Mizuki Japanese Restaurant

又約左個日本料理達人食飯，又真係帶我食日本菜，今次去左灣仔一座穩世大廈食水木日本料理。呢間日本料理同其他唔同，唔係剩係得刺身壽司，佢仲有好多選擇，有串燒，烤肉等等。我又係得等朋友發辦，坐係到等食。先黎前菜，呢個五小碟樣樣都好好食，好有驚喜，由左至右分別係汁煮東風螺（口感彈牙，醬汁入晒螺肉入面，好野味，連個殻都損埋）、甘露黑豆（黑豆用甘露煮過再雪凍，完全係入晒味，好腍同埋好甜👍🏻）、黑松露豆腐（黑松露味好強，加上櫻花蝦，豆腐同埋青瓜片又有一種清新嘅感覺）、枝豆、鮟鱇魚肝（好少食，口感有少少似熟三文魚，但係就再有多d油份同埋魚味更濃）之後又開左枝sake,老闆話呢枝易入口，濃度冇咁高，係sparkling sake,12% 比起傳統真係少好多，入口都唔會好辣好哽，不過我不勝酒力都係飲左1-2杯就唔得喇。 我真係好鍾意食冰菜沙律，呢到d冰菜再新鮮d, 爽脆清新，好多一粒粒"冰"係上面口感好正，可惜咁大碟得上面係冰菜，多d 就更好。本身見到個加州圈，心諗點解要叫，浪費我個肚嘅quota，但係原來佢入面係有牛油果，牛油果味好香濃，成件事即刻變到唔簡單，好食過平時d 加州圈好多好多好多。再黎係燒特大虎蝦，真係好大隻，佢一開四都每件好多肉，做弓外脆內軟，肉汁仲保留到，蝦味亦都好香濃好特出，個蝦頭仲有好多膏，燒左更香濃好味。竟然係日本料理食羊架真係好似第一次😂燒羊架香口，騷味唔算太強烈，有羊肉應有嘅味道但唔會太騷難入口。加上旁邊嘅醬汁，係mustard嘅味道👍🏻👍🏻👍🏻最後就黎我最愛壽司盛合，呑拿魚真係好好味，入口即溶，咬落去油份出晒黎，成口都係油，好味到我真係嗌左出黎。可以我下次淨係叫呑拿魚😂當然其他都好高質素，海膽軍艦香甜濃厚，帶子亦係XXL，巨大又鮮甜。佢個呑拿魚圈好足料，入面都有魚肉，啖啖肉👍🏻又一間值得推介餐廳，價錢合理食物質素亦一流。…Read More

偶然發現呢座不起眼既商業大廈樓上竟然有間評語唔錯既日式餐廳擇日不如撞日 即刻捉埋同事去食 雖然係樓上店 但係食物價錢都拍得住地鋪架令人更期待佢既質素！ 前菜- 有沙律，小魚乾，蒸蛋超愛呢種小魚乾 唔係度度前菜都有 雖然十分想試個極上丼但係最後簡左呢個北海丼飯既份量不算多 但勝在呢個價錢有海膽有帶子有蝦 都算不錯了但帶子都係薄薄兩片 有些少失望～蝦就有蝦膏 反而幾有驚喜 飯配的迷利烏冬店員提我地快點吃 因為怕會林確實 呢個烏冬本身應該真係比較林身 如果可彈牙少少就好～ 最後甜品只有芒果布甸之前見其他食評有水信玄餅架！好失望呀 題外話： 估唔到樓上鋪lunch都有甘多人所以店員收碗速度真係好鬼快呀！…Read More

這是我吃過最豪華的便當！升了五百多點，心情極佳，心情差時，要找點吃的，心情好時，更要找點吃的，男人的浪漫，不一定要吃豆腐火腩飯，吃個便當也可！餐廳在老家的後街，愛其隱蔽，無車馬喧，午市有好幾款便當，當中最吸引我的是這個三層的水木便當，有齊煎炸，魚生，飯等，而沙律，前菜，茶碗蒸，味噌湯，甜品也包在內。先來的雜菜沙律，清新爽脆，微酸的醬汁，令食慾倍增；前菜是一碟醃的小魚，鹹香惹味；而杯子盛著的茶碗蒸，是蒸水蛋，很軟滑，有銀杏，雞肉和松茸在內，製作認真；味噌湯，不太濃烈，合我口味。很期待的主菜來了！用一個很華麗的倒轉金字塔器皿盛著，富觀賞價值，共有三層，最上層擺放了數款刺身，用了一只很骨子的瓷器盛著，油甘魚，紋理清晰，肥美油潤，肉質帶爽，甘甜的味道最吸引；元貝和甜蝦很新鮮，肉質輕爽有彈性，連墊底的海草也吃掉，沒有浪費。同在這一層，也擺放了天婦羅，有炸蝦，茄子，南瓜和冬菇，薄薄的炸漿，輕盈鬆脆，尤其炸南瓜，香甜粉糯，誠是上品。帶著像尋寶般的心情去看等二層，原來是燒鯖魚，以一只藍色繪花鍍金邊瓷碟盛著，將外皮燒至金黃色的鯖魚襯托得更美，鯖魚燒得很香口，肉質仍帶濕潤，入口甜美。最底層是魚生飯，顏色悅目，豔彩繽紛，材料非常豐富，有三文魚粒，鱲魚粒，魷魚粒，三文魚籽，飛魚籽，蛋粒，新鮮蟹柳，青瓜粒，菜苗等，魚生很新鮮，十分滋味，材料的組合有齊鮮，爽，脆，甜的口感，飯也煮得煙韌暖和，大滿足。甜品是絕對不能錯過的，標榜著無人造色素，無添加，紅芋奶凍，幼滑得如絲絨，紅芋味道香濃，甜度不高，實在不可多得。希望持續有好心情，又可到處品嘗美食。…Read More