A Smoking Affair

同舊同事吹水局，揀咗銅鑼灣呢間「去滾」，個名已經夠抵死！位置超正，就喺地鐵站腳邊，行兩步就到！餐廳環境裝修好高雅，燈光暖和，用餐感覺舒服relax，適合吹水傾計唔會太嘈。開局先飲啖椰子雞湯，原個椰子上枱夠晒戲！半隻雞滾完依然嫩滑，湯底清甜到忍唔住飲咗兩碗先開始淥料。牛魔必點美國手切牛頸脊，肥瘦均勻，涮幾秒就入口即融，油香十足。順德脆肉鯇魚腩皮脆肉嫩，魚腩位超滑溜；九節蝦彈牙鮮甜無欺場；珊瑚蚌爽口有咬口。自家手打黑白墨魚丸有驚喜，彈牙得嚟仲食到墨魚粒！黑松露餃包得滿滿，咬落松露味爆開，好luxury。脆爆苔條響鈴炸得脆脆地，落湯都唔會即刻軟，食落有層次。最後配竹蔗馬蹄水清熱氣，傾足三粒鐘都唔覺膩！…Read More

📍#去滾📍A Smoking Affair #ASmokingAffair.🇭🇰 香港銅鑼灣登龍街1號金朝陽中心2期Midtown 27/F🇭🇰 27/F, Midtown Soundwill Plaza II, 1 Tang Lung Sreet, Causeway Bay.🌐銅鑼灣 .#MFJ銅鑼灣 #MFJ中菜#MFJ_CausewayBay #MFJ_ChineseFood .人均消費: HK440.味道: 👅賣相: 👀👀👀👀價格: 💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️回頭率: .又係食gimmick嘢嘅時候✨不論裝飾定食物擺切都好吸引我哋🌝地點方便，裝潢又未到我想像中咁震撼，燈光好暗(餐牌都好難睇因為太暗爛浪漫有氣氛咁)😂一張餐牌紙，價錢打邊爐嚟講屬中上貴，例如有活鮑魚HKD268一隻，可樂HKD38罐等等🌝作為一個精明消費者，緊係唔叫海鮮食啦🤣點咗啲牛肉試咗先，始終打邊爐都係牛肉重要👌🏻.🆗原個椰子雞湯（半隻）🍲HKD268佢會係你面前開椰子同放隻雞落去，滾起可以先飲湯再打邊爐湯椰子味重，但只有椰子味，雞好鞋好韌，湯就只有椰子味，乜味都無，椰子肉幾多但好硬朋友覺得唔錯(所以俾個🆗)可能係唔岩我口味😂.👎🏻即日手切陀地靚肥牛🐮HKD238擺設好靚呀！即日，手切，陀地！一向覺得本地牛都好味㗎，但真心失望一啲牛味都無，係一啲都無，亦無口感，咬落仲有少少筋感，HKD238唔貴，但可惜唔值.🆗野崎牛稀少部位品嚐盤🐮HKD488拼盤一共有3款:🔴A5野崎牛後肩肉柳[里肋芯]🟠野崎牛腰脊🟡A5野崎牛肩肉HKD488份量都算多，但三款都實屬普通，其中一款應該係肩肉柳，味道口感同牛味都相對好啲，適合打邊爐其另外兩款都係普通，都係無乜牛味同口感整體又唔覺有乜咁稀少特別😂.👎🏻新鮮牛脷芯🐮HKD88真心薄到無得再薄....薄過張牛油紙，連碗底啲花都睇到😅食落完全好似食風咁 (我想講食紙咁，但不竟我未食過紙😂😂)唔好問我味道，真心食唔到有味🤦🏻‍♀️.⭐️8秒卜卜脆響鈴🥠HKD78響鈴唔錯，真係可以淥8秒都唔會太稔.🆗鴨血🦆HKD68鴨血質感幾好啊，但鴨血始終都好睇湯底椰子雞的確同鴨血唔係好夾.⭐️油麥菜🥬HKD48油麥菜好脆口好甜，最適合打邊爐.🆗䈑筍片🥒HKD48䈑筍片切得有啲厚，淥極都未平時種口感.🆗魚皮餃🥟HKD48魚皮餃饀料味道幾唔錯，係外皮爭少少魚皮餃嘅煙韌感.🆗鮮肉韭菜餃🥟HKD58鮮肉韭菜餃最失色係無乜韭菜味😂但個皮口感好滑.除咗有兩位超級好笑容同服務的侍應哥哥之外，我實在無辦法推介依間餐廳裝潢上無大家期望咁特別，就一兩個打咭位，加一件肚兜圍裙😂食物擺設尚算中上，但食物上完全和價位對不上，我不期望超級好味，但佢又未免有點差，性價比其低😅今時今日比佢好味的火鍋何其多…Read More

