Sushi Ma Japanese Restaurant (Closed)

見朋友食omakase好開心，所以我都忍唔住又要食返餐omakase。今次搵咗尖沙咀嘅鮨真。店內環境舒適，omakase嘅位置仲可以飽覽維港景色。今晚食嘅係おまかせ(櫻) ，當中包括前菜、刺身8款、壽司6件、和食2款、稻庭烏冬、水果以及甜品。前菜：土佐啫喱，松葉蟹肉、水母、三文魚籽、青瓜配胡麻醬。先食土佐啫喱，再將胡麻醬，松葉蟹肉、水母、三文魚籽等拌勻。蟹肉，水母等都係一啲清新嘅食材，味道唔會太濃列。依個前菜非常清新開胃。食完前菜，師傅先嚟主理刺身8款。今日嘅刺身有右口魚、銀鱈魚、鰆魚、鰤魚、鮟康魚肝、鰹魚、沙甸魚同埋大拖羅。右口魚：魚身薄片透光、魚點酸汁，酸汁提升鮮味。魚邊點山葵、右口魚邊肥美脆口，山葵去除咗肥膩感。銀鱈魚：一邊爽口一邊嫩口，非常之特別嘅口感。鰆魚：師傅加咗柚子胡椒，所以唔使點山葵。魚肉味好突出。柚子胡椒帶一點點辣口嘅感覺。鰤魚：依個喺腩位嘅部位，油份較重。可以點多些少山葵。超級油香而不膩，非常好味。鮟康魚肝：入口即化，配合昆布豉油汁，鮮味之餘唔會好咸。鰹魚：加咗醬油同蔥花。魚皮果邊火炙過，令魚皮魚肉之間油脂香滲出。醬油同蔥花同鰹魚好配合。沙甸魚：罐頭沙甸魚食得多，新鮮沙甸魚就真係好少食。魚味非常之香。大拖羅：超肥美嘅大拖羅，入口即溶。中意食日式料理嘅就一定唔可以錯過。食完刺身，店員就為你送上兩道和食。馬頭魚松崎燒：皮燒得好脆，外脆內嫩。鮨真生魚同熟魚都處理得十分之出色。醬油燒鱈魚白子：非常之柔滑豐腴，沒半點腥味，入口即溶，非常鮮味。接住和食過嘅係壽司六件，分別有深海池魚、白蝦、赤貝、針魚、海膽同燒左口魚。壽司點樣嘅鮮味就再同大家分享喇，反而值得一提嘅係燒左口魚。我平時食開omakase，紫菜包壽司嘅通常都係海膽、吞拿魚蓉。鮨真可以講喺比較特別。師傅將左口魚輕輕燒完、再用紫菜包壽司，成件入口，暖暖嘅燒左口魚，滲出嘅魚油香味、比起平時食開嘅包海膽、吞拿魚蓉更加好食。壽司過後，套餐有稻庭烏冬或麵豉湯可以選擇。而烏冬亦可揀牛肉或野菜口味。我就揀咗野菜稻庭烏冬，食咗咁多好嘢，食返少少野菜，自我感覺健康啲。最後上既係時令水果同甜品。今晚食嘅係士多啤梨、赤蜜瓜同開心果雪糕。整個套餐看似好少嘢，但其實非常之豐富，亦都食得好舒服，感受到師傅同店舖嘅精心安排。…Read More

尖沙咀呢間鮨真嘅廚師發板就非常出名， 今日特登嚟試下呢一間餐廳嘅午餐如何。由於廚師發板非常受歡迎， 我哋book唔到位嘅情況下食咗set lunch。首先有個set lunch 的前菜日本和牛薄燒配珍珠米牛肉燒得非常嫩滑， 牛肉味道極濃， 而且油花比例一流， 一放入口， 牛肉嘅油脂喺口裏面充分散發， 齒頰留香。 再配以少少嘅珍珠米， 完美將牛肉嘅油脂中和。 而且佢嘅燒汁經過特別調劑， 同牛肉嘅味道非常之吻合， 你呢間餐廳食晏一定要叫呢個set! 鱈魚西京燒配珍珠米廚師張火候控制得啱啱好， 燒到外面有少少超黃色， 但魚肉喺入面又唔會乾， 肉汁完全鎖喺入面。 魚肉嫩滑嘅程度就好似蒸魚咁。呢個Set lunch會配一個茶碗燒， 一如既往，呢度嘅廚師學非常懂得控制火喉， 蛋當然十分滑， 而且佢家有少少海鮮喺入面， 清新得嚟又小小鮮味。總括而言呢一間餐廳性價比十分高， 喺尖沙咀咁多食肆入面仍然可以鶴立雞群，絕對唔簡單…Read More

