V.THAi

窩夫與蝦子餅又在銅鑼灣找地方吃晚飯，想起上次去過的Aura on Pennington。V.THAI開張不久，乾淨企理，客人比較少，環境比較寧靜，而且卡位坐得很舒服。餐牌中最有特色的飲品要數原個菠蘿沙冰($48)，將菠蘿起肉打成沙冰後再放回菠蘿內，菠蘿香味濃郁，稍嫌不夠甜，插上一塊菠蘿片點綴令賣相更吸引。窩夫步進餐廳時見到雪櫃裡放了本地水耕菜，標榜不含農藥，天天定量收割，便決定試試它的沙律。點了鮮蝦柚子沙律($98)，賣相精美，除了鮮蝦還有蝦米，為沙律增添鹹香，令味道更加豐富，沙律菜用上水耕菜，吃得出口感特別爽脆，味道特別鮮，值得一試。第一次光顧，甚麼都想試，所以點了泰越拼盤($128)，有窩夫愛吃的蝦餅、蝦子餅愛吃的春卷，還有越南扎肉炸蝦片和單骨雞翼。炸蝦餅新鮮熱辣，外層脆脆的，裡面很彈牙，如果蝦餅厚身一點應該會更加好吃。單骨雞翼好像比平日吃的厚肉，不會炸得很乾身，水準不錯。青咖喱牛腩($98)的賣相很美，椰香味濃，對窩夫來說有點辣，牛腩份量不少，但其中有一兩塊比較韌，窩夫很喜歡那些配菜，有豆角、茄子、洋蔥和草菇等，不只得牛腩那麼單調。甜品方面，芒果鴛鴦糯米飯($68)叫窩夫與蝦子餅有點失望，糯米飯煮得太爛，芒果亦不夠香甜，有待改進。…Read More

銅鑼灣一座新building, 經過門外有人派傳單, 原來樓上新開左泰國菜餐廳, 係銅鑼灣確實少有, 咁岩係dinner time, 於是就同媽咪順道上去一試。店內面積唔算大, 設有多張卡位, 坐得幾舒服。呢度一般既泰國菜款式都好齊, 而且價錢同九龍城既差不多。【原個菠蘿沙冰】HK$48由於水吧為開放式, 所以見到職員製作過程, 即開原個菠蘿打成幼沙冰, 冰涼口感, 甜甜的有點微酸, 岩哂夏日炎炎既天氣飲, 降下溫。【自家醬串燒拼盤】HK$88豬、牛、雞 每款各兩串, 每款串燒都keep到些少肉汁, 唔會太乾, 點上沙爹醬, 令味道更加提升【泰南無骨雞】HK$108雖然海南雞色澤不是金黃, 但反而味道才是最驚喜! 雞皮沒有肥油層連帶, 雞肉已被去骨, 肉質非常嫩滑, 點上海南雞醬汁, 不失泰國地道風味【冬蔭功海鮮米線】HK$88本想order冬蔭功飲, 不過見到有米線跟呢款湯底, 價錢上稍為化算, 湯底比預期中既色澤為淺, 酸辣味平均, 對比正宗泰國菜黎講, 呢個湯底淡左少少, 唔太食得辣既朋友都可以試試。海鮮包括有海蝦、鮮魷、青口同埋幾粒草菇。如果湯底再濃味少少, 味道會更好。【海鮮炒金邊粉】HK$88金邊粉帶少少濕, 質感帶點彈牙, 唔會糊口。甜甜的帶點微酸, 隻蝦都幾爽口, 而且當中夾集左蛋絲, 蛋香味很出。呢度最大特式其實係飲品, 很少泰國餐廳會推出多款生果MIX埋一齊飲, 不過我今次只揀左我至愛既菠蘿特飲, 下次有機會會試試其他果汁。…Read More