終於等到零感染，即刻忍唔到口衝出黎食野。餐廳入面燈光較暗，有好多霓虹燈字句，感覺似夜晚係旺角咁，非常港式風格，連菜單都相當有特色。餐廳都幾大，正正方方，有幾間房可以自己一班人，而出面仲有個露台燒烤區。餐廳環境同食物都好好，疫情人真係人數極少，今次得兩個人食，平均每人$450。原個椰子雞湯（半隻）$268真係成個椰子水連埋肉係你面前倒哂落去個鍋到，即刻成個鍋變到好清甜，每一啖都食到淡淡的椰子香味。雞肉份量都算多，味道唔錯。至尊天九牛腩頭 $378一碟大約有１６塊左右，中等厚度，都算大塊，牛肉味愈咬愈出，脂肪唔多相對比較有咬口。百花齊放蔬菜拼盤 $88有８款可選３款菜，我地揀左西洋菜、油麥菜同皇帝菜，好綠好新鮮。丸子餃子拼盤 $88都係可以揀３款，牛肉餃、手打蝦丸同墨魚丸，牛肉餃餡料都幾多，蝦丸真係見到好多蝦好爽口，真材實料，而墨魚丸就比蝦丸彈牙好多，估唔到質素咁好。唔係椰菜花椰香脆麻花 $48自己一向都好鍾意食脆麻花，呢個真心覺得好好味，有６舊，熱辣辣出爐，好脆卜卜，配埋溶溶地蜜糖，又香又甜，重點唔痴牙又唔太甜。…Read More

好似之前咁講，呢排打邊爐一定要揀衛生程度好高嘅餐廳，而且盡量少人去食，我通常兩個人去打邊爐會比一大班人嚟得放心，而今次所揀嘅呢間屬高級火鍋店，行時尚路線，用了食材都比較高級。環境用霓虹燈做裝飾，襯少許中國風，玩Cross Over，行搞笑路線，襯返招牌名「去滾」，幾得意同特別，座位亦好寬敞，坐得好舒服。每人贈附圍裙，可以比客人拎走。餐牌原個椰子雞湯(半隻) $268鍋端上枱之後，店員分別會放雞件及將即開嘅新鮮椰子水倒落湯鍋，再刮入面嘅椰肉落去。湯底十分雪白，先試下湯底，帶椰汁鮮甜，潤喉舒服，除咗椰子，仲有馬碲、竹笙等配料，夠哂滋補。雞件亦好快熟透，我地將雞件主要作熬湯之用，所以煮嘅時間比較長，食起上嚟就一定會老咗少少。至尊天九牛腩頭 $378紋路分明色澤鮮紅，只要焯幾下就食得，牛腩食得多，牛腩頭就好似第一次食，一入口牛味十分濃厚，有咬口，配上清甜湯底，更加能突顯牛本身嘅鮮味。原隻貴妃蚌 $58/隻咁清甜嘅湯底，當然要帶啲海鮮襯下，眾多海鮮之中揀咗貴妃蚌，新鮮鮮甜。火雞姐搞唔掂 手剁牛肉餃 $58/4隻個名好盞鬼，係手剁牛肉，一咬開入邊粉紅色，好有咬口，鍾意餃子皮唔會好粉同太厚。哈波子 手打蝦丸 $68/4粒打邊爐又點可以唔食手打蝦丸， size都幾大粒，咬落彈牙，配醬油食鮮味更出。百花齊放蔬菜拼盤 $88食麻辣火鍋我反而盡量避免食蔬菜，因為吸晒啲油，但食咁滋補嘅湯底，當然要嗌啲蔬菜索下湯底食滋補下啦！唔係椰菜花 椰香脆麻花 $48甜品就嗌左個脆麻花，一上枱我同另一半都嚇親，估唔到脆麻花擺盤都咁靚，入口仲係熱，脆口十足，為今晚畫上完美句號。總括然而，餐廳走時尚路線，裝修特別，特登用「去滾」做招牌，玩詼諧音同意思，餐牌就用女人身影裝飾，夠晒諗頭，食物新鮮高質，縱使價錢略高，適合喜愛享受高級打邊爐嘅上班族。…Read More

登龍街高級的食肆都在金朝陽中心上面「去滾」以大量特色街頭霓虹裝潢，鋪滿不少玩味十足的字句燈牌，非常適合打卡餐廳既摩登又獨特，類似海底撈那種全方位的火鍋體驗所用食材均來自本港供應商提供，絕對新鮮連餐牌也十分「鬼馬」現在做推廣優惠，以正價$198點「安格斯手切肥牛」，可以半價$99追加一碟The Singleton 12years也做推廣$980/2支自助醬料區，可調較自己喜歡的醬汁原個椰子雞湯(半隻) - $268火鍋湯底本來有大量椰子切條散發出濃濃椰子味再即場用一整個新鮮椰子的椰子汁加到湯底中店員再人手把椰子肉刮出同樣放到湯裡，使湯底更充滿椰子的清甜味，滾起來令人垂涎三尺至於半邊雞屬新鮮雞，雞肉味濃，肉質有彈性、爽滑，絕不是冰鮮貨色能相提並論的即使滾了很久，也不會乾柴至尊天九牛腩頭 - $378刁鑽部位絕對物超所值因一頭牛的牛腩頭最多只得3斤，絕對是牛肉中的極品肉質油花多、滑身，味道鮮甜甘香，口感嫩滑清氣貴妃蚌(兩隻) - $116這類大貝類，最好烚五分鐘才食用肉厚而鮮甜，吸收了湯頭的精華，鮮味得很手剁牛肉餃&手打蝦丸(各兩粒) - $58手打過程很辛苦，故吃起來更加彈牙有韌性，味道很鮮味百花齊放蔬菜拼盤 - $88自選三款菜，選了唐生菜、娃娃菜及冰菜冰菜還是頭一次吃到，原來營養價值極高的外國蔬菜，高纖低卡含維他命B6質地爽脆多水分，味道帶點鹹味唔係椰菜花 椰香脆麻花 - $48賀年小食改成中式甜品金黃色艷，甘甜爽脆，甜而不膩，口感清新，令人齒頰留香離開時送了一支消毒殺菌免水搓手液，十分貼心…Read More