朋友生日當然要去食餐好既賀一賀佢啦，尖沙咀呢度交通四通八達，自然係我地既首選，大家都鍾意食日本野，就揀左鮨真呢間omakase黎食前菜基本上食omakase都會有前菜，呢度就有3款，莓醬山藥，火龍果啫喱，枝豆蓉海膽。先食左比較淡味既山藥先，果一點莓醬完全係畫龍點睛，酸酸甜甜咁好開胃。然後就食火龍果啫喱，個質感好特別，食落好似食緊真既火龍果咁，但又會分得出係啫喱黎😂最後當然就係食較濃味既枝豆海膽啦👍酸汁啫喱左口魚晶瑩剔透既左口魚片，放左自家製既酸汁啫喱之後唔需要再點豉油，魚肉非常新鮮鱆紅魚呢款鱆紅魚切得較厚身，因為佢魚脂好豐富，厚身d更加能夠感受到果份鮮甜味油封煮鯛油封煮呢個做法比較少見，個人較喜歡就咁薄切多d八爪魚師傅會將佢大力拍落隻碟度，八爪魚片就好栩栩如生咁慢慢縮，有助增加口感竹鰹魚 配 洋蔥芝麻紫蘇葉醬鰹魚素來都係較濃味，未必太多人接受到，所以鮨真呢度就用左呢款洋蔥芝麻紫蘇葉醬黎中和番鰹魚濃鮮味穴子白燒 配 梅醬，青瓜，薑絲穴子其實好似鰻魚咁既質感，白燒係講緊唔加任何調味就咁用火燒，用意係要逼晒d 油出黎，食起來更健康美味大拖羅(吞拿魚腩位)大拖羅真係好正，又香又滑入口即溶咁油甘魚壽司，粒貝壽司，白板昆布鯖魚壽司，富山縣白蝦仔壽司，左口魚邊三升漬壽司，海膽壽司各款壽司既用飯量適中，而且飯粒既空氣感十足，一上碟好似識郁咁，好賞心悅目架，全部食材都係經過師傅嚴格挑選，新鮮程度毋庸置疑湯 先炒一炒d 魚再煲個湯令個湯變為奶白色，鮮甜魚肉煲出黎特別好飲最後食埋櫻桃同哈蜜瓜，好鮮甜清新☺…Read More

今日和朋友在尖沙嘴聚舊，想吃好一點又安靜一點的，我們選了這間位於亞士厘道樓上的”鮨真”。$980一位(15貫)前菜：鮮淮山配梅子醬，火龍果啫喱，毛頭蓉伴海膽。廚師發板壽司：1.左口魚紫蘇葉香濃紫蘇葉香，質感腍軟的左口魚。2.沙椎魚夏季的魚平時較少食到，肉質實在，清甜配薑豉油食，不錯。3.金線鯛日本的紅衫魚，肉質軟嫩，鮮味十足。4.深海池魚爽身有口感，配上柚子胡椒帶微微辣。5.章紅魚賣相漂亮，两層两片的感覺，配上三星漬味道香濃，如章紅味道十分夾。6.帶子帶子鮮甜軟滑，加上富柚子香和炭味鹽的調味，十分特別。7.太刀魚輕火炙過，帶點筋，肉質煙韌有口感。8.小肌上層透明的是白板昆布，中間有紫蘇葉，整體味道酸酸甜甜，味道層次豐富好特別。9.鯖魚鯖魚味道突出，配上紫蘇葉和壽司薑碎，十分喜歡。10. 鰹魚整體腍軟入口即化，配上洋蔥紫蘇葉芝麻11.吞拿魚面頰最外層的邊位輕火炙過，配上芽蔥，肉質較爽，脂味鮮甜，余韻長。12.