Ton Kun Ramen

今日好難得同老婆仔結伴到銅鑼灣，完成請工人手續後，當然搵個地方tea 一 tea。由於我哋都趕住返屋企，所以一切都要求簡約，快靚正是我們基本目標，日式拉麵正合乎我們要求。本想試下一蘭，但沿路發現還有其他小店好有特式， 見到呢間餐廳有兩款限定拉麵，好吸引，忍唔住要入去試左先，正所謂蘇州過後無艇搭 。  店內裝修簡約，食客圍著一張長形bar 枱坐，可一覽廚師製作拉麵的過程。手袋背包可勾在枱底下，顯得餐廳的用心。跟侍應下了單，點了兩款限定拉麵及兩款小食。先來煙燻牛舌拉麵，平時我好少食牛舌，就是怕肉質un到咬不開，不過呢碗拉麵就好唔同，牛舌經長時間煙燻後，肉質鬆軟，入口有嚼勁，亦有一點兒煙燻的味道，感覺幾特別! 接著就是北海道松葉蟹腳拉麵，蟹腳有5條咁多，每條都大大塊，鮮味非常，有蟹味，還有好幾粒蜆，肉質鮮甜，越食越滋味!講到麵質，我哋安排左一碗粗麵及一碗幼麵，兩種麵都非常彈牙，掛湯一流! 如果想麵質軟或硬，可在下單時揀定!最後到兩款小食，餃子是剛剛煎好，食落熱辣辣，好惹味，不過小心盪到嘴唇。 雞翼炸得恰到好處，皮都炸到鬆脆，食完令人好懷念名古屋的雞翼。非常滿意的一餐，牛舌/蟹腳同拉麵的配搭真係好有驚喜! …Read More

是日為藍色星期一，為了消除藍氣，晚上便到銅鑼灣拉麵街尋覓食~大家呢一刻一定以為我會去一X 連鎖店吃拉麵吧? 當然不是喇！是次帶大家到一定小店---豚燻潮聖一下。在門外有一大燈籠高掛，大家不會來錯地方了吧~ 一甫內座位不多，大約十多個位左右，以日式拉麵店為格調，裝修簡約精緻。望一望餐牌，叫了店員推薦的季節限定北海道松葉蟹腳拉麵($178)，大阪風炸雞($38)以及炸餃子($38)。這個季節限定的松葉蟹腳拉麵，拉麵有4片紫菜，賣相相當吸引，蟹腳有五條。另外，蟹腳的殼已經除掉了一半，易於進食~ 十分細心。蟹腳肉質清甜，再配以大量蔥粒很惹味；至於拉麵分量亦算多，選了幼麵中間質地，拉麵入口彈牙有咬口，麵質煙韌。而我發現原來底層有近7-8隻蜆~，原來豚骨湯底之所以如此有鮮味部份是源自這些小蜆肉~~除了拉麵，還點了兩客小食：　炸餃子餃子皮薄，餡肉鮮甜，肉汁豐富大阪風炸雞，雞肉外層炸得香脆，肉質依舊保持嫩滑，加上我最愛嘅大阪燒醬加分加分！！總括來說，拉麵很有水準，而且經常推出新款令大家有驚喜，唔知下次又有甚麼最新款口味呢～　…Read More

今日同朋友在銅鑼灣瘋狂購物完，就決定再瘋狂吃一下。在銅鑼灣要食拉麵一定會想起那一間日本連鎖店，早期試過排２小時，現在開了多間分店，排隊的人龍都不再了。沒有排隊的人龍，吸引我去吃的意欲都減了，於是就到連鎖店附近的拉麵店試試。餐牌上的選擇相對地更加豐富。一場黎到，就決定試一試那個海膽拉麵，看上去已經覺得瘋狂。雲丹滿開海の幸拉麵($198)：一整版橙黃色的海膽佈滿在拉麵上實在非常吸引，非常滿足！海膽味道鮮甜，即使在熱騰騰的湯上亦不減海膽的甜味。拉麵我選了幼身的，即是平常吃到的那一種粗幼，軟硬適中，拉麵下面更有數隻清甜的蜆，原隻連殼的蜆放在拉麵內非常特別，湯底非常濃郁，豬骨味中亦帶有海鮮的鮮味。北海道松葉蟹腳拉麵($178)：朋友試了季節限定的松葉蟹腳拉麵，蟹腳有五條，長長的，份量還可以。蟹腳的殼已經除掉了一半，很容易就可以吃到，十分細心。朋友給了我一條試試，蟹腳的肉質清甜，富有鮮味，不錯。湯底跟我那碗一樣都是有蜆肉，是這間店的特式。燒牛舌($68)：有五大塊，每塊都肥大肉厚，燒得非常好，外脆內軟，肉質爽口，十分香口惹味！燒牛小排($98)：份量十分多，應該有十數件，有蒜片作調味，肉質香稔軟嫩，富有嚼勁，十分惹味！…Read More

