God of Teppanyaki (Tsun Yip Street)

板神觀塘店限定週年慶鉄板焼套餐(一人前）!足15品鉄板燒套餐按選擇牛肉類別而定,價錢由$555起.整個體驗都好好,可以享用8人包廂,一邊欣賞師父席前料理一邊享受美食./週年慶鉄板焼套餐/時令蔬菜沙律•季節前菜首先係開胃季節蔬菜及蔬菜沙律刺身三款套餐贈送本日3款刺身!充滿光澤又新鮮南非鮑魚南非鮑鮮爽彈鮮味 簡單用黑椒做調味已經足夠大蝦天使麵套餐中最愛嘅一道菜 大蝦肉質彈牙蝦味濃香再配搭以大蝦頭製作嘅濃郁蝦膏醬汁 淋上大蝦及天使麵上 令天使麵索晒蝦嘅鮮味鵝肝•季節魚•牛舌芯 (選一款)同朋友各揀左牛舌芯及季節魚-白鱈魚牛舌芯厚身 充滿嚼勁及豐牛脂香 配搭蒜片更惹味白鱈魚配上牛油汁 香濃又充滿豐腴魚油香氣季節野菜四款野菜有大啡菇。椒。瓜米国産牛薄焼 / 米国産牛薄焼牛薄燒夾住大量葱蒜!味道極香又惹味入口充滿層次 帶濃郁牛香又充滿青葱甜味及蒜香炒飯•湯•漬物鐵板燒經典之一嘅炒飯!飯粒分明充滿蛋香香蕉煎餅估唔到食鐵板燒有香蕉煎餅食!!仲配上焦糖多士 嘅滿媡奶同朱古力醬真係好邪惡呀…Read More

第一次係嚟慶生，依家又嚟慶祝紀念日，已經落入咗本編嘅鐵板燒口袋名單😂。一到大時大節就拎出嚟，包穩陣😌。今次初嚐二人餐，感覺上幾抵，因為最多人食嘅感謝祭要加成三百幾蚊先食到龍蝦，而二人餐就已經包埋，除開嚟計平啲 (前提當然係對龍蝦有興趣啦～🦞)。不過就冇得一人嗌一樣share食試多啲品項，呢點要自己衡量下🤌🏻▪️大豐·鐵板燒二人前 $1680▪️/前菜、沙律、刺身、鮑魚、*龍蝦、帶子、野菜、*澳洲和牛、炒飯、漬物、麵豉湯、*抹茶奶凍/*當日嘅本日海鮮係龍蝦同帶子，主菜揀咗澳洲和牛，是日甜品係抹茶奶凍🌟重點提要：➪ 澳洲和牛食兩次，兩次都覺得厚燒正過薄燒。會問你要幾多成熟，小編例牌答5成，厚厚六件骰仔牛，燒得軟嫩多汁。下次可以挑戰3成，見隔離枱件粉紅色好靚。有別於日本/韓國和牛，澳牛肉感同脂香都兼顧得到，冇入口即融嘅感覺，但就有牛肉嘅𡁻勁，咬下咬下肉味齒頰留香。佢下面墊底塊包都幾有誠意，奶香奶香的，唔怕飽嘅話可以留返一兩舊夾住嚟食➪ 龍蝦、鮑魚用隻龍蝦本身嘅蝦膏，加埋袐製醬汁炒製而成，蝦味濃郁但調味偏鹹。算多肉食，有幾何啖啖龍蝦肉接連擺入口，可惜肉質唔夠結實爽彈。反而鮑魚就真係做到嫩、彈、脆，一啲都唔擦紙膠，不過對小編嚟講一樣鹹咗少少。其實原味已經好夠做，但仍然建議點埋海鮮醬食用，別有一番風味➪ 砂糖吐司公開嘅隱藏菜單，每枱例牌送一份。望住佢落海量牛油嚟煎，將砂糖堆成小山丘，健康關注組人士個心都離一離。唔好睇佢邪惡度max咁，實際上完全唔油膩感，煎得薄脆可口，牛油香氣四溢，仲甜度適中。真·係·好·出·色！成餐飯完美收結📒後記：今次觀塘店冇咗心型炒飯😢，師傅同我哋亦冇太多互動。仲記得尖沙咀嗰間個師傅好可愛，會幫客人set好個靚位影相，又會不厭其煩咁介紹每道菜式🥹。而且觀塘店內籠較細，冇乜私人空間，變相環境都會比較嘈吵🗣️，小編就建議book返其他區喇～…Read More

