胃，這個港式甜品真是回味無窮！我絕對會再食多次芒果班戟，太好味了！(芒果班戟 $16)我的朋友都食了一個原味雞蛋仔，老闆為我們即整一個熱呼呼原味雞蛋仔，外脆內軟又有很香很重雞蛋味，而且相比其他雞蛋仔他售賣的價格便宜得多！有質素的良心之作真的少之又少，不能錯失！ (原味雞蛋仔 $13)…Read More