養心殿台式養生鍋

我係火鍋控，夏天冬天都喜愛打邊爐，住係馬鐵沿線，去馬鞍山we go mall既養心殿好方便。今次叫了美人鍋，有原隻烏雞、桃膠、杞子、南棗及金華火腿，勁勁勁多桃膠，要飲多幾碗湯先，真係夠哂滋補養顏！我試了3款肥牛🐮，有手切肥牛（大）、極上雪花肥牛、霜降肉眼肥牛，樣樣都好滑唔鞋極力推介係手切肥牛，牛脂均勻，新鮮入口即溶大力推介，即炸脆響鈴，佢係即叫即炸，薄身爽脆，上到台仲係熱添，響鈴吸哂湯底係超正蟹子墨魚滑都好彈牙，好爽其實我豬牛羊都叫齊哂，係咪好癲呢🤪🤪梅菜豬肉都唔錯，餃類真係好大粒，但水蓮餃同魚皮餃，我就覺得一般了因為7點前埋單離開，係半價😱😱留意啊尖沙咀分店冇做7點前半價 海鮮都冇做半價…Read More

最近有位舊同學結婚新居人伙，我地呢班舊同學又點可能唔一齊借機會聚下舊呢？一向以美食沙漠見稱嘅馬鞍山，有個今年中先開嘅商場We Go Mall，裏面都幾多野行呀。雖然佢離港鐵站有d距離，但咁岩朋友住嗰頭，我地當然落去搵食啦。我地揀左養心殿台式養生鍋，貪佢坐得舒服，打邊爐可以一路食一路傾嘛。呢間養心殿貫徹一向裝修作風，偏向古色古香，利用屏風分隔，營造出好似客棧嘅感覺，燈光稍為有點暗，非常有feel。餐牌方面，湯底有六款，另外有十款小食供應。火鍋配料方面，肉類、海鮮、蔬菜、餃類、豆製品，應有盡有！我地叫左個鴛鴦鍋，再加幾樣配料。醬料方面，門口有一個自助醬料區，可以比大家自行混出適合嘅醬料。首先講吓個湯底，我哋要咗麻辣鍋同酸菜白肉鍋嘅鴛鴦湯底($128)。麻辣鍋方面，配以多種香料同藥材，裏面亦配上鴨血同凍豆腐，唔算太辣，但係麻嘅感覺十足，越食越上癮。至於酸菜白肉鍋，佢係用咗醃製大白菜配上五花腩肉，飲落酸中帶鹹香，非常有風味。手切肥牛 - 大($338)火鍋點可以冇牛呢，最後揀左呢款手打牛肉。牛味雖不算重，但肥瘦適中入口即溶，色澤鮮紅，鐘意食牛肉絕對唔可以錯過。嘉美農場雞肉($108)相信大部分人鐘意食嘉美雞既原因都不外乎貪佢雞味濃厚，而且雞肉嫩滑。養心殿既嘉美農場雞肉亦都唔例外，就算煮耐左，亦唔會鞋口，配上養心殿既麻辣湯底，味道啱啱好！即炸脆響鈴($68)響鈴絕對係打邊爐既必備配料，一般火鍋店既脆響鈴淥完落個湯到，兩秒又好三秒又好，都會變左好似食一塊布咁樣。養心殿既即炸脆響鈴好特別，就算你淥左五秒都好響鈴仍然會好脆! 口感就好似食緊好多細細條既脆脆咁! 重點係份量相當足夠，最適合一大班朋友叫黎食!炸五餐肉($58)將午餐肉放入湯底滾一滾就可以食，香脆可口 ， 同平時嘅午餐肉個分別，呢度就係外脆內軟，唔係每個地方都食到架！鵝肝墨魚丸-半份($48)外層墨魚丸爽口彈牙，咬落去裏邊有一粒鵝肝粒，鵝肝油油香味道濃郁，配上比較淡味嘅墨魚丸，好balance。寬粉條($38)其實就係平時食到嘅薯粉，口感煙煙韌韌，煮到半透明就可以食用。吸晒麻辣湯嘅寬粉條，啖啖都充滿住麻香，少少辣多多趣，越食越過癮，非常滿足。總括來講，養心殿個湯底真係令人食上癮，麻辣、酸菜各有特色。配料方面都高質嘅，加上坐得舒服又有個人空間，很好。…Read More