前陣子得知銅鑼灣廣場附近的一條小街開了幾間新的日式餐廳，打算一一試勻，上次試過海鮮丼，這次試的是拉麵。豚燻拉麵店前掛著大大個醒目的燈籠，不論門面或店內均以木為主做裝修。大約容得到12個食客左右，以BAR枱形式，讓客人看得清楚廚師的動作。拉麵選擇不多，只有4款再多加1款季節限定。不過跟一般拉麵店不同的是，這裡的拉麵都是以海鮮為主，還要是非一般海鮮。常規既有海膽，也有原隻松葉蟹以供選擇。而季節限定則有北海道松葉蟹腳拉麵。還有幾種小食可以點。北海道松葉蟹腳拉麵($178)配料有木耳絲﹑紫菜﹑菠菜，而湯底是用蜆煮成的，所以都有好幾隻蜆在湯底內。而且還有很足料的松葉腳腳，足足有5條，而且每條都是真材實料的松葉蟹腳，很肥大鮮甜。廚師還把蟹腳的大半邊蟹殼都去掉了，只需簡單一挾，便能輕鬆地挾起肥美的蟹肉。寶寶點的是硬度適中的粗麵，即一般圓身的拉麵，咬落挺彈牙的。雲丹満開海の幸拉麵($198)完整一板海膽放在拉麵上，我還真的是第一次看到，喜歡海膽的我不能不試。海膽份量很多，不過不算太鮮味，可能用上了雲丹(!?即醃製過的海膽)，所以味道不夠濃。我點的是偏硬的幼麵。幼麵原來是扁身的，個人都幾喜歡這種口感，不過我覺得可以再硬一點，因為幼麵很薄很扁身，食起來寶寶點的粗麵好像還要硬身一點。我們2碗湯用的湯底都是用蜆煮成的，2碗麵下都有幾隻連殼的蜆，而且蜆肉都幾肥美。所以湯底超級濃郁海鮮味，不過可能蜆真的用得太多，我倆都同樣覺得湯底都幾咸，2個人幾乎將整壺清水都飲光。蒜香牛舌($68)非常好食的一道小食，與一般薄切燒牛舌不同，這裡的牛舌超厚身，但一點都不韌，簡單地能把牛舌咬開。牛舌本身好香牛味，加上用了蒜的香味，牛舌本身又燒到很爽口，我和寶寶都很食得很滋味，很喜歡這個小食。燒餃子(4件)($38)餃子表面煎至金黃色，咬落很香脆可口，而裡面的餡料很滿，完全可以用「皮薄足料」去形容這個燒餃子。雖然比起其他拉麵店，豚燻價錢不算便宜，不過其用料之豪華，的確可以一試。…Read More

