Xuan Sushi (Closed)

廚師發辦的愈開愈多足以證明香港對高質素的日本料理的喜愛程度有多高，而這間算是其中間我很喜歡餐廳之一，基本上來這吃都不會失望的，最近發生了開心的事，就跟朋友來一起吃頓好的！商務版omakase（１２００元／人）前菜今天的前菜是冷湯鮑魚和蟹膏蟹肉豆腐。冷湯鮑魚吃起來爽甜，而且帶一點點的薑味，味道挺特別！而蟹膏蟹肉豆腐入口滑嫩，但又有濃濃的蟹膏蟹肉的鮮味和濃香，剛好可以叫醒一下味蕾！刺身刺身一共有六款，分別是板越生蠔，黑鯛魚，鰤魚和野生藍鰭吞拿魚赤身，中拖羅和大拖羅。板越生蠔不要看他小小的一隻，但其實是非常厚肉的，入口味道鮮甜，嫩滑無渣，而且還很特別的配上海葡萄來增加了爽脆的口感！黑鯛魚是第一次吃到，質感比平常的鯛魚更有彈性，爽中帶嫩，挺特別的！鰤魚質感滑嫩，但有油香，而且魚味挺濃的！野生藍鰭吞拿魚，想不到在這個套餐也能吃到野生的，真的挺不錯，而且一次過包括了三款口味，令你一次過品賞到吞拿魚的滋味！赤身較結實，但魚味濃香。中拖羅既有赤身的魚味，又有大拖羅的油香。大拖羅入口即化，滿滿魚油的香味！和食今天的是鐵板牛油煎大蝦。大蝦真的挺大一樣，肉非常飽滑，肉質爽滑，蝦味濃郁，而且蝦頭的部位還有蝦膏，吃起來更濃香！除了大蝦外，還有煎得滑嫩的帆立貝，爽甜的香菇和帶點辣的日本青椒。壽司壽司就有五款，都挺有特色的！金目鯛壽司比較常見，但肉質細膩，質感軟滑。銀鱈魚壽司很少見這個可以用來做刺身的，但店員說是用上刺身級別的銀鱈魚，吃起來質感柔軟，帶點綿滑口感，但魚味挺香的！鰝鰺魚壽司這個就是池魚，但是高級一點的，這吃起來油份較多，油香很突出，但魚味也很濃香！帆立貝壽司用上一整隻的北海道帆立貝包上小小的壽司飯，入口是滿滿帆立貝的鮮甜味，質感滑嫩。海膽壽司這用上大量的北海道馬糞海膽，飯都全部被海膽蓋著，賣相非常邪惡！這吃起來味道非常鮮甜，而且入口即化，壽司飯很好地帶出海膽的甜，再加上紫菜也為海膽增加不少的滋味！湯物今天的是魚湯烏冬，調味非常簡單，就是濃濃的魚湯，加上蔥花和昆布，配上烏冬，吃起來是濃濃的魚香味，配上滑嫩的烏冬，簡單但味道很好！甜品今天的是靜崗蜜瓜，是日本非常有名的蜜瓜之一，入口香甜，但甜而不膩，帶種清爽的感覺！…Read More

