喜鍋 海鮮.點心.活刺身 蒸氣石鍋專門店 (Closed)

近期和蒸煮海鮮甚有緣份，不約而同在不同飯局皆以此為目標。繼作日的九層塔，今天再嚐一間新開的蒸氣石鍋「喜鍋」。喜鍋晚市除了有散點餐牌外，亦有一系列套餐供應。因套餐指明大小同價，與兩隻細細同行實在不化算，還是散點更合大家胃納與喜好。蒜蓉粉絲蒸特大元貝皇，論體型與「特大」二字差很遠。以普通元貝作基準，則食味見理想。清蒸紐西蘭刀貝一斤八隻，質感爽口，海水鹹味挺重，略嫌蓋過刀貝本身應有的甜味。蒜蓉粉絲蒸虎蝦 (圖為一斤份量) 味道鮮甜，肉質結實，只是蝦肉略為薄身，肉量不多，與預期中的虎蝦有少許落差。清蒸本灣奄仔蟹用料相當新鮮，奄仔蟹送上時仍見有些微郁動。落鍋反轉清蒸，確保蟹羔不會漏出。切開蟹件，金黃蟹羔盡現，味道甘香，加上蟹肉同樣緊密鮮味，筆者十分滿意！清蒸西班牙黑毛豬賣相甚有巴哈馬火腿的影子，粉紅肉色脂肪含量不高，肉味香濃口感鬆軟。野菌雲耳蒸新鮮雞火喉對辦，雞件挺嫩。手打三寶丸有蝦丸、墨魚丸及鯪魚丸三款口味各兩大粒，各丸物經蒸煮後更為飽滿，彈牙感沒預期般強，普通喇！潮式糯米卷不是筆者那杯茶，沒有吃到，但 $88 四小件明顯貴了一點。梅菜蒸菜遠是常見的蒸菜款式，梅菜味香得來不過於搶味，菜遠翠綠有加，清甜感中規中矩。原籠蒸古法馬拉糕是筆者至愛的糕點之一，成品確實富懷舊風味，鬆軟可口！最後一嚐南瓜新鮮排骨粥底，不知什麼原因 (油份是否來自之前的蒸雞？)，粥底油感甚重，非常油膩，雖然味道搶口不俗，但要吃畢整碗還是有心無力。餐後以送贈的桂花糕作結，以清淡花香完結了是晚笑聲處處喜氣洋洋的飯局。****************************** 泊車情報：商場泊車$35/小時（五至日及公眾假期）；消費滿 $500 免一小時。****************************** …Read More

鐘意食海鮮嘅我, 今晚心血來潮想搵好野食，朋友知我鐘意食蒸氣石鍋, 就介紹左一間係尖沙咀天文台道, 靚裝兼坐得夠舒服嘅餐廳, 原來就係位於新商厦嘅喜鍋。電梯一開門就睇到個大招牌, 入到門口巳經見到一個好大嘅魚缸, 好多生猛海鮮呀！地方環境果然夠寬敞, 最正就係樓頂夠高！ 看看餐牌準備點菜, 今晚得我同老婆兩個人, 其實有好多野都想食, 但又驚食唔晒, 考慮之際, 經理就介紹左一個新出套餐, 價值$398, 呢個價錢, 其實食得海鮮都叫平, 睇埋裏面啲料先...原來有很多配搭, 小食 丶粥底 丶海鮮丶仲有好多蒸鍋食品選擇, 基本跟餐有三文魚刺身, 紐西蘭刀貝, 蒜蓉蒸開邊虎蝦, 其他配搭我就揀咗椒鹽脆豆腐, 南瓜新鮮排骨粥, 薑蔥石蠔, 黃皮老虎斑件, 墨魚丸拼蝦丸, 仲有加多個牛油蒜香雞翼小食...。 落左單期待中, 一上枱就嚟咗一隻開邊龍蝦, 好奇怪喎, 我冇order喎, 問問經理, 佢話晚市會每人送半隻南非龍蝦, My God, 呢啲咪叫最做驚喜囉！其他食落點先？黃皮老虎斑件 , 絕對唔係坊間普通用嘅沙巴龍躉！ 厚切, 食落彈牙爽口, 另外自家手打墨魚丸蝦丸, 蒸完出黎真係俾佢嚇親, 大粒過乒乓波, 而且仲好彈牙, 牛油蒜香雞翼, 一放上枱已聞到好濃烈既牛油鮮味, 食落個味道, 咁似....腦海馬上浮現出那些年在銅鑼灣很出名的X萍越南餐廳的名菜, 嘩！終於返來啦！！！！！ 今晚食得好開心, 食左好多野, 大滿足, 埋單唔貴, 但係....原來9：30後仲有8折！ 點解咁平嘅？？？值得再來！…Read More