Good Pick Noodles (Closed)

落雨濕濕想食濃味嘢，如果在中上環的話，多數會揀呢間。因為它除了車仔麵有好多餸的選擇外，湯底方面有少有的麻辣和水煮。*水煮魚配上湯米線*。賣相不俗，魚肉份量十足而且非常嫩滑又無骨，雖然小辣都幾辣，但因為上湯米線是分開上的，所以可以按自己口味添加適量的水煮辣湯。$69吃得很滿足。*麻辣鴨血*。表面看和水煮魚好相近，但這個加了蒜蓉，把滑溜的鴨血和蒜蓉一同放入口，非常惹味。*車仔麵加麻辣汁*。先喝一口湯時覺得湯底略鹹，但拌勻後再試就吃到花椒的香味，加上餸和麵後就不覺鹹了。其中極品牛腩條必食，軟腍得來有牛肉味；黑松露雞肉水餃也很好吃，不過只得一隻有點孤寒；反而金錢肚最抵食，份量不少。*醉雞翼*和*咖哩魚蛋豬皮雙拼*味道普通，可以再「醉」點和再「咖哩」一點，要吃小食的話還是推薦麻辣鴨血。店內光猛乾淨，員工有禮，想食濃味辣味的可以試下，至少食完不會口渴。…查看更多

講起車仔麵多數都諗起啲好有歷史嘅老店或者啲殘舊罨耷舖 食落有種風味今次就試下呢間新派嘅車仔麵店睇下會唔會真係冇咁有feel?!門面光鮮乾淨真係聯想唔到係食車仔麵😂店內仲掛有幾句金句「我下麵很好吃」「麵壁不一定要思過」主打年輕人市場睇下menu先！3餸麵套餐加熱飲$55基本上有齊我哋平時食開嘅餸仲有啲出面少見嘅餸例如係「黑松露雞肉水餃」同「金錢肚」同朋友嗱嗱聲點兩碗麵食下先瑞士滑雞翼+黑松露雞肉水餃+香甜蘿蔔+蠔油炆花姑油麵(麻辣汁)+凍奶茶 $72一上當然要試個湯底先啦清清地幾好飲，唔係味精粉！麻辣分開上 加分～唔怕一下子太辣食唔到😂咬一啖蘿蔔嘩！真心驚喜！作為一個食米線同車仔麵都鍾意嗌蘿蔔但往往都會中伏嘅人呢嚿清甜蘿蔔真係「蘿蔔如其名」1. 煮得夠淋 2. 清甜！！食得出唔係就咁用水淥完擺入湯度吸味，而係本身煮嘅時候已經有用心調味呢一點十分打動到我！感動！另一誠意推介！！黑松露雞肉水餃🥟本身諗住喺車仔麵店叫呢d餸都係普通貨但！呢個餃食完係會令人難忘估唔到佢嘅黑松露會咁香！平時唔係特別愛黑松露嘅朋友試完都話好食～另外兩款餸都好好食搞到即刻想點多幾款餸🤪另一碗朋友叫咗豬紅+嫩滑腐竹+發達金錢肚+咖喱陳皮魚蛋米線(咖哩汁)+凍檸茶 $72一上枱，重口味朋友：「碗湯咁淺色嘅🧐」然後飲完一啖湯就變晒😍😍😍估唔到個湯咁正咁有味！再食埋啲餸真係不得了每款餸都好出色特別推薦豬紅夠入味、爽口冇腥味！飲品也不錯！小食方面都叫咗幾樣麻辣鴨血 $28本身都有啲擔心會太辣但佢係以香味為主平時食開微辣嘅人絕對無問題不得不提，鴨血超級滑，好似啫喱咁滑！入口即化😍千杯不醉雞翼 $22雞皮滑到呢～～酒味唔會太濃，啱啱好！油菜(唐生菜) $20正正常常👌🏻食車仔麵循例配返碟菜清一清腸胃～睇嚟呢間車仔麵已經成為我心目中嘅No.1😆下次嚟要試埋水煮魚米線🍜！！…查看更多