之前聽同事講養心殿好好食一直都未有時間過嚟試下今日放工之後同朋友一齊黎試一試平時喺屋企打邊爐多數都係海鮮爲主今次出嚟食就試下唔同嘅配搭啦~我哋叫咗美人鍋同埋酸菜白肉鍋湯底材料都好足料呢!!!整係個湯底都已經好好味因為我比較鍾意食海鮮多啲  所以叫左蟶子皇就咁落一陣個鍋度 就食得㗎啦 ~好鮮甜呀!!!之後我地叫左炸響鈴 白玉蘿蔔 同埋野菌係每次打邊爐都一定要食嘅嘢響鈴吸晒啲湯底超正呢! 仲有跟湯底嘅酸菜白肉雖然平時好少放豬肉雞肉去打邊爐不過今次嘅豬肉放落個湯底度  味道都好夾呀~埋單個陴職員仲話有雪糕呀~有幾隻味選擇  我食左榴槤味  好好食呀~下次再嚟 等我試埋其他湯底先!…Read More

而家天時咁熱，但係朋友依然嘈住話要嚟呢度打邊爐，到底有咩咁吸引？好啦，就成全朋友一次，而且見呢間餐廳都算新開，不妨順便試試佢實力。我地晚上6點就到達餐廳，估唔到裡面已經幾乎坐滿食客！美人鍋$188從來未試過食咁清甜，而且感覺咁滋補養生嘅火鍋底，飲完第一啖已經覺得值回票價！未開始打邊爐我已經飲左3碗湯啦鍋底仲有巨多桃膠喺裡面，桃膠富含膠原蛋白又高纖，女仔食真係會有份外滿足嘅感覺架黑松露蝦丸半份$48呢個手工丸真係好好味黑松露味好突出，蝦丸亦打得夠扎實，入口感覺好好，下次如果有機會再嚟嘅話都一定會食返呢個黑松露蝦丸!!即炸脆響鈴$68響鈴送到上枱嘅時候仍然有微暖，而且仲聞得到有一種啱啱炸起嘅氣味，未食已經覺得餐廳對食物質素有相當高嘅標準。極上雪花肥牛$188份量適中，色澤同埋雪花好靚好均勻，牛肉味亦都夠香濃，值得推介。整體嚟講我覺得餐廳嘅食物質素真係相當高，侍應服務態度亦都夠友善，而且仲好勤力；坦白講，呢一餐嘅價錢談唔上平民化，但係佢的而且確係值回票價。…Read More

呢間餐廳我一直都好想試，咁岩今日過開馬鞍山就過左黎食喇！一黎到已經比佢個門口吸引住，係好有中國傳統建築既風格，好特別！入到裹面，無論係分隔每張枱既屏風，定係掛係天花板既燈籠，仲有我地坐既桌椅，全部都係行中國風，感覺自己返左古代咁呀！！menu上面既食材都有好多種類！店入面有個調味料區，食客可以隨自己口味選擇調味料！作為一間火鍋店，湯底係非常之重要！佢有6個湯底可以揀，好多時同朋友們既口味唔同，搞到唔可以食自己中意既湯底，但呢度最正係可以揀鴛鴦鍋而唔洗加錢！湯底我地揀左酸菜白肉鍋拼麻辣鍋(小辣)湯底都幾有驚喜，尤其係酸菜白肉鍋，湯底自己本身入面就已經有好多食材，有大白菜、豬王花腩、QQ寬條粉，仲有蕃茄，味道適中，唔會太咸/太淡，帶少少酸味，好醒胃至於麻辣方面，因為叫左小辣，所以唔會好辣，但如果真係唔夠辣，可以叫侍應加辣既～麻辣湯跟既食材係凍豆腐，凍豆腐吸晒麻辣湯既精華，好正打邊爐當然唔少得係食肥牛，呢個極上雪花肥牛，一睇個顏色同花紋就已經知佢係上等牛食落口，肉質嫩滑，果陣牛既鮮味，真係無得頂至於香菇貢丸(左)同潮州白魚蛋(右)貢丸都幾大粒，食落有好香既豬肉味；白魚蛋就好彈牙，質素比出面食開果D都高！唐生菜，睇落好似好少，但其實佢係放左好多入個杯度，而且每一塊都有挑選過，好新鮮！稻庭烏冬麵，份量都幾多，滑得黎又彈牙鴨血，我平時都好怕佢會有陣味，但呢個因為本身已經有醃過，所以完全無我擔心既問題，相反口感一流！！呢個響鈴係我地後加既，見到每一張枱都有叫，所以我地又跟大隊叫黎試下果然無跟錯隊，呢個響鈴真係好出色！！由於佢係即叫即炸，所以上枱既時候佢係熱架放入鍋入面碌左幾秒鐘，嘩！佢吸左少少湯，但放入口既時候仍然係好脆口真係好正！呢個一定係全晚最有驚喜既一道食材呀！雖然火鍋店既食材一般都大同小異但呢間餐廳真係有嚴選過D食材因為所有材料都好新鮮絕對會有下次！…Read More