兩年沒飛日本了 最近特別想念鄉下美食約了日本狂迷豪番餐 誓要重拾家鄉感覺地點選在「玄鮨」Omakase界頗有名氣可說是鮨店老字號 連續五年米芝蓮推介食材大部分即日飛機貨 水準穩定有保證由經驗豐富師傅 挑選最時令食材作配搭驚喜一道接一道 這就是廚師發辦的魔力-⧫⧫⧫ 廚師發板 Omakase $2500 /per person ⧫⧫⧫-⧫⧫ 前菜 3 品 - 磯煮鮑魚·佃煮秋刀·高糖蕃茄 ⧫⧫磯煮鮑魚頗入味 口感偏彈牙愈嚼愈有味佃煮秋刀魚 應該至少煨煮了兩小時以上已達致化骨效果 不是我杯茶但欣賞誠意蕃茄的確高糖 入口像水果一樣清甜開胃-⧫⧫ 蟹料理 - 北海道花咲蟹 ⧫⧫竟然能吃到北海道四大名蟹之一 花咲蟹夏日限定品種 產量非常少因此特別珍貴活花咲蟹紫褐色外殼 佈滿棘刺凹凸不平煮過後卻像一朵盛開紅花 故稱為花咲蟹來貨是當天飛機貨 輕輕拖水半生熟食用當時得令蟹腳呈滿肉 肉質軟嫩味道淡雅除了基本食法 還提供蟹醋啫喱一蟹兩食微酸帶淡淡柚子香 清爽夏日很對我口味-⧫⧫ 刺身 8 品 ⧫⧫··北海道仙鳳趾生蠔··厚岸灣仙鳳趾以蠔聞名 有海中牛奶美譽體積較大蠔身肥美飽滿 佐以酸汁蘿蔔泥口感豐厚 腍滑而不膩 很回味很Creamy-··鮮鯖魚··新鮮的 不是常見為辟腥及保鮮的醋鯖魚魚皮彈牙爽口可見鮮度極高 魚肉香獨特-··煙燻鰹魚··鰹魚口感爽脂肪少 炙燒是日本常用做法輕輕燻烤後 鰹魚的表層帶上淡淡燻木香卻保留中間刺身部份原味 層次分明美味-··赤鯥魚··夏秋季獨有的深海白身魚 是刺身界極品一條公斤級赤鯥需約十年生長 相當稀有常見於日本的高級料理店 脂肪豐盈嫰滑稍為炙燒釋出油脂香 入口豐香肉質細膩-··九州銀鱈魚··不同於外國的銀鱈魚 油脂似乎更為充沛軟嫩魚肉與獨有脂香 於口內融化成滿足-··大拖羅··粉嫩的大拖羅 吞拿魚腩中最肥美的部位紋理細緻脂肪分佈均衡 入口即化的甘香-··中拖羅··相較大拖羅沒那麼豐腴矜贵 味道更平衡少一分油脂但多一分肉香 更得我們歡心-··白象拔蚌··口感爽脆鮮甜味道濃厚 原汁原味也很讚-⧫⧫ 魚料理 - 甘鯛立鱗燒 ⧫⧫甘鯛立鱗燒 常見於日本高級懷石料理店以半煎炸手法使魚鱗交疊立起 頗費功夫魚的處理醃製油溫烹調等技巧 缺一不可賣相亦相當搶眼 稍嫌咸了些魚味不突出-⧫⧫ 握壽司 5 品 ⧫⧫舍利大小及酸度適中 鬆而不散可見功力-··金目鯛··傳統做法是火炙 輕輕燒出油分更鮮更甜油脂平衡且肉質細膩 吃得出新鮮度滿分-··縞鰺··縞鰺擁有深海池魚王美譽 夏天最為當造入口質感爽身 魚油脂厚甘香且細膩肥美-··富山白蝦··個子小小晶瑩剔透 充滿膠質黏口而鮮甜配搭黑魚子醬 增添點點咸香與豐富口感-··帆立貝··大大粒又厚肉 滿口軟嫩鮮甜感覺好滿足-··馬糞海膽 x 三文魚籽··以小碗呈上賣相精緻 彷如超迷你刺身飯三文魚籽比白飯還多 粒粒爆出十足咸香海膽貨色要看運氣 最近新聞好像說失收這天的也不錯頗鮮味 如份量再多些更正-⧫⧫ 汁物 - 雪白魚湯 ⧫⧫以多種刺身魚的邊角料及魚頭 精心熬煮湯頭呈奶白色 魚香濃郁絕對是誠意之作-⧫⧫ 甜品 - 日本水果 ⧫⧫欣賞它的甜品 是高級的日本水果小拼盤有三款 晴王葡萄配上赤肉蜜瓜及蜜黑豆清新解膩不會太甜 圓滿地結束這場盛宴-P.S. :廚師發板的價錢 是視乎當天來貨來決定餐廳最近推出限時優惠 滿$900 減$300滿$3600 減$1000 記得訂座留位時問問…Read More

🔵 玄鮨壽司午餐，前菜有沙律、貝柱茶碗蒸、蒟蒻、小女子乜野係小女子呢？即係燒玉筋魚，日文係コウナゴ，以鹹甜醬汁熬煮收乾入味而成，被稱為日本每家必備嘅送酒佳品，甜甜哋鹹鹹哋，一食就停唔到口⁣⁣⁣⁣⁣⁣⁣⁣⁣⁣⁣⁣⁣⁣🔴 第一啖食蒸蛋，已經有好香嘅貝柱味道⁣⁣⁣⁣⁣⁣⁣⁣⁣⁣⁣⁣⁣⁣🔵 Sushi set lunch ($480)有金目鯛、黑陸、牡丹蝦、雜錦魚壽司、拖羅、赤鯥、喜之次及海膽，仲有烏冬，咖啡或甜品。賣相好靚，有小玫瑰花瓣⁣⁣⁣⁣⁣🔴 Deluxe Chirashi ($420)有8款不同嘅刺身，有牡丹蝦、黑陸、赤身、銀鱈魚、拖羅、海膽、金目鯛、縞蔘食材新鮮，飯仲加咗紫菜碎，就算唔落豉油都好夠味…Read More