三文魚子三文魚子粒粒晶瑩剔透，爆出鮮味，紫菜香脆。13.拖羅厚切嘅拖羅油脂更豐富，口腔怖滿拖羅油，軟棉棉口感真是一流，超嫩滑溜，魚味香濃。14.海膽味道不算太濃，鮮甜無澀味，味道剛剛好。15.玉子玉子上巧妙地全部燒上"鮨真"的字樣，香甜味美蛋香味豐富。𩶘魚奶湯最後送上鮮味十足的魚湯。柚子雪糕最後來個清新柚子清一清味蕾，感覺完滿。出品高質，服務周到，期待他們有更多精美的作品，一定會再來。…Read More

吃廚師發板意思是未到最後你都唔會知道吃什麼，每一道菜式都由師傅精心製作及因應貨源做出來。此外，日本菜講求精緻用心，所以你要明白貴也是應該的。好友今日帶我到尖沙咀亞士厘道最頂層「鮨真」，場內地方有吧檯可以親跟目睹師傅精湛的手藝。有不同種類的餐牌，我們選擇了最中價的$1280/位，有前菜、刺身八款、壽司六款、季節湯、水果及甜品。前菜方面，一上桌相當吸晴有別於從前的前菜更見特別。店員告訴我由淡味吃到濃味。以雕花型的山藥置中有梅子醬，清爽的山藥配上梅子醬，完全打開你的味蕾。第二款前菜貌似葡萄的模樣，估不到是火龍果啫喱相當特別，火龍果設計完全覺得師傅的用心，令我更期待是夜的美食。最後的前菜有驚喜之作，以枝豆製成的毛豆泥配上海膽，口感特別又美味值得一讚。吃過前菜後來到刺身總共有八款選擇，吃過都知道以淡味的魚身吃到濃味魚。第一道的刺身：左口魚為主有左口肉師傅切到相當薄身，並配合柚子醬帶出其鮮味。另外還有左口魚魚邊比較厚身帶有爽口連同芥末同吃。第二道刺身：水八爪魚肉心及吸管，兩者屬於淡味魚；目睹師傅即整相當新鮮並配上檸檬汁，相當不錯。前者肉心口感滑身而帶有嚼勁，後者吸管更見爽口。第三道刺身開始濃味，太刀魚又名牙帶魚是夏天當造之物。師傅輕輕燒過其表層配上芝麻梅醬，外層的脆身不會搶走其肉質的鮮味，連同芝麻梅醬更見突出。第四道是深海池魚紋理分明，吃過上一道較濃味轉上了一道淡身口感。深海池魚只需要芥末及醬油便可。第五道是木魚是平常大家吃章魚小丸子的木魚絲，未經過曬乾的木魚原來相當厚切，有點像厚切吞拿魚的味道。師傅輕輕燒過其外層香脆並連上蒜蓉豉油更加突出其口感。第六道菜螺肉值得一讚，以平凡的食物化作不平凡。首先師傅切過兩小塊的檸檬放在螺肉底部，利用檸檬顯其鮮味。旁邊有一塊鹽板將螺肉放上去打圈，帶出其味道。第七道菜不需要我多說，我深信大多人的最愛「拖羅」，拖羅的紋理分明並帶厚身，入口即溶分外美味。為我這種喜歡多元化的食客，以拖羅蓉並配上鱈魚肝 及花碎，整點上已經相當吸晴，頂層更有少許山藥粒帶有爽身。最後連同底部的脆身薄脆，整體上多重口感配上少許獎油，相當出色。第八道是燒帶子配上脆身紫菜，師傅叮囑我盡快食用。全因即叫即整的燒帶子，燒得恰到好處並不會太韌亦多汁，連同脆身紫菜同吃，的確要盡吃到我的肚皮內。來到壽司六款，第一款是章紅魚壽司相當厚切，只需要添上少許醬油已足夠。第二道壽司是來自日本名古屋富山灣的白蝦，白蝦的外層精瑩通透就像沒有雜質的模型。白蝦的頂層有一小梅子醬，令到白蝦更加提鮮又美味。