Odelice! (海之戀商場)

之前朋友推介過呢間 Odelice!，話啲野食唔錯。今晚經過海之戀 Odelice!，望入去環境雅緻舒適，入去試試。 餐廳裝修帶點優雅法式情調，氣氛輕鬆又有格調，真係超適合慢慢享受美食。叫左個晚市2人套餐 $558🔸️是日餐湯南瓜湯帶微微南瓜自然甜味，入口濃香細滑。🔸️餐包餐廳加左少少鹽係牛油上面，餐包常溫無烘但鬆軟，配上鹹鹹地嘅牛油，味道層次豐富。 🔸️法國Charolais生牛肉他他頭盤揀左法國Charolais生牛肉他他，牛肉質地鮮嫩細滑，混合香草味道鮮美帶點芥末微辣 。配上脆卜卜嘅多士一齊食，刺激味蕾。 🔸️香煎三文魚主菜揀左香煎三文魚，三文魚煎得唔錯，魚皮帶點香脆，肉質鮮嫩，多汁。蘆筍鮮嫰，配上法或酸模汁，味道清新開胃。 🔸️英國黑毛豬肩胛肉 +$45另一款主菜揀左英國黑毛豬肩胛肉，旁邊配上法式獵人汁，可按自己口味加入。豬肉肉質軟嫩，香濃多汁。個人認為唔駛蘸醬汁，已經好好食，更能食出黑毛豬味道。配菜仲有粟米芯、薯蓉。薯蓉好好食，綿密柔滑，一啖接一啖。  飲品方面，原來平日星期一至五 15:00至19:00 Happy Hour 有買一送一優惠，抵～ 下次要早啲黎。 🔸️Sparkling Peach Sunrise $65蘇打水加入蜜桃果蓉、士多啤梨果蓉、同檸檬汁，清新提神，蘇打水氣泡輕盈，爽。🔸️Melon Silk  $75椰子水加入哈密瓜同豆腐，淡淡哈密瓜香，豆腐增加口感，再加入白朱古力糖漿、唔錯。 🔸️法式泡芙最後甜品有法式泡芙，雲呢拿雪糕配上黑朱古力醬。泡芙酥脆輕盈，雲呢拿雪糕順滑香甜，黑朱古力醬帶微苦甘，完美結尾。 …Read More

之前經過都已經想試吓，尤其佢個環境咁靚。試左2人晚市套餐，揀咗蟹肉牛油果他他、帶子燴飯、阿根廷安格斯肉眼牛扒同開心果焦糖燉蛋。蟹肉牛油果他他呢個前菜又清新又健康，加左牛油果就好滑，夠晒輕盈～蟹肉又鮮甜！簡單嘅食材就組合到咁好味🤤帶子燴飯帶子肉質緊實，飯煮得軟糯適中，每一粒都充分吸收左海鮮汁，味道濃郁鮮美，飯底仲夾雜着八爪魚粒，勁有口感。阿根廷安格斯肉眼牛扒牛肉紋理清晰，切開後中間粉嫩色澤好誘人，睇落多汁又嫩滑，牛扒煎到外焦內嫩，有嚼勁，肉香濃郁。開心果焦糖燉蛋先係焦糖嘅脆甜，跟住係開心果燉蛋嘅絲滑綿密口感，味道非常濃郁。…Read More

平日放假，同媽咪撐枱腳，其實我已經食過一次🤗覺得環境吾錯所以再黎👍🏻兩次都食lunch以下先post下今次同媽咪食既相先😚Lunch set 包一杯野飲，其他special野飲先至要加價，我覺得整體味道還可以，打卡吾錯，環境都裝修得幾靚，Lunch都多人食，價錢偏中上（個人覺得）以下post埋第一次同男朋友食既相，So far第一次食，我覺得有驚喜，服務吾錯👍🏻👍🏻👍🏻上野食速度正常☺️真心幾鐘意間鋪頭，可惜lunch有限時90分鐘，So far夠時間食，要吹水就坐得吾耐😅但我覺得值既，佢價錢、食物、服務、環境都成正比👍🏻大家不妨一試👍🏻…Read More

荃灣海之戀商場的商戶逐漸開張，多了很多餐廳選擇，包括了這家之前在灣仔光顧過的法國餐廳分店位置：海之戀商場1樓，天橋那一層直入海之戀第二間店，非常方便環境：裝潢挺歐式，更設陽台區服務：經理有禮貌記性又好，說一次便完美下單食物：味道討好，很正宗的西餐感覺紅酒燉牛肉闊條麵 $128餐廳主打菜之一，太太說燉牛肉非常嫩滑用上不怎麼韌的牛肩肉，肉質入口即化，配上香濃蕃茄紅酒汁及有口感的闊條麵，很搭配及出色經典肉眼牛排配薯條 $145選用約200克的紐西蘭草飼肉眼牛排，本人選了五成熟口感不錯肉汁鮮嫩，配合牛肉燒汁相當美味薯條是鮮炸的那種，而且炸的剛好香脆，很是吸引:)是日餐湯～南瓜湯（跟餐）南瓜湯忌廉味濃，而且南瓜濃郁，冬天來碗熱湯真是滿足香桃冰茶（跟餐＋$10）這款冰茶沒想到挺香，桃味出而解渴海鹽焦糖及鮮忌廉可麗餅（跟餐＋$25）加點了這份甜品，鮮忌廉真的很滑，配合佈滿清新海鹽及香甜焦糖醬的可麗餅，真的非常邪惡，讓人忍不住把它吃光帕爾馬火腿卷（跟餐＋$62）另加了這款火腿卷，有意想不到的驚喜帕爾馬本身微鹹味道及嫩滑的質感，包著蕃茄及香草，再加入芝士醬，整體感覺非常清新把火腿的鹹味中和得宜，值得一試總結這家法國餐廳食物出色，當然口味不一定每個人都一樣，但最少我跟太太選的都很適合我倆口味:)難得分店開在家附近，絕對會再次光臨呢…Read More