呢間omakase我自己私心好欣賞同推介👍🏻尤其係個商務lunch set 好抵食又高質。個人認為一間好既omakase最重要既係咪食材？我會答：除左食材，我覺得師傅都同樣重要。.因為一個好既師傅係可以帶你食到omakase既精粹👍🏻.呢間餐廳一直最抵食既lunch omakase只係$1088，最近做緊promote係滿$900減$300，即係埋單價大約$8xx就食到omakase，一般都會包括：前菜、刺身、和食、壽司、主食、甜品。.▪️前菜鮟鱇魚肝x日本粟米x鴨胸建議由中間既日本粟米🌽食先，季節限定既日本粟米，得呢2個月先有得食，之後就到鴨胸配檸檬，最後先食較濃味既新鮮鮟鱇魚肝。由淡至濃，慢慢細味。.夏天正是花咲蟹當造的季節，餐廳安排花咲蟹拆肉，由於花咲蟹全年只限夏季捕撈，產量非常少，所以特別珍貴😍😉 花咲蟹配上蟹肉酸汁同蟹醋啫喱，再加上紫酥葉，將蟹既鮮味再提昇昇華。.▪️刺身日本生蠔🦪醋靖魚新鮮帶子大卜口兩食.日本新鮮生蠔，生蠔味不會太濃烈，海水味較重 ，記得要一啖食，配埋辣椒蘿蔔同海膽果然不一樣。醋靖魚刺身經過火炙會更爽口同香啲，少了平時靖魚有個有酥既感覺。新鮮帶子睇著師傅即時將日本帶子開殼，帶子位置分2件，一件係原汁原味，另一邊則加了岩鹽同檸檬皮。而腳貝柱位本身較硬身，就以火炙燒燒佢，變得淋身及更香。拖羅兩食，一食係配紫蘇葉及紫菜，脆脆地，中和返大卜口既油脂。二食係炙 燒，簡單就好好味。.▪️和食新鮮帆立貝北海燒，加上蛋漿、海膽先燒，最加加上三文魚籽，入口即溶，正到不得之了。.▪️壽司針魚白象拔蚌 牡丹蝦海膽手卷.針魚味略淡但帶優厚油脂，加上豉油薑蔥令味道更濃。白象拔蚌壽司鮮甜爽口彈牙。牡丹蝦加上蟹膏同海膽爆燒，離遠都聞到香味，呢個係超級超級好食。最後既海膽手卷，師傅毫不手軟地落左勁多料😍😍咬落海膽多過飯。.▪️魚湯烏冬食到尾聲，以呢個魚湯烏冬作結尾，新鮮魚煲成湯底，只需要加少少紫菜已經好好味，烏冬底係稻亭烏冬。平時唔太食澱粉質嘅我都忍唔著食晒食碗。.▪️甜品是日甜品係綠茶蛋糕，蛋糕🍰不過不失，最後實在太飽，食左一半就走人🤣…Read More

Happy Friday! 又到左一個星期最後一個工作天，今次想好好獎勵下自己，所以就黎呢間位於銅鑼灣開平道既高級日本料理玄鮨食師傅發辦！記得大概一年前黎過呢度一次，個次係食普通午市套餐。平日有午市套餐餐牌，有10 款選擇，有刺身，丼飯，和牛燒，黑豚生姜燒等。每個餐包前菜，茶碗蒸，咖啡或甜品。價位由$380至$590不等，另收加一。我地每人叫一個$480既壽司Set Lunch，實行有福同享，有野同食！壽司Set Lunch包八件師傅發辦壽司，最鍾意佢哋一件一件上，之後介紹吓食材俾你知，等你食完一件先再上另一件，等你可以食到壽司最新鮮嗰刻，簡直係絕頂享受！食師傅發辦梗係坐喺壽司吧，可以邊食邊睇師傅表演。師傅仲提供醃左既酸辣白蘿蔔粒等你清清味蕾，食完會幫你添。招牌沙律，前菜同茶碗蒸一字排開咁一次過上哂俾你，幾壯觀。招牌沙律係新鮮爽脆沙律菜，一粒車厘茄切半同兩塊青瓜。加上日式胡麻醬，開胃好味。前菜有兩款，分別係帶子裙邊同蓮藕紅蘿蔔。帶子裙邊都唔算過韌，蓮藕紅蘿蔔爽口同醃甜左。茶碗蒸賣相唔錯，配料有一片冬菇，一粒瑤柱，少見嘅粉絲，同少少蔥。如果可以滑啲就更好。終於到主角出場！第一貫係日本尾長鯛，上面配左少少紫菜漬。尾長鯛刺身都幾厚切，好鮮味，食得出係新鮮！第二貫係日本金目鯛配柚子胡椒。金目鯛超長又厚，仲有靚靚嘅魚皮，金目鯛鮮甜配少少鹹嘅柚子胡椒，味道幾夾。第三貫係日本赤身拖羅。赤身拖羅本身魚味好濃，師傅已經點左豉油，味道好好。質感入口即化，好少食到咁高質嘅赤身。第四貫係日本黑鯥。仲見到有黑鯥既黑魚皮，魚生好厚好嫩滑。第五貫係日本活帆立貝配芥辣漬。帆立貝又大又厚，好鮮甜，正！第六貫係日本牡丹蝦配火炙蝦膏。師傅先將蝦膏火炙吓，之後放好牡丹蝦同壽司飯喺我哋隻碟，先再喺我哋面前放上火炙蝦膏。牡丹蝦超鮮甜嫩滑，加埋鹹香嘅蝦膏，超正！第七貫係大拖羅。師傅喺大拖羅上面掃左一層豉油，之後再喺上面加左少量芥末。大拖羅入口即化，好肥美！基本上冇筋！最後一貫係日本拍賣形式馬糞海膽。馬糞海膽連壽司飯放喺兩隻好精緻嘅碗仔上面，師傅喺上面撒左少少紫菜碎。馬糞海膽份量超多，鮮甜滑溜，超級高質！拍賣形式即係要拍賣返黎，夠特別！基本上全部壽司都好好味，新鮮高質，而且貴價食材都有唔少！全部壽司飯量都好少，唔會過飽。壽司飯加左豉油，不過無芥末，可以自己隨意再加。跟餐熱烏冬係幼滑嗰款，配上其他爽脆菜絲一齊食，口感好好。湯底係清甜嘅鰹魚湯，另外附上一小盒七味粉俾你自己調味，我就覺得唔洗。午餐包咖啡或者甜品，我地當然要甜品。甜品係一小件朱古力卷蛋。蛋糕軟硬適中，中間嘅朱古力忌廉好香滑。雖然係跟餐甜品，但係都唔係一般貨色。本來都以為未必飽，但係食哂所有野其實都幾飽。座位舒適，裝修環境都唔錯。服務亦快手。雖然價錢唔係平，但係有咁嘅質素同服務環境，都算抵食。平日午餐人流唔少，要預先訂位。…Read More