第三道壽司是池魚一上桌相當美麗，池魚的頂層有少許蒜蓉及香蔥已足夠。一細件的池魚的確為壽司揭開序幕。第四道壽司是赤貝，師傅在我跟前拍打相當新鮮。巨型的赤貝完全蓋過飯粒，帶有口感並不需要任何醬料已覺美味。第五道壽司亦是不需要多說「海膽」，今次的海膽濃郁而且飽滿，完全想追加多一件太滋味了。最後一道壽司是呑拿魚壽司，話明最後師傅的確給了我驚喜。呑拿魚頸位的脂肪層較肥美，經過輕輕燒過魚油滲出，令人回味無窮。季節渴以䲞魚熬成滿滿骨膠原，熱騰騰的湯大滿足更帶點溫暖。最後有富良野的蜜瓜、山形縣的車厘子及開心果雪糕作結。…Read More

上回講到去咗食鐵板燒，順便試埋樓上嘅Omakase，話咁快又一個星期前菜好清新嘅前菜，睇住啲、番茄及粟米堆喺啲冰入面，好透心涼！北海道白粟生食就最正㗎喇，粒粒飽滿又爽脆，又甜又多汁；番茄甜甜哋，點少少鹽食好特別，不過我都係鍾意唔點鹽多啲刺身七點左口魚薄切店員遞上一塊粉紅色嘅鹽板，先將左口魚放喺鹽板上，捲埋幾條葱再喺鹽板上碌幾個圈，咁樣嘅食法好好玩！每一片左口魚都切得好薄，由於我哋係坐喺窗旁，貪得意夾起片左口魚睇睇，原來真係薄到透光㗎！銀鱈魚刺身燒嘅就食得多，刺身就未試過，仲要咁厚切！入口未感受到佢嘅肥美，不過食食吓就發覺帶有豐厚嘅魚油香，口感細嫩滑溜，好甘香金扇鯛肉身粉紅，大廚喺魚皮上加啲鼓油再火炙後色澤更靚，魚皮好脆有焦香，魚肉有嚼勁鯖魚鯖魚嘅油份比較少，配以薑蔥點少少豉油食，又有另一番風味 鰹魚既肉質比較鬆軟，魚味亦比其他魚濃厚，果陣甘香味仲記憶猶新，實在滿足 池魚切成絲，加入薑、蔥及醬油，一啖食口感好彈牙螺肉螺肉鮮甜爽口，師傅切成少片，一口一片，爽！拖羅厚切不在話下，橫紋油脂均勻，咬落去口感豐盈，甘香味四溢，入口即溶，油脂感及甘香味於口腔迴旋，實在係冇得頂！壽司沙追魚魚味食落唔濃郁，要咬好多吓啲魚味先會突出，記住記住記住咬起碼40吓以上，就會覺得哇魚味爆發喇！海膽壽司係用上北海道馬糞海膽，色澤明亮，超嫩滑，嗰隻香味真係濃郁到爆！鳥貝第一次試，其貌不揚不過肉厚綿密，味道好鮮甜！！！鰹魚輕輕炙吓層魚皮，口感清爽，魚肉扎實燒左口魚邊壽司輕輕用火炙過，非常香口！肉質鮮嫩，成口都係魚油，超級超級滿足！燒龍脷魚通常都係食魚塊多，未試過原條煎！魚皮勁香脆，鹹鹹哋食埋好正，肉質爽彈，成條食剩排骨！魚湯好清甜！入面有成塊魚，足料甜品話說上星期樓下鐵板燒嘅店員話只要我喜歡，佢好樂意為我今次嘅甜品畫公仔。說時遲那時快，好快店員已經送上我嘅甜品了。真係超級超級開心！！！！！！！佢記得我鍾意多啦A夢，專登畫咗個戴咗竹蜻蜓嘅豆沙包俾我！！！！！！食埋個雪糕，由未日落食到日落，真係完美了！…Read More