銅鑼灣拉麵店林立， 但每次都食叉燒拉麵真係好悶氣！😕 最近發現有家拉麵店——「豚燻」，  位於無人不曉、來自日本的「一蘭」的隔壁， 見門外介紹多款不再只是叉燒的拉麵， 就試下啦！😜 和日本傳統的拉麵店一樣，裝潢木系和風， 有一排面對着拉麵師傅的吧檯坐位， 好讓食客看得到師傅即場烹調。👀  除了有店家熟成燻製叉燒之外， 還有四款以海膽、松葉蟹🦀和白蜆等特色海鮮拉麵， 每款可選一款湯底；豚骨湯或味噌湯。 麵也有粗幼兩款選擇。  身為海膽控的我怎可以錯過雲丹滿開海の幸拉麵（$198）！ 嘩，拉麵一上枱小編就已經被足足一板的海膽征服左。😍  忍唔住第一啖就要食海膽先。😂 馬糞海膽味道鮮甜，質感軟滑，正！😋 海膽伴湯伴麵食又得，用紫菜包住食又得，就咁大啖擺入口都得！☺️  食拉麵前先喝一口湯， 豚骨湯外層看起來透光，但入口沒有油膩的感覺， 反而入口順滑香濃，帶少許黏口的感覺， 最令我驚喜的是湯底還加配了10多隻白蜆煮湯，  令湯頭多了一層層次感，略帶蜆的鮮甜和醬油的鹹香。 如果覺得原匹松葉蟹拉麵太貴，就可以試下北海道松葉蟹腳拉麵（$178）。  師傅很細心地把蟹腳逐一拆殼，方便食客食到啖啖鮮甜蟹肉， 岩晒我呢個唔鐘意拆殼的懶精。🙈😂 每隻蟹腳都好似手指咁粗，蟹肉結實，蟹味又十足，正！蟹迷 must try！😏  最令我驚喜的是還有店家把蟹拆蓋起膏所製成的蟹膏山，厚滑鹹香，蟹鮮味簡直係無得輸！👍🏻 店家還在湯底加了10多隻本地新鮮白蜆，將鮮味更推上一層樓！  滑溜幼麵彈牙兼掛湯汁，配上爽脆木耳和菠菜，很搭調呢！😏  辣芽菜，是小編每次吃拉麵都必吃的！ 可惜略嫌不夠辣不夠惹味。 除拉麵外，我們也額外追加了兩款小吃。  燒牛舌（$68） 厚燒牛舌，燒得剛剛好，外微脆內柔軟， 配上香脆蒜片和蔥花一起吃，更是香口～ 一客便有十多件，性價比高！👍🏻☺️  鳥唐揚（紫蘇梅醬）（$38） 炸雞上灑滿木魚絲，剛放進口就像吃章魚小丸子一樣，😂 只是內裡變成肉質嫩滑入口juicy的雞肉， 值得一讚的是炸雞炸漿夠薄， 加上酸酸甜甜的紫蘇梅醬，不錯吃！ 整體來說， 「豚燻」雖然定價不便宜， 不過「一分錢 一分貨」， 店家真材實料，用料認真， 小食和拉麵都做得相當出色，確實值回票價～ 回想起都讓我垂涎欲滴🤤☺️，絕對值得一試！👍🏻…Read More

記得好多年之前已經係謝斐道搵食，之後一般時間附近的餐廳都相繼結業，連成日幫襯既金水壽司都執埋。之後唯一出名的就只有一蘭。估唔到冇行一排既謝斐道又多左新面孔，今日就去左呢間餐廳。拉麵店其實地方都幾細，不過呢個正正係拉麵店的特色之一。可以揀既拉麵款式都幾多，有平有貴，當然貴d既拉麵都會用番好d既食材。北海道松葉蟹腳拉麵 $178主角當然係北海道松葉蟹腳，全部已經拆殼，輕鬆就已經可以食到，蟹腳亦十分鮮甜。拉麵湯有海鮮的咸香，另外除左紫菜，仲有蜆，變相多左樣餸，而拉麵麵質略硬。豚骨拉麵 $88兩塊日本叉燒又大件又腍，食落完全冇韌的感覺，湯底唔會好濃。反而除左蔥，木耳之外，驚喜地發現仲有菠菜，食咁多次拉麵都冇見過。豚骨拉麵麵質彈牙又滑。餃子 $38餃子吃得舒服，很容易已經咬開，餃子皮煎得香口，裡面餡肉豐富，特別喜歡餐廳提供的餃子汁，有別於一般地方。牛舌 $68牛舌上面已經灑有大量蒜片蔥花，令牛舌變得不平凡。牛舌入口多肉又爽口，配上蒜片蔥花更加惹味。睇嚟以後去銅鑼灣都要多d出入謝斐道搵食先得。亦希望呢幾間餐廳能夠為謝斐道生息一番。…Read More