壽司套餐 • HKD$420套餐一共包左前菜、壽司八貫、甜品前菜有帶子裙邊、醬油漬蓮藕、茶碗蒸壽司來講最驚艷係銀鱈魚壽司🍣🤩口感比較軟身，肉質好滑，而且魚皮燒過好香😋另外活帶子壽司同海膽飯都唔錯，有鮮味👍🏽甜品就係之前好熱門嘅日本卷蛋😂和風套餐 • HKD$340除咗同上面套餐一樣嘅前菜同甜品之外，仲包咗：- 三點刺身- 西京燒- 天婦羅- 五目飯- 麵豉湯刺身黎講最印象深刻係黑鮨鯥～肉身味道較清，但個皮燒到出魚油，浸味會喺個口度徘徊🤤西京燒魚肉好滑，味道偏甜少少，但好味～天婦羅有海老、蕃薯同苦瓜，調味比較鹹，而且苦瓜有d苦😣五目飯有d雞肉粒同紅蘿蔔粒，飯粒充分吸收醬汁🍚…Read More

這家餐廳曾經連續4年奪得米芝蓮推介，實力受到肯定，從門口可見平實低調的設計，格調透過各種小細節來突顯，例如桌上的小毛巾也繡著玄鮨大名，牆上有一大幅梅花壁畫，毫不賣弄豔麗，只憑耐寒堅貞去在寒冬綻放於世間餐廳有一個壽司吧檯，提供約十位客人落座於板前位置欣賞師傅準備食物，經常有2到3位師傅在內握壽司，令食客吃得更開心和安心。今天約了朋友聚舊，所以就選了卡位，倚著梳化享受美食最舒服。 商務版omakase $1288午餐先有呢個套餐，由$988起，師傅會因應食材決定定價，包左兩道前菜、四至五道刺身、一道和食、四至五道壽司、一碗烏冬或飯同甜品前菜：黃金甜薯好軟糯帶香甜既甜薯日本冰菜番茄沙律外表翠綠，好似有一層半透明的結晶體，口感清脆爽口，番茄好甜時令螢光魷魚魷魚體積細小，一咬時會爆膏，慢慢咀嚼會有點黏口感覺，幾有鮮味刺身：金目鯛白肉魚厚切，爽甜新鮮，肉質細膩，肥美又有魚香縞縿其實係深海池魚一種，夏季盛產，肉質爽口又帶點油份，脂肪比例適中天然中拖羅店員話魚是活捉不是網養，所以是天然拖羅，而師傅將筋挑走，美觀同易入口，顏色粉紅，入口即化醬油漬拖羅脂肪分佈好像雪花，魚肉非常軟滑，醬油將拖羅提鮮北海道帶子帶子刺身肉厚味甜，富彈性，冇雪味牡丹蝦蝦顏色艷紅，肉肥且富彈性，蝦頭仲有蝦膏，好甘甜刺身銀雪魚日本直送銀雪魚，一般美洲來貨會整西京燒，豐富的油脂，肉質嫩滑，唔腥和食：蜜汁沖繩煮豬肋骨豬肋骨不費吹灰之力就可以將骨同肉分離，醬汁微甜，其他配菜都非常入味壽司：A5 佐賀和牛上面有片青橘之果凍，食落冇咁膩口，和牛柔軟甘甜海鰻魚肉的嫩滑質感，還帶點油分，不會只有軟腍同醬油味道赤鯥白身魚中既頂級魚，油脂含量豐富，味道鮮美，適合做壽司或者鹽烤煙燻鯖魚鯖魚魚肉實淨，冇腥味，煙燻後還多一份香氣北海道海膽表面呈金黃色，海膽味唔算好濃，但口感豐腴，入口即溶和牛烏冬兩片入口軟嫩和牛配搭烏冬，增添飽腹感甜品：最後食埋抹茶蛋糕、焦糖蛋糕完結今餐廚師發板…Read More