今日係生日正日，朋友帶我食Omakase，真係超興奮！！！！雖然之前都食過，但始終生日正日食係唔同Ｄ！被安排到坐吧枱，可以睇住師傅整刺身同壽司。我們點了Omakase菊，盛惠$1180一位。有前菜、刺身、壽司、湯和甜品。*前菜有粟米和蕃茄，本人不太愛吃粟米，但試了一口都覺得很清甜；蕃茄酸酸的，很清新。*左口魚刺身四片薄薄的左口魚刺身；師傅較路，要先將左口魚刺身攤開，卷上蔥，再係佈滿柚子皮的鹽板look兩look咁食。左口魚是白肉的魚，味比較淡一點。係鹽板道look 兩look *鱆紅魚刺身厚切鱆紅魚刺身，師傅說配上豉油和wasabi 就可以了。鱆紅魚肉質比較爽口，魚味不太濃。*秋刀魚刺身秋刀魚魚味較濃，肉質軟淋，師傅說要沾薑蔥豉油食。*鯖魚刺身鯖魚又是比較濃味的，中間夾了紫蘇菜；師傅都是建議沾薑蔥豉油。*北海道厚岸蠔這隻北海道厚岸蠔真的很厚肉，本身師傅已經落左酸汁；可以選擇加不加檸檬汁；蠔肉濃厚CREAMY，比起來自歐洲、澳洲的蠔更好食！*金目鵰刺身師傅將金目鵰塗左豉油，再用火槍燒過；所以加wasabi 食就可以；好喜歡金目鵰魚皮的脆口，配上魚肉的軟淋，可說是外脆內軟。*大拖羅刺身大拖羅的脂肪分佈均勻又密，入口即溶，魚油味濃。*深海池魚壽司肉質介孚淋和爽之間；魚味不算太濃；所以吃完濃味的刺身之後，最好吃一片薑清一清口腔的味再吃。*筋子壽司 平時吃的三文魚子是一粒粒的，而且是雪藏的；這個筋子壽司就是連埋膜的三文魚子，是這個季節材會食到的；筋子上加了柚子皮碎，很清新。*北海道馬糞海膽壽司濃厚的馬糞海膽，很幼滑，濃濃的海膽味，很幸福的感覺。*燒左口魚bb壽司燒過的左口魚bb，好香，而且入口即溶。*季節湯菇菇湯感覺很滋潤，很適合秋季，滋潤一下喉嚨。*喜之次西京燒 ($750)燒魚燒得剛好，魚味濃，魚肉很滑，不會太乾；*開心果雪糕雪糕中間有開心果碎…Read More

講起吃 Omakase ，多數都專注於食物，而吃 Omakase 的餐廳既環境大都是千篇一律的格調。亦因為咁，令我深刻的 Omakase 的確唔多。今晚來到尖沙咀吃 Omakase，餐廳位於大廈最高的20/F，可謂享盡地理位置。進入餐廳之後，被安排都窗邊坐位，身後的大玻璃能夠看到廣闊的維港境色。這晚雖然雨時大時細，但雨後的維港更見清晰。選了餐廳的 Omakase (菊 $1180一位)前菜北海道生粟米一點也不硬，粟米粒爽口，味道清新。日本長野縣溫室蕃茄可加少許鹽粒吃，咸咸甜甜加上蕃茄的鮮味，十分開胃。刺身7款拖羅，鱆紅魚，石鯛，粒貝，銀雪魚，金目鯛店員會先放上喜馬拉雅山鹽板，待刺身來到可以先吃石鯛。將石鯛放上喜馬拉雅山鹽板轉一圈(店員建議轉2-3圈，但我認為出來的味道太強烈)，加少許蔥再吃。鹽板上的柚子皮令帶出石鯛刺身的鮮味，又不像豉油般令刺身濕口，這個食法非常特別，適合淡味的刺身。拖羅肥美程度爆登，當唇邊與拖羅發生接觸，就已經感受到它的油脂。入口其實沒太多刺身的口感，取而代之是入口即溶與滿口油脂。鯖魚刺身一向味道較重，建議與薑蔥豉油一起吃。金目鯛稍作炙燒，但足以散發其香味，十分吸引。銀雪魚刺身比較少會吃到，多數都是吃燒銀雪魚。其實銀雪魚刺身口感有點似三文魚刺身，帶點肥美又爽口。壽司5貫海膽軍艦，沙錐魚壽司，赤目魚壽司，鱆紅魚壽司，燒左口魚邊壽司滿滿的海膽軍艦海膽色澤鮮明，鮮味而不帶腥。