見到好多人都推介呢一間係上環嘅終於的起心肝去試吓啦！呢度環境好乾淨，坐得又舒服，唔會有平時食車仔麵嗰種好迫又要食得好急嘅感覺。雖然佢價錢比平時嘅車仔麵貴少少，但我真心覺得好值得！特別要讚一讚佢餸嘅份量，真心超級多！！食完真係有種飽到上心口嘅感覺！所以細食嘅朋友記得揀少麵啊～.《三餸套餐 - 黑松露雞肉水餃、極品牛腩條、醬燒豬軟骨、豬紅、魚皮餃、紫菜粗麵配滷水汁》$55+$36《三餸套餐 - 黑松露雞肉水餃、極品牛腩條、入味豬大腸、香煎午餐肉、紫菜粗麵配咖喱汁》$55+$24前排睇youtube見到有人食呢度嘅黑松露雞肉水餃，終於明佢點解話呢個水餃係癲㗎！首先黑松露味真係好香好香，有一種食緊高級車仔麵嘅感覺。雖然雞肉味唔係好重，但配埋啲香菇同生菜，所有嘢加埋一齊就好夾好好味～名副其實皮薄餡靚！😋所有肉類都好好食，特別係極品牛腩條！！佢真係冇改錯名，肉質完全唔韌，好腍好入味！！另外豬軟骨都一樣，好入味！湯底方邊，今次揀嘅滷水汁同咖喱汁都唔錯，個人比較鍾意滷水汁多啲，甜甜地好特別，而亦都唔會過鹹搶走曬啲餸本身嘅味道！咖喱汁就有一種港式咖喱魚蛋嗰種味道，唔辣嘅～.《咖喱魚蛋豬皮雙拼》$22實不相暪，今次係我哋人生第一次食豬皮🙈然後我就愛上左～超級有驚喜！腍得來又有咬口，好好食呀～～另外魚蛋雖然係陳皮魚蛋，但陳皮嘅味道唔會太重，加上咖喱味好入味，令到我反而覺得有一陣陣嘅陳皮香味，唔會太濃。.《千杯不醉雞翼 - 三隻》$22第一次食熱辣辣嘅醉雞翼，原來都唔錯喎！雞翼好大隻，肉質鮮嫩。酒味唔會話太濃，個人覺得如果再重少少走未我都接受到！.《唐生菜》$20正正常常，都算幾新鮮。…查看更多

揀得啱車仔麵 #上環之前有一排好迷車仔麵，基本上將香港出名嗰幾間都試曬，事隔一排再重拾返呢一個喜好！今次食嘅呢一間車仔麵環境舒適，服務態度好，雖然選擇唔算最多，但係每一樣味道都唔錯！車仔麵嘅第一個步驟就梗係揀麵底，分別有米線、米粉、油麵、粗麵、幼麵、出前一丁，加$12可以多麵，亦可以揀少麵。佢都係冇得揀河粉呢一點有少少失色。至於湯底方面亦有清湯、咖喱汁、滷水汁、沙嗲汁、麻辣汁同埋205辣醬，205辣醬係鋪頭特製嘅辣醬，可以揀小辣中辣同大辣，店舖都有事先講到明呢一個辣醬真係好辣，當日揀咗小辣，加好少就已經辣到飛起，但的確好香。配菜方面，三餸麵配熱飲係$55，另外每加多一樣餸就$12。雖然佢啲配料嘅選擇唔算多，例如冇平時成日見到嘅牛筋、魷魚、豬頸肉等等，但係我哋當日所揀嘅餸菜全部都好好味。今次我哋分別揀咗:醬燒豬軟骨、入味豬大腸、瑞汁滑雞翼、豬紅烏冬配滷水汁 $55+12黑松露雞肉水餃、芝士腸、極品牛腩條、發達金錢肚、香甜蘿蔔清湯米粉配205辣醬 $55+24唔係講笑佢啲肉類真係好好食！特別要讚佢嘅豬軟骨，入味得來夠曬淋，啲骨係真係好勁骨膠原漿住個口嘅嗰種感覺！仲有，牛腩條大件得來感覺脂肪唔多，但依然非常入味同淋！至於黑松露雞肉水餃亦都好香黑松露，入面仲有啲香菇，口感豐富。至於其他嘅餸亦都不俗！另外湯底亦都好好，我覺得睇間車仔麵好唔好食真係要試佢嘅清湯，呢一間真心連清湯都好濃郁，配上205辣醬就更加惹味！滷水汁就鹹鹹甜甜啲，同樣不俗！另外我哋仲買多咗一份千杯不醉雞翼 $22/3，其實即係一份醉雞翼，雞肉好滑溜，酒嘅濃度恰到好處。味道:4.3/5性價比:4/5…查看更多