享受級廚師發辦👨‍🍳⚡商務廚師發辦午餐⚡唔捨得夜晚食💰太貴 可以揀食午市今日黎得早 所以可以趁機📸影下環境😛呢到如果包廂的話私隱度都幾高廚師發辦除左食物既質素就連對於食野既次序都好講究 店員除左會簡單介紹每一道菜式仲會建議食野既先後次序🙂——————————————————【前菜】(開胃菜)先來✨螢光魷魚 麵豉青瓜漬物 冰頭積🪄無諗到細細條既螢光魷魚咬落去竟然會爆膏 🤩 口感好好 爽彈得黎又鮮甜 一啖放哂入口 非常滿足😋🪄冰頭積係三文魚頭既骨 咬落似食緊軟骨 有咬口 加左小小酸甜汁 係最後吃的 ——————————————————【刺身】🍱擺盤非常精緻 未食都已經令人心花怒放💯🪄🐟銀雪魚刺身 熟食既銀雪魚就食得多 今次試到刺身款式 💯驚喜加分 店員介紹廚師將魚皮輕輕燒過🔥令魚油更加豐厚 食落更香更滑😋🏅幾款刺身當中最欣賞既一款 真係做到入口即溶既感覺✨🪄🦐牡丹蝦刺身 蝦肉彈牙鮮甜 口感不俗 蝦頭仲有好多蝦膏帶微甘🪄🐠吞拿魚赤身刺身 雖然並唔係最高級既肥拖羅 但係呢份厚身既吞拿魚赤身都好高質 口感順滑 🪄🐚貝類建議放在最後食 赤貝刺身 北寄貝刺身 鮮甜爽口——————————————————【沖繩豚角煮】🐖食完刺身 來一點熟食 解一解下膩呢碟用左沖繩既豚肉煮成既菜式味道甜甜 豚肉肥瘦適中——————————————————【壽司】🍣四款高級壽司拖羅 ✨右口魚 太刀魚 ✨拍賣海膽本身以為刺身食唔到拖羅 之後都應該無 點知好戲在後頭😍🪄有我最鐘意既中拖羅 吃得滿口甘香🥰🪄✨至於全晚焦點就係呢道🏅右口魚壽司 平時食開左口魚 但右口魚入口即融 油脂瞬間爆發🤩油脂甘香而不膩 🪄✨矜貴既海膽係日本拍賣所得既 所以有一定既質素保證——————————————————【魚湯烏冬】🥢🍜最後一碟熟食當然係最常見既稻庭烏冬 口感爽彈魚湯絕不馬虎 魚湯呈奶白色 魚味濃且鮮甜 真材實料 魚湯都俾我地飲哂 😛——————————————————【甜品】🍰日本紅豆綠茶蛋糕 味道唔會過份甜膩 係一個好好既ᴇɴᴅɪɴɢ——————————————————好味指數👅：9/10 性價比💸：8/10 服務💁🏻‍♂️：9/10 …Read More

近排睇得太多omakase，令到我亦很想去試一下，於是的起心肝搵一間好的日本餐廳和朋友過下癮。在眾多選擇下，我在網上看到一間曾連續五年奪得米芝連推介，位於銅鑼灣的「玄鮨」，其lunch 時段的omakase非常抵食，絕對要襯這個優惠時間嚐一下。上到玄脂後，餐廳環境是走日式和西式的fusion感，所以坐得相當舒服。我們安坐後，職員非常有禮向我們介紹餐牌，我們一早已經想好，要試試這裡的omakase！Lunch 時段的商務級omakase 並不昂貴，大概$1100 左右，以玄鮨的級數絕對值得一試。◉ 1. 熱茶日本餐，第一口的熱茶是非常重要。一杯好的熱茶可以先讓你清洗味蕾，暖暖個胃。值得一讚的是，玄脂會每隔兩道菜左右就會更替熱菜，保持茶香，所以茶就不會愈飲愈淡。◉ 2. 前菜（螢光魷魚、冰頭漬）打頭陣的前菜為兩款魚食，分別為螢光魷魚及冰頭漬。螢光魷魚色澤通透，玄鮨用其特製醬油來炮製螢光魷魚，口感極其滑爽，而且咬下去一下爆膏，超鮮甜的魚香味在口中散發，非常醒胃。店長亦教導我們，前菜要先食螢光魷魚，之後再食冰頭漬。冰頭漬為三文魚的頭軟骨，透明狀而似小冰塊，入口非常爽脆，食得出豐富骨膠原的感覺，其酸酸甜甜的味道作為前菜的結尾可以為口腔清新一下。◉ 3. 刺身 （新鮮帶子、金目鯛、縞鰺、赤蝦）前菜過後就到刺身環節。今日有四款刺身，分別是新鮮帶子、金目鯛、縞鰺及赤蝦。帶子刺身食落非常爽口，其爽口的感覺並不是一般帶子那種膠滑感，明顯食得出其分別。金目鯛的油脂比例適中，肉質細膩，食一口便知道其一定擁有豐富的蛋白質。至於縞鰺，縞鰺被稱為深海的池魚皇，在一般的壽司店並不常見。縞鰺的精貴之處在於魚肉鮮嫩肥美，魚油甘香細膩，單是一兩片的縞鰺刺身都能帶出令人齒頰留香的餘味，一試難忘。◉ 4. 熱食（豚角煮）來一碗熱食曖曖胃。玄鮨準備了豚角煮，採用了日本的黑毛豬作食材。從外觀上可見，黑毛豬的肥瘦相當均勻，而入口能夠做到皮爽肉滑，完全不用多加咀嚼。加上，豚角煮的醬油做得甜鹹剛好，完全融入於黑毛豬當中，其豬油及醬汁交融之下令到其味道發揮至極致。其配菜亦是做得相當有心，豚角煮內的蘿蔔煮得極為滑溜，口感完全不像普通蘿蔔那種粗糙感。師傅在熱食的處理手法中並無馬虎，亦能體現出玄鮨和其師傅的功力。◉ 5. 壽司（血引魚、金線雕、右口魚裙邊、海膽）Omakase 準備的壽司都是非常罕見，特別是其魚類的選擇。今日四款魚有三款我都是第一次嘗試，好食得來又可以增長見識。血引魚食落的感覺比起拖羅更佳，油脂感較少，但食落甘甜味更勝拖羅，做到濃而不膩的效果。金線雕，其實是我們香港所說的紅衫魚。用紅衫魚來做壽司真的是第一次試，味道非常鮮甜，魚味十足卻沒有半點腥味，在家常便飯食到的紅衫魚味與在玄鮨食這道金線雕壽司比較，簡直是衝擊了我對紅衫魚的認知。左口魚平時就食得多，比較之外，右口魚油質感固然一流而肉質卻比前者更加滑溜，加上右口魚產量比左口魚少得多，味道和價值上完全勝出。海膽則是非常清新，絲毫苦澀味都食不出，食材絕對上佳。以玄鮨這個級數，壽司用上赤醋飯這個當然是基本吧，不用多講。◉ 6. 熱食（魚湯鳥冬）食完壽司，再來多一道熱食，就是魚湯鳥冬。別以為魚湯鳥冬外表平平無奇，重點是其極其濃郁的魚湯，飲一口實在是回味無窮。即使幾飽都好，這碗魚湯都是絕對不可以浪費的。◉ 7. 日本豆乳抹茶切餅最後一道就以日本切餅作結尾。豆乳抹茶切餅清清的，不會過甜或過膩，以免搶掉剛才的鮮味。玄鮨每一道菜式都處理得非常用心，即使是商務級 Omakase 亦絕不馬虎，足見曾連續五年奪得米芝連推介的雄厚功力。…Read More