燒左口魚邊壽司經火炙後帶油脂感，入口即溶。鱆紅魚壽司魚味頗香，爽身的口感。大蜆麵豉湯麵豉湯的亮點完全集中到大蜆中，大隻又多肉，很少會係麵豉湯中用上咁大隻蜆。而麵豉湯本身沒死咸，咸度適中。柚子雪芭柚子雪芭味道清新，帶有淡淡的柚子香，還有柚子肉。在享受 Omakase 的同時能夠欣賞維港美景，的確令這餐 Omakase 更添特色，留下深刻印象。…Read More

朋友知我喜愛日本菜，今次同我去尖沙咀試新嘢餐廳位於阿士厘道，地點相當方便裝廳裝潢以木為主，簡㓗、悠閒舒適，和風味濃我們被安排坐在巴枱，可以近距離見到廚師表演:)𣲙菜新鮮爽脆，作為前菜頗特別北海道鹽板，上面有柚子，將左口魚放在上面轉幾轉，魚生又唔會太咸又有柚子凊新味道深海池魚，鮮甜美味鯖魚中間夾住紫蘇葉，紫蘇葉香氣特別，配上魚生一起食，味道清新師傅喺表面掃層豉油燒一燒，香味散出，魚皮好香，魚肉鮮味拖羅喺厚切，魚油豐富，入口即溶滿滿海膽，好鮮甜蓮藕蝦餅，蓮藕爽脆，蝦肉彈牙，咬落有口感稻庭烏冬，面上有隻溫泉蛋及少許香蔥，溫泉蛋，蛋黃呈鮮黃色，好香蛋味配埋幼滑烏冬，好好食最後食埋鮮甜多汁既北海道哈蜜瓜，大滿足…Read More

樓上店，午餐都要二百幾，但食過又會覺得值，尤其呢間野夜晚貴好多。叫左個壽司餐，件件壽司都好新鮮、精緻，味道當然好！不過壽司款式無得揀，由壽司師父話事～壽司餐仲連一個迷你魚生飯，好細碗嘅，但都好味。影埋朋友個三併定食，有魚、有魚生、有天婦羅，貪心人事的選擇。前菜有蒸蛋同漬物。…Read More

這幾天去了一趟日本出差，因為酒店隣近銀座築地一帶，老闆說要吃餐好的，於是就去了當地一家壽司店。坐在吧檯，旁邊大多是上班族和一些上年紀的叔叔伯伯，面前的師傅在製作壽司的時候面容嚴肅，但與客人談天的時候又總是談笑風生。問師傅今日有什麼新鮮貨推介，師傅會停不了口的介紹，如數家珍。旁邊的客人聽見，又會搭咀說那個真的很好吃，一定要試。這種從容真和隨意，在香港卻未曾試過。回到香港，男友說已經訂好星期六的餐廳。我好奇，又是中菜嗎？他說是日本菜，還說師傅大有來頭，不單授業於見城，同時亦曾於八重菊(已結業)及海賀擔任壽司刺身的主廚，去年七月自立門戶，令我滿心期待。星期六準時來到，我們被安排坐在吧檯玻璃窗旁位置，陽光柔柔的，感覺明亮舒服。雖然部份景色被商廈阻擋，但仍能遠眺一截的維港景色。餐廳的牆身和天花部份用木條排成錯落有致的波浪花紋，這個風格跟同區的北歐餐廳FINDS非常相似。店內較入的table位置顯得比較昏暗，晚餐的時候，五光十色的霓虹燈光從前後兩旁窗口透進來，令這兒有種酒吧的錯覺。餐廳價格尚算可以，一般普通壽司定食的價錢大約在$140~$200不等，本次點了「藍鮨吞拿魚定食」($298)和「自選刺身壽司定食」($288)，這兩個餐的價錢雖然比較貴，但其實價格已含加一，可以接受。通常坐吧檯吃刺身或壽司，師傅都會在客人面前放一隻碟，然後把做起的壽司刺身放上去，客人可以夾到自己的碟上享用。