Nyonya Indocook House

尋日男朋友仔同我講話唔想食得咁meaty咁....我諗住去置樂食另一間小店點知 今日一見 佢就話好肚餓唔係我諗住嗰間咁泊低駕車 喺置樂嗰頭 行下行下意外發現呢間娘惹餐廳佢話冇乜食過 又唔駛等就入去試咗啦我哋叫咗個二人餐 $218 入面 前菜叻多叻多 抄芽菜 豆 椰菜 撈沙爹醬都好特別 幾好味雞肉串燒除咗沙爹醬 仲有個甜甜的醬 dip 下D串燒係即叫即燒的 👍🏿巴東牛肉唔辣的 牛肉好淋 👍🏿👍🏿印尼炒飯熱呼呼咁送上 好有wok 氣呢個二人餐 $218 仲有兩杯野飲 開心大發現…Read More

又去咗屯門置樂食晚餐，本身我哋諗住食附近有名的泰國餐廳，不過實在人太多，就揀左食呢間已經在屯門多年的娘惹餐廳。餐廳位置遠離屯門市中心，比較偏遠，區外朋友可能要點時間先揾到。不過呢咁多年喇，水準都有返咁上下。我哋一入去就叫咗個set B 二人晚餐，雖說係晚市，但餐廳內人流不多，但係我觀察到外賣頗受歡迎，不段有食品速遞員進入餐廳取菜。好啦等左陣終於有野食，第一道菜係炒時菜，我哋就只係叫咗唔辣既蒜蓉炒通菜，雖然無辣但味道都唔錯錯嘅，可以接受。第二度係豬肉串燒，雖然我覺得燒得有啲老，比較硬，但係有足足半打，而且啖啖肉，加上醬汁，味道也不錯。第三道菜 我哋叫咗印尼椰汁雞，椰汁好香雞都算話，而且都幾多。我哋仲叫咗印尼炒飯，炒飯不嬲有水準，而且非常大份，足夠兩人享用，炒得夠乾身又好食。總結 set dinner 不論味道，份量和價錢都吸，加上此種菜式在元天屯也不易找到，值一試。…Read More

經過屯門，想試新野搵到有娘惹菜，為食🐷緊係要試下啦因為揸車，咁岩可以泊正門口😆附近有好多咪錶位，但全部都要等泊門口全程都要望住有無人抄牌🙈🙈。因為6點幾已經到餐廳，所以唔洗等位但7點幾就已經好多檯放晒「留坐」牌Walk-in 就要等位啦第1次黎食，唔知叫咩好👦🏻男友例牌會叫2人餐😂今次叫左2人B餐因為有印尼炒飯呀加多加多望個名都唔知係咩😂但係menu搵到原來係印尼沙律咁解無理由唔試下架芽菜、瓜、豆、菜、豆卜、蛋、蝦片+辣沙嗲汁(?因為同串燒個醬好似，我諗係啦😝)幾特別既沙律🥗個汁令人停唔到口牛肉沙嗲串燒 (沙嗲&燒汁)小小un，但配埋汁好好食印尼椰汁雞只有2隻雞脾+2舊雞肉+小小菜好香椰汁味好嫩、好淋配香飯既話一定會撈哩個汁😂如果多d雞就好啦印尼炒飯好味比我地之前去峇里食過既炒飯仲要好食乾身、大碟、味濃不過蝦片放係飯面就唔脆😅包2杯餐飲叫左1杯凍紅茶&1罐可樂凍紅茶甜到嘔呀2人餐真係好飽整體黎講都好味比我係峇里食既印尼菜仲要好味下次可以再黎食其他野。場入面見到有一張大檯，眼見可以坐到10人以上好多人都叫黃薑飯(金字塔咁既樣，上網睇番先知係咩🤣)仲有好多人會叫生啤，因為做緊買2送1我地揸車黎就無得飲啦😩…Read More