趁假期，出去搵野食❤️黎到上環，食咩好呢？眼見上環好多食肆星期六日都好早閂。所以揀左間車仔麵，食完就返歸😋本身諗住食車仔麵，上到去見到有麻辣小鍋米線，作為麻辣控既我又點可以放過佢呀😂🔸麻辣小鍋米線（配牛腩、豬大腸、黑松露水餃、牛肚）$82麻味辣味都好出，配料好好味牛腩燘得好淋豬大腸無酥味，事先有滷過黑松露水餃，皮有少少厚，不過好足料牛肚爽口得黎又唔韌🔹水煮魚配上湯米粉 $69相比麻辣小鍋無感辣，魚好淋身，唔腥最估唔到，係連魚都可以入味，唔知係咪事先有醃過呢🔸麻辣鴨血 $28最最最最最推介！👍🏻👍🏻薄切鴨血，好入味配上爽口既芽菜同麻辣汁，一流！想食多碟添呀！🔹千杯不醉雞翼 $22美中不足係暖暖地，不過肉質好滑有酒香味，同埋隻隻都好大隻😂另外仲比左個碟仔裝骨，好貼心❤️🔸凍奶茶、凍檸茶 $15單上面有少糖少冰多奶揀以為應該都係求其整點知真係少糖少冰多奶既奶茶調較到我鐘意既口味唔係間間都做到順便一提，待應服務態度好好👍🏻見到我個樣有d迷惘，唔知叫咩食好，會主動行埋黎介紹招牌菜另外，原來我地係最後一檯客，都無趕我地走，仲叫我地慢慢食（利申：我都係出門口先知咋！）💬建議醉雞翼可以雪凍去，味道應該會更好😋…查看更多

車仔麵檔係小弟嘅印象中都係陰陰地，摺檯膠櫈嗰啲，但係小弟今日嚟到呢間餐廳，顛覆左小弟一路有嘅印象。呢間餐廳喺上環站隔離，地點好方便呢度啲車仔麵配料一啲都唔馬虎，唔係求求期期俾啲平嘢你食就算。例如黑松露水餃，平時係啲舊式車仔麵檔點會見到呀～雖然佢啲車仔麵配料都好吸引，但係小弟就被令一樣野吸引住～另外嘢飲方面，香港人都鍾意多冰少冰少甜。每一次落單都會覺得有啲唔好意思，好似好多要求咁。喺呢度就唔怕喇，因為你只需要喺紙上面tick就可以呢杯凍檸茶比想像中大杯，小弟叫咗走冰都汁到咁滿，檸檬亦都比咗成四五片！而且茶底唔會好淡，食麵配杯凍檸茶就啱晒喇！原本小弟以為醉雞翼應該會係凍嘅，上到枱原來係熱辣辣嘅，有意外驚喜！每隻雞翼都好大隻，亦都煮得好淋，啲肉一啲都唔乾，亦都煮得好入味，唔錯！雞翼控必試！小弟就係比呢一個水煮魚米線吸引咗！佢仲可以揀小辣中辣或者大辣，今次小弟就叫咗小辣。一上到枱，個水煮魚好香平時出去叫個水煮牛或者水煮魚都差唔多成$100 ，但係呢度都只係$69咋！而且份量都唔細，有好多片魚，啲魚仲好滑。平時出面食水煮魚都會辣到飛起，但係呢度嘅辣度可以接受，同埋唔會整到成碗香料多過餸，湯底亦都唔會好鹹，小弟終於都可以仔細品嚐到水煮魚嘅味道佢個米線係分開上，你鍾意夾啲米線落去水煮魚度食又得，分開食都得！下次有機會再嚟試吓佢啲車仔麵先…查看更多

週末又開始去返🏝港島區漫遊，🕵🏻‍♀️細心觀察，中上環一帶其實有好多🥢港式美食。而我地至愛嘅，還是車仔麵🥰。呢晚去左一間✨環境乾淨又坐得舒服😌嘅車仔麵鋪 ，仲有好多小食可以揀，十分正!!#揀得啱車仔麵 呢到選擇非常多，麵底已經有7款，餸都有31款！我和鋒鋒各自選了喜愛的食物，份量十足🤩#麻辣鴨血鴨血好有咬感，煮得好入味，而且仲有好多芽菜，一個字，正！#咖哩魚蛋豬皮雙拼單睇相已經鋪滿咖喱汁，食落更咖喱味濃！想懷念下街頭小食，一定唔可以錯過！ #千杯不醉雞翼呢到嘅醉雞翼帶有淡淡酒香，我很喜歡佢係暖食。車仔麵最緊要有得「揀」，揀得啱，食得開心，揀得啱車仔麵 #麵底 #湯底 都有得揀，仲唔快啲黎揀你碗心水靚麵😜…查看更多