之前去過銅鑼灣呢棟新開嘅大廈食日本菜，原來最近開左一間泰越餐廳，今次一於試下東南亞料理。餐廳門口位置嘅雪櫃放滿水耕菜，用來做沙律想必份外清甜。裝修簡潔企理，梳化位坐得好舒服。夏日炎炎叫個菠蘿沙冰消下暑，以原個菠蘿上枱，沙冰入口非常清甜，菠蘿果香濃郁！DIY鮮果汁幾有新意，我就揀左芒果+青瓜+牛油果乳酪呢個配搭。店員將所有材料放入攪拌器，係客人面前將水果打成果汁，真係夠晒fresh。果汁質感比較濃稠，牛油果味做主導，加上青瓜特別清新。柚子沙律鋪滿鮮蝦賣相吸引，沙律混入蝦米乾、魚乾、花生碎，香口惹味！柚子嘅清甜同醬汁嘅鹹香形成對比，係一道好開胃嘅菜式。泰越拼盤包括手打蝦餅、越南春卷、扎肉炸蝦片、香茅蝦糕單骨雞翼，啱晒樣樣都想試少少嘅我。蝦餅炸至金黃酥脆，口感彈牙，充滿鮮香。春卷亦炸得香脆，但皮有點厚，餡料味道可以更豐富。單骨雞翼肉質嫩滑多汁，咬落啖啖肉，不過香茅同蝦糕味道唔突出。扎肉炸蝦片面頭撒上炸過嘅蔥蒜增加食味，墊底嘅蝦片放左一陣仍然保持脆口，係小食拼盤中最有驚喜！泰越概念嘅食物款式新穎而且多元化，鍾意泰國同越南菜嘅朋友可以一試！…Read More

月頭黎過呢棟大廈食韓國野，當時都留意到仲有間泰國菜，所以專登約埋兩個朋友再黎試下，順道答謝佢地曾經喺早前公司辦嘅比賽出過力幫忙。餐廳格局同樓下嘅韓國菜相似，裝潢簡潔，乾淨企理，以梳化位、卡座為主，而且光線充足（個人比較抗拒啲黑媽媽嘅餐廳，唔明何為氣氛，哈哈）驟眼睇就唔算話好有泰菜特色嘅裝修，但間中都會有啲大象擺設。環境方面唔錯，坐得舒舒服服雖然係週日晚上，但客人唔多，店員招待都細心有禮，不時換上乾淨嘅碗碟，食物方面都頗有水準，而且價錢合理，可以一試，新張期間仲有啲菜式有優惠價餐牌供應泰越菜式，選擇豐富，有小食、串燒、沙律、湯品、海鮮、咖喱、主食、蔬菜、粉麵飯、甜品，亦都有啲比較特別嘅融合菜式，例如蝦球伴鵝肝、慢火灼魷魚等。一律散叫，如果日後供應多人套餐，省卻點菜嘅煩惱，又更為划算呢泰越拼盤 $128一行四人決定點個拼盤，唔洗煩，試到多啲款式。拼盤有一口春卷、扎肉炸蝦片、香茅單骨雞翼、手打蝦餅四款，即時製作，新鮮熱辣蝦餅表面炸至香脆，肉質彈牙；一口春卷酥脆唔油膩；單骨雞翼入味肉嫩；扎肉炸蝦片都係常見菜式，唯一挑剔係醬料盤太窄，唔能夠成塊蝦片浸到酸辣汁。慢火灼原隻魷魚 $88（原價$128）原隻魷魚有兩款煮法，可炭火燒或慢火灼，因為後者有新張優惠價，一於試下。魷魚原隻上，簡單加有青紅辣椒、蔥花調味，配上芥茉豉油。魷魚十分嫩滑，而且爽口，烹煮時間剛好，冇加入繁複嘅調味令魷魚嘅鮮味更為突出，沾少少芥茉食已經簡單美味但如果可以配個泰式生蝦汁俾我就更加正，更為惹味。咖喱皇金瓜海蝦 $188實物比圖片更多咖喱汁，我地幾個唔太肚餓，否則應該點個飯撈汁，咖喱調整至適合香港人口味，濃淡得宜，而且唔辣，容易入口。海蝦一共六大隻，非常新鮮，肉質爽口，裡面仲有唔少入味嘅金瓜西貢路邊燒春雞 $108/隻即時製作，所以燒春雞接近最後先上枱，但一行四人都覺得春雞值得一試上碟前已經分好四份，方便食用。燒雞皮香脆唔油膩，雞肉十分嫩滑，加入香料燒過，味道獨特，唧少少青檸汁，味道更加突出。馬拉盞炒椰菜苗 $88每次食泰國菜幾乎必點椰菜苗，輕輕加少少辣椒、蒜蓉去炒已經好入味。椰菜苗鮮嫩，完全唔會有苦澀味，食落爽脆，有豐富鉀質，有助消化。飲品方面，選擇多元，有鮮果汁、沙冰、朱古力、咖啡。追求健康嘅朋友可以點鮮榨果汁，提供多款配搭，例如牛油果乳酪、西柚、青瓜、水蜜桃、奇異果等。至於我就推薦原個菠蘿沙冰，夠哂清甜。餐牌：…Read More