素來心知太太喜歡日本料理， 今天決定給他來一個驚喜，帶她來到曾經連續5年拿到米芝蓮的高級日本料理吃Omakase可是卻又怕她說我太花錢，唯有請她放假去吃午市位置：餐廳在銅鑼灣利園旁的開平道Cubus商廈7樓，港鐵站走過去約5到10分鐘，不算特別方便:)但對於常吃高級料理的朋友，開車去則不會太遠環境：商廈出梯後就看到高級日本料理的格局，裝修貴氣，有區分不同的位置供客人足夠的私人空間而兩個大區則設Omakase的服務，能看到師傅一絲不苟地處理食材，更能跟師傅面對面交流餐廳同時設男女及傷健洗手間，非常親民，而洗手間內部裝修像酒店，連貫整體高級路線服務：服務非一般的好，由安排入座、給予極厚身的口罩紙套、倒茶、下單、上菜、收拾到結帳都非常到位，像是有貼心助理一般細心期間我跟太太說想去洗手間，還沒問侍應，他便立即指示洗手間位置，並叮囑小心走路，讓人滿意另外要多誇一下負責我們Omakase的遠師傅，全程細心指導對刺身魚類了解不多的我們，言談間風趣幽默，同時亦顯示出他對餐廳的熱誠及經驗食物：為太太點了壽司套餐，而我則選了份量較多的刺身套餐:)Sashimi Set Lunch (刺身午市套餐-$560)下單後隔即上了的四款前菜：沙律菜 - 清新鮮甜，雖是剛從冰箱拿出來，但吃得出是即日製造的:)鮮帶子 - 非常鮮味，加入海帶再提鮮燉肉漬物 - 開胃而不會太濃，味道不錯茶碗蒸 - 有蟹子金菇秀珍菇的蒸蛋，鮮甜幼滑，值得推薦然後到主菜部分：五目飯 - 一配有點醬油味的飯，是日本家的味道牛蒡 - 是配菜的漬物，煮得有味而不硬麵豉湯 - 充滿櫻花蝦的麵豉湯，比一般的更鮮甜香濃刺身盤 - 有以下八款：北海道厚岸產生蠔 - 不愧是名產地的生蠔，非常厚肉鮮甜，海水味重，令人垂涎欲滴立魚 - 師傅刀功很好，切得很薄的四片刺身，味道較清淡:)海膽 - 鮮甜濃郁，沒有一點苦味鮮帶子 - 厚身鮮甜，口感豐富赤鯥 - 充滿油脂，入口香濃牡丹蝦 - 大隻多肉，鮮味多膏深海池魚 - 鮮味之餘帶點魚鮨香，厚切令人滿足赤身 - 吞拿魚肉質實而厚，卻沒有根Sushi Set Lunch (壽司午市套餐-$480)同樣有上述套餐的前菜，及後到壽司的Omakase部分：金目鯛 - 有日本料理中的高級白魚之稱，肉質肥美亦不腥，蘸上豉油後更能食出細膩肥美的肉質目仁奈 - 比金目鯛濃一點，師傅加上一點薑粒，再提升了魚的鮮味銀鱈魚配醬油昆布漬 - 遠師傅創意之作，銀鱈魚經微燒後入口鮮甜，香味融入米飯之中，而醬油昆布使鱈魚鮮味更濃赤鯥 - 赤鯥是白身魚中最多油脂的，稀有珍貴，遠師傅用火輕燒過，肥美的魚油及香味在口內發放北海道帶子壽司配岩鹽柚子皮 - 用即磨岩鹽和日本柚子皮調味，柚子清新不苦澀，北海道帶子比一般帶子爽口軟滑牡丹蝦壽司配蝦膏醬 - 去殼後的牡丹蝦配上獨特醬汁醃製，酸甜清新及爽口，加上濃郁的蝦膏味道更上一層黑鮑魚配鮑魚肝醬 - 經六小時炆焗的黑鮑魚非常淋，竟有溏心的效果，鮮甜多汁，而鮑魚肝醬經冰糖去苦澀，變得更濃香A5佐賀和牛配青橘子啫喱 - A5佐賀和牛油脂充分，肉質鮮嫩，青橘子啫喱跟和牛融合，口感清新亦完全沒有蓋過和牛的原味藍鯨吞拿魚壽司 - 師傅用上野生藍鯨吞拿魚，魚味濃而不酸，肉質細緻，入口甘香，確是魚中極品海膽手卷 - 手卷內佈滿海膽，而不像坊間飯多於海膽的做法，因此非常鮮甜滿足暖海帶烏冬 - 作為主菜收尾，清淡的烏冬能洗滌之前肉類的油膩感:)綠茶雪糕威化 - 甜品用上手作的綠茶雪糕威化，據稱原材料都來自日本，味道香甜威化香脆總結這次的體驗很不錯，餐廳環境及服務固然非常高級，師傅學識淵博亦細心跟客人交流，讓人除味覺外，身心都得到滿足，難怪餐廳能多年拿到米芝蓮的認可呢…Read More