有蘆薈沙律同汁煮大根作為開始三點新鮮無腥味南非鮑魚新鮮彈牙但保持嫩滑口感大蝦蝦肉同埋蝦頭分開烹煮蝦頭充滿蝦膏先 蝦肉彈牙季節野菜有櫛瓜紅椒同粟米仔法國鵝肝迷你漢堡外層焦脆充滿油香美國牛肉薄燒包住大葱蒜片燒烤十分惹味由牛肉、蔥、蒜同雞蛋簡單食材組成粒粒分明炒飯的炒飯充滿邪惡感的牛油焦糖多士 大量砂糖同牛油令到平凡多士變得香脆最後可以揀咖啡或者抹茶紅豆奶凍用餐體驗好 環境舒服不論是師傅定服務生態度都好好…Read More

朋友食過好正，所以帶我黎食！果然係好得！👍🏻👏🏻椿·席前鐵板燒（一人前）1️⃣前菜鍾意煮螺既醬汁～2️⃣季節沙律好新鮮既蔬菜、海葡萄同車厘茄。🍅🥬3️⃣刺身三款帆立貝、鯖魚、深海池魚。食到既嗰種甜就知有幾新鮮～👍🏻4️⃣南非鮑魚望住佢喺塊板上面掙扎係有啲殘忍🙈，但真係好好食！5️⃣白鱈魚煎到金黃色，個面脆脆地，而入面係軟而充滿油脂既魚肉。正～👏🏻6️⃣大蝦煎既時候，蝦既香氣四溢。隻蝦新鮮又爽口！🦐7️⃣A5和牛薄燒入口即溶，冇得輸！🤤8️⃣炒飯·漬物廚師炒飯好似睇緊表演咁～🤩9️⃣湯魚湯好鮮甜～🐟🔟甜品雪糕。我地揀左綠茶同紅豆味～🍨🔅廚師仲送左塊蕉糖吐司俾我地～好脆！我鍾意！🍸柚子酒（$70/杯）柚子味濃，似果汁多過酒。…Read More

難得呀妹生日當然要帶佢食好啲啦，所以今次就帶咗佢去佢一直想試好耐嘅鐵板燒🥳前菜有新鮮沙律菜配明太子，酸酸地咁好開胃😚是日刺身，係由師傅即日揀出嚟嘅，所以每次去食都有機會唔同㗎刺身🤪師傅建議食咗味道較淡嘅刺身先，咁樣先可以更容易食出刺身嘅真正味道😯食曬前菜同刺身之後開始嚟到我最期待嘅主菜啦🤩師傅將銀鱈魚煎到好香，而且仲專登起咗塊皮佢煎香佢🐟嫩滑嘅魚肉加上香脆嘅魚皮成咗令到成個味道即刻昇華曬♨️喺中間嘅部份先有少少骨，而且完全冇腥味，唔鐘意食魚嘅朋友都可以試吓🤓非常新鮮嘅南非鮑魚，放上鐵板煎嗰陣見到佢仲郁緊嘅🤣師傅只係加咗少量嘅牛油同鹽已經令到佢好惹味🥰好食到直頭想order多一份嚟食呀😭😭成個鐵板燒我最期待嘅就係燒波士頓龍蝦，同鮑魚一樣都係非常新鮮，燒嗰陣仲見到佢郁，肉汁勁鮮甜，啖啖肉😍😍😍最正嘅係唔需要自己開殼就食到，啱曬我呢啲懶人😙剩低嘅肉就加埋落個味噌湯度，一啲都唔晒🤗野菜煮物師傅會預先問我地牛肉想要幾多成熟，之後用牛肉包住預先切好嘅蔥粒同炸香咗嘅蒜片✨牛肉我叫咗七成熟，師傅都做得啱啱好，入口即融🤤🤤🤤燒完之後和牛會放喺一塊麵包下邊，主要係為咗索走牛嘅油份😯師傅燒牛肉燒得好有功架，全程飯睇住師傅燒都係一個享受🤤🤤去到呢度我已經八成飽，好彩仲有少少位食埋個炒飯🤯炒飯炒得好乾身，師傅仲專登喺我地面前整咗個蛋拉花😳到最後甜品都令我大讚！真係好好食，而且成程飯環境同氣氛都好舒適😇埋單都只係千二左右，性價比非常高，會再去食👍🏻地址：觀塘駿業街43號地下…Read More

睇到網上介紹，有新野試😜仲做緊極優惠價😍環境都幾舒服😌主廚對食物夠哂認真，影食物嘅時候，主動幫我地放得靚仔d，建議食咗一啖先再影！主動比意見，點食最適合，又唔使太飽而上菜速度亦都因應客人需求👍🏻侍應都好細心架，定時更換熱茶最中意個海膽，侍應見我哋仲想order其他，都有推介，話我哋知：海膽新鮮到，好甜架😊真心好耐冇係香港食喇🤭，太多食到好腥嘅經驗😖但一路留意，所有食材都好新鮮膽粗粗又試下，又真係好甜😍有機會再嚟過😋…Read More