鮨真卻棄用瓷碟，改用大片竹葉，上面放了蘿蔔絲、alfafa、 壽司薑和漬物，兩者都是酸酸脆脆的非常不錯。前菜的沙律比較普通，都是採用車厘茄、粟米、沙律菜配芝麻沙律醬的安全配搭，不過粟米衣又厚又硬。另一款小吃從外表看像炸豆腐，咬開才知道原來是炸白身魚，甜甜酸酸的醋漬過，感覺很南蠻風，令人開胃。茶碗蒸蛋的味道有別一般的，蛋味很淡但鹹鹹的白果味非常濃烈。蒸蛋的質感水水滑滑，底層有雞粒、冬菇、魚片和白果等配料。說起藍鮨吞拿，就連我的日本老闆也禁不住跟我談起香港板長曾在築地漁市場以癲價1.55億日元投得日本一的事，令我不禁汗顏。不過，我也只是凡人，在保護瀕危藍鰭吞拿魚和好奇心之間，我選擇放縱一次。藍鮨的大中拖羅，兩者均是腹部，中拖羅是中腹，相比大拖羅(大腹)，油脂較少，但口感同樣細膩，滑如一件肥膏，加上無筋，名副其實是入口即化，難怪日本人說藍鮨是他們的幸福。赤身是魚背部份，顏色鮮紅爽口，師傅特別在上面塗了一層醬油，所以可以不用蘸醬油，直接放入口品嚐即可。鐵火卷同樣不失禮，強烈的魚香甘潤配上爽脆的紫菜，鹹香滿瀉。再來有藍鮨的香蔥吞拿魚腩軍艦卷，入口先是京蔥絲的香味，因為無筋，口感份外油潤鮮美。迷你赤身漬丼一碗小小的只有巴掌份量，壽司薑被卷成玫瑰花的模樣，赤身上面塗了醬油，配上京蔥絲，吃後滿口蔥香。另一款的「自選刺身壽司定食」，刺身及壽司各自選四款，我比較懶，選了八款食材後，交給師傅幫我決定刺身和壽司的分配。刺身有甜蝦、中拖羅、魷魚及帆立貝。甜蝦非常清甜，質感彷如起膠而且蝦身夠粗壯。中拖羅已經不用多講，雖然這款普通中拖羅的魚脂比例不及藍鮨多，不過意外地，魚脂味卻比藍鮨濃郁得多。魷魚質感沒有很爽，比較腍身，似海底椰。帆立貝同樣腍身，帶有淡淡海水味。等待師傅製作壽司的時候，亦看他製作其他客人的壽司，特別喜歡在「鮨真壽司定食」中用來擺放壽司的木架，這樣一高一低的柱子木板，看起來就像放在室內的貓咪跳架。我的四件壽司分別是池魚、三文魚子、海膽和鰻魚。深海池魚壽司表面塗了醬油，這樣在表層塗醬油，可能是這兒的特色。池魚的質感帶點爽，口感像荔枝肉，清甜的魚脂香甚至令我忽略了滑滑的銀色魚皮。三文魚子晶瑩剔透，咬開嚐到酒漬過的味道，不過爆珠感不算強烈。壽司飯的大小和鬆緊度挺好，不過紫菜結尾處有一截飛起來，未知從何時起流行這樣的包法？最後的海鰻經過火炙，頭尾部份有一點點黑黑的燒焦處，在表面塗上醬汁，入口焦香味濃郁，可惜鰻魚比較薄身和瘦弱，加入芥末後更加搶去鰻魚的鮮美。定食包括蒿麥或烏冬，冷熱均可自選。想來一點熱食，所以選了熱烏冬，麵身質感軟硬適中。簡簡單單的蔥花碎、紫菜絲配上昆布湯底，已覺一流。是日甜品有紅豆雪糕、柚子雪葩和綠茶雪糕三款選擇。我們選了柚子和綠茶，前者柚子味道超濃，雪葩凍到入心，不會很甜，當中更混了絲絲柚皮，口感非常清新。綠茶雪糕的奶味比茶味天突出，相對比較失色。今餐各方面都很平均，環境味道不錯之餘，侍者亦殷勤有禮，感覺挺圓滿，值得推介。…Read More