想當年還在讀中學的時候，我和同學經常去這間餐廳吃午餐，特別喜歡印尼炒飯。不過畢業過後，我便很久沒有再來光顧了。今天，我和男友去這間餐廳吃晚餐我們叫了娘惹醬燒豬頸肉，雙拼串燒(雞&牛)和印尼炒飯。娘惹醬燒豬頸肉方面，豬頸肉有很多片，而且厚度適中。豬頸肉的肉質十分軟熟，入口的時候沒有油膩的感覺，啖啖肉的感覺真的很正啊。重點是娘惹醬十分美味，少少咸和少少甜，配上豬頸肉簡直一流！雙拼串燒方面，串燒有6條，分別是3條牛肉和3條雞肉。但是，串燒比較細條，只得正常串燒一半至2/3的份量。雞肉串燒味道方面，串燒十分美味，雞肉烤過的外表有少少脆，而串燒內裏的肉質則十分鮮嫩多汁和軟淋淋，串燒本身都有少少咸味，配上醬汁更加出色和美味！牛肉串燒方面，牛肉是牛肋肉，不過比較多根和肥膏，很難咬開，太堅韌，但串燒內十分多肉汁，味道都OK，但個人比較喜歡雞肉串燒。印尼炒飯方面，炒飯十分大碟，炒飯內有蛋碎，雜菜等的材料，而炒飯本身比較乾身。雖然炒飯內的材料比較簡單，但是十分美味，配上豬頸肉更是一流的晚餐！價錢方面，娘惹醬燒豬頸肉$64，雙拼串燒(雞&牛) $52，印尼炒飯$52，餐廳即使是晚餐都不用加一，2人總共$168，十分抵吃！總結來說，這間餐廳的娘惹醬燒豬頸肉十分美味，而且其他食物的味道都不錯，重點是價錢大眾化，十分抵吃，大家可以一試！…Read More

今晚本想到青善街食泰國菜， 可惜七點多到達時見到人山人海，已沒有排隊等位的意欲。記得《街坊食堂》曾經推介過旁邊的娘惹廚房，便馬上改變了策略，轉吃娘惹菜。我們點了一個二人B餐 $158，套餐有炒時菜、半打沙爹串、娘惹炆豬肉、印尼炒飯和兩杯奶茶/咖啡，價錢的確是非常實惠。沙爹串半打：肉質不算乾，香料味頗重，雖然味道比較濃，但我覺得可以。炒時菜：菜有點老，好像還有點苦，而且醬汁味道很鹹。娘惹炆豬肉：醬油味濃，腩肉肥瘦適中，層次分肉，脂肪部份鬆化有油香，但瘦肉部份太乾硬，如果只吃脂肪的部份，的確變得比較油膩。印尼炒飯：整晚的菜式味道都偏重，我比較喜歡這個，炒飯粒粒粒分明，夠乾身，味道適中，唔會太鹹，中間加了一些爽脆的菜絲來增強口感。…Read More

忽然間想去遠點既地方搵食，Search Openrice 搵到 lee 個地方方便泊車，就膽粗粗星期日夜晚七點揸車出去搵食，諗住附近咁多咪標位又三個停車場唔會無位泊既，點知好既唔靈醜既靈，真係 full 曬。咁唯有兵分兩路，一邊去等車位，一邊去等飯位啦。好在都唔洗半個鐘就兩邊都排到，唔係一場來到都幾無癮。入正題：娘惹其實就係印尼 fusion 中菜，但個人感覺其實都係東西亞特色多點。由於大家都唔點食得辣，主要都點左唔辣唔菜式。椰汁雞幾香幾入味，可惜雞就少D。個汁送飯幾好。唔知乜乜沙律，精華就係個醬：唔係沙爹唔係咖哩，但係同香料十足，少少辣得來又夠惹味！唔單止點菜，點串燒一樣好食。推薦！炒飯，合乎期待。炒得唔油，幾乾身，唔過咸。串燒無乜特別，反正係點左沙律個醬之後好食左。本身個汁似係豉油醬之類。假日限定黃薑飯，乜配料都有，啱曬乜都心思思想試D既人。個飯本身好香，配料中最鐘意個牛肉。首先炆得好腍好入味，而且香料既配搭有自己既特色，同泰國/越南/印尼都好少少唔同，可惜就得得個一舊，下次再食要叫翻一碟先得！唔記得乜湯，個味幾特別。咸咸酸酸咁，個人無話特別鐘意。整體來講，食物質素幾好，環境都舒服既。價錢合理，服務都叫周到。不過如果要揸車來留意翻車位就啦。…Read More