從前觀塘區給人的印象是一個舊工業區，但隨著不少新式的商業大廈落成後，隨之而來的有不少高級食肆進駐。這間日式餐廳，相信是區內罕的日式鉄板燒餐廳。店外簡約的和風木系風格，再經一條簡潔的走廊步入餐廳內，先看見一個精緻的吧檯，然後就會看見三個的用餐區，每個用餐區可以坐八人，當關上敞門後，就成為一間私隱度極高的區域，最適合一大顆人一起輕鬆用餐。鉄板一人前 （$500/Lunch)時令沙律/前菜👍👍👍👍用了時令的沙律菜、粟米和車厘茄，這個時令沙律正好為之後的鉄板燒作餐前的準備。鮮嫩的蟹肉和卜卜脆的蟹籽配海帶，佐以開胃的醋汁，成為一個健康又清新的前菜。刺身三點👍👍👍👍👍刺身三款包括北海道帶子、油甘魚和吞拿魚赤身，味道由淡至濃，厚切的赤身口感實在。車海老👍👍👍👍👍Jumbo sized 的大海蝦，肉質肥厚結實，口感彈滑爽脆，蝦味濃郁。放在鉄板上煎至粉橙色，香氣四溢，蝦頭的蝦膏最為豐腴，絶對不能錯過。南非鮑魚👍👍👍👍👍鮮活的南非鮑魚，鮑魚昧濃，厚肉爽身，無論口感或味道皆十足，切片後的鮑片只需點一些粉紅岩鹽，已經能夠突顯其新鮮的味道。美國特級牛柳👍👍👍👍👍這是厚切的美國特級牛柳配香蒜片，師傅先會問客人想吃幾成熟，我們要五成熟。看見牛柳煎至肉心嫩紅，入口 juicy 又嫩滑，配合香脆的蒜片更添美味。和牛炒飯👍👍👍👍👍用了免治和牛粒炒飯，配以香蔥、洋蔥粒，飯粒在鉄板上炒至粒粒分明，加上雞蛋包裹著每粒飯，真是色香味俱全的一碗炒飯。吸物👍👍👍👍👍這碗是梅清湯，湯內有一粒梅子、一片紫蘇葉和大蔥絲。打開碗蓋，濃濃的紫蘇香氣已撲鼻而來，隨之而來是淡淡的梅香，味道很清香，亦可以解膩。甜品👍👍👍👍甜品是綠茶雪糕，與日式料理最夾。焦糖多士👍👍👍👍👍師傅最後還特別為我們泡製一份焦糖多士，見到師傅在多士上撒上黃糖，然後把多士煎至金黃香脆，帶點邪惡的多士令我吃完一口接一口。咖啡👍👍👍👍吃罷整個鉄板套餐，來一杯香濃的熱咖啡作一個完美的總結。門面內在環境餐牌…Read More

在觀塘附近工作或居住的朋友，你們有口福了！在觀塘工業區內新開了一間鉄板燒的餐廳，那麼就不用長途拔涉出去搵食了。餐廳裝修十分講究，從外觀至內面的環境，都令人覺得置身在日本。今天在中午來到，看見門外餐牌有壽司定食，和食定食，鉄板燒定食，鉄板一人前等等，價錢由$200 至 $500，各款定食均包括主食、沙律、前菜、湯、咖啡。鉄板一人前 $500/午市套餐 前菜前菜是海帶、蟹肉和蟹子，酸酸地的醬汁很開胃，很清爽，味道很配合。時令沙律沙律的材料主要是什菜，粟米，紅蘿蔔，蕃茄仔，各款蔬菜也很新鮮。刺身三點三款刺身有帶子，油甘魚和赤身，刺身很新鮮，厚切亦增加口感，擺盤也很美觀。車海老大大隻的車海老，起碼有八至九吋長，蝦肉切成三小段，肉質超爽，蝦頭超多蝦膏，真係食到舔舔脷。南非鮑魚隻鮑魚超級新鮮，放在鉄板上，還看見牠在郁，証明是十分新鮮。鮑魚味道鮮甜又不靭，切成薄片更方便一啖一片。肉眼薄燒薄切的牛肉在鉄板輕輕焦香，包著葱花和香蒜，然後放在多士上索去多餘的油份，肉眼片夾著煎香的葱蒜，香味更突出。和牛炒飯這個炒飯用了日本和牛粒一起炒就更加增添貴氣，味道就當然更美味啦！湯這個是梅清湯，第一次飲梅湯，有少少鹹酸的味道，另外湯內有一塊紫蘇葉，令香氣很強烈。甜品甜品是雪糕，這個是芝麻味，每啖都可以吃到芝麻的口感。咖啡最後還有一杯咖啡作完結，豐富的鉄板套餐真是一個大滿足。…Read More