周末去吓啲平日唔會去嘅地方，由於大胃唔使過海返工，上環享受好時節。走上商廈，理應日理萬機嘅地方，今日變得好冷清，好彩都有餐廳營業呢個地段嚟講，價錢唔算貴，忍唔住嗌咗好多餸，搞到要分開裝呢間車仔麵嘅套餐名幾盞鬼，「兩點半餃餃陣」，顧名思義就係全部都係餃子油麵唔易索湯索到泡晒，保持彈牙:)菜都幾新鮮，唔會發黃剔菜單可以揀飲品奶量、冰度同甜度，好細心車仔麵有賣鴨血，梗要試吓咖喱汁好濃，魚蛋同豬皮相當入味酒鬼大胃醉愛酒釀雞翼，多肉又有酒香估唔到呢度會有水煮魚配米線，好特別胃民可以選擇倒唔倒米線落去呢度感覺幾文青，仲有啲抵死句子𠻹…查看更多

/揀得岩車仔麵🇭🇰/#sa上環篇 #sa午餐篇 ➖➖➖呢間店舖近中上環 而且價錢中等相信都好多OL 都會成日去食lunch 我去嘅時候係3點左右所以都有幾多位😎😎今次就叫左車仔麵、雞翼試下➖➖➖1️⃣車仔麵 (4餸) $55 +$12 無記錯 下午茶係平啲 叫多一個餸-$10 💛粗麵 (少麵)麵嘅韌度適中 幾入味 有陣咖哩味🥳💛陳皮咖哩魚蛋比起平時食嘅迷你 有五粒左右個別一兩粒嘅陳皮味較甘香～口感偏厚實 再彈牙啲就好🤟🏻💛滷水蛋呢個不錯👌🏻 蛋白頗有嚼口 蛋黃亦唔會過熟 可能我叫咖哩湯底 稍為蓋過左滷水味💛牛肚幾爽口 份量頗多🖖🏻💛香菇雞肉水餃有兩隻 都幾大隻 入面都幾多餡皮嘅厚薄適中雞肉唔會好鞋口 💛咖哩湯底微辛 唔算好辣 幾惹味～我較為重口味咖哩味再重啲就好😆😆➖➖➖分數: 7.5/10➖➖➖2️⃣千杯不醉雞翼 $22/3 pcs 帶有少少酒味 不過唔算話好濃烈幾易入口 而肉質都頗嫩 無鞋口👌🏻➖➖➖分數:7.2/10 ➖➖➖🌟佢哋嘅水煮魚都可以試下 唔食得太辣唔敢試➖➖➖📍揀得岩車仔麵…查看更多

叫左2碗面同3個小食第一碗叫左滷水汁底，睇落好清，以為冇味，但飲落好夠味，甜甜地，個滷水蛋好入味，推介👍🏻👍🏻黑松露雞肉水餃，超濃郁黑松露味👍🏻👍🏻另一碗叫左麻辣湯，麻辣湯底價錢貴d，叫左芝士腸，大腸，蘿蔔，豬軟骨，蘿蔔夠林，又夠甜👍🏻👍🏻金菇配呢個湯好好味👍🏻👍🏻大腸正常，可以一試豬皮超級有驚喜，係我食過最好食既豬皮，比平時食開多一浸甜味，好特別而魚旦係陳皮魚旦，但係我就唔係太中意陳皮雞翼夠入味，好濃酒味…查看更多

有時食得太多西餐都想食返啲本土野，口淡淡就不如整返碗車仔麵！外賣就食得多，堂食車仔麵仲要係一個咁舒服嘅環境都係第一次，啱哂OL一族，想食得麻甩之如又唔怕整污糟條裙仔！同埋嗰度啲員工都好好，好有禮貌！阿張點餐👦🏻1） $67 車仔麵 +$5凍檸茶麵底：烏冬(少麵)(麻辣汁)，配料：紫菜、香甜蘿蔔、龍蝦丸、香菇雞肉水餃🥟配料非常足！水餃勁重香菇味！🤪啲醬汁佢係會另外用🥄裝住，等你自己控制個濃度，幾貼心！響中環食車仔麵再加呢個環境再加咁嘅份量係絕對抵食！2）$28 千杯不醉雞翼（5隻）會食到淡淡酒香味，雞翼滑嘟嘟大大隻😌食完唔驚醉！阿梁點餐🧒🏻1）$62 車仔麵+$7可樂麵底：烏冬 (少麵) (咖喱汁) ，配料：老火炆豬皮、香煎午餐肉、發達金錢肚、爽口生菜🥬豬皮好爽，午餐肉大大件，生菜堅爽口新鮮，料足，樣樣野都大大件🤭，食到個肚勁飽！同埋食完個車仔麵就算係咖喱汁都好，完全唔會覺得邪惡，會覺得好健康，可能因為樣樣野都好新鮮！…查看更多