第一次食印尼菜, 雖然賣相不甚討好但原來味道可以不錯呢!!而且店鋪只收現金,不收加一; 價錢相當化算.價錢: $68 /2隻秘制醬汁, 用荷葉及鍚紙包再焗醬汁帶點辣, 肉質彈牙及有蝦膏散發著濃郁蝦味, 很不錯!價錢: $58 /條做法: 跟虎蝦一樣味道: 需要配以醬汁一併食用才能食出魚中帶醋的味道價錢: $58 /碟牛肉很林滑; 醬汁味道濃郁而不膩 (如配以飯一併食用會更滋味)一碟份量太少; 每人一碟就差不多了味道帶甜很好吃, 如單一食就沒什特色.如配以巴東牛肉汁就超級好味... 結括: 價廉物美, 可以再次惠顧 (讚!!) …Read More

加多加多沙律, 係網上推介必食既菜色, 個人認為一般, 未去到"必食"階段牛雞肉串燒各半打, D牛肉好肥呀! 一咬落去成口油....醬燒骨, 好食, 好入味, 全晚最好食既一個餸!娘惹印尼燒雞, 賣相比較...佢D醬汁整到好似X咁(大家明嫁啦).... 但味道係OK既! 肉都幾滑!印尼炒飯, 幾好, 炒得幾乾身幾均勻, 有水準之作炒蕃薯苗(冇影相), 好內冇食過蕃薯苗, 而家好多餐廳都冇賣喇!!總括黎講係OK既! 價錢又唔係好貴, 可以接受!環境就逼夾D, 但D阿姐幾好禮貌, 又夠笑容!有機會會再食, 不過要唔使等位先會囉~ ! …Read More

今次第一次黎試..記得開張初期冇乜人食所以唔敢黎...後來睇左食評見好多人讚黎試試..果然又平又好味下次會再帶其他人黎食原先冇叫二人餐..點知點下點下d野食發覺跟個餐一樣..但最後串燒冇黎.埋單149.貴過set一蚊..不過已然好飽 加多加多沙律甜甜地幾好味,入面有薯仔,芽菜,青瓜同豆角,d蝦片都好好味啊!!印尼炒飯即叫即炒,小小辣夠乾身.加埋d肉碎好惹味巴東牛肉呢個比較濃味,一定要配飯食,多肥膏個幾件林d,其他個d有點痴牙玫瑰椰果梳打幾好飲p.s人人都讚個姐姐service好好..係真嫁!佢真係勁勁勁好禮貌…Read More

最近幾有食神, 遇上的都是不俗的食店, 最近就去試了一間幾好的印尼店, 食店附近又多停車場, 揸車去好方便。週末晚上很多人, 要等一會才有位, 店內環境很企理, 店員態度服務都很好。我們點了$148 二人餐, 這個餐基本上可吃到我們想試的食物 加多加多: 老公很好, 在炒菜和他不吃的加多加多之間, 讓我試這個印尼特式沙律, 有很多蔬菜, 醬汁味道好特別好重味, 好食, 但好易漏。 印尼串燒: 加$4 可試齊雞牛豬三款肉, 肉質不錯, 三款都好味, 但細串了一點。 巴東牛肉: 用牛腩肉做, 醬汁味好重, 味道OK, 但無峇里咁好食。 印尼炒飯: 炒飯粒粒分明, 好香口, 我覺得此店飯類水準頗高。 餐飲: 有兩杯飲品, 老公要可樂, 我就加 $5 要了青檸梳打, 好飲。 黃薑飯: 除餐外我們還點多一份黃薑飯試試, 店員真的無介紹錯, 數全晚最好食的就是這店員極力推介在星期六日才有的黃薑飯, 真的很好吃, 比峇里弄得更出色, 推介值得一試。此店晚上收得很早, 10:30pm 收舖, 十點左右便last order 及不接客人, 食友們要留意。打電話訂枱是仍然需要照平常walk in 客排隊等位的, 但會有95折優惠~ 最後店員還會送上薑糖甜甜嘴兒, 又是一個開心又滿足的晚上。…Read More