今晚同媽咪嚟到銅鑼灣食泰國菜 呢間餐廳位於銅鑼灣渣甸街Aura in Pennington嘅3樓 入到去環境闊絡 具有一番泰國風情嘅設計 位置舒適坐喺窗邊可以望到出面嘅風景 感覺唔錯而且店員態度親切友善 會為客人介紹唔同嘅菜式我哋就先點左一份野菜沙律鮮蝦柚子沙律 $98本身我唔係好食得辣 但我又唔記得問呢個沙律辣唔辣><柚子部分食落第一啖有啲辣 但入面混合左唔少蝦米乾魚乾炸蒜片花生碎 沖淡左嗰份辣 面食到一種好味既鹹香 成個組合變到好match 而且啲蝦都好食！值得一試青咖喱雞 $88我超鍾意青咖喱呢隻味道 本身我係以為佢都係會有啲辣 點知食落冇乜辣味 反而椰香味重 超級正！入面有薯仔、四季豆、泰國嘅白茄子、蘿蔔等蔬菜 全部食落都覺得新鮮 去皮雞肉都好嫩滑 應該係用咗雞腿肉 上邊有一串黑色嘅一粒粒 本身仲以為係葡萄仔 點知原來係胡椒 差啲中招><~...鮮菠蘿炒飯 $98呢個菠蘿炒飯份量超足 可以兩至三人分享 菠蘿非常鮮甜 而且入面嘅海鮮份量超級多 有鮮蝦、青口、魷魚 仲加入左芹菜 令炒飯多咗一份香氣 炒飯粒粒分明又炒得唔油 腰果又香脆又可以增加口感 真係唔錯 但如果肉鬆可以多啲就更好喇~馬拉盞炒椰菜苗 $88加入蝦米乾炒 調味適中 炒得唔油膩 椰菜苗都好新鮮 見到隔離枱點通菜都好似唔錯 下次試吓先食完全部都已經就好飽 但都不忘叫甜品芒果鴛鴦糯米飯 $68芒果鮮甜多汁 糯米飯煙韌帶點甜 淋上帶點鹹香嘅椰奶 味道層次完全唔同咗 再配上一啖芒果 完全係泰國嘅風味 最驚喜嘅係糯米飯係熱架 食完真係令人回味芭堤雅椰皇海燕 $52感覺呢款比較普通 應該就係貴在海燕吧 因為佢就係一個椰皇 然後用佢本身嘅椰皇汁同椰皇肉整成 不過海燕份量都幾多下 可以一試原個菠蘿沙冰 $48呢個沙冰超好飲 應該就係直接用菠蘿打成汁 飲落清甜解渴 好濃郁嘅菠蘿味 然後上面仲有半塊菠蘿可以食！整體覺得呢間餐廳菜單款式多 價錢唔貴 值得下次再嚟！…Read More