疫情關係好耐無得飛去日本食刺身，今日就特登book左玄鰭愐懷一下日式美食。🍣🍣前菜有3樣，雞泡魚皮清脆有咬口🐠，蟹膏豆腐有陣蟹膏的咸香味🦀，小魚干就好重醬油味🐟。🔹接著刺身有帶子、鰹魚、金目鯛、嚮螺、鱆紅魚同拖羅。金目鯛上有烏魚籽，帶來2種口慼。帶子爽甜，一食就知好新鮮。拖羅入口即溶，油脂豐富。🤤🔸之後係熒光魷魚🦑，睇落普普通通，點知一咬落口魷魚非常飽滿仲要有膏🤭，一口一隻勁正。🔹煮物係蘿蔔蓉配茄子🍆，茄子索晒醬汁偏咸，但同清甜的蘿蔔蓉一齊食就剛剛好。👍🏻🔸壽司有海膽、鯖魚、北寄貝、牡丹蝦、池魚同拖羅🍣🍣。海膽顏色新鮮，味道濃郁甘甜。拖羅都係赤身，唔重魚脂但一樣入口即融，唔簡單。北寄貝、牡丹蝦都勁厚肉。🦐🔹食完咁多剌身就飲碗湯暖下胃，黑蜆麵豉湯加入芫荽，蜆肉細細粒但係都幾肥美。🥣🔸最後食甜品做點綴，有菠蘿、愛文芒同抹茶雪糕夾餅🍵，雖然唔係日本水果但都非常鮮甜，真係一隻都食得落，不過食omakase都係點到即止最過癮。👍🏻👍🏻👍🏻…Read More

心心念念想食omakase廚師發辦好耐，奈何平時見到嘅日式餐廳價錢都幾貴，味道特別日子又唔捨得用一大筆錢去食omakase，總會有點肉赤。之前聽朋友講試過呢間餐廳嘅午市套餐幾抵食，加上餐廳主打omakase，所以諗住今日嚟試下，當平平地食一餐omakase都唔錯。-Sashimi Lunch $330前菜先有黃蘿蔔漬物、鱆紅魚蘿蔔秋葵湯同一碗麵豉湯。呢碗有8款刺身，有拖羅、赤貝、油甘魚、魷魚、帶子、牡丹蝦、鰹魚等。帶子新鮮嫩口，拖羅肉厚肥美。-Deluxe Chirashi $360跟餐有蓮藕漬物前菜、茶碗蒸，同樣有一碗麵豉湯。呢款係高級版午市套餐，同樣有多款刺身，底層有紫菜飯配漬物。刺身方面會更高級少少，有海膽、三文魚籽、赤蝦、吞拿魚腩、冬菇魷魚、鯖魚等。海膽份量多，味道鮮甜，無咩腥臭味。三文魚籽粒粒彈牙，入口多汁。平時好少食到吞拿魚腩，油脂豐富，食落幾特別。食到飽一飽，最後仲附送甜品，揀咗綠茶雪糕夾心餅。餅皮煙煙韌韌，綠茶雪糕幾香，為午餐完滿作結。…Read More

約了媽咪到銅鑼灣行街，她的朋友介紹我們到這裏食晚飯，在openrice度睇過晚飯價錢都比較貴，所以今次試lunch set先。 入到餐廳環境光線柔和， 店員親切友善， 一坐低已經送上lunch set menu， 我點了兩個餐同媽咪一齊分享，Deluxe Chirashi $360， 三色丼$420。首先店員會送上開胃小食甜甜酸酸的， 味道唔錯。三色丼～ 賣相非常精美， 每粒晶瑩通透的三文魚籽， 鮮甜好味的海膽，鮮滑的吞拿魚蓉， 完全帶出整個飯的不同口感。Deluxe Chirashi～ 滿滿的新鮮刺身， 入口即溶油香四溢的拖羅， 鮮甜的海膽， 肥美的帆立貝， 清甜的牡丹蝦， 鹹香味又濃又正的三文魚籽， 店員果然冇介紹錯啊！蒸蛋～ 細細碗的蒸蛋入面材料豐富，芫茜，白果，雞肉和蜆肉，配上滑溜的蒸蛋， 非常好吃。麵豉湯～ 食了很多刺身之後， 可以飲返碗暖笠笠的麵豉湯，飲完都唔會覺得口乾。蕎麥冷麵～爽口彈牙，啱曬夏天吃，好清新。最後點少得甜品， 套餐可以選擇飲品或甜品， 我喜歡吃雪糕，所以選擇了甜品， 吃過雲呢拿味的三文治雪糕後，好滿足！走的時候見到原來玄鮨已經有幾年攞到米芝蓮推介，怪唔知這裏的食物質素咁好啦！ 今次兩個人埋單大約要八百幾，但我覺得是值得的，因為刺身非常新鮮，套餐的份量很多，今餐就當獎勵下自己啦！…Read More