星期六黎到上環做野，夜晚8點幾都吾知食咩好！係正諗緊食咩好既時候逛了逛就見到揀得啱車仔麵就入去食喇，原來佢地六日都開，收9點！遲放工都吾怕無野食！入到去環境光明，服務態度認真，而且好有禮貌，坐低左就即刻睇下點單紙。另外所有小食既辣度可以自選，講205辣醬超正，食辣既朋友一定唔好錯過左205辣醬啊，因為真係辣得好香，好過癮，包你食過翻尋味！1.蠔油炆花菇花菇夠入味，咬口感適中，不會過林2.老火炆豬皮第一次食到咁爽口既豬皮，好感動啊，下次要叫兩份啊3.黑松露雞肉水餃聞落去已經好香黑松露味，食落去成個味蕾同嗅覺都充滿黑松露味，瞬間變小天使飛下飛下4.香菇雞肉水餃菇味好到位，大大舊好抵食5.麻辣鴨血麻辣鴨血一試就會愛上，一片片的，咬落去就好似魚腐的口感，食完一塊你會繼續想食落去6.千杯不醉雞翼雞翼係我既最愛啊，有酒香，食落好夠味道7.酸辣木耳絲木耳絲不會大小不一，酸辣有帶點麻，好過癮架8.豆漿…查看更多

揀得啱車仔麵 (上環).車仔麵係香港特色之一(˶‾᷄ ⁻̫ ‾᷅˵)今個星期六去開中上環，見到上環有車仔麵，見都好耐無食，就去試試佢！見佢有店鋪嘅招牌205辣醬，因為我倆實在唔食得辣(´･Д･)」所以無叫，如果食得辣嘅大家可以試下！ .⚜️麻辣鴨血⚜️$28.！竟然有我倆打邊爐必叫嘅鴨血！ 幾時都話鴨血同麻辣係最襯架，果然食落好正(⁎⁍̴̛ᴗ⁍̴̛⁎)一客先$28，其實好抵食！.⚜️千杯不醉雞翼⚜️$22/3隻.聞落微微嘅酒味，食落都唔會話勁濃郁啱啱好！就算唔喜歡酒味嘅你地都可以試下！.⚜️酸辣木耳絲⚜️$15.唔係講笑😂睇到個價都覺得真係好平！入面有芫茜，木耳絲，蒜頭同辣椒🌶️ 所以酸酸辣辣勁好食！ ！ 係一個超正嘅涼拌開胃菜！.⚜️沙嗲湯底車仔麵⚜️$55/3餸加麵底.因為車仔麵我倆都偏好食多餸少麵，而且$55三個餸唔算貴！ 呢到仲要係開到夜晚九點，夜一夜都有得你食(⁎⁍̴̛ᴗ⁍̴̛⁎)男朋友叫左豬皮，貢丸，金錢肚，紫菜等，最特別嘅係有個黑松露雞肉餃！ 咬開啖啖黑松露香，我都有叫一份食！ 一份有兩隻(⁎⁍̴̛ᴗ⁍̴̛⁎).⚜️滷水汁湯底車仔麵⚜️.我叫左粟米，芝士腸，豬腸，金菇同金錢肚等，豬腸我最怕係洗得唔乾淨有陣味，呢到嘅無啊！(⁎⁍̴̛ᴗ⁍̴̛⁎) 粟米一份有三舊仲好甜🥰—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌揀得啱車仔麵 (上環)上環皇后大道中181號新紀元廣場低座2樓205號舖—————————————————————- #hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#美食#打卡好去處#相機食先#中環美食#foodiehk#foodig#foodlife#hkfood#foodblogger#hkfoodblogger#hkgirl #hkdessert#foodporn #hkfoodblogger#instafood #instagram #foodstagram#foodie#揀得啱車仔麵…查看更多