今天因為工作關係，下班前要來銅鑼灣這邊跑一趟，所以順道來這邊吃晚飯慶祝寶寶前幾天贏了數千元股票錢🤣。正在我還在找餐廳之際，原來寶寶早已挑好在這間米之蓮指南推介的餐廳吃晚飯🥰！慶祝當然要吃好一點，我們各點了個 Omakase set ‘紫' （Murasaki)。前菜 3 款 - 分別是沙甸魚、青瓜蓉配白飯魚、炸銀杏沙甸魚：底部墊上檸檬，面層鋪上洋蔥，完全把沙甸魚的腥味癖走，帶出沙甸魚刺身的鮮味。👍🏻青瓜蓉配白飯魚：綿綿的口感，清新帶酸的味道，開胃又討好☺️。炸銀杏：即白果，半透明黃金色的外表蠻吸引的，表面再洒上少許鹽巴，把銀杏的微苦味中和了，是個很特別的前菜。刺身拼盤刺身拼盤分別有拖羅，鱆紅魚，鰹魚，金目鯛，鰈魚邊，響螺，針魚，全部皆為日本直送。除了普通豉油外，店家還特別附上蒜茸豉油及薑蔥豉油供客人品嚐鰈魚邊及針魚，非常貼心。款款新鮮當然不在話下，每款刺身也有不同的特色和口感，響螺新鮮爽脆，拖羅入口即溶，鱆紅魚及鰹魚肉質厚實富彈性。個人而言，我最喜歡鰈魚邊（是偏白的那兩片），口感不像普通刺身，有點像中式棉花雞😝，但同時有日本魚的鮮味，是個品嚐魚刺身的新體驗！另不得不提店員們的細心服務，那麼多種類的刺身，其實我根本記不住🙈🤣，多得店員的細心講解及提醒，我才可以正確地使用合適的豉油品嚐魚刺身😋，感謝厲害而親切的店員們🙏🏻。是日廚師推介 — 燒白貝很完整體積很大的白貝，口感爽脆彈牙，肥美肉厚，鮮甜多汁，非一般貝殼類海產可比擬！壽司 - 6貫（件）海膽 - 量多且味道鮮甜，真的很甜，是我吃過最甜的海膽😍，上次在日本築地市場吃也吃不到這麼好的，而且保存得非常好，沒有半點放壞了的臭味，並非一般的日本餐廳可比擬。新鮮北寄貝 - 為什麼要註明是新鮮？是因為我們在一般日本餐廳吃到的（紅白色的那種）是已經烹調過的，今天吃的是紫白色的。不過其實也差不多🤣，口感一樣是爽滑彈牙，連紫菜也新鮮容易咬👍🏻。白蝦明太子 - 店員叮囑說，這件壽司不需蘸豉油，直接吃即可。口感黏滑帶鹹香～燒拖羅 - 油脂分布平均，燒得剛好，表面焦香，入口即溶。深海池魚 及 赤鮭 - 肉質厚實，鮮味十足！蜆肉味增湯有三隻蜆，蜆肉同樣爽脆新鮮，味增湯濃香細滑。水果 - 芒果+士多啤梨新鮮的芒果及士多啤梨為完美的晚餐畫上了句號。…Read More

4月的第一日假期，又相約了表姐吃好西。今次揀選了這家位於銅鑼灣的「玄鮨」，來體驗一下高級日本料理。一出電梯門口就已是進入餐廳範圍。原來「玄鮨」自2015年起，便連續3年成為米芝蓮的推介餐廳。去年更再下一城，獲得米芝蓮餐盤餐廳的美譽。如此一說，筆者對這頓午餐更是期待。餐廳環境非常優質，地方寬敞，環境寧靜。店員也服務體貼。前菜是麵豉魷魚，魷魚煮得頗腍。另外還附有一碗茶碗蒸，雞蛋非常滑溜，裡面有冬菇、蜆肉等配料，更有不常見的白果。味噌湯正常味道，入口未算過咸。這個碎切魚生飯有著各式不同的魚肉剌身，色彩豐富，賣相美麗，難怪命名為Deluxe版本！魚生新鮮，其中以拖羅刺身最得筆者歡心：拖羅肉肥美，有著入口即融感覺，一塊下口令人再三回味。其他剌身包括有三文魚子、海膽、鯛魚等，冬菇、螺片都能做到腍身不韌。三色分別是海膽、三文魚子，以及吞拿魚蓉。從色澤上看，海膽十分新鮮，入口鮮甜又毫無腥味。晶瑩通透的三文魚子，咬開後咸香汁液溢出。吞拿魚蓉用來下飯也是一流。如同前一道的Deluxe Chirashi，珍珠米飯都拌有飯素，配上酸姜片，令人越吃越開胃。三色丼還配有一冷蕎麥麵食，另可以選擇烏冬，冷熱食隨食客喜好選擇。最後是餐飲甜品。是日甜品是奶凍，奶凍不算挺身，入口是非常濃烈的牛奶味。今餐過後，非常滿足。米芝蓮食府雖然定價不菲，但也是有原因的，偶爾豪氣一頓，慰勞五臟廟也是可以的。…Read More